ᒨᓯᓯ ᓯᕗᓪᓖᑦ 31:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᓱᖕᒪᑦ ᐊᓐᖏᒍᑦᔨᓪᓗᑎᑦ ᕿᒫᕕᑦ, ᐅᐃᕕᕆᓪᓗᖓᓗ, ᐅᕙᓐᓄᑦ ᐅᖃᓚᐅᕋᑎᑦ, ᐊᐅᓪᓚᕐᑎᒐᔭᓚᐅᕐᐸᒋᑦ ᖁᕕᐊᓱᖃᑎᒌᒡᓗᑕ ᐃᓐᖏᕐᓗᑕᓗ ᓂᑦᔭᐅᓯᔭᕐᓗᑕ ᐊᕕᓗᕋᐅᑎᓄᑦ ᓄᖃᕐᑎᓕᖕᓄᓪᓗ.

ᒨᓯᓯ ᓯᕗᓪᓖᑦ 31:27 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 31:26

ᓔᐸᓂᓗ ᐅᖃᕐᐳᖅ ᔧᑯᒧᑦ, “ᓱᖕᒪᑦ ᐅᐃᕕᕆᓚᐅᕐᐱᖔ? ᐸᓃᒃᑲᒡᓗ ᐊᐅᓪᓚᕈᑎᓪᓗᒋᒃ ᐅᓇᑕᕐᑐᓂ ᓵᓚᖃᕐᑐᑐᑦ?

ᒨᓯᓯ ᓯᕗᓪᓖᑦ 31:31

ᔧᑰᑉ ᓔᐸᓂ ᑭᐅᕚ, “ᓯᕘᕋᓚᐅᕋᒪ, ᐃᓱᒪᓪᓗᖓ ᐸᓂᖕᓂᒃ ᐊᕐᓵᑕᐅᓂᐊᕋᓱᒋᓪᓗᖓ ᐅᓇᑕᕐᓂᒃᑯᑦ.

ᒨᓯᓯ ᓯᕗᓪᓖᑦ 4:21

ᑖᑦᓱᒪᓗ ᓄᑲᖓ ᐊᑎᖃᕐᐳᖅ ᔪᐸᐅᓪᒥᒃ; ᑖᓐᓇᓗ ᓯᕗᓕᕆᔭᐅᕗᖅ ᑕᒤᓐᓄᑦ ᓂᓪᓕᐊᔫᓕᒫᓂᒃ ᐊᑐᓲᓄᑦ ᑯᑭᑦᑕᐸᐅᑎᐅᔮᕐᑐᓄᓪᓗ ᕼᐊᕐᐱᓄᑦ ᐱᓐᖑᐊᕐᐸᒃᑐᓄᑦ ᓱᐴᒐᓄᓪᓗ.

ᒨᓯᓯ ᐂᑉᐸᖏᑦ 15:20

ᑕᕝᕙ ᒥᕆᐊᒻ, ᐊᕐᓇᖅ ᒎᑎᒧᑦ ᐅᖃᕐᑎᐅᔪᖅ, ᐂᕉᓂᐅᑉ ᓇᔭᖓ, ᐊᕕᓗᕋᐅᑎᒥᒃ ᑎᒍᓯᓪᓗᓂ; ᐊᕐᓇᓕᒫᓄᑦ ᒪᓕᒃᑕᐅᓪᓗᓂ ᐊᕕᓗᕋᐅᑎᖃᕐᓗᑎᒃ ᑖᓂᓯᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 5:12

ᑯᑭᑦᑕᐸᐅᑎᐅᔭᓂᒃ ᓄᖃᕐᑎᓕᖕᓂᒃ ᕼᐊᕐᐱᓂᒡᓗ ᑯᑭᑦᑕᐸᐅᑎᐅᔭᓂᒃ, ᕿᓚᐅᑎᐅᔭᓂᒡᓗ ᓱᐴᒐᓂᒡᓗ ᕔᓂᓂᒡᓗ ᖁᕕᐊᓲᑎᖃᖃᑦᑕᕐᐳᑦ ᓂᕆᕕᒡᔪᐊᓕᕌᖓᒥᒃ; ᖃᐅᔨᓇᓱᐊᓐᖏᓚᓪᓕ ᐊᑕᓂᐅᑉ ᐱᓇᓱᐊᕐᓯᒪᓂᖓᓂᒃ, ᐃᓱᒪᖃᕋᑎᒡᓗ ᑖᑦᓱᒪ ᐊᒡᒐᖏᑕ ᓴᓇᓯᒪᔭᖏᓐᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 6:27

ᐊᓱᐃᓛᒃ ᒋᑎᐅᓂᐅᑉ ᐱᔨᓂ ᖁᓖᑦ ᐃᓚᒋᓪᓗᒋᑦ ᐊᑕᓂᐅᑉ ᐅᖃᐅᓯᕆᔭᖓᓂᒃ ᐱᓇᓱᐊᕐᐳᖅ; ᑲᑉᐱᐊᓱᒃᑲᒥ ᐃᓚᒥᓂᒃ ᐃᓄᖕᓂᒡᓗ ᓄᓇᓕᖕᓃᑦᑐᓂᒃ ᐅᓪᓗᒃᑯᑦ ᐱᓇᓱᐊᓐᖏᓚᖅ, ᐅᓐᓄᒃᑯᓪᓕ ᐱᓇᓱᐊᓚᐅᕐᐳᖅ.