ᒨᓯᓯ ᓯᕗᓪᓖᑦ 31:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐅᖃᐅᑎᕚᖓᓗ, ‘ᑕᑯᓴᕐᓗᑎᑦ ᑕᑯᓕᕆᑦ, ᐊᖑᓴᓪᓗᐃᑦ ᒎᑦᓰᑦ ᓄᓕᐊᕐᑐᑦ ᒥᖅᑯᖏᑦ ᖁᐱᓴᕈᐊᑦᑑᕗᑦ, ᐅᑭᓕᕆᐊᒃᓗᑎᒡᓗ, ᑕᕐᓴᒐᓛᒃᓗᑎᒡᓗ; ᑕᒪᓐᓇᓗ ᑍᒤᑎᓯᒪᕙᕋ ᑕᑯᓯᒪᒐᒪ ᓔᐸᓂᐅᑉ ᐃᓕᖕᓄᑦ ᖃᓄᐃᓕᐅᕐᓂᖓᓂᒃ.

ᒨᓯᓯ ᓯᕗᓪᓖᑦ 31:12 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 31:10

“ᐆᒪᔪᐃᓪᓗ ᓄᓕᐊᓕᕐᕕᖏᑦ ᓇᓪᓕᐅᑎᓯᒪᓕᕐᑎᓪᓗᒋᑦ ᓯᓐᓇᒃᑑᒪᓂᒃᑯᑦ ᑕᑯᓴᓚᐅᕐᐳᖓ, ᑕᑯᓪᓗᖓᓗ ᒎᑦᓯᐅᑉ ᐊᖑᓴᓪᓗᖓᓂᒃ ᓄᓕᐊᕐᑐᒥᒃ ᖁᐱᓴᕈᐊᑦᑐᒥᒃ ᑕᕐᓴᓕᖕᒥᒃ, ᐅᑭᓕᕆᐊᒃᑐᒥᒡᓗ, ᑕᕐᓴᒐᓛᕐᑐᒥᒡᓗ.

ᒨᓯᓯ ᓯᕗᓪᓖᑦ 31:42

ᓯᕗᓕᕐᒪᓕ ᒎᑎᖓᑕ, ᐂᑉᕋᕼᐋᒻ ᒎᑎᖓᑕ ᐂᓴᑭᐅᓪᓗ ᓯᕘᕋᒋᔭᖓᑕ, ᐃᓚᒋᓚᐅᖏᑉᐸᖓ, ᐊᐅᓪᓚᕐᑎᓯᒪᓕᕋᔭᕐᐸᕐᒪ ᓱᓇᖃᖏᑦᓯᐊᕐᓗᖓ, ᒎᑎᐅᓪᓕ ᓯᕐᓕᕿᓇᕐᑐᒃᑰᕐᓯᒪᓂᒃᑲ ᐊᒃᓱᕈᕐᓗᖓᓗ ᐱᓇᓱᐊᕐᓯᒪᓂᒃᑲ ᑕᑯᓐᓇᕋᒥᒋᑦ, ᑕᕝᕙ ᐅᓐᓄᐊᖅ ᐃᓂᕐᑎᓚᐅᕐᐹᑎᑦ.”

ᐃᓐᖏᕈᑎᑦ 10:14

ᐃᕝᕕᓪᓕ ᑕᐅᑐᒃᐳᑎᑦ, ᑕᑯᓐᓇᕐᐳᑎᓪᓗ ᐊᑲᐅᖏᑦᑐᓂᒃ, ᕿᒃᓵᖕᓂᕐᓂᒡᓗ, ᐊᒡᒐᖕᓄᓪᓗ ᐊᑭᓂᐊᕈᒪᕙᑎᑦ. ᐃᑲᔪᕐᑎᖃᖏᑦᑐᑦ ᐃᓕᖕᓄᑦ ᒪᓂᕗᑦ; ᐃᑲᔪᕐᑎᐅᒐᕕᑦ ᐊᑖᑕᖃᖏᑦᑐᓄᑦ.

ᐃᓐᖏᕈᑎᑦ 12:5

“ᐊᔪᕐᓴᕐᑐᑦ ᐅᖁᒤᒃᓴᕐᑎᑕᐅᖕᒪᑕ, ᐱᒃᓴᖃᖏᑦᑐᓪᓗ ᐊᓂᕐᓴᐅᒥᖕᒪᑕ, ᑕᕝᕙ ᒪᑭᓐᓂᐊᓕᕐᐳᖓ,” ᐊᑕᓂᖅ ᐅᖃᕐᐳᖅ: “ᓴᐳᑎᔪᒪᕙᕋ ᓴᐳᑎᔭᐅᔪᒪᓂᖓ ᒪᓕᒡᓗᒍ.”

ᐃᓐᖏᕈᑎᑦ 139:3

ᑕᑯᓐᓈᕐᐸᕐᒪ ᐱᓱᒃᑎᓪᓗᖓ ᓇᓪᓚᖓᑎᓪᓗᖓᓗ, ᐱᓇᓱᐊᕐᓂᓕᒫᑦᓯᐊᒃᑲ ᖃᐅᔨᒪᕙᑎᑦ.

ᒨᓯᓯ ᐂᑉᐸᖏᑦ 3:7

ᐊᑕᓂᕐᓗ ᐅᖃᕐᐳᖅ, “ᑕᑯᓯᒪᒐᒪ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᐃᓗᖏᕐᓱᕐᓂᖏᑦ ᖃᐅᔨᒪᑦᓯᐊᕐᐸᒃᑲ.

ᒨᓯᓯ ᐂᑉᐸᖏᑦ 3:9

ᐃᓴᕆᐊᓕᒥᐅᑦ ᕿᓄᓂᖏᑦ ᑐᓴᕐᓯᒪᕙᒃᑲ, ᖃᐅᔨᓪᓗᖓᓗ ᐄᑦᔨᑉᑎᒥᐅᑦ ᐊᒃᓱᕈᕐᑎᑦᓯᓂᖏᓐᓂᒃ ᑖᒃᑯᓂᖓ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:8

ᑕᑯᒍᕕᑦ ᐊᔪᕐᓴᕐᑐᒥᒃ ᐅᖁᒤᑎᑕᐅᔪᒥᒃ, ᐊᑦᔨᒌᒃᑎᑦᓯᑦᓯᐊᕐᓂᐅᓪᓗ ᐃᓱᐊᕐᑐᓕᓂᐅᓪᓗ ᐊᑐᕐᑕᐅᖏᓐᓂᖓᓂᒃ ᑲᑉᐱᐊᓇᕐᑐᒃᑯᑦ, ᓄᓇᐅᑉ ᐊᐅᓚᑦᓯᔨᖏᑎᒍᑦ, ᑕᒪᓐᓇ ᑕᑕᒥᓐᓂᐊᕈᑎᒋᓇᒍ; ᐊᖓᔪᖅᑳᖅ ᖃᐅᔨᓴᕐᑎᖃᕐᒪᑦ ᐊᖓᔪᖅᑲᐅᖅᑭᔭᒥᓂᒃ, ᑖᒃᑯᐊᓗ ᐊᖓᔪᖅᑳᖑᖅᑭᔭᖃᕆᓪᓗᑎᒃ.

ᒨᓯᓯ ᐱᖓᔪᖏᑦ 19:13

“ᐃᓅᖃᑎᖕᓂᒃ ᓯᓔᕐᕆᒃᓯᔪᒃᓴᐅᓐᖏᓚᑎᑦ, ᐱᖁᑎᖏᓐᓂᒡᓗ ᑎᒡᓕᒡᕕᒋᔭᒃᓴᕆᓐᖏᓚᑦ ᐃᖅᑲᓁᔭᕐᑎᑕᕐᓂᒃ ᐊᑭᓖᑦᑍᓕᒪᔪᒃᓴᐅᓐᖏᓚᑎᑦ ᖃᐅᑦᓯᐊᕆᑦᑍᓕᓗᒍ ᐊᒡᓛᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:34

ᑕᑯᓯᒪᕗᖓ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᓂᓪᓕᐊᓂᖏᓪᓗ ᑐᓴᕐᐸᒃᑲ, ᒫᓐᓇ ᐊᖅᑲᕐᐳᖓ ᓴᐳᑎᔭᕐᑐᕐᓗᒋᑦ. ᒫᓐᓇ ᕾᓕᕆᑦ, ᐄᑦᔨᑉᑎᒧᑦ ᑎᓕᔪᒪᒐᒃᑭᑦ.’

ᐃᐱᓯᒥᐅᓄᑦ 6:9

ᐊᖓᔪᖅᑳᖑᔪᓯ, ᓂᐅᕕᐊᕆᓯᒪᓪᓗᒋᑦ ᐱᔨᒋᔭᓯ ᑍᒫᑦᓮᓐᓇᕐᑕᐅᖅ ᐱᓂᐊᕐᕕᒋᓯᒋᒃ, ᐃᓕᕋᓇᕐᓵᕐᑍᓕᒋᑦᓯᓗ ᓯᕘᕋᓵᕆᓂᒃᑯᑦ, ᐃᖅᑲᐅᒪᓗᓯ ᑕᒪᑦᓯ ᐊᖓᔪᖅᑳᖃᕋᑦᓯ ᐊᑕᐅᓯᕐᒥᒃ ᕿᓚᖕᒦᑦᑐᒥᒃ, ᑖᑦᓱᒪᓂᓗ ᐃᓄᐃᑦ ᐊᑦᔨᒌᖏᑦᑐᒥᒃ ᐱᓂᐊᕐᕕᐅᓐᖏᓚᑦ.

ᒨᓯᓯ ᑕᓪᓕᒪᖏᑦ 24:15

ᖃᐅᑕᒫᓪᓕ ᓯᕿᓂᖅ ᓂᐱᓚᐅᕐᑎᓐᓇᒍ ᐊᑭᓕᖃᑦᑕᕐᑕᒃᓴᕆᕙᓯ ᐅᓪᓗᒥ ᐱᓇᓱᐊᕐᓂᖓᓄᑦ ᐊᑭᓕᐅᑎᐅᔪᓂᒃ ᐱᔭᕆᐊᖃᕐᒪᒋᑦ, ᓯᕿᓂᖅ ᓂᐱᓚᐅᖏᓐᓂᖓᓂ; ᑮᓇᐅᔭᕐᑖᕆᐊᖃᕐᒪᑦ ᐊᒃᓱᕈᕐᓗᓂᓗ ᐱᓇᓱᐊᕐᒪᑦ ᓂᕆᐅᒃᓱᓂᓗ. ᐊᑭᓕᓐᖏᑐᐊᕈᕕᐅᒃ, ᐊᑕᓂᕐᒧᑦ ᓂᓪᓕᐊᓕᕋᔭᕐᒪᑦ ᐃᓕᑦᓯᓐᓂᒃ ᓂᓪᓕᐊᑦᔪᑎᖃᕐᓗᓂ, ᑍᒤᑉᐸᑦ ᐸᓯᔭᒃᓴᐅᓕᕋᔭᕐᐳᓯ ᐊᔪᕐᑐᓕᓗᓯᓗ ᑕᒪᑐᒧᖓ.