ᒨᓯᓯ ᓯᕗᓪᓖᑦ 30:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᕅᒋᓕᐅᑉ ᔫᓯᐱᒥᒃ ᕿᑐᕐᖓᕐᑖᕐᓂᖓᑕ ᑭᖑᓂᖓᓂ, ᔧᑯ ᐅᖃᓕᕐᐳᖅ ᓔᐸᓂᒧᑦ, “ᐊᐅᓪᓚᕈᓐᓇᕐᑎᓚᐅᓐᖓ, ᓇᖕᒥᓂᖅ ᐊᖏᕐᕋᓐᓄᑦ ᓄᓇᓐᓄᓪᓗ ᐅᑎᕐᓂᐊᕋᒪ.

ᒨᓯᓯ ᓯᕗᓪᓖᑦ 30:25 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 18:33

ᐂᑉᕋᕼᐋᒻᒧᑦ ᐅᖃᓪᓚᒌᕋᒥ, ᐊᑕᓂᖅ ᑕᕝᕙᓐᖓᑦ ᕿᒪᕉᑎᓯᕗᖅ, ᐂᑉᕋᕼᐋᒻᓗ ᐊᖏᕐᕋᒥᓄᑦ ᐅᑎᕐᓗᓂ.

ᒨᓯᓯ ᓯᕗᓪᓖᑦ 24:54

ᑕᕝᕙ ᑖᓐᓇ ᐃᓚᒋᔭᖏᓪᓗ ᐊᖑᑎᑦ ᓂᕆᓕᕐᐳᑦ ᐃᒥᕐᓗᑎᒡᓗ, ᑕᕝᕙᓂᓗ ᓯᓂᒃᑕᕐᐳᑦ ᐅᓐᓄᐊᒥ. ᐅᓪᓛᒃᑯᓪᓕ ᒪᑭᓐᓇᒥᒃ, ᐊᖑᑦ ᐱᔨ ᐅᖃᓕᕐᐳᖅ, “ᐊᖓᔪᖅᑳᓐᓄᑦ ᐊᐅᓪᓚᕈᓐᓇᕐᑎᓕᕐᓯᓐᖓ.”

ᒨᓯᓯ ᓯᕗᓪᓖᑦ 24:56

ᑖᓐᓇᓕ ᐅᖃᕐᐳᖅ, “ᓄᖅᑲᖓᑎᓐᓂᐊᕐᓇᓯᓐᖓ; ᐊᑕᓂᐅᑉ ᐃᖏᕐᕋᓂᕋ ᓈᒻᒪᓈᑦᓯᐊᕐᑎᓯᒪᖕᒪᒍ; ᐊᐅᓪᓚᕐᑎᓕᕐᓯᓐᖓ ᐅᑎᕐᓂᐊᓕᕋᒪ ᐊᖓᔪᖅᑳᓐᓄᑦ.”

ᒨᓯᓯ ᓯᕗᓪᓖᑦ 26:3

ᑕᒫᓂ ᓄᓇᖃᑬᓐᓇᓕᕆᑦ, ᐃᓚᒋᓂᐊᕐᐸᒋᑦ, ᓮᒻᒪᕐᑎᓪᓗᑎᓪᓗ; ᐃᓕᖕᓄᑦ ᑭᖑᕚᕐᓄᓪᓗ ᓄᓁᑦ ᑕᒪᒃᑯᐊ ᑐᓂᔪᒫᕋᒃᑭᑦ, ᐊᖏᕈᑎᒋᓯᒪᔭᕋᓗ ᑲᔪᓯᑎᑦᓱᒫᕐᐸᕋ ᐊᑖᑕᖕᓄᑦ ᐂᑉᕋᕼᐋᒧᑦ ᐅᖃᕕᒍᑎᒋᓚᐅᕐᑕᕋ.

ᒨᓯᓯ ᓯᕗᓪᓖᑦ 28:13

ᐊᑕᓂᕐᓗ ᑕᑯᕚ ᓇᖏᕐᑐᖅ ᖁᓛᓂ ᐅᖃᕐᓗᓂᓗ, “ᐊᑕᓂᐅᕗᖓ, ᓯᕗᓕᕐᐱᑦ ᐂᑉᕋᕼᐋᒻ ᐂᓴᑭᐅᓪᓗ ᒎᑎᖓ; ᑐᓂᓯᕕᒋᓂᐊᕋᒃᑭᑦ ᑭᖑᕚᒃᓴᑎᓪᓗ ᑕᒪᑐᒥᖓ ᓄᓇᒥᒃ ᓇᓚᕝᕕᒋᔭᕐᓂᒃ.

ᒨᓯᓯ ᓯᕗᓪᓖᑦ 28:15

ᑕᑯᒋᓪᓗ ᐃᓚᒌᓐᓇᕐᓂᐊᕐᐸᒋᑦ ᓴᐳᑎᓯᒪᓗᑎᓪᓗ ᓇᒧᑐᐃᓐᓇᖅ ᐂᒐᓗᐊᕈᕕᑦ, ᓄᓇᒧᓪᓗ ᑕᒪᑐᒧᖓ ᐅᑎᕐᑎᑦᓱᒫᕆᕙᒋᑦ; ᕿᒪᖕᓂᐊᓐᖏᓚᒋᑦ ᐅᖃᐅᓯᕆᔭᓕᒫᒃᑲ ᐃᓕᖕᓄᑦ ᐊᑐᓚᐅᖏᓐᓂᖏᓐᓂ.”

ᒨᓯᓯ ᓯᕗᓪᓖᑦ 31:13

ᐅᕙᖓ ᒎᑎᐅᕗᖓ ᐱᑎᓕᒥ, ᑕᕝᕙᓂ ᐅᔭᕋᒃ ᒥᖑᐊᓚᐅᕋᕕᐅᒃ ᓇᐹᕐᑑᑉ ᐅᕐᓱᖓᓂᒃ ᐃᖅᑲᐅᒪᑦᔪᑎᒃᓴᐅᖁᓪᓗᒍ ᑕᕝᕙᓂᓗ ᐅᖃᕕᓚᐅᕐᐳᑎᑦ ᐅᕙᓐᓄᑦ. ᑍᒤᒻᒪᑦ ᐸᕐᓇᓕᕆᑦ ᐅᑎᓕᕐᓗᑎᓪᓗ ᓄᓇᒧᑦ ᐃᓅᕕᒋᓚᐅᕐᑕᕐᓄᑦ.’”

ᒨᓯᓯ ᓯᕗᓪᓖᑦ 31:55

ᖃᐅᑎᓪᓗᒍᓕ ᐅᓪᓛᒻᒪᕆᒃᑯᑦ ᓔᐸᓂᐅᑉ ᐃᕐᖑᑕᓂ ᐸᓂᓂᓗ ᑯᓂᒃᐰᑦ ᓮᒻᒪᕐᑎᓪᓗᒋᓪᓗ; ᑕᕝᕙᓐᖓᓪᓗ ᐊᐅᓪᓚᓯᕗᖅ ᐊᖏᕐᕋᐅᓕᕐᓗᓂ.

ᐄᑉᕈᐃᓄᑦ 11:9

ᐅᒃᐱᕐᓂᑯᑦ ᓄᓇᖃᓚᐅᕐᐳᖅ ᐊᖏᕈᑕᐅᓯᒪᔪᒥ, ᓄᓇᑐᖃᖃᖏᒃᑲᓗᐊᕐᓗᓂ, ᑐᐱᑐᐃᓐᓇᕐᒥ ᐊᖏᕐᕋᖃᕐᓗᓂ ᐂᓴᑭᓗ ᔧᑯᓗ ᑍᒫᒃ ᐱᓚᐅᕆᕘᒃ, ᑖᒃᑯᐊᒃ ᐊᖏᕈᑕᐅᓯᒪᔪᒥᒃ ᑭᖑᕐᖑᑦᔨᖃᑕᐅᔫᒃ.