ᒨᓯᓯ ᓯᕗᓪᓖᑦ 3:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐊᑕᓂᕐᓗ ᒎᑎ ᐅᖃᕐᐳᖅ, “ᑕᑯᒋᑦ, ᐊᖑᒃ ᐅᕙᑦᑎᑐᑦ ᑍᒤᓕᕐᒪᑦ, ᖃᐅᔨᒪᓕᕐᓗᓂᓗ ᐱᐅᔪᒥᒃ ᐱᐅᖏᑦᑐᒥᒡᓗ; ᑎᒍᓯᑐᐃᓐᓇᕆᐊᖃᓕᕐᒪᑦ ᓇᐹᕐᑑᑉ ᐃᓅᓯᖃᕐᓇᕐᑑᑉ ᐸᐅᕐᖓᖓᓂᒃ ᓂᕆᓗᒍᓗ, ᐃᓅᓕᕐᓗᓂᓗ ᐃᓱᖃᖏᑦᑐᒧᑦ.”

ᒨᓯᓯ ᓯᕗᓪᓖᑦ 3:22 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 1:26

ᑕᕝᕙ ᒎᑎ ᐅᖃᕆᕗᖅ, “ᒫᓐᓇᓕ ᐃᓄᖕᒥᒃ ᐊᑦᔨᑦᑎᓐᓂᒃ ᓴᓇᓚᐅᕐᑕ, ᐅᕙᑦᑎᓐᓂᒃ ᐊᑦᔨᖃᐸᓗᖕᓂᐊᕐᑐᓂᒃ; ᐊᖓᔪᖅᑲᐅᓂᐊᕐᑐᓂᒃ ᐃᖃᓗᖕᓄᑦ ᐃᒪᕐᒥᐅᑕᓄᓪᓗ, ᑎᖕᒥᐊᓄᓪᓗ ᖃᖓᑕᕙᒃᑐᓄᑦ, ᐆᒪᔪᓕᒫᓄᓪᓗ ᓄᔪᐊᖏᑦᑐᓄᑦ, ᓄᓇᒦᑦᑐᓕᒫᓄᓪᓗ, ᐹᕐᖑᕐᑐᓄᓪᓗ ᑕᒤᓐᓂᒃ ᓄᓇᒥ ᐹᕐᖑᕐᑐᓕᒫᓄᑦ.”

ᒨᓯᓯ ᓯᕗᓪᓖᑦ 2:9

ᓄᓇᒥᓪᓗ ᐊᑕᓂᖅ ᒎᑎ ᓇᐹᕐᑐᓂᒃ ᑕᒤᓐᓂᒃ ᐱᕈᕐᑎᑦᓯᕗᖅ ᑕᑯᒥᓇᕐᑐᓂᒃ ᓂᕿᒃᓴᐅᑦᓯᐊᕐᑐᓂᒃ, ᐱᕈᕐᓰᕕᐅᓪᓗ ᕿᑎᖓᓃᑦᑐᖃᕆᕗᖅ ᓇᐹᕐᑐᒥᒃ ᐃᓅᓯᖃᕐᓇᕐᑐᒥᒃ, ᓇᐹᕐᑐᖃᕆᓪᓗᓂᓗ ᐱᐅᔪᒥᒃ ᐱᐅᖏᑦᑐᒥᒡᓗ ᖃᐅᔨᒪᓕᕐᓇᕐᑐᒥᒃ.

ᒨᓯᓯ ᓯᕗᓪᓖᑦ 3:21

ᐊᑕᓂᐅᓪᓗ ᒎᑎᐅᑉ ᐊᑕᒥᒃᑯᒃ ᓄᓕᐊᕇᒃ ᐊᓐᓄᕌᓕᐅᕐᐹᒃ ᐆᒪᔫᑉ ᐊᒥᕕᓂᖏᓐᓂᒃ ᐊᓐᓄᕌᕐᑎᓪᓗᒋᒡᓗ ᑖᒃᑯᓂᖓ.

ᒨᓯᓯ ᓯᕗᓪᓖᑦ 3:23

ᑍᒤᒻᒪᑦ ᐊᑕᓂᐅᑉ ᒎᑎᐅᑉ ᐱᕈᕐᓰᕕᖕᒥᑦ ᐄᑕᓂᒥᒃ ᐊᐅᓪᓚᕐᑎᑉᐹᒃ, ᓄᓇᒥᑦ ᓂᕿᒃᓴᓂᒃ ᐱᕈᕐᓰᖁᓪᓗᒍ ᐱᓐᖑᕐᑎᑕᐅᕕᒋᓚᐅᕐᑕᒥᓂᑦ.

ᒨᓯᓯ ᓯᕗᓪᓖᑦ 3:5

ᒎᑎ ᖃᐅᔨᒪᖕᒪᑦ ᑕᕝᕙᓐᖓᑦ ᓂᕆᒍᑦᓯᒃ ᐃᔨᓯᒃ ᐅᐃᓐᓂᐊᕐᒪᑎᒃ, ᒎᑎᑐᑦ ᑍᒤᓕᕐᓗᓯᒃ, ᖃᐅᔨᒪᓕᕐᓗᓯᒃ ᐱᐅᔪᒥᒃ ᐱᐅᖏᑦᑐᒥᒡᓗ.”

ᐃᓐᖏᕈᑎᑦ 22:26

ᐊᔪᕐᓴᕐᑐᑦ ᓂᕆᔪᒫᕐᐳᑦ ᐊᕿᐊᑦᑐᕐᓗᑎᒡᓗ; ᑖᑦᓱᒥᖓᓗ ᕿᓂᕐᑐᑦ, ᐊᑕᓂᖅ ᓂᕐᑐᕈᒫᕐᐹᑦ. ᐆᒻᒪᑎᓯ ᐃᓅᓕᑦ ᐃᓱᖃᖏᑦᑐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:18

ᓇᐹᕐᑑᕗᖅ ᐃᓅᓯᖃᕐᓇᕐᑐᖅ ᑖᒃᑯᓄᖓ ᑖᑦᓱᒥᖓ ᑎᒍᓯᔪᓄᑦ; ᑖᑦᓱᒥᖓ ᑎᒍᒥᐊᕐᑐᑦ ᑍᔭᐅᓕᕐᐳᑦ ᖁᕕᐊᓱᒃᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 22:23

ᓕᐸᓇᓂᒥᐅᑕᐅᔪᓯ ᐃᒡᓗᖃᐅᑦᓯᐊᕐᑐᓯ ᕿᔪᑦᓯᐊᕙᖕᓂᒃ ᓰᑕᕆᓂᑦ ᓴᓇᓯᒪᔪᓂᒃ, ᐅᒡᒐᕐᓱᕈᒫᕐᐳᓯᓕ ᐋᓐᓂᐊᓇᕐᑐᒧᑦ ᑎᑭᑕᐅᓕᕈᑦᓯ, ᐊᕐᓇᑐᑦ ᐃᕐᓂᓱᒃᑐᑎᑐᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:7

“‘ᓯᐅᑎᖃᕐᑑᑉ, ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ. “‘ᓵᓚᖃᕐᑐᑦ ᓂᕆᔪᓐᓇᕐᑎᓐᓂᐊᕐᐸᒃᑲ ᓇᐹᕐᑐᒥᑦ ᐃᓅᓯᖃᕐᓇᕐᑐᒥᒃ ᐱᕈᕐᑐᓕᖕᒥᑦ, ᒎᑎᐅᑉ ᐸᕋᑍᓯᖓᓂ.’”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:14

ᓮᒪᓇᕐᑐᒦᐳᑦ ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᔪᑦ, ᓂᕆᔪᓐᓇᕐᑎᑕᐅᕐᒪᑕ ᓇᐹᕐᑐᒥᑦ ᐆᒪᓐᓇᕐᑐᒥᑦ ᐃᒡᓗᒐᓴᒡᔪᐊᓪᓗ ᐃᑎᕐᑕᕐᕕᖏᑎᒍᑦ ᐃᑎᕈᓐᓇᕐᑎᑕᐅᓂᐊᕐᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:2

ᐃᒡᓗᒐᓴᒡᔪᐊᑦ ᐊᖅᑯᑎᖓᑕ ᕿᑎᖓᒎᖓᔪᒥᒃ; ᑰᒡᓗ ᑕᒪᓐᓇ ᐊᑭᓕᕇᓂᒃ, ᓇᐹᕐᑐᖃᕐᐳᖅ ᐆᒪᓇᕐᑐᓂᒃ, ᐸᐅᕐᖓᖃᕐᑐᓂᒃ ᐊᑦᔨᒌᖏᑦᑐᓂᒃ 12ᓂᒃ, ᑕᖅᑭᑕᒫᑦ ᐸᐅᕐᖓᕐᑖᖃᑦᑕᕐᑐᓂᒃ; ᓇᐹᕐᑐᐃᓪᓗ ᐅᖃᐅᔭᖏᑦ ᐋᖅᑭᒃᑕᐅᑦᔪᑎᒃᓴᐅᕗᑦ ᐃᓅᖃᑎᒌᒡᔪᐊᓄᑦ.