ᒨᓯᓯ ᓯᕗᓪᓖᑦ 3:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐊᑕᓂᐅᓪᓗ ᒎᑎᐅᑉ ᐊᕐᓇᖅ ᐊᐱᕆᕚ, “ᓱᖕᒪᑦ ᑍᒤᓕᐅᓚᐅᕐᐲᑦ?” ᐊᕐᓇ ᐅᖃᕐᐳᖅ, “ᖁᒡᓗᒋᐊᑉ ᓯᓔᕐᕆᖕᒪᖓ, ᓂᕆᓚᐅᕐᐳᖓ.”

ᒨᓯᓯ ᓯᕗᓪᓖᑦ 3:13 ပူးပေါင်းရင်းမြစ်များ

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:3

ᐄᕕ ᖁᒡᓗᒋᐊᒧᑦ ᐱᖏᑦᓯᕐᑐᕐᑐᒧᑦ ᐅᐃᕕᕆᔭᐅᓚᐅᕐᒪᑦ, ᓯᕘᕋᕗᖓᓕ ᐃᓱᒪᓯᑦᑕᐅᖅ ᓴᖑᑎᑕᐅᓂᐊᕋᓱᒋᓪᓗᒋᑦ ᓱᓕᑦᓯᐊᕐᓂᕐᒥᑦ ᐃᒃᐱᒍᓱᒍᓐᓃᕐᑎᑕᐅᓂᕐᒧᑦ ᙭ᔅᑑᓯᒥᒃ.

ᑎᒧᑎᒧᑦ ᓯᕗᓪᓖᑦ 2:14

ᐋᑕᒥ ᐅᐃᕖᕐᕆᔭᐅᖅᑳᓚᐅᓐᖏᓚᖅ, ᐊᕐᓇᕐᓕ ᐅᐃᕖᕐᕆᔭᐅᓚᐅᕐᐳᖅ ᐱᖁᔭᓂᒡᓗ ᓱᕅᓪᓗᓂ.

ᔪᐊᓇᓯᐅᑉ ᐊᒡᓚᖏᑦ 18:35

ᐰᓛᑑᓯᐅᑉ ᑭᐅᕚ, “ᔫᑎᐅᓇᓱᒋᕕᖔ? ᓇᖕᒥᓂᖅ ᐃᓅᖃᑎᖕᓄᑦ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᓐᓄᑦ ᑎᒍᔭᐅᓪᓗᑎᑦ ᐅᕙᓐᓄᐊᕐᑕᐅᕗᑎᑦ; ᖃᓄᐃᓕᐅᓚᐅᕋᕕᑦ?”

ᓴᒧᐃᓕ ᐂᑉᐸᖏᑦ 3:24

ᑕᕝᕙ ᔪᐊᐱ ᐊᖓᔪᖅᑳᕐᔪᐊᒧᐊᕐᐳᖅ ᐅᖃᐅᑎᓪᓗᒍᓗ, “ᖃᓅᖅ ᐱᓇᓱᐊᕐᓂᕐᐲᑦ? ᑕᑯᒋᑦ, ᐋᑉᓅᑉ ᐅᐸᓚᐅᕐᒪᑎᑦ; ᓱᖕᒪᑦ ᖃᓄᐃᓕᓇᒍ ᐊᐅᓪᓚᕐᑎᓚᐅᕐᐱᐅᒃ?

ᒨᓯᓯ ᓯᕗᓪᓖᑦ 44:15

ᔫᓯᐱᐅᑉ ᐅᖃᐅᑎᕔᑦ, “ᖃᓄᐃᒻᒪᑦ ᑍᒤᓕᐅᓚᐅᕐᐱᓰ? ᖃᐅᔨᒪᓐᖏᓚᓰ ᑖᓐᓇ ᐃᒥᐅᑎ ᓇᓗᓇᕐᑐᒥᒃ ᖃᐅᔨᓴᐅᑎᒋᔪᓐᓇᕋᒃᑯ?”

ᓴᒧᐃᓕ ᓯᕗᓪᓖᑦ 13:11

ᓴᒧᐃᓕᓗ ᐅᖃᕐᐳᖅ, “ᖃᓄᐃᓕᐅᕐᑐᐊᓘᓕᕐᐲᑦ?” ᓴᐅᓕᓗ ᑭᐅᕗᖅ, “ᐃᓄᐃᑦ ᐅᕙᓐᓂᒃ ᕿᒤᕙᓪᓕᐊᓕᕐᒪᑕ, ᐅᓪᓗᓂᓗ ᑎᑭᕝᕕᒋᓂᐊᓚᐅᕐᑕᕐᓂ ᑎᑭᓚᐅᖏᓐᓇᕕᑦ ᐅᖃᐅᓯᕆᓚᐅᕐᑕᕐᓂ, ᐱᓕᔅᑍᓂᒥᐅᓪᓗ ᑲᑎᓚᐅᕐᒪᑕ ᒥᒃᒫᔅᒥ,

ᕉᒪᒥᐅᓄᑦ 7:11

ᐊᔪᕐᓂᖅ ᐱᖁᔭᒃᑯᑦ ᐱᕕᒃᓴᒥᓂᒃ ᓇᓂᓯᒐᒥ, ᐅᐃᕕᕆᕚᖓ, ᑖᑦᓱᒨᓇᓗ ᐱᖁᔭᒃᑯᑦ ᑐᖁᑕᐅᓪᓗᖓ.

ᓴᒧᐃᓕ ᓯᕗᓪᓖᑦ 15:15

ᓴᐅᓕ ᐅᖃᕐᐳᖅ, “ᑖᒃᑯᐊ ᐊᒪᓕᑬᑎᓂᑦ ᐱᔭᐅᓯᒪᔪᑦ; ᐃᓄᐃᑦ ᑐᖁᑦᓯᓚᐅᓐᖏᓚᑦ ᐱᐅᓂᕐᐹᓂᒃ ᓰᐱᓂᒃ ᐃᒻᒧᒃᓯᐅᒐᓂᒡᓗ, ᑐᓂᕐᕈᑎᒃᓴᐅᖁᓪᓗᒋᑦ ᐊᑕᓂᕐᒧᑦ ᒎᑎᖕᓄᑦ; ᐊᓯᓕᒫᖏᓪᓕ ᓄᖑᑦᓯᐊᕐᓗᒋᑦ ᐊᓯᕈᓚᐅᕐᐸᕗᑦ.”

ᒨᓯᓯ ᓯᕗᓪᓖᑦ 12:18

ᑕᕝᕙ ᐰᕉᑉ ᐂᑉᕋᒻ ᕾᖁᕚ, ᐊᐱᕆᓪᓗᒍᓗ, “ᐅᕙᓐᓄᑦ ᖃᓄᐃᓕᐅᕋᓱᒃᐲᑦ? ᓱᖕᒪᑦ ᐅᖃᐅᑎᓚᐅᓐᖏᓚᕐᒪ ᑖᓐᓇ ᓄᓕᐊᕆᓂᕋᕐᓗᒍ?

ᒨᓯᓯ ᐱᖓᔪᖏᑦ 12:5

“ᐸᓂᖕᒥᒡᓕ ᓄᑕᕋᕐᑖᕐᐸᑦ, ᐅᓪᓗᓂᒃ 14ᓂᒃ ᓴᓗᒤᑦᑑᓂᐊᕐᐳᖅ, ᓲᕐᓗᑦᑕᐅᖅ ᑕᖅᑭᑕᒫᑦ ᐊᐅᓈᕐᐸᖕᓂᕐᒥᑐᑦ. ᑭᖑᓂᖓᒍᓪᓗ ᐅᑕᖅᑭᔭᕆᐊᖃᕐᐳᖅ ᐅᓪᓗᓂᒃ 66ᓂᒃ ᓴᓗᒻᒪᕐᓴᕐᑕᐅᕕᒃᓴᒥᓂᒃ ᐊᐅᓈᕐᓂᕐᒥᓂᑦ.

ᐊᑕᓃᑦ ᓯᕗᓪᓖᑦ 13:18

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᑐᖃᖓ ᐱᑦᑎᓕᒥᐅᑕᖅ ᐅᖃᓕᕐᐳᖅ ᑖᑦᓱᒧᖓ, “ᐅᕙᖓᑦᑕᐅᖅ ᒎᑎᒧᑦ ᐅᖃᕐᑎᒋᔭᐅᕗᖓ ᐃᕝᕕᑎᑐᑦ, ᐊᑕᓂᖅ ᑎᓕᓯᓯᒪᕗᖅ ᐂᖏᓕᒥᒃ ᐅᖃᐅᑎᔭᐅᖁᓪᓗᑎᑦ ᐊᖏᕐᕋᐅᖃᑎᒋᔭᕆᐊᖃᕋᒃᑭᑦ ᓂᕆᓗᑎᑦ ᐃᒥᕈᓐᓇᖁᓪᓗᑎᑦ.” ᑭᓯᐊᓂ ᑖᓐᓇ ᓴᒡᓗᓪᓗᓂ ᑍᒫᒃ ᐅᖃᕐᐳᖅ.

ᔫᓇᐅᑉ ᐊᒡᓚᖏᑦ 1:10

ᐊᖑᑎᓪᓗ ᑖᒃᑯᐊ ᑲᑉᐱᐊᓱᒃᑐᐊᓘᓪᓗᑎᒃ ᐅᖃᐅᑎᕚᑦ: “ᓱᓇᐅᕙ ᑕᒪᓐᓇ ᐱᓇᓱᐊᕐᑍᑦ?” ᖃᐅᔨᓚᐅᕐᒪᑕ ᔫᓇᐅᑉ ᕿᒫᓇᓱᐊᕐᓂᖓᓂᒃ ᐊᑕᓂᕐᒥᑦ ᐅᖃᐅᑎᓚᐅᕐᒪᒋᑦ.