ᒨᓯᓯ ᓯᕗᓪᓖᑦ 29:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᐊᑕᓂᕐᓕ ᖃᐅᔨᒪᒐᒥ ᓕᐊᑉ ᓇᒡᓕᒋᔭᐅᖏᓐᓂᕐᓴᐅᓂᖓᓂᒃ, ᕿᑐᕐᖓᕐᑖᕈᓐᓇᕐᑎᓚᐅᕐᐹ; ᕅᒋᓕᓕ ᕿᑐᕐᖏᓱᐃᑦᑑᓚᐅᕐᐳᖅ.

ᒨᓯᓯ ᓯᕗᓪᓖᑦ 29:31 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 11:30

ᓴᕅᓕ ᕿᑐᕐᖏᓱᐃᑦᑑᒐᒥ; ᕿᑐᕐᖓᖃᓚᐅᓐᖏᓚᖅ.

ᒨᓯᓯ ᓯᕗᓪᓖᑦ 16:1

ᓴᕅᓕ, ᐂᑉᕋᐅᑉ ᓄᓕᐊᖓ ᕿᑐᕐᖏᓱᐃᑦᑑᒐᒥ ᕿᑐᕐᖓᕐᑖᓚᐅᓐᖏᓚᖅ. ᐄᑦᔨᑉᑎᒥᐅᑕᕐᒥᒡᓕ ᐊᕐᓇᒥᒃ ᐱᔨᖃᓚᐅᕐᐳᖅ ᐂᒡᒐᒥᒃ ᐊᑎᓕᖕᒥᒃ;

ᒨᓯᓯ ᓯᕗᓪᓖᑦ 20:18

ᐊᑕᓂᐅᑉ ᕿᑐᕐᖓᕐᑖᕈᓐᓁᓪᓕᑎᓚᐅᕐᒪᒋᑦ ᐊᐱᒥᓕᑭᐅᑉ ᐃᒡᓗᒥᐅᖃᑎᖏᑦ ᓵᕋ ᐱᓪᓗᒍ, ᐂᑉᕋᕼᐋᒻ ᓄᓕᐊᖓ.

ᒨᓯᓯ ᓯᕗᓪᓖᑦ 25:21

ᐂᓴᑭᓗ ᑐᒃᓯᐊᓚᐅᕐᐳᖅ ᐊᑕᓂᕐᒧᑦ, ᓄᓕᐊᖓ ᕿᑐᕐᖏᓱᐃᑦᑑᖕᒪᑦ; ᑐᒃᓯᐊᕐᓂᖓᓗ ᐊᑕᓂᐅᑉ ᑐᓴᕐᐹ, ᓄᓕᐊᖓᓗ ᕇᐱᑲ ᓄᑕᕋᒃᓴᖃᓕᕐᐳᖅ.

ᒨᓯᓯ ᓯᕗᓪᓖᑦ 27:41

ᐄᓴᐅᓪᓗ ᔧᑯ ᐆᒥᒋᓕᕐᐹ ᓮᒻᒪᕐᑎᑕᐅᓯᒪᓂᖓᓄᑦ ᐊᑖᑕᖓᑕ ᓮᒻᒪᕐᑎᓚᐅᕐᒪᒍ, ᐄᓴᓗ ᓂᐱᖃᕐᓗᓂ ᐃᒻᒥᓄᑦ ᐅᖃᓕᕐᐳᖅ, “ᐊᑖᑕᒪ ᕿᒃᓵᒍᑕᐅᕕᒃᓴᖓ ᖃᒡᓕᖕᒪᑦ; ᑭᖑᕐᖓᒍᑦ ᓄᑲᕋ ᔧᑯ ᑐᖁᓛᓕᕐᐸᕋ.”

ᒨᓯᓯ ᓯᕗᓪᓖᑦ 29:30

ᔧᑰᓪᓗ ᕅᒋᓕ ᐃᓐᓇᖓᖃᑎᒋᒋᕚ, ᓇᒡᓕᒋᓂᕐᓴᕆᕚᓗ ᓕᐊᒥᑦ, ᑭᖑᓂᖓᒍᓪᓗ ᐊᕐᕌᒍᓂᒃ 7ᓂᒃ ᓱᓕ ᐱᔨᑦᓯᓕᓚᐅᕆᕗᖅ ᓔᐸᓂᒥᒃ.

ᒨᓯᓯ ᓯᕗᓪᓖᑦ 29:32

ᓕᐊᓗ ᓯᖎᓕᕐᐳᖅ ᐃᕐᓂᕐᑖᕐᓗᓂᓗ, ᐊᑦᓯᕐᐹᓗ ᕉᐱᓂᒥᒃ; ᐅᖃᕋᒥ, “ᐊᑕᓂᐅᑉ ᐃᓱᒫᓗᖕᓂᓐᓂᒃ ᑕᑯᓐᓇᕐᐹᖓ, ᑕᕝᕙ ᐅᐃᒪ ᓇᒡᓕᒋᓂᐊᓕᕐᐹᖓ.”

ᒨᓯᓯ ᓯᕗᓪᓖᑦ 30:22

ᒎᑎᐅᓪᓗ ᕅᒋᓕ ᐃᖅᑲᐅᒪᒐᒥᐅᒃ; ᑐᒃᓯᐊᕐᓂᖓ ᑭᐅᓪᓗᒍ ᕿᑐᕐᖓᕐᑖᕈᓐᓇᕐᓯᑎᑉᐹ.

ᒨᓯᓯ ᓯᕗᓪᓖᑦ 35:23

ᓕᐊᑉ ᐃᕐᓂᖏᑦ ᐅᑯᐊᖑᕗᑦ; ᕉᐱᓂ (ᔧᑰᑉ ᐃᕐᓂᖏᓐᓂᑦ ᐊᖓᔪᒃᓯᕐᐹᖅ), ᓯᒥᐅᓂ, ᓕᕔ, ᔫᑕ, ᐃᓴᑳᕆ, ᐊᒻᒪ ᓯᐳᓗᓂ.

ᐃᓐᖏᕈᑎᑦ 127:3

ᑕᑯᒋᑦ, ᓄᑕᖅᑲᑦ ᐊᑕᓂᕐᒥᑦ ᑐᓂᕐᕈᓯᐊᖑᕗᑦ, ᐃᒡᓕᐊᓪᓗ ᐱᕈᕐᑎᑕᖓ ᑖᑦᓱᒪᓐᖓᑦ ᓮᒻᒪᕐᑎᑕᐅᑦᔪᑕᐅᕗᖅ.

ᒨᓯᓯ ᐂᑉᐸᖏᑦ 3:7

ᐊᑕᓂᕐᓗ ᐅᖃᕐᐳᖅ, “ᑕᑯᓯᒪᒐᒪ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᐃᓗᖏᕐᓱᕐᓂᖏᑦ ᖃᐅᔨᒪᑦᓯᐊᕐᐸᒃᑲ.

ᒪᓚᑬᑉ ᐊᒡᓚᖏᑦ 1:3

ᐄᓴ ᐆᒥᒋᓪᓗᒍ, ᖃᖅᑲᖁᑎᖓᓗ ᓱᓇᖃᕈᓐᓃᕐᑎᓚᐅᕐᐸᕋ ᑭᖑᕐᖑᑎᔭᒃᓴᖏᓪᓗ ᓱᓇᖃᔪᐃᑦᑐᒥ ᑐᓂᓚᐅᕐᐸᒃᑲ ᕿᒻᒥᖓᔪᓄᑦ.”

ᒫᑎᐅᓯᐅᑉ ᐊᒡᓚᖏᑦ 10:37

“ᓇᓪᓕᐊᑦ ᐊᑖᑕᒥᓂᒃ ᐊᓈᓇᒥᓂᒡᓘᓐᓃᑦ ᐅᕙᓐᓂᑦ ᐅᖓᒋᔭᖃᕐᓂᕐᓴᐅᒃᐸᑦ, ᑖᓐᓇ ᐅᕙᓐᓄᑦ ᐃᓚᒋᔭᐅᔪᓐᓇᓐᖏᓚᖅ; ᓇᓪᓕᐊᓪᓗ ᐃᕐᓂᕐᒥᓂᒃ ᐸᓂᖕᒥᓂᒡᓘᓐᓃᑦ ᐅᕙᓐᓂᑦ ᐅᖓᒋᔭᖃᕐᓂᕐᓴᐅᒃᐸᑦ, ᑖᓐᓇ ᐅᕙᓐᓄᑦ ᐃᓚᒋᔭᐅᔪᓐᓇᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 6:24

“ᐊᖓᔪᖅᑳᖕᓄᑦ ᒪᕐᕉᖕᓄᑦ ᐊᑕᐅᑦᓯᒃᑯᑦ ᐱᔨᑦᓯᕐᑐᖃᕈᓐᓇᓐᖏᓚᖅ; ᐂᑉᐹ ᐆᒥᒋᒐᔭᕐᐹ ᐂᑉᐸᖓᓗ ᓇᒡᓕᒋᓗᒍ; ᐂᑉᐹ ᑲᒪᒋᑦᓯᐊᕋᔭᕐᐹ ᐂᑉᐸᖓᓗ ᓇᕐᕈᒋᓗᒍ. ᑍᒫᒃᑕᐅᖅ ᐊᑕᐅᑦᓯᒃᑯᑦ ᐱᔨᑦᓯᕈᓐᓇᓐᖏᓚᓯ ᒎᑎᒥᒃ ᑮᓇᐅᔭᓂᒡᓗ.

ᓘᑲᓯᐅᑉ ᐊᒡᓚᖏᑦ 1:7

ᕿᑐᕐᖓᖃᓚᐅᓐᖏᓚᒡᓕ, ᐃᓕᓴᐱ ᕿᑐᕐᖏᓱᐃᑦᑑᓚᐅᕐᒪᑦ, ᐅᐃᒌᒃ ᑕᒪᕐᒥᒃ ᐃᓄᑐᖃᐅᓕᓚᐅᕐᐳᒃ.

ᓘᑲᓯᐅᑉ ᐊᒡᓚᖏᑦ 14:26

“ᓇᓪᓕᐊᑦ ᐅᕙᓐᓄᑦ ᕾᔪᖅ ᐅᖓᓂᕐᓴᐅᒃᐸᑦ ᐊᑖᑕᒥᓂᒃ ᐊᓈᓇᒥᓂᒡᓗ, ᓄᓕᐊᒥᓂᒃ ᕿᑐᕐᖓᒥᓂᒡᓗ, ᖃᑕᓐᖑᑎᒥᓂᒃ ᓇᔭᖕᒥᓂᒡᓗ, ᐊᒡᓛᓪᓗ ᐃᒻᒥᓂᒃ, ᑖᓐᓇ ᐃᓕᓐᓂᐊᕐᑎᒋᔪᓐᓇᓐᖏᓚᕋ.

ᔪᐊᓇᓯᐅᑉ ᐊᒡᓚᖏᑦ 12:25

ᐃᓅᓯᕐᒥᓂᒃ ᐊᓐᓂᕈᓱᒃᑐᖅ ᐊᓯᐅᔨᔪᒫᕐᐳᖅ, ᐃᓅᓯᕐᒥᓂᒡᓕ ᐊᓐᓂᕈᓱᖏᑦᑐᖅ ᐅᕙᓂ ᓯᓚᕐᔪᐊᕐᒥ ᐃᓅᓯᕐᒧᑦ ᓄᖑᓱᐃᑦᑐᒧᑦ ᐱᒌᓐᓇᕐᓂᐊᕐᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 7:8

ᒎᑎᐅᑉ ᐊᖏᕈᑎᓂ ᓇᓗᓁᒃᑯᑦᓯᓚᐅᕐᐹ ᑭᐱᔭᐅᓂᕐᒥᒃ. ᑍᒤᒻᒪᑦ ᐂᑉᕋᕼᐋᑉ ᐂᓴᑭ ᐃᕐᓂᕐᑖᕆᒐᒥᐅᒃ, ᐅᓪᓗᐃ ᓯᑕᒪᐅᔪᕐᑐᖓᓐᓂ ᑭᐱᕚ; ᐂᓴᑭᐅᓪᓗ ᔧᑯ ᐃᕐᓂᕐᑖᕆᒐᒥᐅᒃ ᑭᐱᒋᕚ, ᔧᑰᓪᓗ ᐃᕐᓂᓂ ᓯᕗᓕᕆᔭᕗᑦ 12 ᑭᐱᓚᐅᕆᕔᑦ.

ᒨᓯᓯ ᑕᓪᓕᒪᖏᑦ 21:15

“ᐊᖑᓪᓕ ᓄᓕᐊᖃᕐᐸᑦ ᒪᕐᕉᖕᓂᒃ, ᐂᑉᐸᖓ ᐅᖓᒋᓂᕐᓴᕆᓗᒍ ᐂᑉᐸᖓᓗ ᐅᖓᒋᖏᓐᓂᕐᓴᕆᓗᒍ, ᑖᒃᑯᖕᓇᓐᖓᓪᓗ ᐃᕐᓂᕐᑖᕐᓯᒪᒍᓂ ᑕᒪᖏᖕᓂᑦ, ᐅᖓᒋᓂᕐᓴᒥᓂᓪᓗ ᐅᖓᒋᖏᓐᓂᕐᓴᒥᓂᓪᓗ, ᐊᖓᔪᒃᓯᐅᔪᖅ ᐃᕐᓂᕐᑖᖓ ᓇᒡᓕᒋᖏᓐᓂᕐᓴᒥᓂᑦ ᐃᕐᓂᕐᑖᕆᓯᒪᒃᐸᒍ,

ᕉᑎᐅᑉ ᐅᓂᒃᑲᐅᓯᓂᖓ 4:13

ᑕᕝᕙ ᐳᐊᓯᐅᑉ ᕉᑎ ᐊᖏᕐᕋᐅᑎᕚ ᓄᓕᐊᕐᑖᕆᓪᓗᓂᐅᒃ; ᐱᖃᑎᒋᓕᕐᒪᒍᓗ, ᐊᑕᓂᐅᑉ ᓮᒻᒪᕐᑎᐹᒃ ᕉᑎ ᓄᑕᕋᒃᓴᕐᑖᓚᐅᕐᒪᑦ, ᐃᕐᓂᕐᑖᕐᓗᓂᓗ.

ᓴᒧᐃᓕ ᓯᕗᓪᓖᑦ 1:20

ᑕᒪᑐᒪ ᑭᖑᓂᖓᒍᑦ ᕼᐋᓇ ᓄᑕᕋᒃᓴᕐᑖᕐᐳᖅ, ᕿᑐᕐᖓᕐᑖᕐᕕᒃᓴᖓᓗ ᓇᓪᓕᐅᑎᖕᒪᑦ ᐃᕐᓂᕐᑖᕐᐳᖅ, ᐊᑦᓯᕐᐹᓗ ᓴᒧᐃᓕᒥ, ᐅᖃᕐᓗᓂ, “ᐊᑕᓂᖅ ᕿᓄᕕᒋᓚᐅᕋᒃᑯ ᑖᑦᓱᒥᖓ.”

ᓴᒧᐃᓕ ᓯᕗᓪᓖᑦ 1:27

ᑐᒃᓯᐊᕐᕕᒋᓚᐅᕐᐸᕋ ᑖᑦᓱᒥᖓ ᓱᕈᓯᕐᒥᒃ; ᐊᑕᓂᐅᓪᓗ ᑐᓂᓚᐅᕐᐹᖓ ᕿᓄᑦᔪᑎᒋᓚᐅᕐᑕᓐᓂᒃ ᑖᑦᓱᒧᖓ.

ᓴᒧᐃᓕ ᓯᕗᓪᓖᑦ 1:5

ᕼᐋᓇᒧᓪᓕ ᑐᓂᓯᕙᒃᐳᖅ ᐊᑕᐅᓯᕐᓯᐅᑎᒥᒃ, ᓇᒡᓕᒋᒻᒪᕆᒃᑲᓗᐊᕐᓗᒍ ᕼᐋᓇ, ᐊᑕᓂᐅᑉ ᒪᑐᓯᒪᓚᐅᕐᒪᒍ ᐃᒡᓕᐊᖓ.

ᓴᒧᐃᓕ ᓯᕗᓪᓖᑦ 2:21

ᐊᑕᓂᐅᑉ ᓮᒻᒪᕐᑎᓚᐅᕐᐹ ᕼᐋᓇ, ᐃᕐᓂᕐᑖᕐᐳᕐᓗ ᐱᖓᓱᓂᒃ ᐸᓂᒃᑖᕐᓗᓂᓗ ᒪᕐᕉᖕᓂᒃ. ᓱᕈᓯᕐᓕ ᓴᒧᐃᓕ ᐱᕈᕐᐸᓪᓕᐊᓚᐅᕐᐳᖅ ᐱᔨᑦᓯᕐᓗᓂ ᐊᑕᓂᕐᒥᒃ.