11 ᔧᑰᓪᓗ ᕅᒋᓕ ᑯᓂᒃᓗᓂᐅᒃ ᓂᐱᖃᕐᓗᓂ ᕿᐊᓯᕗᖅ.
ᑕᕝᕙ ᐊᑖᑕᖓᑕ ᐂᓴᑭᐅᑉ ᐅᖃᐅᑎᕚ, “ᕾᓗᑎᑦ ᐃᕐᓃᒃ ᑯᓂᓚᐅᓐᖓ.”
ᔧᑰᓪᓗ ᕅᒋᓕ ᑕᑯᒐᒥᐅᑉ ᓔᐸᓂᐅᑉ ᓰᐱᖁᑎᖏᓐᓂᒃ ᑲᒪᒋᔭᓕᒃ, ᐃᒥᕐᑕᕐᕕᖕᒧᐊᕐᐳᖅ ᐅᔭᕌᓗᒡᓗ ᒪᑐᒋᔭᖓ ᐊᒃᓴᑲᕐᑎᓪᓗᒍ ᔧᑰᑉ ᐊᓈᓇᖓᑕ ᐊᓂᖓᑕ ᓔᐸᓂᐅᑉ ᓰᐱᖁᑎᖏᑦ ᐃᒥᕐᑎᑉᐰᑦ.
ᓔᐸᓂᓗ ᐅᔪᕈᒥᓂᒃ ᔧᑯᒥᒃ ᑐᓴᕋᒥ ᐅᓪᓚᒃᓗᓂ ᐸᕐᕆᐊᕐᐹ ᐃᕿᓪᓗᒍᓗ ᑯᓂᒃᐹ, ᐊᖏᕐᕋᒥᓄᐊᖃᑎᒋᓪᓗᒍᓗ. ᔧᑰᓪᓗ ᓔᐸᓂ ᐅᓂᒃᑳᕐᕕᒋᕚ ᖃᓄᐃᓐᓂᕆᓚᐅᕐᑕᓕᒫᒥᓂ.
ᐄᓴᐅᓪᓕ ᐅᓪᓚᒃᓗᓂ ᐸᕐᕆᐊᕐᐹ, ᐃᕿᓪᓗᓂᐅᒡᓗ ᑯᓂᒃᐹ, ᑕᒪᕐᒥᒡᓗ ᕿᐊᓕᕐᓗᑎᒃ.
ᔫᓯᐱᓗ ᑐᐊᕕᕐᓗᓂ ᐊᓂᕗᖅ, ᐆᒻᒪᑎᖓ ᓄᑲᕐᒥᓂᒃ ᓇᒡᓕᒍᓱᓗᐊᕐᓂᑯᖓᓄᑦ, ᕿᐊᕕᒃᓴᕐᓯᐅᓕᕐᐳᕐᓗ. ᓯᓂᒡᕕᖕᒥᓄᓪᓗ ᐃᑎᕋᒥ ᑕᕝᕙᓂ ᕿᐊᕗᖅ.
ᓂᐱᖅᑯᕐᑐᓪᓗᓂᓗ ᕿᐊᓕᕐᐳᖅ, ᐄᑦᔨᑉᑎᒥᐅᓂᑦ ᐊᒡᓛᑦ ᑐᓵᔭᐅᓪᓗᓂ, ᐰᕉᑉ ᐃᒡᓗᒥᐅᖃᑎᖏᓐᓂᓪᓗ ᑐᓵᔭᐅᒋᓪᓗᓂ.
ᒨᓯᓯᐅᓪᓗ ᓴᑭᓂ ᐸᕐᕆᐊᕐᐹ, ᓵᖓᓄᓪᓗ ᐅᑯᓪᓗᓂ, ᒪᑭᓐᓇᒥ ᐃᕿᓪᓗᒍ ᑯᓂᒃᐹ, ᐃᒻᒥᖕᓄᓪᓗ ᖃᓄᐃᖏᒻᒪᖔᕐᒥᖕᓂᒃ ᐊᐱᕐᓱᖃᑦᑕᐅᑎᓚᐅᕐᓗᑎᒃ, ᑐᐱᕐᒧᑦ ᐃᑎᓕᕐᐳᑦ.
ᐊᑕᓂᕐᓗ ᐅᖃᕐᐳᖅ ᐂᕉᓂᒧᑦ, “ᐃᓄᖃᖏᑦᑐᒧᐊᓕᕆᑦ ᒨᓯᓯ ᐸᕐᕆᐊᕐᓗᒍ.” ᑕᕝᕙ ᑖᕗᓐᖓᓕᕐᐳᖅ, ᑲᑎᕚᓗ ᒎᑎᐅᑉ ᖃᖅᑲᖁᑎᖓᓂ, ᑲᑎᒐᒥᐅᒡᓗ ᑯᓂᒃᐹ.
ᑕᕝᕙᐅᕗᑏᖃᑎᒌᒋᑦᓯ ᐅᒃᐱᖃᑎᒌᖕᓂᕐᒥ ᑯᓂᒡᓗᓯ ᐃᑦᔪᕐᓁᑦᑐᒧᑦ. ᙭ᔅᑑᓯᐅᑉ ᐅᒃᐱᕐᑐᖁᑎᓕᒫᖏᑦ ᑕᕝᕙᐅᕗᑏᕐᐳᑦ ᐃᓕᑦᓯᓐᓂᒃ.
