ᒨᓯᓯ ᓯᕗᓪᓖᑦ 28:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᔧᑯ ᐅᓪᓛᕋᕐᔪᒃᑯᑦ ᒪᑭᓐᓇᒥ, ᐅᔭᕋᒃ ᐊᑭᓯᕆᔭᓂ ᐲᕐᓱᒍ ᓇᑉᐸᕐᐹ, ᖄᖓᒍᓪᓗ ᐸᐅᕐᒊᑦ ᐅᕐᓱᖓᓂᒃ ᑯᕝᕕᕆᓪᓗᒍ.

ᒨᓯᓯ ᓯᕗᓪᓖᑦ 28:18 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 21:14

ᖃᐅᑎᓪᓗᒍ ᐅᓪᓛᒻᒪᕆᒃᑯᑦ ᐂᑉᕋᕼᐋᒻ ᒪᑭᑉᐳᖅ, ᐂᒡᒐ ᑐᓂᓯᕕᒋᕚ ᓂᕿᓂᒃ ᑕᖁᐊᒃᓴᖏᓐᓂᒃ ᐊᒥᕐᒥᒡᓗ ᐃᒥᖃᐅᑎᒥᒃ ᑖᒃᑯᓂᖓ ᓇᖕᒪᒃᑎᓪᓗᒍ, ᓱᕈᓯᕐᓗ ᐱᖃᑎᒋᓪᓗᓂᐅᒃ ᑕᕝᕙᓐᖓᑦ ᐊᐅᓪᓚᕐᑎᑉᐹ. ᑕᕝᕙᓐᖓᓪᓗ ᐊᐅᓪᓚᕋᒥᒃ ᐃᖏᕐᕋᓚᐅᕐᐴᒃ ᐃᓄᖃᖏᑦᑐᒥ ᐱᐊᕐᓯᐸᐅᑉ ᐃᓚᖓᓂ.

ᒨᓯᓯ ᓯᕗᓪᓖᑦ 22:3

ᐅᓪᓛᕌᕐᔪᒃᑯᑦ ᖃᐅᑎᓪᓗᒍ ᐂᑉᕋᕼᐋᒻ ᒪᑭᑉᐳᖅ, ᓯᐅᑎᖅᑯᕐᑐᔪᖁᑎᓂᓗ ᓇᖕᒥᕐᓱᕐᓗᒍ, ᐱᔩᖕᓂᓗ ᒪᕐᕉᒃ, ᐃᕐᓂᓂᓗ ᐂᓴᑭ ᓇᒃᓴᕐᓗᒋᑦ, ᕿᔪᖕᓂᒡᓗ ᓇᑲᑎᕆᓪᓗᓂ ᑐᓂᕐᕈᓯᕐᓗᓂ ᐃᑯᐊᓪᓚᖅᑯᑎᒃᓴᒥᓂᒃ, ᐊᐅᓪᓚᕐᐳᑦ ᒎᑎᐅᑉ ᐅᐸᒃᑕᐅᖁᔭᖓᓄᑦ.

ᒨᓯᓯ ᓯᕗᓪᓖᑦ 28:11

ᐃᓂᒃᓴᒧᓪᓗ ᑎᑭᓐᓇᒥ, ᑕᕝᕙᓂ ᓯᓂᒃᑕᕐᐳᖅ, ᓯᕿᓂᖅ ᓂᐱᓯᒪᓕᕐᑎᓪᓗᒍ. ᐅᔭᕋᖕᒥᒃ ᑕᒫᓐᖓᑦ ᐱᓪᓗᓂ, ᐊᑭᓯᓕᐅᑎᓪᓗᒍ ᓇᓪᓚᕐᐳᖅ ᓯᓂᒐᓱᓕᕐᓗᓂ.

ᒨᓯᓯ ᓯᕗᓪᓖᑦ 31:13

ᐅᕙᖓ ᒎᑎᐅᕗᖓ ᐱᑎᓕᒥ, ᑕᕝᕙᓂ ᐅᔭᕋᒃ ᒥᖑᐊᓚᐅᕋᕕᐅᒃ ᓇᐹᕐᑑᑉ ᐅᕐᓱᖓᓂᒃ ᐃᖅᑲᐅᒪᑦᔪᑎᒃᓴᐅᖁᓪᓗᒍ ᑕᕝᕙᓂᓗ ᐅᖃᕕᓚᐅᕐᐳᑎᑦ ᐅᕙᓐᓄᑦ. ᑍᒤᒻᒪᑦ ᐸᕐᓇᓕᕆᑦ ᐅᑎᓕᕐᓗᑎᓪᓗ ᓄᓇᒧᑦ ᐃᓅᕕᒋᓚᐅᕐᑕᕐᓄᑦ.’”

ᒨᓯᓯ ᓯᕗᓪᓖᑦ 31:45

ᑕᕝᕙ ᔧᑯ ᐅᔭᕋᖕᒥᒃ ᓇᑉᐸᕐᓯᕗᖅ ᓇᓗᓁᒃᑯᑕᓕᐅᕐᓗᓂ.

ᒨᓯᓯ ᓯᕗᓪᓖᑦ 35:14

ᔧᑯᓗ ᑕᕝᕙᓂ ᓇᑉᐸᕐᓯᕗᖅ ᐅᖃᓪᓚᒡᕕᐅᕕᖕᒥᓂ, ᐅᔭᕋᖕᒥᒃ ᓇᓗᓁᒃᑯᑕᕐᒥᒃ; ᐃᒥᒃᓴᓕᐊᕆᓯᒪᔪᒥᒡᓗ ᑐᓂᕐᕈᑎᒃᓴᒥᒃ ᑯᕝᕕᕆᕚ, ᓇᐹᕐᑑᓪᓗ ᐅᕐᓱᖓᓂᒃ ᑯᕝᕕᕆᒋᓪᓗᒍ.

ᒨᓯᓯ ᓯᕗᓪᓖᑦ 35:20

ᑕᕝᕙᓂᓗ ᔧᑯ ᐃᖅᑲᐅᒪᑦᔪᑎᒃᓴᒥᒃ ᐃᓗᕕᖓᑕ ᓇᑉᐸᖅᑯᑎᖓᓂᒃ ᓇᑉᐸᕐᓯᕗᖅ, ᐅᓪᓗᒥᒧᓪᓗ ᓱᓕ ᑎᑭᓪᓗᒍ ᑖᓐᓇ ᕅᒋᓕᐅᑉ ᐃᓗᕕᖓᑕ ᓇᑉᐸᖅᑯᑎᒋᕚ.

ᓴᒧᐃᓕ ᐂᑉᐸᖏᑦ 18:18

ᐋᑉᓴᓚᒻ ᐃᓅᓪᓗᓂ ᓇᓗᓁᒃᑯᑕᕐᒥᒃ ᓇᑉᐸᕐᓯᓚᐅᓯᒪᕗᖅ ᐊᖓᔪᖅᑳᕐᔪᐊᑉ ᓇᕐᓴᖁᑎᖓᓂ, ᐅᖃᕐᓗᓂ, “ᐃᕐᓂᖃᖏᓐᓇᒪ ᐊᑎᕐᒪ ᐃᖅᑲᐅᒪᔭᐅᑦᔪᑎᒃᓴᖓᓂᒃ”; ᓇᑉᐸᕐᑎᑕᓂᓗ ᐃᒻᒥᓂᒃ ᐊᑦᓯᓚᐅᕐᐹ, ᐅᓪᓗᒥᒧᑦ ᓱᓕ ᑍᔭᐅᕗᖅ ᐋᑉᓴᓚᐅᑉ ᓇᓗᓁᒃᑯᑕᖓᓂᒃ.

ᐃᓐᖏᕈᑎᑦ 119:60

ᐊᑯᓂᒍᓱᓕᕐᓗᖓ ᑐᐊᕕᓕᕐᐳᖓ, ᐱᖁᔭᑎᑦ ᐅᑕᖅᑭᖏᓪᓗᖓ ᓈᓚᒍᒪᓕᕐᐸᒃᑲ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:10

ᐊᒡᒐᖕᓄᑦ ᓱᓕᐊᒃᓴᒥᒃ ᐱᓯᒪᒍᕕᑦ ᐱᓇᓱᐊᕈᒃ ᐊᒃᓱᕈᕐᓗᑎᑦ, ᓯᕗᓂᕆᔭᕐᓂ ᐃᓗᕕᕐᒥ ᓱᓕᐊᒃᓴᖃᖏᒻᒪᑦ, ᓱᓕᐊᒃᓴᒧᓪᓗ ᐸᕐᓇᖕᓂᖃᕋᓂ, ᖃᐅᔨᒪᓂᕐᑕᖃᕋᓂᓗ, ᓯᓚᑐᓂᕐᑕᖃᕋᓂᓗ.

ᐂᓮᐊᓯᐅᑉ ᐊᒡᓚᖏᑦ 19:19

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐱᑕᖃᓕᕈᒫᕐᐳᖅ ᐊᑕᓂᕐᒧᑦ ᑐᓂᕐᕈᓯᕐᕕᖕᒥᒃ ᐄᑦᔨᑉᑎᒥᐅᑦ ᓄᓇᖓᑕ ᕿᑎᖓᓂ, ᐅᔭᕌᓗᖕᒥᒡᓗ ᓇᐸᔪᒥᒃ ᓴᓇᓯᒪᔪᕐᑕᖃᕐᒥᓗᓂ ᐄᑦᔨᑉᑎᐅᑉ ᓄᓇᖓᑕ ᑭᒡᓕᖓᓂ ᐊᑕᓂᕐᒥᒃ ᐅᐱᒍᓲᑎᒥᒃ.

ᒨᓯᓯ ᓯᑕᒪᖏᑦ 7:1

ᐱᔪᖃᓚᐅᕐᐳᖅ, ᒨᓯᓯᐅᑉ ᑐᐱᕐᔪᐊᖅ ᐋᖅᑭᒃᓱᕇᕋᒥᐅᒃ, ᑐᒃᓯᐊᕐᓂᒃᑯᑦ ᐅᕐᓱᒧᑦ ᒥᖑᐊᕐᐹ, ᑐᒃᓯᐊᕐᓂᒃᑯᑦ ᐊᑑᑎᒃᓴᖓᓄᑦ ᐃᑦᔪᕐᓁᓕᑎᑉᐹ ᐃᓗᓕᓕᒫᖏᓪᓗ, ᑐᓂᕐᕈᓯᕐᕕᒡᓗ, ᓱᓇᓕᒫᖏᓪᓗ ᐊᑐᕐᑕᐅᔪᒃᓮᑦ; ᐅᕐᓱᒧᑦ ᒥᖑᐊᕐᐰᑦ ᑐᒃᓯᐊᕐᓂᒃᑯᓪᓗ ᐃᑦᔪᕐᓁᓕᑎᓪᓗᒋᑦ.

ᔮᓱᐊᑉ ᐊᒡᓚᖏᑦ 4:9

ᔮᓱᐊᓗᑕᐅᖅ ᐃᓕᓯᓚᐅᕆᕗᖅ ᐅᔭᕋᖕᓂᒃ 12ᓂᒃ ᔪᐊᕐᑕᓂᐅᑉ ᑰᖓᑕ ᕿᑎᐊᓄᑦ, ᑐᓂᕐᕈᓯᕐᑎᑦᓯᔩᑦ ᐊᖏᖃᑎᒌᖕᓂᐅᑉ ᐃᒃᓯᕐᕕᖓᓂᒃ ᐊᒡᔭᕐᓯᔪᑦ ᓇᖏᕐᕕᒋᓚᐅᕐᑕᖏᓐᓄᑦ; ᑖᒃᑯᐊᓗ ᐅᓪᓗᒥ ᓱᓕ ᐅᔭᕅᑦ ᑍᑲᓃᑉᐳᑦ.

ᓴᒧᐃᓕ ᓯᕗᓪᓖᑦ 7:12

ᑕᕝᕙ ᓴᒧᐃᓕ ᐅᔭᕋᖕᒥᒃ ᑎᒍᓯᓪᓗᓂ ᐃᓕᕚ ᒥᔅᐸᐅᑉ ᔨᓴᓇᐅᓪᓗ ᐊᑯᓐᓂᖓᓄᑦ, ᐊᑦᓯᕐᐹᓗ ᐃᐱᓂᓯᕆᒥᒃ ᐅᖃᕐᓗᓂ, “ᑕᒪᐅᖓ ᑎᑭᓪᓗᒍ ᐊᑕᓂᐅᑉ ᐃᑲᔪᓚᐅᕐᐹᑎᒍᑦ.”