ᒨᓯᓯ ᓯᕗᓪᓖᑦ 28:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑭᖑᕚᑎᑦ ᓄᓇᒥ ᐳᔪᕋᕐᑎᑐᑦ ᐅᓄᕐᑎᒋᔪᒫᕐᐳᑦ, ᓄᓇᖁᑎᖏᓪᓗ ᐅᖓᓯᒃᑐᓄᑦ ᑎᑭᐅᒪᔪᒫᕐᐳᑦ; ᐸᐅᖓ ᐅᓄᖓᓗ ᓯᑭᓂᐅᑉ ᓄᐃᕕᐊᑕ ᓇᓛᓄᑦ ᓂᐱᕕᐊᑕᓗ ᓇᓛᓄᑦ; ᐃᕝᕕᓪᓗ ᑭᖑᕚᑎᓪᓗ ᐊᖅᑯᑎᒋᓗᒋᑦ ᐃᓅᖃᑎᒋᒡᔪᐊᑦ ᓄᓇᕐᔪᐊᕐᒦᑦᑐᑦ ᓮᒻᒪᕐᑎᑕᐅᔪᒫᕐᐳᑦ.

ᒨᓯᓯ ᓯᕗᓪᓖᑦ 28:14 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 12:3

ᓮᒻᒪᕐᑎᑦᓱᒫᕐᐸᒃᑲ ᐃᓕᖕᓂᒃ ᓮᒻᒪᕐᑎᑦᓯᔪᑦ; ᓇᕐᕈᓇᕐᑎᑦᓯᔪᑦ ᓇᕐᕈᓇᕐᓯᑎᑦᓱᒫᕐᐸᒃᑲ; ᐊᖅᑯᑎᒋᓗᑎᓪᓗ ᐃᓚᒌᓕᒫᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ.”

ᒨᓯᓯ ᓯᕗᓪᓖᑦ 13:14

ᐊᑕᓂᖅ ᐅᖃᕐᐳᖅ ᐂᑉᕋᒻᒧᑦ, ᓘᑎ ᐊᐅᓪᓚᕐᓯᒪᓕᕐᑎᓪᓗᒍ, “ᑕᕝᕙᓐᖓᑦ ᓇᔪᕐᑕᕐᓂᑦ ᐊᕙᒻᒧᑦ ᕿᒥᕐᕈᓚᐅᕆᑦ, ᐅᓐᓄᐊᑉ ᓇᓛᓄᑦ ᐅᓪᓘᓪᓗ ᓇᓛᓄᑦ ᖃᐅᓕᕐᕕᐅᑉ ᓇᓛᓄᑦ ᓂᐱᕕᐅᓪᓗ ᓇᓛᓄᑦ;

ᒨᓯᓯ ᓯᕗᓪᓖᑦ 13:15

ᑕᒪᓐᓇ ᓄᓇ ᑕᑯᔧᑦ ᑕᒪᕐᒥᒃ ᑐᓂᓂᐊᕐᐸᕋ ᐃᓕᖕᓄᑦ ᑭᖑᕚᕐᓄᓪᓗ, ᑕᒪᓐᓇᓗ ᐱᒋᔪᒫᕐᐸᑦ ᐃᓱᖃᖏᑦᑐᒧᑦ.

ᒨᓯᓯ ᓯᕗᓪᓖᑦ 13:16

ᑭᖑᕚᒃᓴᖃᕐᑎᑦᓱᒫᕐᐸᒋᓪᓗ ᐅᓄᕐᑐᕐᔪᐊᕌᓗᖕᓂᒃ ᓄᓇᒥ ᐳᔪᕋᕐᑎᑐᑦ ᐅᓄᕐᑎᒋᔪᓂᒃ; ᓄᓇᐅᑉ ᐳᔪᕋᖏᑦ ᓈᓴᕐᑕᐅᔪᓐᓇᕐᐸᑕ, ᑕᕝᕙ ᑭᖑᕚᒃᓴᑎᑦᑕᐅᖅ ᓈᓴᕐᑕᐅᔪᓐᓇᕋᔭᕆᕗᑦ!

ᒨᓯᓯ ᓯᕗᓪᓖᑦ 18:18

ᖃᐅᔨᒪᒐᒪ ᐂᑉᕋᕼᐋᒻ ᑭᖑᕚᒃᓴᖏᑦ ᐃᓄᒐᓴᒡᔪᐊᓐᖑᕈᒫᕐᒪᑕ ᐱᔪᓐᓇᕐᑐᕐᔪᐊᖑᓗᑎᒡᓗ, ᑖᑦᓱᒨᓇᓗ ᐃᓅᖃᑎᒌᒡᔪᐊᑦ ᓮᒻᒪᕐᑎᑦᓱᒫᕐᐸᒃᑲ.

ᒨᓯᓯ ᓯᕗᓪᓖᑦ 22:17

ᓱᓕᔪᒥᒃ ᓮᒻᒪᕐᑎᑦᓱᒫᕐᐸᒋᑦ, ᑭᖑᕚᒃᓴᑎᑦ ᐅᓄᕐᓯᑎᑦᓱᒫᕐᐸᒃᑲ ᕿᓚᖕᒥ ᐅᓪᓗᕆᐊᑎᑐᑦ ᓯᐅᖅᑲᑎᑐᓪᓗ ᑕᕆᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᓂᒃ. ᑭᖑᕚᑎᓪᓗ ᐊᑭᕋᒥ ᐃᑎᕐᑕᕐᕕᖏᓐᓂᒃ ᐱᓯᒪᔪᒫᕐᐳᑦ.

ᒨᓯᓯ ᓯᕗᓪᓖᑦ 22:18

ᑭᖑᕚᒃᑯᓪᓗ ᐃᓅᖃᑎᒌᒡᔪᐊᓕᒫᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ, ᓂᐱᒐ ᓈᓚᓚᐅᕋᕕᐅᒃ.”

ᒨᓯᓯ ᓯᕗᓪᓖᑦ 26:4

ᑭᖑᕚᑎᑦ ᐅᓄᕐᑐᕐᔪᐊᓐᖑᕐᑎᑦᓱᒫᕐᐸᒃᑲ ᕿᓚᐅᑉ ᐅᓪᓗᕆᐊᖏᑎᑐᑦ, ᑕᒪᒃᑯᐊᓗ ᓄᓇᒋᔭᐅᔪᓕᒫᑦ ᑐᓂᔪᒫᕐᐸᒃᑲ ᑭᖑᕚᕐᓄᑦ; ᑭᖑᕚᑎᓪᓗ ᐊᖅᑯᑎᒋᓗᒋᑦ ᐃᓅᖃᑎᒌᒡᔪᐊᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ;

ᒨᓯᓯ ᓯᕗᓪᓖᑦ 32:12

ᐅᖃᓚᐅᕐᐳᑎᓪᓕ, ‘ᐱᐅᔪᒥᒃ ᐱᓂᐊᕐᕕᒋᓂᐊᕐᐸᒋᑦ, ᑭᖑᕚᒃᓴᑎᓪᓗ ᐃᒪᐅᑉ ᑭᒡᓕᖓᓂ ᓯᐅᕋᕐᑎᑐᑦ ᐅᓄᕐᑎᒋᔪᒫᕐᐳᑦ, ᐃᓄᒋᐊᓗᐊᕐᓂᕐᒧᑦ ᓈᓴᕐᑕᐅᔪᓐᓇᖏᓪᓗᑎᒃ.’”

ᒨᓯᓯ ᓯᕗᓪᓖᑦ 48:16

ᐂᖏᓕᐅᓪᓗ ᓴᐳᑦᔨᔨᒋᓯᒪᔭᒪ ᐱᐅᖏᑦᑐᓂᑦ ᑕᒤᓐᓂᑦ, ᐅᑯᐊᒃ ᐃᓅᓱᒃᑑᒃ ᓮᒻᒪᕐᑎᓪᓕᒋᒃ! ᑖᒃᑯᓇᓂᓗ ᐊᑎᕋ ᑲᔪᓯᑎᑕᐅᓕ, ᓯᕗᓕᕐᒪᓗ ᐂᑉᕋᕼᐋᒻ ᐂᓴᑭᐅᓪᓗ ᐊᑎᖏᒃ; ᐅᓄᕐᓯᕙᓪᓕᐊᑎᒃᑭᑦ ᐃᓄᒐᓴᒡᔪᐊᓐᖑᓕᖁᓪᓗᒋᑦ ᑕᒫᓂ ᓄᓇᒥ.”

ᒨᓯᓯ ᓯᕗᓪᓖᑦ 48:19

ᐊᑖᑕᖓᓕ ᑍᒫᒃ ᐱᔪᒪᓐᖏᓚᖅ, ᐅᖃᕐᓗᓂᓗ, “ᖃᐅᔨᒪᕗᖓ ᐃᕐᓃᒃ, ᖃᐅᔨᒪᕗᖓ; ᑖᑦᓱᒪᓐᖓᑦᑕᐅᖅ ᐃᓄᒋᐊᒃᑐᕐᔪᐊᑦ ᐱᔪᒫᕐᒪᑕ, ᐃᓄᒐᓴᒡᔪᐊᓐᖑᕈᒫᕐᓗᑎᒡᓗ; ᑭᓯᐊᓂᓕ ᐅᓇ ᓄᑲᖓ ᑖᑦᓱᒪᓐᖓᑦ ᐃᓄᒋᐊᖕᓂᕐᓴᐅᔪᒫᕐᐳᖅ, ᑭᖑᕚᖏᓪᓗ ᐃᓅᖃᑎᒌᒡᔪᐊᓐᖑᕈᒫᕐᓗᑎᒃ.”

ᑯᕉᓂᑲ ᐂᑉᐸᖏᑦ 1:9

ᐊᑕᓃᕐᓕ ᒎᑏ, ᐊᖏᕈᑎᒋᓚᐅᕐᑍᑦ ᑍᕕᑎᒧᑦ ᐊᑖᑕᓐᓄᑦ ᑲᔪᓯᑎᓕᕈᒃ, ᐊᖓᔪᖅᑳᕐᔪᐊᓐᖑᕐᑎᓚᐅᕋᕕᓐᖓ ᐃᓄᖕᓄᑦ ᐃᓄᒋᐊᒃᑐᕐᔪᐊᓄᑦ ᐳᔪᕋᕐᑎᑐᑦ ᐅᓄᕐᑎᒋᔪᓄᑦ ᓄᓇᕐᔪᐊᒥ.

ᐃᓐᖏᕈᑎᑦ 72:17

ᑖᑦᓱᒪ ᐊᑎᖓ ᐳᐃᒍᕐᑕᐅᓂᐊᓐᖏᓚᖅ ᐃᓱᖃᖏᑦᑐᒧᑦ; ᐅᐱᒋᔭᐅᔪᒫᕐᐳᕐᓗ ᓯᕿᓂᕐᑐᑦ ᐊᑯᓂᐅᑎᒋᔪᒥᒃ! ᐃᓄᐃᓪᓗ ᓮᒻᒪᕐᑎᑕᐅᔪᒫᕐᐳᑦ ᑖᑦᓱᒧᖓ; ᐃᓅᖃᑎᒌᒡᔪᐊᓕᒫᓪᓗ ᓮᒻᒪᕐᑎᑕᐅᓯᒪᔪᒥᒃ ᑍᔪᒫᕐᐹᑦ.

ᒨᓯᓯ ᐂᑉᐸᖏᑦ 32:13

ᐱᔨᒋᓚᐅᕐᑕᑎᑦ ᐃᖅᑲᐅᒪᓚᐅᒃᑭᑦ, ᐂᑉᕋᕼᐋᒻ, ᐂᓴᑭᓗ, ᔧᑯᓗ, ᑖᒃᑯᓄᖓ ᐊᖏᒻᒪᕆᓚᐅᕋᕕᑦ ᑭᖑᕚᖃᕈᒫᕐᓂᕋᕐᓗᒋᑦ ᐅᓪᓗᕆᐊᑎᑐᑦ ᐅᓄᕐᑎᒋᔪᓂᒃ ᑭᖑᕚᖏᓪᓗ ᓄᓇᒥᒃ ᐊᖏᕈᑎᒋᓯᒪᔭᕐᓂᒃ ᑐᓂᓯᕕᒋᓂᐊᕐᓂᕋᕐᓗᒋᑦ ᓄᓇᒋᓂᐊᕐᑕᖏᓐᓂᒃ ᐃᓱᖃᖏᑦᑐᒧᑦ.”

ᐂᓮᐊᓯᐅᑉ ᐊᒡᓚᖏᑦ 54:3

ᐱᕕᑦᑐᕆᐊᕆᐊᖃᕐᓂᐊᕋᕕᐅᒃ ᓴᐅᒥᒧᑦ ᑕᓕᕐᐱᒧᓪᓗ, ᑭᖑᕚᒃᓴᑎᑦ ᐃᓅᖃᑎᒌᒡᔪᐊᓂᒃ ᓄᓁᕈᑦᔨᔪᒫᕐᒪᑕ ᐃᒡᓗᒐᓴᒡᔪᐊᖃᕐᕕᕕᓂᖏᓐᓂᓗ ᐃᓄᖃᔪᐃᑦᑑᓕᕐᑐᓂᒃ ᐃᒡᓗᒐᓴᒃᑖᕐᑐᕐᓗᓯ.

ᒨᓯᓯ ᓯᑕᒪᖏᑦ 23:10

ᔧᑰᑉ ᐳᔪᕐᓗᒃᑎᑐᑦ ᐅᓄᕐᓂᖏᑦ ᑭᐊ ᓈᓴᕈᓐᓇᕐᐰᑦ, ᐃᓴᕆᐊᓕᒥᐅᑦ ᐊᕝᕙᖏᑕ ᐊᕝᕙᖏᑦ ᑭᐊ ᓈᓴᕈᓐᓇᕐᐰᑦ? ᑐᖁᓛᕐᐳᖓ ᐃᓗᐊᕐᑐᑦ ᑐᖁᑦᔪᓯᖏᑎᑐᑦ, ᑍᒃᑯᐊᑎᑐᑦ ᐃᓱᓕᓐᓂᕋ ᑍᒤᑦᓱᒫᕐᓕ!”

ᒫᑎᐅᓯᐅᑉ ᐊᒡᓚᖏᑦ 8:11

ᖁᓚᕐᓇᖏᑦᑐᒥᒃ ᐅᖃᐅᑎᕙᑦᓯ ᐃᓄᐃᑦ ᐊᒥᓱᑦ ᑎᑭᑦᓱᒫᕐᐳᑦ, ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓂᓪᓗ, ᐃᒃᓯᕙᖃᑎᖃᕆᐊᕐᑐᕐᓗᑎᒃ ᐂᑉᕋᕼᐋᒻᒥᒃ, ᐂᓴᑭᒥᒃ, ᔧᑯᒥᒡᓗ, ᒎᑎᐅᑉ ᐊᑕᓂᐅᕕᖓᓂ ᕿᓚᖕᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 3:25

ᑭᖑᕚᖑᕗᓯ ᓇᓚᐅᑦᑍᔪᑦ ᒎᑎᐅᓪᓗ ᐊᖏᕈᑎᒋᓯᒪᔭᖓᓄᑦ ᓯᕗᓪᓕᕕᓂᑦᓯᓐᓄᑦ ᐃᓚᐅᕗᓯ, ᐂᑉᕋᕼᐋᒻᒧᑦ ᐅᖃᓚᐅᕐᒪᑦ, ‘ᐃᕝᕕᑦ ᑭᖑᕚᖏᑎᒍᑦ ᐃᓄᓕᒫᑦ ᓄᓇᕐᔪᐊᕐᒦᑦᑐᑦ ᓮᒻᒪᕐᑎᑕᐅᔪᒫᕐᐳᑦ.’

ᒐᓔᑎᐊᒥᐅᓄᑦ 3:16

ᑍᒫᒃ ᒎᑎ ᐊᖏᕐᓯᒪᕗᖅ ᐂᑉᕋᕼᐋᒻᒧᑦ ᑭᖑᕚᖓᓄᓪᓗ. ᐅᖃᕐᓯᒪᖏᒻᒪᑦ, “ᑭᖑᕚᖏᓐᓄᑦ,” ᐅᓄᕐᑐᓄᑦ ᑐᑭᖃᕐᓗᓂ; ᑭᓯᐊᓂᓕ ᐅᖃᖔᕐᐳᖅ “ᑭᖑᕚᖓᓄᑦ,” ᐊᑕᐅᓯᕐᒥᒃ ᐅᖃᐅᓯᖃᕐᓗᓂ, ᓇᓗᓇᓐᖏᓚᖅ ᙭ᔅᑑᓯᒥᒃ ᐅᖃᕐᓯᒪᖕᒪᑕ.

ᒐᓔᑎᐊᒥᐅᓄᑦ 3:8

ᐊᒡᓔᑦ, ᓯᕗᓂᒃᓴᒥᒃ ᓇᓗᓁᕐᓯᓚᐅᕐᒪᑕ ᔫᑎᐅᖏᑦᑐᑦ ᒎᑎᐅᑉ ᐸᓯᔭᒃᓴᐅᔪᓐᓃᕐᑎᑦᓱᒫᕐᒪᒋᑦ ᐅᒃᐱᕐᓂᖏᑎᒍᑦ, ᑍᒤᒻᒪᑦ ᐂᑉᕋᕼᐋᒻ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᕐᕕᐅᔭᕇᕐᓂᕐᐳᖅ ᓯᕗᓂᖓᒍᑦ, ᐃᒫᒃ, “ᐃᕝᕕᑦ ᐊᖅᑯᑎᒋᓗᑎᑦ ᐃᓅᖃᑎᒌᒡᔪᐊᓕᒫᑦ ᓮᒻᒪᕐᑎᑕᐅᔪᒫᕐᐳᑦ.”

ᐃᐱᓯᒥᐅᓄᑦ 1:3

ᓂᕐᑐᕐᑕᐅᓕ ᒎᑎ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᙭ᔅᑑᓯᒥ ᐊᓂᕐᓂᒃᑯᑦ ᓮᒻᒪᕐᑎᑕᐅᔪᑕᐅᔪᓐᓇᕐᑐᓂ ᑕᒤᓐᓂᒃ ᐱᑎᓚᐅᕐᐹᑎᒍᑦ, ᕿᓚᖕᒥᐅᑍᑦ ᓇᔪᕐᑕᖏᓐᓂᒃ ᙭ᔅᑑᓯᒥᐅᑕᐅᓂᑦᑎᓐᓄᑦ.

ᒨᓯᓯ ᑕᓪᓕᒪᖏᑦ 12:20

“ᐊᑕᓂᐅᓪᓕ ᒎᑎᑦᓯ ᓄᓇᒋᔭᑦᓯ ᑭᒡᓕᖓ ᐊᖏᒡᓕᒋᐊᕐᑎᑉᐸᒍ, ᑕᒪᓐᓇ ᐃᓕᑦᓯᓐᓄᑦ ᐊᖏᕈᑎᒋᓯᒪᖕᒪᒍ, ᓂᕿᒥᒃ ᓂᕆᔪᒃᓴᐅᕗᓯ ᓂᕆᕕᒋᔪᒪᔭᑦᓯᓐᓂ ᓇᓂᑐᐃᓐᓇᖅ.

ᒨᓯᓯ ᑕᓪᓕᒪᖏᑦ 13:17

ᓇᓪᓕᐊᓐᓂᒡᓘᓐᓃᑦ ᓄᖑᑕᐅᔪᒃᓴᐅᑎᓪᓗᒍ ᓱᒋᐊᕐᑕᐅᖁᔭᐅᔪᒥᒃ ᓇᖕᒥᓂᒃᓴᕆᔪᒪᓗᒍ ᑎᒍᓯᔪᒃᓴᐅᓐᖏᓚᑎᑦ ᐊᑕᓂᖅ ᓂᓐᖓᖕᓂᕐᔪᐊᒥᓂᑦ ᓴᖑᖁᓪᓗᒍ, ᓂᑲᒋᓗᓯᓗ. ᐃᓚᑦᓱᒋᓕᕐᓂᐊᕐᒪᓯ, ᐃᓄᒐᓴᒡᔪᐊᓐᖑᕐᑎᓪᓗᓯᓗ, ᑍᒫᒃ ᐊᖏᕈᑎᖃᕐᓯᒪᖕᒪᑦ ᓯᕗᓕᕕᓂᑦᓯᓐᓄᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:4

ᑐᓴᕐᐳᖓᓗ ᒎᑎᐅᑉ ᓇᕿᑦᔪᑎᖓᓂᒃ ᓇᕿᑦᔪᓯᕐᑕᐅᔪᑦ ᖃᐅᖏᑎᒍᑦ ᐅᓄᕐᓂᖏᓐᓂᒃ, 144,000ᓂᒃ ᐅᓄᕐᓂᖃᕐᐳᑦ, ᐃᓴᕆᐊᓕᒥᐅᑦ ᑭᖑᕚᕇᖏᓐᓂᑦ ᐊᑐᓂᑦ ᐱᓯᒪᔪᑦ 12ᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:9

ᑕᒪᑐᒪ ᑭᖑᕐᖓᒍᑦ ᑕᑯᓕᕆᕗᖓ, ᑕᑯᒋᑦ, ᐃᓄᒋᐊᒃᑐᕐᔪᐊᓂᒃ ᑭᓇᒧᓪᓘᓐᓃᑦ ᓈᓴᕐᑕᐅᔪᓐᓇᖏᑦᑐᓂᒃ, ᐃᓅᖃᑎᒌᒡᔪᐊᓂᑦ ᐊᑦᔨᒌᖏᑦᑐᓂᑦ ᐱᓯᒪᔪᓂᒃ, ᑭᖑᕚᕇᓕᒫᓂᑦ ᓄᓇᖃᑎᒌᒡᔪᐊᓂᑦ ᐅᖃᐅᓯᖃᖃᑎᒌᖏᑦᑐᓂᓪᓗ, ᐃᒃᓯᕙᐅᑕᕐᔪᐊᑉ ᓄᕐᕋᐅᔭᐅᓪᓗ ᓵᖓᓂ ᓇᖏᕐᐳᑦ, ᐊᓐᓄᕌᕐᓯᒪᔪᑦ ᖃᑯᕐᑕᓂᒃ ᑕᑭᔪᓂᒃ, ᑎᒍᒥᐊᕐᓗᑎᒃ ᓇᐹᕐᑐᐃᑦ ᐊᕙᓚᖓᔪᖏᓐᓂᒃ ᐹᒥᓂᒃ.