ᒨᓯᓯ ᓯᕗᓪᓖᑦ 28:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐊᑕᓂᕐᓗ ᑕᑯᕚ ᓇᖏᕐᑐᖅ ᖁᓛᓂ ᐅᖃᕐᓗᓂᓗ, “ᐊᑕᓂᐅᕗᖓ, ᓯᕗᓕᕐᐱᑦ ᐂᑉᕋᕼᐋᒻ ᐂᓴᑭᐅᓪᓗ ᒎᑎᖓ; ᑐᓂᓯᕕᒋᓂᐊᕋᒃᑭᑦ ᑭᖑᕚᒃᓴᑎᓪᓗ ᑕᒪᑐᒥᖓ ᓄᓇᒥᒃ ᓇᓚᕝᕕᒋᔭᕐᓂᒃ.

ᒨᓯᓯ ᓯᕗᓪᓖᑦ 28:13 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 12:7

ᐊᑕᓂᐅᓪᓗ ᐂᑉᕋᒻ ᓴᖅᑭᕝᕕᒋᒐᒥᐅᒃ ᐅᖃᐅᑎᕚ, “ᓄᓇ ᑕᒪᓐᓇ ᑭᖑᕚᒃᓴᕐᓄᑦ ᓄᓇᑖᖑᑎᑦᓱᒫᕐᑕᕋ.” ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ, ᓴᖅᑭᕝᕕᐅᓚᐅᕐᓂᕐᒥᓄᑦ.

ᒨᓯᓯ ᓯᕗᓪᓖᑦ 13:15

ᑕᒪᓐᓇ ᓄᓇ ᑕᑯᔧᑦ ᑕᒪᕐᒥᒃ ᑐᓂᓂᐊᕐᐸᕋ ᐃᓕᖕᓄᑦ ᑭᖑᕚᕐᓄᓪᓗ, ᑕᒪᓐᓇᓗ ᐱᒋᔪᒫᕐᐸᑦ ᐃᓱᖃᖏᑦᑐᒧᑦ.

ᒨᓯᓯ ᓯᕗᓪᓖᑦ 13:17

ᒫᓐᓇᓕ, ᒪᑭᓪᓗᑎᑦ ᐃᖏᕐᕋᓕᕆᑦ ᓄᓇᐅᑉ ᑕᑭᓂᖓ ᐃᓱᓕᓪᓗᒍ ᓯᓕᖕᓂᖓᓗ ᐃᓱᓕᓪᓗᒍ, ᑕᒪᓐᓇ ᑕᒪᕐᒥᒃ ᐃᓕᖕᓄᑦ ᑐᓂᓂᐊᕋᒃᑯ.”

ᒨᓯᓯ ᓯᕗᓪᓖᑦ 15:1

ᑕᒪᑐᒪᓗ ᑭᖑᓂᖓᒎᓕᕐᑐᖅ ᐊᑕᓂᐅᑉ ᐅᖃᐅᓯᖓ ᐂᑉᕋᒻᒧᑦ ᑎᑭᑉᐳᖅ ᑕᑯᑎᑕᐅᓂᒃᑯᑦ, ᐅᖃᕐᓗᓂ, “ᑲᑉᐱᐊᓱᖕᓇᒃ ᐂᑉᕋᒻ ᓴᐴᓗᑕᕆᕙᕐᒪ; ᐊᑭᓕᕐᑕᐅᓃᑦ ᐊᖏᔪᕐᔪᐊᖑᔪᒫᕐᐳᖅ.”

ᒨᓯᓯ ᓯᕗᓪᓖᑦ 15:18

ᑕᕝᕙ ᐊᑕᓂᖅ ᐅᓪᓗᒥ ᑕᕝᕙᓂ ᐂᑉᕋᒻᒥᒃ ᐊᖏᖃᑎᒌᒍᑎᓕᐅᕐᐳᖅ. ᐅᖃᕐᓗᓂ, “ᑭᖑᕚᕐᓄᑦ ᑕᒪᓐᓇ ᓄᓇ ᑐᓂᕙᕋ, ᐄᑦᔨᑉᑎᐅᑉ ᓄᓇᖓᑕ ᑭᒡᓕᖓᓂᑦ ᐱᒋᐊᕐᓗᒍ ᑰᒡᔪᐊᕌᓗᒃ, ᐃᕗᕅᑎᐅᑉ ᑰᖓ ᑎᑭᓪᓗᒍ,

ᒨᓯᓯ ᓯᕗᓪᓖᑦ 26:24

ᑕᒪᑐᒪᓂᓗ ᐅᓐᓄᐊᒥ ᐊᑕᓂᖅ ᓴᖅᑭᑉᐳᖅ ᑖᑦᓱᒧᖓ ᐅᖃᕐᓗᓂᓗ, “ᐊᑖᑕᕕᑦ ᐂᑉᕋᕼᐋᒻ ᒎᑎᒋᕚᖓ; ᑲᑉᐱᐊᓱᖕᓂᐊᕐᓇᒃ, ᐃᓚᒋᕙᒋᑦ ᓮᒻᒪᕐᑎᓐᓂᐊᕐᐸᒋᓪᓗ ᑭᖑᕚᑎᓪᓗ ᐅᓄᕐᓯᑎᑦᓱᒫᕐᐸᒃᑲ ᐱᔨᒐ ᐂᑉᕋᕼᐋᒻ ᐱᑦᔪᑎᒋᓪᓗᒍ.”

ᒨᓯᓯ ᓯᕗᓪᓖᑦ 26:3

ᑕᒫᓂ ᓄᓇᖃᑬᓐᓇᓕᕆᑦ, ᐃᓚᒋᓂᐊᕐᐸᒋᑦ, ᓮᒻᒪᕐᑎᓪᓗᑎᓪᓗ; ᐃᓕᖕᓄᑦ ᑭᖑᕚᕐᓄᓪᓗ ᓄᓁᑦ ᑕᒪᒃᑯᐊ ᑐᓂᔪᒫᕋᒃᑭᑦ, ᐊᖏᕈᑎᒋᓯᒪᔭᕋᓗ ᑲᔪᓯᑎᑦᓱᒫᕐᐸᕋ ᐊᑖᑕᖕᓄᑦ ᐂᑉᕋᕼᐋᒧᑦ ᐅᖃᕕᒍᑎᒋᓚᐅᕐᑕᕋ.

ᒨᓯᓯ ᓯᕗᓪᓖᑦ 28:4

ᑖᑦᓱᒪ ᑐᓂᓯᕕᒋᓕᑎᑦ ᑭᖑᕚᑎᓪᓗ ᐂᑉᕋᕼᐋᒻ ᓮᒻᒪᕐᑎᑕᐅᑦᔪᑎᖏᓐᓂᒃ, ᓄᓇ ᑕᒪᓐᓇ ᐱᑕᕆᓂᐊᕋᕕᐅᒃ ᓂᐅᕐᕈᐊᖑᕕᒋᔧᑦ ᒎᑎᐅᑉ ᑐᓂᓚᐅᕐᑕᖓ ᐂᑉᕋᕼᐋᒧᑦ.”

ᒨᓯᓯ ᓯᕗᓪᓖᑦ 31:13

ᐅᕙᖓ ᒎᑎᐅᕗᖓ ᐱᑎᓕᒥ, ᑕᕝᕙᓂ ᐅᔭᕋᒃ ᒥᖑᐊᓚᐅᕋᕕᐅᒃ ᓇᐹᕐᑑᑉ ᐅᕐᓱᖓᓂᒃ ᐃᖅᑲᐅᒪᑦᔪᑎᒃᓴᐅᖁᓪᓗᒍ ᑕᕝᕙᓂᓗ ᐅᖃᕕᓚᐅᕐᐳᑎᑦ ᐅᕙᓐᓄᑦ. ᑍᒤᒻᒪᑦ ᐸᕐᓇᓕᕆᑦ ᐅᑎᓕᕐᓗᑎᓪᓗ ᓄᓇᒧᑦ ᐃᓅᕕᒋᓚᐅᕐᑕᕐᓄᑦ.’”

ᒨᓯᓯ ᓯᕗᓪᓖᑦ 31:42

ᓯᕗᓕᕐᒪᓕ ᒎᑎᖓᑕ, ᐂᑉᕋᕼᐋᒻ ᒎᑎᖓᑕ ᐂᓴᑭᐅᓪᓗ ᓯᕘᕋᒋᔭᖓᑕ, ᐃᓚᒋᓚᐅᖏᑉᐸᖓ, ᐊᐅᓪᓚᕐᑎᓯᒪᓕᕋᔭᕐᐸᕐᒪ ᓱᓇᖃᖏᑦᓯᐊᕐᓗᖓ, ᒎᑎᐅᓪᓕ ᓯᕐᓕᕿᓇᕐᑐᒃᑰᕐᓯᒪᓂᒃᑲ ᐊᒃᓱᕈᕐᓗᖓᓗ ᐱᓇᓱᐊᕐᓯᒪᓂᒃᑲ ᑕᑯᓐᓇᕋᒥᒋᑦ, ᑕᕝᕙ ᐅᓐᓄᐊᖅ ᐃᓂᕐᑎᓚᐅᕐᐹᑎᑦ.”

ᒨᓯᓯ ᓯᕗᓪᓖᑦ 31:5

ᐅᖃᐅᑎᓪᓗᒋᒡᓗ, “ᖃᐅᔨᒪᓕᕋᒪ ᐊᑖᑕᓯᒃ ᐅᕙᓐᓄᑦ ᓯᕗᓂᖓᒍᑦ ᐱᑦᓯᐊᕐᓂᕆᓚᐅᕐᑕᒥᑐᑦ ᑍᒤᑦᑐᓐᓃᕐᓂᖓᓂᒃ; ᐊᑖᑕᒪᓕ ᒎᑎᖓᑕ ᐃᓚᒋᕚᖓ.

ᒨᓯᓯ ᓯᕗᓪᓖᑦ 31:53

ᐂᑉᕋᕼᐋᒻ ᒎᑎᖓ ᓇᕼᐅᕆᐅᓪᓗ ᒎᑎᖓ, ᐊᑖᑕᕕᓂᖏᑕᓗ ᒎᑎᖓ, ᐅᕙᑦᑎᓐᓂᒃ ᖃᐅᔨᓴᕐᑎᐅᓂᐊᕐᐳᖅ ᑕᒪᑐᒥᖓ.” ᑕᕝᕙ ᔧᑯ ᐊᖏᒻᒪᕆᒃᐳᖅ ᐊᑖᑕᖓᑕ ᐂᓴᑭᐅᑉ ᒎᑎᖓᑕ ᐊᑎᖓᓂ.

ᒨᓯᓯ ᓯᕗᓪᓖᑦ 32:10

ᓂᑲᒋᔭᒃᓴᐅᖏᒃᑲᓗᐊᕐᑎᓪᓗᖓ ᐱᑦᓯᐊᕐᕕᒋᓯᒪᒐᕕᖓ ᓇᒡᓕᖕᓂᕐᓄᑦ ᓱᖁᓯᔪᐃᑦᑐᒧᑦ, ᑲᔪᓯᑦᓮᓐᓇᕐᓂᕐᓂᒃ ᐱᔩᑦ ᑕᑯᑎᓯᒪᒐᕕᐅᒃ, ᑰᒃ ᔪᐊᕐᑕᓂ ᐃᑳᓚᐅᕐᓯᒪᕙᕋ ᐊᔭᐅᑉᐱᐊᓕᔭᑐᐃᓐᓇᕐᓗᖓ, ᒫᓐᓇᓕ ᐅᑎᓕᕐᐳᖓ ᒪᕐᕈᐃᓕᖓᔪᓂᒃ ᐃᓚᖃᓕᕐᓗᖓ.

ᒨᓯᓯ ᓯᕗᓪᓖᑦ 32:9

ᑕᕝᕙ ᔧᑯ ᑐᒃᓯᐊᕐᐳᖅ, “ᐊᑖᑕᒪ ᐂᑉᕋᕼᐋᒻ ᒎᑎᖓ ᐊᑖᑕᒪᓗ ᐂᓴᑭᐅᑉ ᒎᑎᖓ, ᐊᑕᓃᖅ, ᐅᖃᐅᑎᓚᐅᕋᕕᖓ, ‘ᓄᓇᑐᖃᓐᓄᑦ ᐅᑎᕆᑦ ᐃᓚᖕᓄᑦ, ᐱᐅᔪᒥᒡᓗ ᐱᓂᐊᕐᕕᒋᓂᐊᕐᐸᒋᑦ.’

ᒨᓯᓯ ᓯᕗᓪᓖᑦ 35:1

ᒎᑎ ᔧᑯᒧᑦ ᐅᖃᕐᐳᖅ, “ᒪᑭᓪᓗᑎᑦ, ᐱᑎᓕᒧᑦ ᐂᓕᕆᑦ, ᑍᑲᓂᓗ ᓄᓇᑖᕐᓗᑎᑦ; ᑕᕝᕙᓂᓗ ᑐᓂᕐᕈᓯᕐᕕᓕᐅᕐᓗᑎᑦ ᒎᑎᒧᑦ ᐃᓕᖕᓄᑦ ᓴᖅᑭᓚᐅᕐᑐᒧᑦ ᕿᒫᑎᓪᓗᑎᑦ ᐊᖓᔪᖕᓂᑦ ᐄᓴᒥᑦ.”

ᒨᓯᓯ ᓯᕗᓪᓖᑦ 35:12

ᓄᓇ ᑐᓂᓚᐅᕐᑕᕋ ᐂᑉᕋᕼᐋᒻᒧᑦ ᐂᓴᑭᒧᓪᓗ ᑐᓂᓂᐊᕆᕙᕋ ᐃᓕᖕᓄᑦ, ᑭᖑᕚᒃᓴᕐᓄᓪᓗᑦᑕᐅᖅ ᑐᓂᔪᒫᕆᕙᕋ ᑭᖑᓂᕐᓂ.”

ᒨᓯᓯ ᓯᕗᓪᓖᑦ 35:15

ᑖᓐᓇᓗ ᔧᑰᑉ ᐊᑎᖃᕐᑎᑉᐹ ᐱᑎᓕᒥᒃ ᑕᕝᕙᓂ ᒎᑎᐅᑉ ᐅᖃᕐᕕᒋᓚᐅᕐᒪᒍ.

ᒨᓯᓯ ᓯᕗᓪᓖᑦ 35:17

ᐃᕐᓂᓱᒃᓗᓂᓕ ᐋᓐᓂᐊᕐᓂᖓᑕ ᐱᓗᐊᕐᓂᖓᓂ, ᐃᕐᓂᓱᒃᓰᔨᐅᑉ ᐅᖃᐅᑎᕚ, “ᑲᑉᐱᐊᓱᖏᓪᓗᑎᑦ ᐃᕐᓂᕐᑖᒃᑲᓐᓂᓕᕋᕕᑦ.”

ᒨᓯᓯ ᓯᕗᓪᓖᑦ 46:3

ᑕᕝᕙ ᐅᖃᕐᐳᖅ, “ᒎᑎᐅᕗᖓ, ᐊᑖᑕᕕᑦ ᒎᑎᒋᕚᖓ; ᓯᕘᕋᓂᐊᕐᓇᒃ ᑕᐅᓄᖓ ᐄᑦᔨᑉᑎᒧᐊᕆᐊᒃᓴᖅ, ᑕᕝᕙᓂ ᐃᓅᖃᑎᒌᒡᔪᐊᓐᖑᕐᑎᓐᓂᐊᕋᒃᑭᑦ.

ᒨᓯᓯ ᓯᕗᓪᓖᑦ 48:3

ᔧᑰᓪᓗ ᔫᓯᐱ ᐅᖃᐅᑎᕚ, “ᒎᑎ ᐊᔪᒐᖃᖏᑦᑐᖅ ᐅᕙᓐᓄᑦ ᓴᖅᑭᓚᐅᕐᒪᑦ ᓄᓇᒥ ᓚᔾᒥ ᑬᓇᓂᐅᑉ ᓄᓇᖓᓂ ᓮᒻᒪᕐᑎᓚᐅᕐᐹᖓᓗ,

ᑯᕉᓂᑲ ᓯᕗᓪᓖᑦ 16:16

ᐊᖏᖃᑎᒌᒍᑎᒋᓚᐅᕐᑕᓂ ᐂᑉᕋᕼᐋᒧᑦ, ᐅᖃᕕᒃᓗᓂ ᐊᖏᕈᑎᒋᓚᐅᕐᐹ ᐂᓴᑭᒧᑦ,

ᑯᕉᓂᑲ ᓯᕗᓪᓖᑦ 16:18

ᐅᖃᐅᑎᓪᓗᒍ, “ᐃᓕᖕᓄᑦ ᓄᓇ ᑬᓇᓂ ᑐᓂᓂᐊᕐᐸᕋ, ᑭᖑᕐᖑᑎᔭᒃᓴᕐᓄᑦ ᐱᑖᕆᔭᕆᐊᖃᕐᓯᒪᒐᕕᐅᒃ.”

ᐃᓐᖏᕈᑎᑦ 105:11

ᐅᖃᐅᑎᓪᓗᒍ, “ᐃᓕᖕᓄᑦ ᓄᓇ ᑬᓇᓂ ᑐᓂᓂᐊᕐᐸᕋ ᑭᖑᕐᖑᑎᔭᒃᓴᕐᓄᑦ ᐱᑖᕆᔭᕆᐊᖃᕐᓯᒪᒐᕕᐅᒃ.”

ᒨᓯᓯ ᐂᑉᐸᖏᑦ 2:24

ᓂᓪᓕᐊᓂᖓᑦ ᐃᓖᔭᕆᔭᐅᓂᕐᒧᑦ ᒎᑎᐅᑉ ᑐᓴᕋᒥᐅᑉ ᐊᖏᖃᑎᒌᒍᑎᒋᓚᐅᕐᑕᓂ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ ᐃᖅᑲᕐᐹ.

ᒨᓯᓯ ᐂᑉᐸᖏᑦ 3:6

ᓯᕗᓕᑦᓯ ᒎᑎᒋᕚᖓ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᒋᕚᖓ.” ᒨᓯᓯᐅᑉ ᑮᓇᓂ ᒪᑐᕚ ᒎᑎᒥᒃ ᑕᐅᑐᒋᐊᒃᓴᖅ ᓯᕘᕋᒐᒥ.

ᒨᓯᓯ ᐂᑉᐸᖏᑦ 4:5

ᑕᕝᕙ ᐊᑕᓂᖅ ᐅᖃᕐᐳᖅ, “ᑕᒪᓐᓇ ᐱᑦᔪᑎᒋᓗᒍ ᐅᒃᐱᕈᓱᓕᕈᒫᕐᐳᑦ ᐊᑕᓂᕐᒥᒃ, ᓯᕗᓕᕕᓂᖏᑦᑕ ᒎᑎᖓᑕ, ᐂᑉᕋᕼᐋᒻ, ᐂᓴᑭᐅᓪᓗ, ᔧᑰᓪᓗ ᒎᑎᖓᑕ, ᑖᑦᓱᒪ ᓴᖅᑭᕝᕕᒋᓚᐅᕐᒪᑎᑦ.”

ᒨᓯᓯ ᐂᑉᐸᖏᑦ 6:4

ᑖᒃᑯᓄᖓᓗ ᐊᖏᕈᑎᖃᓚᐅᕐᐳᖓ, ᓄᓇᒥᒃ ᑬᓇᓂᒥᒃ ᑐᓂᓯᕕᒋᔪᒪᓪᓗᒋᑦ, ᑕᒪᑐᒥᖓ ᓄᓇᒥᒃ ᓂᐅᕐᕈᐊᖑᓪᓗᑎᒃ ᓇᔪᓚᐅᕐᑕᖓᓐᓂᒃ.

ᒨᓯᓯ ᐂᑉᐸᖏᑦ 6:7

ᐃᓄᖁᑎᑖᕆᓂᐊᕐᐸᑦᓯᓗ, ᐃᓕᑦᓯᓐᓄᓪᓗ ᒎᑎᒋᔭᐅᓂᐊᕐᐳᖓ; ᖃᐅᔨᓕᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᒋᔭᓯ, ᐊᐅᓪᓚᕐᑎᑦᓯᔨᒋᓚᐅᕐᑕᓯ ᐄᑦᔨᑉᑎᒥᐅᑦ ᐅᖁᒤᒃᓴᕐᑎᑦᓯᓂᖏᓐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 28:25

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᐅᑉ ᑭᖑᕚᖏᑦ ᑲᑎᕐᓱᓕᕈᒃᑭᑦ ᐃᓄᖕᓂᑦ ᓯᐊᒻᒪᕐᑎᑕᐅᕕᖏᓐᓂᑦ, ᐃᑦᔪᕐᓁᓐᓂᕋᓗ ᑖᒃᑯᑎᒎᓇᖅ ᓴᖅᑭᑎᓕᕈᒃᑯ ᐃᓅᖃᑎᒌᒡᔪᐊᓄᑦ, ᑕᕝᕙ ᐃᓴᕆᐊᓕᒥᐅᑦ ᓇᖕᒥᓂᖅ ᓄᓇᒥᖕᓂ ᓄᓇᖃᓕᕈᒫᕐᐳᑦ ᐱᔨᓐᓄᑦ ᔧᑯᒧᑦ ᑐᓂᓚᐅᕐᑕᓐᓂ.

ᐂᒨᓯᐅᑉ ᐊᒡᓚᖏᑦ 7:7

ᐃᒫᒃ ᑕᑯᑎᓚᐅᕐᐹᖓ: ᑕᑯᒋᑦ, ᐊᑕᓂᖅ ᓇᖏᓚᐅᕐᐳᖅ ᐊᕙᓗᕐᔪᐊᑉ ᓴᓂᐊᓂ ᓇᐸᑦᓯᐊᕐᒪᖔᑦ ᖃᐅᔨᓴᐅᑎᒧᑦ ᓴᓇᔭᐅᓯᒪᔪᒥ, ᑎᒍᒥᐊᕐᓗᓂᓗ ᓇᐸᑦᓯᐊᕐᒪᖔᑦ ᖃᐅᔨᓴᐅᑎᒥᒃ.

ᒫᑎᐅᓯᐅᑉ ᐊᒡᓚᖏᑦ 22:32

‘ᐅᕙᖓ ᐂᑉᕋᕼᐋᒻ ᒎᑎᖓ, ᐂᓴᑭᐅᓪᓗ ᒎᑎᖓ, ᔧᑰᓪᓗ ᒎᑎᖓ,’ ᑐᖁᖓᔪᓪᓕ ᒎᑎᒋᓐᖏᓛᑦ, ᐃᓅᔪᓪᓕ ᑭᓯᒥ.”

ᐋᐴᓯᑕᓖᑦ ᐱᓂᐊᕐᓂᖏᑦ 7:5

ᒎᑎᐅᑉ ᐂᑉᕋᕼᐋᒻ ᓄᓇᒥᒃ ᓇᖕᒥᓂᕐᑖᕐᑎᓚᐅᓐᖏᓛ ᒥᑭᔪᒥᒡᓘᓐᓃᑦ, ᒎᑎᐅᑉ ᐊᖏᕐᕕᒋᓚᐅᕐᐹ ᑕᒪᑐᒥᖓ ᓄᓇᒥᒃ ᑭᖑᕚᒃᓴᖏᓪᓗ ᓇᖕᒥᓂᖃᖁᓪᓗᒋᑦ, ᑍᑦᓱᒪᓂ ᑕᒪᑐᒥᖓ ᐊᖏᕐᕕᐅᑎᓪᓗᒍ ᐂᑉᕋᕼᐋᒻ ᕿᑐᕐᖓᖃᓚᐅᓐᖏᓚᖅ.

ᒨᓯᓯ ᑕᓪᓕᒪᖏᑦ 1:8

ᑕᒪᓐᓇᓕᒫᖅ ᑕᕝᕙ ᓄᓇ ᐅᕙᖓ ᐊᑕᓂᐅᔪᖓ, ᑐᓂᓂᐊᕐᓂᕋᕐᓗᒍ ᐊᖏᕈᑎᒋᓯᒪᔭᕋ ᓯᕗᓕᕕᓂᑦᓯᓐᓄᑦ, ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ, ᑭᖑᕚᓕᒫᖏᓐᓄᓪᓗ, ᑍᒤᒻᒪᑦ ᑕᒪᐅᖓ ᓄᓇᒧᑦ ᐂᓕᕆᑦᓯ ᓄᓇᑖᕆᓗᒍᓗ.”

ᒨᓯᓯ ᑕᓪᓕᒪᖏᑦ 34:4

ᑕᕝᕙ ᐊᑕᓂᐅᑉ ᐅᖃᐅᑎᕚ, “ᑕᒪᓐᓇ ᑕᕝᕙ ᓄᓇ ᐅᖃᕕᒃᓗᖓ ᐊᖏᕈᑎᒋᓚᐅᕐᑕᕋ ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ, ᐅᖃᐅᑎᓪᓗᒋᑦ, ‘ᑭᖑᕚᕐᓄᑦ ᑕᒪᓐᓇ ᑐᓂᔪᒫᕐᐸᕋ.’ ᐃᓕᖕᓄᑦ ᑕᑯᔭᐅᑎᑉᐸᕋ, ᑕᒪᐅᖓᓕ ᓄᓇᒧᑦ ᐃᑎᕐᓂᐊᓐᖏᓚᑎᑦ.”

ᒨᓯᓯ ᑕᓪᓕᒪᖏᑦ 9:5

ᐱᐅᔫᓂᓯᓕ ᐋᖅᑭᑦᓯᐊᕐᓯᒪᓂᓯᓗ ᐱᑦᔪᑎᒋᓇᒋᑦ ᐊᑕᓂᐅᑉ ᒎᑎᑦᓯ ᑖᒃᑯᐊ ᓄᓇᖏᓐᓂᒃ ᓄᓇᑖᕐᑎᓯᒪᓐᖏᓛᓯ. ᐃᓅᖃᑎᒌᒡᔪᐊᓪᓕ ᓄᓇᖏᓐᓂᑦ ᐊᓂᑎᓐᓂᐊᕐᐰᑦ ᐱᐅᖏᑦᑐᓕᓂᖏᑦ ᐱᑦᔪᑎᒋᓪᓗᒋᑦ ᐊᖏᕈᑎᒋᓯᒪᔭᓂᓗ ᓯᕗᓕᕕᓂᑦᓯᓐᓄᑦ ᐱᑦᔪᑎᒋᓪᓗᒍ, ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ.

ᐄᑉᕈᐃᓄᑦ 11:16

ᓄᓇᒥᒡᓕ ᐱᐅᓂᕐᓴᒥᒃ ᐅᐸᒍᒪᔭᖃᓚᐅᕋᒥᒃ, ᑕᕝᕙ ᕿᓚᖕᒦᑦᑐᒥᒃ. ᑍᒤᒻᒪᑦ ᒎᑎᐅᑉ ᑲᓐᖑᓲᑎᒋᓚᐅᓐᖏᓛ, ᐋᖅᑭᒃᓱᐃᓯᒪᒐᒥ ᐃᒡᓗᒐᓴᒡᔪᐊᒃᓴᖏᓐᓂᒃ.