ᒨᓯᓯ ᓯᕗᓪᓖᑦ 27:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᐃᓅᖃᑎᒌᒡᔪᐊᑦ ᐊᓯᑦᓯᓐᓃᑦᑐᑦ ᐱᔨᑦᓯᕐᓕᑎᑦ, ᐃᓅᖃᑎᒌᒡᔪᐊᓪᓗ ᓇᓂᑐᐃᓐᓇᖅ ᐹᒻᒪᒃᑎᕐᕕᒋᓕᑎᑦ; ᐊᖓᔪᖅᑳᖑᓕᕆᑦ ᖃᑕᓐᖑᑎᖕᓄᑦ, ᐊᓈᓇᕕᓪᓗ ᑭᖑᕚᖏᑕ ᐹᒻᒪᒃᑎᕐᕕᒋᔭᒃᓴᕆᕚᑎᑦ, ᓇᕐᕈᓇᕐᓯᓕᑦ ᐃᓕᖕᓂᒃ ᓇᕐᕈᔪᑦ, ᓮᒻᒪᕐᑎᑕᐅᓕᓪᓗ ᐃᓕᖕᓂᒃ ᓮᒻᒪᕐᑎᑦᓯᔪᑦ.”

ᒨᓯᓯ ᓯᕗᓪᓖᑦ 27:29 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 12:3

ᓮᒻᒪᕐᑎᑦᓱᒫᕐᐸᒃᑲ ᐃᓕᖕᓂᒃ ᓮᒻᒪᕐᑎᑦᓯᔪᑦ; ᓇᕐᕈᓇᕐᑎᑦᓯᔪᑦ ᓇᕐᕈᓇᕐᓯᑎᑦᓱᒫᕐᐸᒃᑲ; ᐊᖅᑯᑎᒋᓗᑎᓪᓗ ᐃᓚᒌᓕᒫᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ.”

ᒨᓯᓯ ᓯᕗᓪᓖᑦ 25:33

ᔧᑰᑉ ᑭᐅᕚ, “ᐅᖃᕕᖅᑳᓚᐅᕆᑦ ᐅᕙᓐᓄᑦ.” ᐄᓴᓗ ᐅᖃᕕᒃᐳᖅ, ᐊᖓᔪᒃᓯᐅᓂᓂ ᐊᑭᓕᐅᑎᒋᔪᒪᓪᓗᒍ ᔧᑯᒧᑦ.

ᒨᓯᓯ ᓯᕗᓪᓖᑦ 27:30

ᐂᓴᑭᐅᑉ ᔧᑯ ᓮᒻᒪᕐᑎᑦᓴᕇᑐᐊᕐᒪᒍ, ᔧᑯ ᐊᑯᓂᐅᖏᑦᑐᖅ ᐊᓂᓯᒪᓕᕐᑎᓪᓗᒍ ᐊᑖᑕᒥ ᓇᔪᕐᑕᖓᓂᑦ, ᐊᖓᔪᐊ ᐄᓴ ᑎᑭᑉᐳᖅ ᐆᒪᔪᕐᓯᐅᕐᑐᕕᓂᐅᓪᓗᓂ.

ᒨᓯᓯ ᓯᕗᓪᓖᑦ 27:37

ᐂᓴᑭᐅᓪᓗ ᐄᓴ ᑭᐅᕚ, “ᑕᑯᒋᑦ, ᐃᓕᖕᓄᑦ ᐊᖓᔪᖅᑳᓐᖑᕐᑎᑦᓴᕇᕋᒃᑯ, ᖃᑕᓐᖑᑎᖏᓪᓗ ᐱᔨᓐᖑᕐᑎᓪᓗᒋᑦ ᑖᑦᓱᒧᖓ, ᓂᐊᖂᔭᒃᓴᓂᒃ ᕔᓂᒥᒡᓗ ᐊᒥᒐᕐᓯᔪᒃᓴᐅᖏᓐᓂᖓᓂᒃ ᓮᒻᒪᕐᑎᑦᓴᕇᕐᐸᕋ. ᐃᕐᓃᒃ ᖃᓄᐃᓕᐅᒃᑲᓐᓂᕈᓐᓇᕐᐳᖓ ᐃᓕᖕᓄᑦ!”

ᒨᓯᓯ ᓯᕗᓪᓖᑦ 27:40

ᓴᕕᒡᔪᐊᑦ ᐊᑐᕐᓗᒍ ᐃᓅᔪᒫᕐᐳᑎᑦ, ᓄᑬᓪᓗ ᐱᔨᑦᓯᕈᒫᕐᐹᑦ; ᑖᑦᓱᒪᓐᖓᓪᓕ ᕿᓚᕈᑦᔮᕈᕕᑦ; ᐊᒡᔭᕐᓯᑎᑕᐅᓃᑦ ᑖᑦᓱᒪᓐᖓᑦ ᓯᖁᒥᑦᓱᒫᕐᐳᖅ ᖁᖓᓯᕐᓂᑦ.”

ᒨᓯᓯ ᓯᕗᓪᓖᑦ 37:10

ᑕᒪᑐᒥᖓᓕ ᐊᑖᑕᓂ ᐊᖓᔪᓂᓗ ᐅᓂᒃᑲᐅᑎᖕᒪᒋᑦ, ᐊᑖᑕᖓᑕ ᓱᐊᒡᓗᒍ, ᐅᖃᐅᑎᕚ, “ᓯᓐᓇᒃᑐᐃᓄᓇ ᖃᓄᖅ ᑐᑭᓕᒃ? ᐊᓈᓁᓪᓗ ᐊᖓᔪᑎᓪᓗ ᑍᒤᓪᓚᕆᒋᐊᖃᕐᐱᑖ ᓄᓇᒧᑦ ᐹᒻᒪᒃᑎᕐᑐᒃᓴᐅᕕᑖ ᓵᖕᓂ?”

ᒨᓯᓯ ᓯᕗᓪᓖᑦ 37:7

ᑕᑯᒋᑦ, ᓂᐊᖂᔭᒃᓴᓂᒃ ᑲᑎᕐᓱᕐᓯᒪᔪᓂᒃ ᕿᓚᒃᓱᐃᑎᓪᓗᑕ ᐱᕈᕐᓰᕕᖕᒥ, ᑲᑎᓯᒪᔭᒃᑲᓕ ᕿᐱᑍᑦ ᓇᑉᐸᕋᒥᒃ ᓇᐸᑦᓯᐊᓕᕐᐳᑦ; ᐃᓕᑦᓯᓗ ᑲᑎᓯᒪᔭᓯ ᑲᑎᓯᒪᔭᒪ ᐊᕙᑖᓄᐊᕐᓗᑎᒃ ᑕᕝᕗᖓ ᐅᑯᕗᑦ.”

ᒨᓯᓯ ᓯᕗᓪᓖᑦ 9:27

ᒎᑎᐅᓪᓕ ᔮᐱᑎ ᐃᓄᒋᐊᒃᓯᕙᓪᓕᐊᑎᓪᓕᐅᒃ, ᑖᑦᓱᒪᓗ ᑭᖑᕚᖏᑦ ᓄᓇᖃᑎᖃᕐᓕᑦ ᓰᒥᐅᑉ ᑭᖑᕚᖏᑕ ᐃᓄᖏᓐᓂᒃ, ᑬᓇᓂᓕ ᐱᔨᒋᔭᐅᔪᒫᕐᐳᖅ ᔧᐱᑎᒧᑦ.”

ᐊᑕᓃᑦ ᓯᕗᓪᓖᑦ 22:47

ᓄᓇ ᐄᑐᒥ ᐊᖓᔪᖅᑳᕐᔪᐊᖃᓚᐅᓐᖏᓚᖅ; ᐊᖓᔪᖅᑳᕐᔪᐊᓪᓕ ᐃᑲᔪᕐᑎᖓᓂᒃ ᑕᕝᕙᓂ ᐊᐅᓚᑦᓯᓂᐊᕐᑐᒥᒃ ᔫᑕᐅᑉ ᐊᖓᔪᖅᑳᕐᔪᐊᖓ ᑎᓕᓯᓚᐅᕐᐳᖅ.

ᐊᑕᓃᑦ ᓯᕗᓪᓖᑦ 4:21

ᓲᓗᒨᓂᐅᑉ ᐊᐅᓚᑦᓯᓂᖓ ᑎᑭᐅᒪᓚᐅᕐᐳᖅ ᑰᖕᒧᑦ ᐃᕗᕅᑎᒧᑦ ᐱᓕᔅᑍᓂᒥᐅᑦ ᓄᓇᖓ ᑎᑭᓪᓗᒍ ᐄᑦᔨᑉᑎᓂᐅᓪᓗ ᓄᓇᖓᑕ ᑭᒡᓕᖓᓄᑦ ᐃᓱᖃᕐᓗᓂ; ᐊᖓᔪᖅᑳᐅᕕᒋᔭᓕᒪᖓᓂ ᓄᓇᓖᑦ ᑕᒪᕐᒥᒃ ᑖᒃᓯᔭᕐᐸᓚᐅᕐᐳᑦ, ᑖᑦᓱᒪ ᐃᓅᓂᓕᒫᖓᓂ.

ᑯᕉᓂᑲ ᓯᕗᓪᓖᑦ 5:2

ᔫᑕᓕ ᐱᓪᓚᕆᐅᓂᕐᐸᐅᓕᓚᐅᕐᐳᖅ ᖃᑕᓐᖑᑎᒥᓂᑦ ᑖᑦᓱᒪᓐᖓᓪᓗ ᐊᖓᔪᖅᑳᕐᔪᐊᑦ ᐱᓯᒪᓪᓗᑎᒃ, ᐊᖓᔪᒃᓯᕐᐹᕐᓯᐅᑏᑦ ᑎᑎᕋᕐᓯᒪᓂᖏᑦ ᔫᓯᐱᒃᑰᕋᓗᐊᕐᑎᓪᓗᒋᑦ,

ᐃᓐᖏᕈᑎᑦ 72:8

ᐊᖓᔪᖅᑲᐅᕕᖃᕈᒫᕐᐳᖅ ᐃᒪᕐᐱᖕᒥᑦ ᐃᒪᕐᐱᖕᒧᑦ ᑎᑭᓪᓗᒍ, ᑰᖕᒥᓪᓗ ᐃᕗᕅᑎᒥᑦ ᓄᓇᕐᔪᐊᑉ ᐃᓱᐊ ᑎᑭᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 45:14

ᐊᑕᓂᖅ ᐃᒫᒃ ᐅᖃᕐᐳᖅ: “ᐄᑦᔨᑉᑎᒥᐅᑦ ᐊᔪᕐᓴᖏᑦᔪᑎᖏᑦ ᐃᑎᐅᐱᐊᒥᐅᓪᓗ ᓂᐅᕕᐊᒃᓴᖁᑎᖏᑦ, ᓴᐲᓐᒥᐅᓪᓗ ᐃᓄᖏᑦ ᐊᖏᔫᑎᐊᓗᐃᑦ, ᐃᓕᑦᓯᓐᓄᑦ ᑎᑭᑦᓱᒫᕐᐳᑦ ᐱᒋᓕᕐᓗᓯᐅᒡᓗ; ᐃᓕᑦᓯᓐᓂᒃ ᒪᓕᒍᒫᕐᐳᑦ, ᐊᑦᓱᖏᐅᑎᓄᑦ ᓴᕕᕋᔭᖕᓄᑦ ᐊᑦᓱᖏᕐᓯᒪᓗᑎᒃ; ᐃᓕᑦᓯᓐᓄᑦ ᓵᑦᓯᓐᓄᑦ ᓰᖅᑯᕐᓗᑎᒃ ᐅᖃᕐᕕᒋᔪᒫᕐᐹᓯ, ‘ᐄᓛᒃ ᒎᑎᒧᑦ ᐃᓚᒋᔭᐅᕗᓯ, ᐊᓯᐊᓂᒡᓗ ᒎᑎᑕᖃᓐᖏᓚᖅ.’”

ᐂᓮᐊᓯᐅᑉ ᐊᒡᓚᖏᑦ 49:23

ᐊᖓᔪᖅᑳᕐᔪᐊᓄᑦ ᑎᒍᐊᖑᔪᒫᕐᐳᓯ, ᐊᖓᔪᖅᑳᕐᔪᐊᓪᓗ ᓄᓕᐊᖏᓐᓂᒃ ᐰᕆᔨᑖᕐᓗᓯ, ᐹᒻᒪᒡᕕᒋᔪᒫᕐᐹᓯᓗ ᑮᓇᕐᒥᖕᓄᑦ ᒪᓂᕋᖅ ᐊᒃᑐᕐᓗᒍ, ᐃᑎᒐᑦᓯᓗ ᓴᓂᖏᓐᓂᒃ ᐊᓗᒃᑐᕐᓗᑎᒃ, ᑕᕝᕙ ᖃᐅᔨᓕᕈᒫᕐᐳᓯ ᐊᑕᓂᐅᓂᓐᓂᒃ; ᐅᕙᓐᓂᒃ ᐅᑕᖅᑭᔪᑦ ᑲᓐᖑᓱᒃᑎᑕᐅᔪᒫᓐᖏᓚᑦ.”

ᐂᓮᐊᓯᐅᑉ ᐊᒡᓚᖏᑦ 49:7

ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐅᑎᕐᑎᑦᓯᔨᖓᑦ ᐃᑦᔪᕐᓁᑦᑐᖁᑎᒋᓪᓗᒍᓗ, ᐊᖏᔪᒥᒃ ᐊᑭᕋᕐᑐᕐᑕᐅᓪᓗᓂ ᓇᕐᕈᒋᔭᐅᔪᒧᑦ ᐃᓅᖃᑎᒌᒡᔪᐊᓄᑦ, ᐊᐅᓚᑦᓯᔩᑦ ᐱᔨᖏᓐᓂᑦ: “ᐊᖓᔪᖅᑳᕐᔪᐊᑦ ᑕᑯᔪᒫᕐᐳᑦ ᒪᑭᓪᓗᑎᒡᓗ, ᐊᖓᔪᖅᑳᖁᑎᖏᓪᓗ ᐹᒻᒪᒃᑎᕈᒫᕐᐳᑦ, ᐊᑕᓂᐅᑉ ᓱᖁᓯᔪᐃᑦᑑᑉ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦᑕ ᓂᕈᐊᕐᓯᒪᖕᒪᑎᑦ.”

ᐂᓮᐊᓯᐅᑉ ᐊᒡᓚᖏᑦ 60:12

ᐃᓅᖃᑎᒌᒡᔪᐊᑦ ᐊᖓᔪᖅᑲᐅᕖᓪᓗ ᐃᓕᑦᓯᓐᓂᒃ ᐱᔨᑦᓯᕈᒪᖏᑦᑐᑦ ᐊᓯᕈᕈᒫᕐᐳᑦ; ᓄᓇᒥᓗ ᐃᓅᖃᑎᒌᒡᔪᐊᑦ ᑐᖁᖓᐅᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 60:14

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᕙᓚᐅᕐᑐᑦ ᐃᕐᓂᖏᓐᓄᑦ ᐹᒻᒪᒃᑎᕐᕕᐅᔭᕐᑐᕈᒫᕐᐳᓯ; ᐆᒥᓱᒃᑎᒋᓚᐅᕐᑕᓕᒫᓯᓗ ᒥᑭᒡᓕᑎᕐᓗᑎᒃ ᐃᑎᒐᑦᓯᓐᓄᑦ ᐹᒻᒪᒋᐊᕐᑐᕈᒫᕐᐳᑦ; ᑍᔭᐅᓕᕐᓗᓯᓗ ᐊᑕᓂᐅᑉ ᐃᒡᓗᒐᓴᒡᔪᐊᖁᑎᖏᓐᓂᒃ, ᓮᐅᓂᒥᒃ ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᒨᓯᓯ ᓯᑕᒪᖏᑦ 23:8

ᖃᓄᖅ ᒎᑎᐅᑉ ᐱᐅᖏᓐᓂᕋᓐᖏᑕᖓ ᐱᐅᖏᑦᑐᒧᑦ ᐱᔭᐅᖁᓗᒍ ᐅᖃᕈᓐᓇᕐᐳᖓ? ᖃᓄᖅ ᐊᓯᕈᐃᖁᔨᓗᖓ ᐅᖃᕈᓐᓇᕐᐳᖓ ᐊᑕᓂᐅᑉ ᐊᓯᕈᖁᓯᒪᓐᖏᑕᖓᓂᒃ?

ᒨᓯᓯ ᓯᑕᒪᖏᑦ 24:18

ᐄᑐᒥᒥᐅᑦ ᓵᓚᐅᔪᒫᕐᐳᑦ; ᓰᐊᕆ ᓵᓚᐅᔪᒫᕆᕗᖅ, ᐊᑭᕋᖏᓪᓗᑦᑕᐅᖅ, ᐱᑖᕆᔭᐅᔪᒫᕆᕗᑦ ᐃᓴᕆᐊᓕᓕ ᓴᓐᖏᔪᕐᔪᐊᖑᔪᒫᕐᐳᖅ.

ᒨᓯᓯ ᓯᑕᒪᖏᑦ 24:9

ᐅᑯᕗᖅ, ᐃᓂᓪᓚᒡᓗᓂᓗ ᓛᔭᑎᑐᑦ; ᓛᔭᑎᑐᑦ, ᑭᐊ ᑐᐹᕈᒪᕚ? ᓮᒻᒪᕐᑎᑕᐅᓕ ᐃᓕᖕᓂᒃ ᓮᒻᒪᕐᑎᑦᓯᔪᖅ, ᐱᐅᖏᑦᑐᒧᑦ ᐱᔭᐅᓕ ᐃᓕᖕᓂᒃ ᐱᐅᖏᑦᑐᒧᑦ ᐱᔭᐅᖁᔨᔪᖅ.”

ᒫᑎᐅᓯᐅᑉ ᐊᒡᓚᖏᑦ 25:40

ᑕᕝᕙ ᐊᖓᔪᖅᑳᕐᔪᐊᑉ ᑭᐅᔪᒫᕐᐰᑦ, ‘ᓱᓕᔪᒥᒃ ᐅᖃᐅᑎᕙᑦᓯ, ᖃᑕᓐᖑᑎᒪ ᒥᑭᓐᓂᕐᐹᕆᔭᖏᓐᓄᑦ ᐱᓇᓱᐊᕐᕕᖃᕌᖓᑦᓯ, ᑕᒪᑐᒥᖓ ᐱᓇᓱᐊᕐᕕᒋᓚᐅᕐᐸᑦᓯᓐᖓ!’

ᒫᑎᐅᓯᐅᑉ ᐊᒡᓚᖏᑦ 25:45

ᑕᕝᕙ ᑭᐅᔪᒫᕐᐰᑦ, ‘ᓱᓕᔪᒥᒃ ᐅᖃᐅᑎᕙᑦᓯ, ᒥᑭᓐᓂᕐᐸᐅᔪᑦ ᐱᓇᓱᐊᕐᕕᒋᖏᓐᓇᑦᓯᐅᒃ, ᑕᕝᕙ ᐅᕙᓐᓂᒃ ᐱᓇᓱᐊᕐᕕᖃᓚᐅᓐᖏᓚᓯ.’

ᕉᒪᒥᐅᓄᑦ 9:12

ᕇᐱᑲ ᐅᖃᐅᑦᔭᐅᓚᐅᕐᐳᖅ, “ᐊᖓᔪᒃᓯᐅᑉ ᓄᑲᓂ ᐱᔨᑦᓯᕈᒫᕐᐹ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:16

ᐅᓕᒡᔪᐊᖓᓂ ᖁᒃᑐᕋᖏᖕᓂᓗ ᐊᑎᖓ ᑎᑎᕋᕐᓯᒪᕗᖅ, “ᐊᖓᔪᖅᑳᕐᔪᐊᖅ ᐊᖓᔪᖅᑳᕐᔪᐊᓄᑦ ᐊᑕᓂᐅᔪᕐᓗ ᐊᑕᓂᕐᓄᑦ.”