ᒨᓯᓯ ᓯᕗᓪᓖᑦ 27:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᒎᑎᐅᑉ ᑐᓂᓯᕕᒋᓕᑎᑦ ᕿᓚᐅᑉ ᖃᐅᓯᕐᑎᑦᓯᓂᖓᓂᒃ, ᓄᓇᒥᒡᓗ ᐊᔪᕐᓴᕐᓇᖏᑦᑐᒥᒃ, ᐊᒥᒐᖏᑦᑐᓂᒡᓗ ᓂᐊᖂᔭᒃᓴᓂᒃ ᕔᓂᒃᓴᓂᒡᓗ,

ᒨᓯᓯ ᓯᕗᓪᓖᑦ 27:28 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 27:37

ᐂᓴᑭᐅᓪᓗ ᐄᓴ ᑭᐅᕚ, “ᑕᑯᒋᑦ, ᐃᓕᖕᓄᑦ ᐊᖓᔪᖅᑳᓐᖑᕐᑎᑦᓴᕇᕋᒃᑯ, ᖃᑕᓐᖑᑎᖏᓪᓗ ᐱᔨᓐᖑᕐᑎᓪᓗᒋᑦ ᑖᑦᓱᒧᖓ, ᓂᐊᖂᔭᒃᓴᓂᒃ ᕔᓂᒥᒡᓗ ᐊᒥᒐᕐᓯᔪᒃᓴᐅᖏᓐᓂᖓᓂᒃ ᓮᒻᒪᕐᑎᑦᓴᕇᕐᐸᕋ. ᐃᕐᓃᒃ ᖃᓄᐃᓕᐅᒃᑲᓐᓂᕈᓐᓇᕐᐳᖓ ᐃᓕᖕᓄᑦ!”

ᒨᓯᓯ ᓯᕗᓪᓖᑦ 27:39

ᑕᕝᕙ ᐊᑖᑕᖓᑕ ᐂᓴᑭᐅᑉ ᑭᐅᕚ, “ᑕᑯᒋᑦ, ᓄᓇᐅᑉ ᐱᕈᑦᓯᐊᕐᓇᕐᓂᖓᑕ ᐅᖓᓯᒋᔮᓂ ᓄᓇᖃᕈᒫᕐᐳᑎᑦ, ᕿᓚᖕᒥᓪᓗ ᖃᐅᓯᕐᑎᑕᐅᓂᐅᑉ ᐅᖓᓯᒋᔭᖓᓃᓪᓗᑎᑦ.

ᒨᓯᓯ ᓯᕗᓪᓖᑦ 45:18

ᐊᑖᑕᓯ ᐃᒡᓗᒥᐅᖃᑎᓕᒫᓯᓗ, ᑕᒪᐅᖓ ᐅᕙᓐᓄᑦ ᕾᓕᕆᑦᓯ, ᑕᕝᕙ ᐄᑦᔨᑉᑎᐅᑉ ᓄᓇᖓᑕ ᐱᐅᓂᕐᐹᖓᓂ ᓄᓇᑖᕐᑎᓐᓂᐊᕐᐸᑦᓯ, ᓂᕆᖃᑦᑕᕐᓂᐊᕋᑦᓯ ᓄᓇᐅᑉ ᐱᕈᕐᑎᑕᕕᓂᖏᓐᓂᒃ ᐱᐅᔪᓂᒃ.’

ᒨᓯᓯ ᓯᕗᓪᓖᑦ 49:20

ᐋᓱᕆᒥᑦ ᓂᕿᒃᓴᑦ ᒪᒪᕐᑐᐊᓘᔪᒫᕐᐳᑦ, ᓂᕿᒃᓴᓕᐅᕈᒫᕐᐳᕐᓗ ᐊᖓᔪᖅᑳᕐᔪᐊᑉ ᒪᒪᕆᔭᖏᓐᓂᒃ.

ᒨᓯᓯ ᓯᕗᓪᓖᑦ 49:25

ᐊᑖᑕᕕᑦ ᒎᑎᖓᑕ ᐃᑲᔪᕈᒫᕐᐹᑎᑦ, ᐊᔪᒐᖃᖏᑦᑑᓪᓗ ᑖᑦᓱᒪ ᒎᑎᐅᑉ ᓮᒻᒪᕐᑎᑦᓱᒫᕐᐹᑎᑦ ᓮᒻᒪᕐᑎᑦᓯᓂᕐᒧᑦ ᕿᓚᖕᒥᑦ ᖁᑦᓯᒃᑐᒥᑦ ᐱᔪᒧᑦ, ᓮᒻᒪᕐᑎᑦᓯᓂᕐᒧᑦ ᐃᑎᔪᒧᑦ ᐃᓗᐊᓂ ᐃᑎᔪᒥ ᐃᓂᖃᕐᑐᒧᑦ, ᓮᒻᒪᕐᑎᑦᓯᓂᕐᒧᑦ ᐃᕕᐊᖏᕐᓂᑦ ᐃᒡᓕᐊᕐᓂᓪᓗ ᐱᔪᒧᑦ.

ᓴᒧᐃᓕ ᐂᑉᐸᖏᑦ 1:21

ᓯᓚᓗᓕᕐᑍᓕᓕ, ᒥᓂᑦᑍᓕᓗᓂᓗ ᒋᐅᓪᐳᐊᑉ ᖃᖅᑲᖏᓐᓂ; ᐱᕈᕐᓰᕕᖏᓪᓗ ᐱᕈᕐᑐᖃᕐᑍᓕᓕᑦ! ᓯᕘᕋᖏᑦᑐᑦ ᓴᐴᓗᑕᖏᑦ ᒪᓂᖅᑲᒦᑉᐳᑦ ᑲᓐᖑᓇᕐᑐᒦᑎᑕᐅᓂᒃᑯᑦ; ᓴᐅᓕᐅᑉ ᓴᐴᓗᑕᖓ ᕿᓪᓕᕐᓴᕐᓯᒪᔫᓐᓃᕐᐳᖅ ᐅᕐᓱᒧᑦ.

ᐊᑕᓃᑦ ᓯᕗᓪᓖᑦ 17:1

ᐃᓔᑦᔭ ᑎᓯᐰᑎᒥᐅᑕᖅ, ᒋᓕᐊᑏᑦ ᓄᓇᖓᓂᑦ, ᐅᖃᕐᐳᖅ ᐂᕼᐊᑉᒧᑦ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ ᐃᓅᖕᒪᑦ, ᑖᑦᓱᒪ ᓵᖓᓂ ᓇᖏᕐᐳᖓ, ᐂᔪᖓᓇᕐᑐᖃᕐᓂᐊᓐᖏᓚᖅ ᓯᓚᓗᖃᕐᓂᐊᕈᓐᓃᕐᓗᓂᓗ ᐊᕐᕌᒍᓂ ᑖᒃᑯᓇᓂ, ᐱᖁᔨᓕᕐᓗᖓ ᐅᖃᓚᐅᖏᓐᓂᓐᓂ.”

ᐊᑕᓃᑦ ᓯᕗᓪᓖᑦ 5:11

ᓲᓗᒨᓂ ᑐᓂᓯᖕᒥᑎᓪᓗᒍ ᕼᐂᕋᒻᒧᑦ 20,000ᓂᒃ ᐅᖁᒤᓐᓂᖃᕐᑐᓂᒃ ᐊᖓᔪᖅᑳᕐᔪᐊᖃᕐᕕᐅᑉ ᓂᕿᒃᓴᖏᓐᓂᒃ 20,000ᓂᒃ ᐅᖁᒤᓐᓂᖃᕐᑐᓂᒃ, ᐸᐅᕐᖎᑦ ᐅᕐᓱᖏᓐᓂᒃ ᓯᖃᓪᓕᓪᓗᒋᑦ ᐅᕐᓱᓕᐊᕆᓯᒪᔪᓂᒃ ᑐᓂᓯᖃᑦᑕᓚᐅᕐᐳᖅ ᐊᕐᕌᒍᑕᒫᑦ.

ᑯᕉᓂᑲ ᐂᑉᐸᖏᑦ 2:10

ᐱᔨᑎᓪᓗ ᕿᔪᖕᓂᒃ ᓇᑲᑎᕆᔩᑦ, ᑐᓂᔪᒫᕐᐸᒃᑲ 20,000ᓂᒃ ᐅᖁᒤᓐᓂᓕᖕᓂᒃ ᓂᐊᖂᔭᒃᓴᓂᒃ ᓇᕿᑎᕐᓯᒪᔪᓂᒃ, 20,000ᓂᒡᓗ ᐅᖁᒤᓐᓂᓕᖕᓂᒃ ᐹᕐᓕᓂᒃ, 20,000ᓂᒡᓗ ᖃᓪᓗᑎᓂᒃ ᕔᓂᓂᒃ, 20,000ᓂᒡᓗ ᖃᓪᓗᑎᓂᒃ ᐅᕐᓱᒥᒃ.”

ᐃᓐᖏᕈᑎᑦ 104:15

ᕔᓂ ᐃᓅᑉ ᐆᒻᒪᑎᖓᓂᒃ ᖁᕕᐊᓱᒃᑎᑦᓯᖁᓪᓗᒍ, ᓇᐹᕐᑑᓪᓗ ᐅᕐᓱᖓ ᑮᓇᖓᓂᒃ ᓴᓗᒪᑎᑦᓯᖁᓪᓗᒍ, ᓂᐊᖂᔭᕐᓗ ᐃᓅᑉ ᐆᒻᒪᑎᖓᓂᒃ ᓲᖑᓂᖅᑳᕐᑎᑦᓯᖁᓪᓗᒍ.

ᐃᓐᖏᕈᑎᑦ 133:3

ᕼᐊᕐᒪᓂᐅᓪᓗ ᖃᐅᓯᕐᓂᖓᑕ ᑭᓂᕆᓂᖓᑎᑐᑦ, ᖃᖅᑲᒥᑦ ᓮᐅᓂᒥᑦ ᑰᒐᕐᑐᑎᑐᑦ! ᑕᕝᕙᓂ ᐊᑕᓂᖅ ᐱᖁᔨᓯᒪᕗᖅ ᓮᒻᒪᕐᑎᑕᐅᓂᕐᑕᖃᖁᓪᓗᒍ, ᐃᓅᓯᕐᒥᒃ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 36:8

ᐊᖏᓗᐊᕐᑐᒥᒡᓗ ᓈᒻᒪᒃᓯᕗᑦ ᐃᒡᓗᕕᑦ ᓈᒻᒪᑦᓯᐊᕐᓂᖓᓂᒃ, ᐃᒥᕐᑎᑉᐸᑎᓪᓗ ᖁᕕᐊᒋᔭᕕᑦ ᑰᖓᓂᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:12

ᐊᖓᔪᖅᑳᕐᔪᐊᑉ ᓂᓐᖓᐅᒪᓂᖓ ᓛᔭᑎᑐᑦ ᓂᓪᓕᐊᔪᑎᑐᑦ ᐃᕐᓯᓇᕐᑎᒋᕗᖅ, ᓮᒪᕕᖃᕐᓂᖓᓕ ᐅᓪᓛᒃᑯᑦ ᐃᕕᒃᓱᒊᑦ ᖃᐅᓯᕐᓂᖓᑕ ᐊᑦᔨᒋᕚ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:20

ᖃᐅᔨᒪᓂᖓᑕ ᐃᑎᓂᕐᒦᑦᑐᑦ ᖄᒥᑎᑉᐰᑦ, ᓄᕗᔭᓪᓗ ᓯᓚᓗᒍᓐᓇᕐᑎᓪᓗᒋᑦ ᓄᓇᒧᑦ.

ᐂᓮᐊᓯᐅᑉ ᐊᒡᓚᖏᑦ 45:8

ᕿᓔᑦ ᓯᓚᓗᒡᓕᑦ, ᑕᑉᐹᓐᖓᑦ ᖁᑦᓯᒃᑐᒥᑦ, ᓯᓚ ᑯᕕᓕ ᓇᓛᒎᕐᓂᕐᒥᒃ; ᓄᓇᕐᔪᐊᕐᓗ ᐂᑦᑕᕐᓕ; ᐱᐅᓕᔭᐅᓂᖅ ᐱᕈᕐᑐᑎᑐᑦ ᓴᖅᑭᓐᓂᐊᕐᒪᑦ, ᓇᓛᒎᕐᓂᕐᓗ ᐱᕈᖃᑎᒋᓕᕐᓕᐅᒃ; ᐅᕙᖓᐅᕗᖅ ᐊᑕᓂᖅ ᐱᓐᖑᕐᑎᑦᓯᓚᐅᑐᖅ ᑖᒃᑯᓂᖓ.”

ᔨᕆᒤᐊᐅᑉ ᐊᒡᓚᖏᑦ 14:22

ᐃᓅᖃᑎᒌᒡᔪᐊᖑᖃᑎᑦᑕ ᒎᑎᖏᑦ ᓱᓕᖏᑦᑐᑦ ᓯᓚᓗᒃᑎᑦᓯᔪᓐᓇᕐᐹᑦ? ᓯᓚᒥᒡᓗ ᑯᕕᑐᐃᓐᓇᕐᑎᑦᓯᔪᓐᓇᕐᐹᑦ? ᑍᒤᑎᑦᓯᔪᓐᓇᕐᑐᖃᓐᖏᓚᖅ ᐃᕝᕕᑦ ᐊᓯᖕᓂᒃ ᐊᑕᓃᖅ ᒎᑏᒃ, ᐃᓕᖕᓂᑦ ᓂᕆᐅᒋᔭᖃᕐᐳᒍᑦ, ᐃᕝᕕᑐᐊᖅ ᑕᒪᒃᑯᐊᓕᒫᑦ ᐊᐅᓚᓐᓇᕕᒋᑦ.

ᔪᐃᓕᐅᑉ ᐊᒡᓚᖏᑦ 2:19

ᐊᑕᓂᐅᓪᓗ ᐃᓄᖁᑎᓂ ᑭᐅᔪᒫᕐᐰᑦ ᐅᖃᐅᑎᓗᒋᓪᓗ, “ᑕᑯᒋᑦ, ᑐᓂᓯᕕᒋᓂᐊᕐᐸᑦᓯ ᓂᐊᖂᔭᒃᓴᒥᒃ ᕔᓂᒥᒡᓗ ᓄᑖᒥᒃ ᐸᐅᕐᖎᓪᓗ ᐅᕐᓱᖏᓐᓂᒃ, ᓈᒻᒪᒃᓯᓂᐊᕐᐳᓯ ᐃᓅᖃᑎᒌᒡᔪᐊᓄᓪᓗ ᓇᕐᕈᒋᔭᐅᓂᐊᕈᓐᓁᕐᐳᓯ.

ᒤᑲᐅᑉ ᐊᒡᓚᖏᑦ 5:7

ᔧᑰᑉ ᑭᖑᕚᖏᑕ ᐊᒥᐊᒃᑯᖏᑦ ᐃᓅᖃᑎᒋᒡᔪᐊᑦ ᐊᑯᕐᖓᓐᓃᑦᓱᒫᕐᐳᑦ, ᐊᑕᓂᕐᒥᑦ ᐱᔪᒧᑦ ᓮᒻᒪᕐᑎᑦᓯᔪᒫᕐᐳᑦ ᐅᓪᓛᒥ ᓄᓇᒥ ᖃᐅᓯᕐᑎᑦᓯᔪᑎᑐᑦ, ᓯᓚᓗᒃᑐᑎᑐᓪᓗ ᐃᕕᖕᓄᑦ, ᐅᑕᖅᑭᓂᐊᓐᖏᓚᑦ ᐃᓄᖕᒥᒃ, ᐃᓄᓕᒫᓂᒡᓘᓐᓃᑦ.

ᓴᑲᕅᐊᐅᑉ ᐊᒡᓚᖏᑦ 8:12

“ᐱᕈᕐᓯᐊᒃᓴᓂᒃ ᐱᕈᕐᓰᕕᖕᒥᖕᓄᑦ ᐃᓕᐅᖅᑬᔪᒫᕐᐳᑦ ᓯᕘᕋᖏᓪᓗᑎᒃ. ᕔᓂᒃᓴᖁᑎᖏᓪᓗ ᐱᕈᕐᕕᐅᑦᓯᐊᕈᒫᕐᐳᑦ, ᓄᓇᒥᓗ ᐱᕈᕐᓯᐊᖏᑦ ᓂᕿᒃᓮᑦ ᐱᕈᑦᓯᐊᓗᕐᑎᒃ, ᓯᓚᓗᖃᑦᑕᑦᓯᐊᕐᓗᓂᓗ, ᑕᒪᒃᑯᐊ ᑍᒫᒃ ᐱᓇᓱᐊᕈᒪᕙᒃᑲ ᐃᓄᐃᑦ ᐊᒥᐊᒃᑯᑦ ᑭᖑᕐᖑᑦᔨᖁᓪᓗᒋᑦ ᑕᒪᑐᒥᖓ.

ᓴᑲᕅᐊᐅᑉ ᐊᒡᓚᖏᑦ 9:17

ᑖᒃᑯᐊ ᐱᐅᔪᒻᒪᕆᐊᓘᔪᒫᕐᐳᑦ ᑕᑯᒥᓇᕐᑐᒻᒪᕆᐊᓘᓗᑎᒡᓗ! ᓂᐊᖂᔭᓮᑦ ᐃᓅᓱᒃᑐᓂᒃ ᐊᖑᑎᓂᒃ ᖁᕕᐊᓱᒃᑎᑦᓯᔪᒫᕐᐳᑦ, ᕔᓂᓗ ᓄᑖᖅ ᐊᕐᓇᓂᒃ ᐃᓅᓱᒃᑐᓂᒃ ᖁᕕᐊᓱᒃᑎᑦᓯᔪᒫᕐᐳᖅ.

ᒨᓯᓯ ᓯᑕᒪᖏᑦ 13:20

ᓄᓇ ᐱᕈᕐᕕᐅᑦᓯᐊᕐᒪᖔᑦ ᐱᕈᕐᕕᐅᑦᓯᐊᖏᒻᒪᖔᑕᓘᓐᓃᑦ; ᑲᑎᓐᖓᔪᕐᔪᐊᓂᒃ ᓇᐹᕐᑐᖃᕐᒪᖔᑦ ᓇᐹᕐᑐᖃᖏᒻᒪᖔᓪᓘᓐᓃᑦ, ᓯᕘᕋᖏᓪᓗᓯ ᕾᑦᓯᔪᒫᕐᐳᓯ ᓄᓇᐅᑉ ᐱᕈᕐᑐᖏᓐᓂᒃ.” ᓇᓪᓕᐅᑎᓚᐅᕐᐳᓪᓗ ᑍᑦᓱᒪᓂ ᓯᕗᓪᓖᑦ ᕔᓂᒃᓮᑦ ᐱᕈᕇᑦᓯᐊᕐᕕᖓᑦ.

ᒨᓯᓯ ᓯᑕᒪᖏᑦ 18:12

“ᐅᕐᓱᐃᑦ ᐱᐅᓂᕐᐹᑦ ᑕᒪᕐᒥᒃ, ᕔᓃᓪᓗ ᐱᐅᓂᕐᐹᑦ ᓂᐊᖂᔭᒃᓮᓪᓗ ᑕᒪᕐᒥᒃ, ᐱᕈᕐᑎᑕᐅᔪᑦ ᓯᕗᓪᓕᕐᐹᑦ ᐊᑕᓂᕐᒧᑦ ᑐᓂᕐᕈᑎᒋᔭᖏᑦ, ᐃᓕᖕᓄᑦ ᑐᓂᕙᒃᑲ.

ᕉᒪᒥᐅᓄᑦ 11:17

ᓇᐹᕐᑑᓪᓕ ᐊᕙᓚᖓᔪᖏᑕ ᐃᓚᖏᑦ ᓇᑲᓯᒪᒃᐸᑕ, ᓇᐹᕐᑐᑉ ᐅᕐᓱᒃᓴᓕᖕᓂᒃ ᐸᐅᕐᖓᖃᕐᑑᑉ ᐊᕙᓚᖓᔪᖏᑦ ᐃᕕᕐᑎᑕᐅᒃᐸᑕ ᓇᑲᓯᒪᔫᑉ ᐃᓂᖓᓄᑦ; ᑕᕝᕙ ᐅᕐᓱᒃᓴᓕᖕᓂᒃ ᐸᐅᕐᖓᓕᐅᑉ ᐃᑦᑎᖓᓂᒃ ᐱᖃᑕᐅᓂᐊᕐᐳᑦ ᐱᕈᑦᓯᐊᕐᓇᕐᑐᒥᒃ.

ᒨᓯᓯ ᑕᓪᓕᒪᖏᑦ 32:2

ᐊᔪᕆᕐᑐᐃᑦᔪᑎᒋᔭᒃᑲ ᓯᓚᓗᒃᑎᑐᑦ ᑲᑕᒐᕐᓕᑦ, ᐅᖃᐅᓯᒃᑲ ᖃᐅᓯᕐᑎᑦᓯᓗᑎᒃ ᒥᓂᔪᑎᑐᑦ, ᓯᓚᓗᒃᑐᑎᑐᑦ ᐃᕕᒃᓱᒐᕐᓄᑦ ᐱᕈᕐᐸᓪᓕᐊᔪᓄᑦ, ᒥᓂᔪᑎᑐᓪᓗ ᑍᒤᓐᓂᐊᕐᐳᑦ ᐃᕕᒐᕐᓄᑦ.

ᒨᓯᓯ ᑕᓪᓕᒪᖏᑦ 33:13

ᔫᓯᐱᐅᓪᓕ ᑭᖑᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ: “ᐊᑕᓂᕐᒧᑦ ᓮᒻᒪᕐᑎᑕᐅᓯᒪᓕ ᓄᓇᖁᑎᖓ, ᓄᓇᖁᑎᖓᑕᓗ ᐊᑖᓃᑦᑐᑦ ᐊᒃᐸᓯᒃᑐᒥ,

ᒨᓯᓯ ᑕᓪᓕᒪᖏᑦ 33:28

ᑍᒤᒻᒪᑦ ᐃᓴᕆᐊᓕᐅᑉ ᑭᖑᕚᖏᑦ ᐃᓅᕗᑦ ᐃᓱᒫᓗᓇᖏᑦᑐᒥ, ᐸᒡᕕᓴᒃᑕᐅᓐᖏᓚᕐᓗ ᔧᑰᑉ ᑭᖑᕚᖏᑕ ᐃᓂᖓᑦ, ᓄᓇᖓᑦ ᐱᕈᕐᑐᓕᒃ ᓂᕿᒃᓴᓂᒃ ᕔᓂᒃᓴᓂᒡᓗ; ᐃᓛᒃ, ᕿᓚᖕᒥᑦ ᒥᓂᔪᒧᑦ ᓄᓇ ᖃᐅᓯᓕᕐᑎᕐᑕᐅᖃᑦᑕᕐᓗᓂ.

ᒨᓯᓯ ᑕᓪᓕᒪᖏᑦ 7:13

ᑕᕝᕙ ᓇᒡᓕᒋᓂᐊᕐᐹᑎᑦ ᓮᒻᒪᕐᑎᓪᓗᓂᑎᓪᓗ, ᐃᓄᒋᐊᒃᓯᕙᓪᓕᐊᑎᓐᓂᐊᕐᐹᑎᑦ ᕿᑐᕐᖓᖃᕐᑎᓪᓗᓂᑎᓪᓗ ᐅᓄᕐᑐᓂᒃ; ᐱᕈᕐᓰᕕᖁᑎᑎᓪᓗ ᓮᒻᒪᕐᑎᓐᓂᐊᕆᕔᑦ, ᐱᕈᕐᕕᐅᑦᓯᐊᖁᓪᓗᒋᑦ ᓂᕿᒃᓴᓂᒃ, ᕔᓂᒃᓴᓂᒡᓗ, ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᐅᕐᓱᒃᓴᓂᒃ; ᓮᒻᒪᕐᑎᓐᓂᐊᕐᐹᓯᓗ ᑐᓂᓯᕕᒋᓗᓂᓯ ᐆᒪᔪᖁᑎᒃᓴᑦᓯᓐᓂᒃ ᐃᒻᒧᒃᓯᐅᒐᕐᓂᒃ ᐅᓄᕐᑐᓂᒃ, ᓰᐱᓂᒡᓗ. ᑕᒪᒃᑯᓂᖓ ᑕᕝᕙ ᑐᓂᓯᕕᒋᒐᔭᕐᐹᓯ ᓮᒻᒪᕐᑎᓪᓗᓂᓯ ᑕᒫᓂ ᓄᓇᒥ ᑕᒪᓐᓇ ᓯᕗᓕᕕᓂᑦᓯᓐᓄᑦ ᐊᖏᕈᑎᒋᓯᒪᖕᒪᒍ ᑕᒪᒃᑯᓂᖓ ᑐᓂᓯᕕᒋᔪᒪᓪᓗᓯ.

ᐄᑉᕈᐃᓄᑦ 11:20

ᐂᓴᑭᑦᑕᐅᖅ ᐅᒃᐱᕐᓂᑯᑦ ᐊᖏᕈᑎᖃᓚᐅᕐᐳᖅ ᔧᑰᓪᓗ ᐄᓴᐅᓪᓗ ᓮᒻᒪᕐᑎᑕᐅᓛᕐᓂᖏᖕᓂᒃ.

ᔮᓱᐊᑉ ᐊᒡᓚᖏᑦ 5:6

ᐃᓴᕆᐊᓕᒥᐅᑦ ᐃᖏᕐᕋᓚᐅᕐᒪᑕ ᐊᕐᕌᒍᓂᒃ 40ᓂᒃ ᐃᓄᖃᔪᐃᑦᑐᒃᑯᑦ, ᐃᓅᖃᑎᒌᒡᔪᐊᑦ ᐊᖑᑏᑦ ᐅᓇᑕᕈᓐᓇᕐᑐᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᑐᑦ, ᐊᑕᓂᕐᒥᒃ ᓈᓚᓚᐅᖏᑦᑐᑦ ᑐᖁᖅᑳᕐᑎᓐᓇᒋᑦ; ᐊᑕᓂᐅᑉ ᑕᒪᓐᓇ ᐊᖏᕈᑎᒋᓚᐅᕐᒪᒍ ᑖᒃᑯᐊ ᑕᑯᖁᓇᒋᑦ ᓄᓇᒥᒃ ᓯᕗᓕᖏᓐᓄᑦ ᐊᖏᕈᑕᐅᓯᒪᔪᒥᒃ, ᓄᓇᒥᒃ ᓂᕿᒃᓴᖃᑦᓯᐊᕐᑐᒥᒃ ᐊᔪᕐᓴᕐᓇᖏᑦᑐᒥᓗ.