24 ᐊᐱᕆᕚᓗ, “ᐄᓴᓪᓚᕆᐅᒐᓗᐊᕐᐲᑦ?” ᑖᑦᓱᒪ ᑭᐅᕚ, “ᑖᓐᓇᐅᕗᖓ.”
ᔧᑰᓂᖓᓂᒡᓕ ᐃᓕᑕᕆᓐᖏᓛ, ᐊᒡᒐᖏᑦ ᒥᖅᑯᖃᕐᒪᑎᒃ ᐊᖓᔪᒥᑐᑦ ᐄᓴᑐᑦ; ᑕᕝᕙ ᓮᒻᒪᕐᑎᑉᐹ,
ᑕᕝᕙ ᐅᖃᓕᕐᐳᖅ, “ᓂᕆᓂᐊᕐᑕᕋ ᕾᓚᐅᕈᒃ, ᐃᕐᓂᕐᒪ ᐆᒪᔪᕐᑕᕕᓂᖓᓂᒃ ᓂᕆᓂᐊᕋᒪ ᓮᒻᒪᕐᑎᓪᓗᑎᓪᓗ.” ᑕᕝᕙ ᓂᕆᓂᐊᕐᑕᖓᓂᒃ ᑐᓂᕚ, ᓂᕆᓪᓗᓂᓗ; ᕔᓂᒥᒡᓗ ᑐᓂᒋᕚ, ᐃᒥᕐᓗᓂᓗ.
ᐊᖓᔪᖅᑳᕐᔪᐊᑉ ᐊᐱᕆᕚ, “ᓱᓇᒦᒃ ᐱᔪᒪᕖᑦ?” ᑭᐅᕗᖅ, “ᐅᐃᒡᒐᕐᓂᐅᕗᖓ, ᐅᐃᒐ ᑐᖁᓯᒪᖕᒪᑦ.
ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᑐᖃᖓ ᐱᑦᑎᓕᒥᐅᑕᖅ ᐅᖃᓕᕐᐳᖅ ᑖᑦᓱᒧᖓ, “ᐅᕙᖓᑦᑕᐅᖅ ᒎᑎᒧᑦ ᐅᖃᕐᑎᒋᔭᐅᕗᖓ ᐃᕝᕕᑎᑐᑦ, ᐊᑕᓂᖅ ᑎᓕᓯᓯᒪᕗᖅ ᐂᖏᓕᒥᒃ ᐅᖃᐅᑎᔭᐅᖁᓪᓗᑎᑦ ᐊᖏᕐᕋᐅᖃᑎᒋᔭᕆᐊᖃᕋᒃᑭᑦ ᓂᕆᓗᑎᑦ ᐃᒥᕈᓐᓇᖁᓪᓗᑎᑦ.” ᑭᓯᐊᓂ ᑖᓐᓇ ᓴᒡᓗᓪᓗᓂ ᑍᒫᒃ ᐅᖃᕐᐳᖅ.
ᐱᐅᖏᑦᑐᓕᓂᕐᐱᑦ ᐊᔪᕆᕐᑐᕐᐹᑎᑦ ᐅᖃᐅᓯᒃᓴᕐᓂᒃ, ᐅᖃᐅᓰᓪᓗ ᓂᕈᐊᕐᓯᒪᓪᓗᒋᑦ ᓯᓔᕐᕆᒃᓯᓇᓱᐊᕈᑎᑎᑦ.
ᓱᓕᑦᓯᐊᕐᑐᑦ ᐅᖃᐅᓰᑦ ᐳᐃᒍᕐᑕᐅᓂᐊᓐᖏᓚᑦ ᐃᓱᖃᖏᑦᑐᒧᑦ, ᓴᒡᓗᑐᔫᓪᓕ ᐅᖃᐅᓯᖏᑦ ᑕᕝᕔᓐᓇᖅ ᐊᓯᐅᕗᑦ.
ᓴᒡᓗᑐᔪᓂᒃ ᐅᖃᐅᓯᓖᑦ ᐊᑕᓂᐅᑉ ᓇᕐᕈᒋᕔᑦ, ᐱᓂᐊᕐᓂᖃᕐᑐᓪᓕ ᒪᓕᑦᓯᐊᖏᓐᓇᕐᓗᑎᒃ ᖁᕕᐊᒋᕔᑦ.
ᓱᓕᖏᓐᓂᖅ ᓴᒡᓗᓂᕐᓗ ᐅᕙᓐᓂᑦ ᐲᕐᓗᒋᑦ ᐅᖓᓯᒃᑎᒃᑭᑦ; ᐊᔪᕐᓴᓕᕐᑎᓐᓂᐊᕐᓇᖓ ᐊᒃᓱᐃᓕᑎᓐᓂᐊᕐᓇᖓᓗ; ᓂᕆᑎᓐᖓᓕ ᓂᕿᒥᒃ ᐱᔭᕆᐊᖃᕐᑕᓐᓂᒃ,
ᐃᒫᒃ ᑕᕝᕙ ᐃᓕᑦᓯᓐᓄᑦ ᐱᐅᓯᕆᔭᐅᖁᔭᒃᑲ: ᓱᓕᔪᒥᒃ ᐃᓕᑦᓯᓐᓄᑦ ᐅᖃᐅᓯᖃᖃᑦᑕᕐᓗᓯ. ᐃᖅᑲᕐᑐᐃᕕᖕᓂᓗ, ᓱᓕᑦᓯᐊᕐᑐᒥᒃ ᓮᒻᒪᕐᓮᔪᒥᒡᓗ ᐃᖅᑲᕐᑐᐃᖃᑦᑕᕐᓗᓯ.
ᑍᒤᒻᒪᑦ, ᓱᓕᖏᓐᓂᖅ ᕿᒪᓕᕐᓯᐅᒃ, ᓱᓕᔪᒥᒡᓕ ᐅᖃᖃᑦᑕᕐᑐᒃᓴᐅᕗᓯ ᐃᓅᖃᑎᑦᓯᓐᓄᑦ, ᑕᒪᑦᑕ ᐃᓚᒌᖑᒐᑦᑕ ᑎᒥᐅᑉ ᐃᓚᖏᓐᓄᑦ ᑕᕝᕙ ᙭ᔅᑑᓯᐅᑉ ᑎᒥᖓᓄᑦ.
ᐃᓕᑦᓯᓐᓄᑦ ᓴᒡᓗᖃᑦᑕᐅᑎᓂᐊᕋᓯ, ᐃᓅᓯᑐᖃᓯ ᐃᓕᖅᑯᓯᖏᓪᓗ ᖁᔭᓈᕐᓯᒪᓕᕋᑦᓯᐅᒃ,
ᐱᓂᐊᕐᓂᓂᓗ ᐊᓯᑦᔨᕐᐹ ᑖᒃᑯᓄᖓ, ᐃᓱᒪᖃᑦᓯᐊᖏᑦᑐᑐᑦ ᐱᐅᓯᖃᓐᖑᐊᖃᑦᑕᓕᕐᓗᓂ, ᐃᓯᕐᑕᕐᕕᐅᓪᓗ ᐅᒃᑯᐊᖏᑦ ᕿᑦᑐᖃᑦᑕᕐᐰᑦ; ᓄᕚᕿᓂᖓᓗ ᐅᒥᖏᓐᓄᑦ ᑎᑭᐅᒪᓕᕐᓗᓂ.
ᑍᕕᑎᐅᓪᓗ ᑐᓂᕐᕈᓯᕐᑎᑦᓯᔨ ᐊᕼᐃᒥᓕᒃ ᐅᖃᐅᑎᕚ, “ᐊᖓᔪᖅᑳᕐᔪᐊᒥᒃ ᐱᔨᑦᓯᕐᓗᖓ ᑕᒪᐅᓐᖓᕐᐳᖓ, ᐅᖃᐅᑎᓚᐅᕐᒪᒐ, ‘ᖃᐅᔨᑎᑦᓯᑦᑍᓕᒋᑦ ᑭᓇᒥᒡᓘᓐᓃᑦ ᑎᓕᓯᑦᔪᑎᒋᔭᓐᓂᒃ.’ ᐅᕙᖓᓕ ᐃᓅᓱᒃᑐᓂᒃ ᑎᓕᓯᓯᒪᕗᖓ ᓄᓇᓂ ᑲᑎᓯᔪᒪᓪᓗᖓ ᐅᐸᒃᑕᐅᓯᒪᖁᔭᓐᓂ.
ᐊᑭᔅᒥᐅᓂᓪᓗ ᐊᐱᕆᔭᐅᒐᒥ, “ᐅᓪᓗᒥ ᓇᑭᑦ ᐊᕐᓵᑎᕆᓚᐅᕐᐲᑦ?” ᑍᕕᑎ ᐅᖃᕐᐸᓚᐅᕐᐳᖅ, “ᔫᑕᐅᑉ ᓯᕿᓂᖓᓂᑦ ᓂᒋᑉᒥᑦ,” ᐅᕝᕙᓗ, “ᔨᕋᒥᐅᓕᒃᑯᑦ ᓄᓇᖓᓂᑦ,” ᐅᕝᕙᓗ, “ᑭᓁᑎᒥᐅᑦ ᓄᓇᖓᓐᓂᑦ.”
