ᒨᓯᓯ ᓯᕗᓪᓖᑦ 26:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᖃᐅᑎᓪᓗᒍᓕ ᐅᓪᓛᒻᒪᕆᒃᑯᑦ ᑖᒃᑯᐊ ᐊᑐᓂᑦ ᐅᖃᕕᒍᑎᓕᐅᕐᐳᑦ ᐃᒻᒥᖕᓄᑦ; ᐂᓴᑭᐅᓪᓗ ᐊᐅᓪᓚᕐᑎᑉᐰᑦ, ᐊᕕᓕᕐᓗᑎᒡᓗ ᐃᓚᓐᓇᕇᑦᓯᐊᕐᓗᑎᒃ.

ᒨᓯᓯ ᓯᕗᓪᓖᑦ 26:31 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 14:22

ᐂᑉᕋᐅᑉ ᑭᐅᕚ ᓱᑑᒪᐅᑉ ᐊᖓᔪᖅᑳᕐᔪᐊᖓ, “ᐊᑕᓂᐅᑉ, ᒎᑎᐅᑉ ᖁᑦᓯᖕᓂᕐᐹᖑᔫᑉ, ᕿᓚᖕᒥᒡᓗ ᓄᓇᒥᒡᓗ ᓴᓇᓚᐅᕐᑑᑉ ᓵᖓᓂ ᐅᖃᕕᒃᐳᖓ,

ᒨᓯᓯ ᓯᕗᓪᓖᑦ 19:2

ᐅᖃᕐᐳᖅ, “ᐊᖓᔪᖅᑳᒃᑲᒃ ᐅᖃᐅᑎᕙᑦᓯᒃ ᑕᒪᐅᖓ ᓄᖅᑲᖁᓪᓗᓯᒃ, ᐱᔨᑦᓯᓗ ᐃᒡᓗᖓᓄᐊᖁᓪᓗᓯᒃ ᓯᓂᒃᑕᕐᓗᓯᒡᓗ, ᐃᑎᒐᓯᒡᓗ ᐅᐊᓴᕐᓗᒋᑦ. ᐅᓪᓛᕈᕐᓗᓯᒃ ᒪᑭᒃᑯᑦᓯᒃ ᐅᐸᒃᑕᑦᓯᖕᓄᑦ ᐊᐅᓪᓚᕐᓂᐊᕋᑦᓯᒃ.” ᑖᒃᑯᐊᒡᓕ ᑭᐅᕘᒃ, “ᐋᒃᑲᓕ, ᒫᓂ ᐃᒡᓗᒐᓴᒡᔪᐊᑦ ᐊᖅᑯᑎᖏᓐᓂ ᐅᓐᓄᐊᕐᓯᐅᕐᓂᐊᕐᑐᒍᒃ.”

ᒨᓯᓯ ᓯᕗᓪᓖᑦ 21:14

ᖃᐅᑎᓪᓗᒍ ᐅᓪᓛᒻᒪᕆᒃᑯᑦ ᐂᑉᕋᕼᐋᒻ ᒪᑭᑉᐳᖅ, ᐂᒡᒐ ᑐᓂᓯᕕᒋᕚ ᓂᕿᓂᒃ ᑕᖁᐊᒃᓴᖏᓐᓂᒃ ᐊᒥᕐᒥᒡᓗ ᐃᒥᖃᐅᑎᒥᒃ ᑖᒃᑯᓂᖓ ᓇᖕᒪᒃᑎᓪᓗᒍ, ᓱᕈᓯᕐᓗ ᐱᖃᑎᒋᓪᓗᓂᐅᒃ ᑕᕝᕙᓐᖓᑦ ᐊᐅᓪᓚᕐᑎᑉᐹ. ᑕᕝᕙᓐᖓᓪᓗ ᐊᐅᓪᓚᕋᒥᒃ ᐃᖏᕐᕋᓚᐅᕐᐴᒃ ᐃᓄᖃᖏᑦᑐᒥ ᐱᐊᕐᓯᐸᐅᑉ ᐃᓚᖓᓂ.

ᒨᓯᓯ ᓯᕗᓪᓖᑦ 21:23

ᑍᒤᒻᒪᑦ ᐊᖏᒻᒪᕆᒃᓗᑎᑦ ᐅᖃᕕᓚᐅᕆᑦ ᒎᑎᐅᑉ ᓵᖓᓂ ᓇᓗᓁᕐᓯᓗᑎᑦ ᐅᕙᓐᓄᑦ ᓱᓕᖏᓐᓂᒃᑯᑦ ᐱᓂᐊᖏᓐᓂᕋᕐᓗᑎᑦ, ᕿᑐᕐᖓᓐᓄᓪᓘᓐᓃᑦ, ᐃᓕᖕᓄᑦ ᐱᑦᓯᐊᕐᓯᒪᒐᒪ, ᑍᒫᑦᓮᓐᓇᖅ ᐱᓇᓱᐊᕐᕕᒋᓚᐅᓐᖓ, ᓄᓇᑦᑎᓐᓄᓪᓗ ᑕᒪᐅᖓᓗ ᓇᔪᕐᑕᕐᓄᑦ.”

ᒨᓯᓯ ᓯᕗᓪᓖᑦ 21:27

ᑕᕝᕙ ᐂᑉᕋᕼᐋᒻ ᑐᓂᓯᓕᕐᐳᖅ ᓰᐱᓂᒃ ᐃᒻᒧᒃᓯᐅᒐᓂᒡᓗ ᐊᐱᒥᓕᑭᒧᑦ, ᑖᒃᑯᐊᒡᓗ ᐃᒻᒥᖕᓄᑦ ᐊᖏᖃᑎᒌᒃᐴᒃ.

ᒨᓯᓯ ᓯᕗᓪᓖᑦ 22:3

ᐅᓪᓛᕌᕐᔪᒃᑯᑦ ᖃᐅᑎᓪᓗᒍ ᐂᑉᕋᕼᐋᒻ ᒪᑭᑉᐳᖅ, ᓯᐅᑎᖅᑯᕐᑐᔪᖁᑎᓂᓗ ᓇᖕᒥᕐᓱᕐᓗᒍ, ᐱᔩᖕᓂᓗ ᒪᕐᕉᒃ, ᐃᕐᓂᓂᓗ ᐂᓴᑭ ᓇᒃᓴᕐᓗᒋᑦ, ᕿᔪᖕᓂᒡᓗ ᓇᑲᑎᕆᓪᓗᓂ ᑐᓂᕐᕈᓯᕐᓗᓂ ᐃᑯᐊᓪᓚᖅᑯᑎᒃᓴᒥᓂᒃ, ᐊᐅᓪᓚᕐᐳᑦ ᒎᑎᐅᑉ ᐅᐸᒃᑕᐅᖁᔭᖓᓄᑦ.

ᒨᓯᓯ ᓯᕗᓪᓖᑦ 25:33

ᔧᑰᑉ ᑭᐅᕚ, “ᐅᖃᕕᖅᑳᓚᐅᕆᑦ ᐅᕙᓐᓄᑦ.” ᐄᓴᓗ ᐅᖃᕕᒃᐳᖅ, ᐊᖓᔪᒃᓯᐅᓂᓂ ᐊᑭᓕᐅᑎᒋᔪᒪᓪᓗᒍ ᔧᑯᒧᑦ.

ᒨᓯᓯ ᓯᕗᓪᓖᑦ 26:32

ᐅᓪᓗᒥᓗ ᑖᑦᓱᒪᓂ ᐂᓴᑭᐅᑉ ᐱᔨᖏᑕ ᐅᐸᒡᓗᒍ ᐃᒥᕐᑕᕐᕕᒃᓴᒥᒃ ᐃᑎᕐᓴᓕᐅᕐᑕᒥᖕᓂᒃ ᐅᖃᐅᑎᕚᑦ, “ᐃᒥᕐᒥᒃ ᓇᓂᓯᕗᒍᑦ.”

ᒨᓯᓯ ᓯᕗᓪᓖᑦ 31:44

ᐊᑏ ᐊᖏᖃᑎᒌᒍᑎᓕᐅᓚᐅᕐᓗᒃ ᐅᕙᑦᑎᖕᓄᑦ; ᓇᓗᓁᒃᑯᑕᓕᐅᕐᓗᓄᒡᓗ.”

ᒨᓯᓯ ᓯᕗᓪᓖᑦ 31:55

ᖃᐅᑎᓪᓗᒍᓕ ᐅᓪᓛᒻᒪᕆᒃᑯᑦ ᓔᐸᓂᐅᑉ ᐃᕐᖑᑕᓂ ᐸᓂᓂᓗ ᑯᓂᒃᐰᑦ ᓮᒻᒪᕐᑎᓪᓗᒋᓪᓗ; ᑕᕝᕙᓐᖓᓪᓗ ᐊᐅᓪᓚᓯᕗᖅ ᐊᖏᕐᕋᐅᓕᕐᓗᓂ.

ᐄᑉᕈᐃᓄᑦ 6:16

ᐃᓄᒃ ᐅᖃᕕᒡᓗᓂ ᐊᖏᒻᒪᕆᒑᖓᒥ ᐊᑎᕐᒥᒃ ᑍᓯᖃᓯᐅᑦᔨᓲᖑᕗᖅ ᐊᖏᖅᑭᔭᒥᓂᒃ, ᐅᖃᕕᒡᓗᑎᒡᓗ ᐊᖏᒻᒪᕆᒍᑎᖃᕌᖓᑕ ᐂᕙᔭᐅᔪᓐᓇᓐᖏᓚᑦ.

ᓴᒧᐃᓕ ᓯᕗᓪᓖᑦ 14:24

ᐃᓴᕆᐊᓕᒥᐅᑦ ᐅᓪᓗᒥ ᑍᑦᓱᒪᓂ ᑕᖃᕗᑦ ᑳᖕᓂᕐᒧᑦ, ᓴᐅᓕ ᐅᖃᓚᐅᕐᒪᑦ, ᐊᖏᒻᒪᕆᒃᓱᓂ ᐃᒫᒃ: “ᓱᒋᐊᕐᑕᐅᔪᒃᓴᐅᕗᖅ ᓇᓪᓕᐊᑦ ᐅᓐᓄᓚᐅᖅᑳᕐᑎᓐᓇᒍ ᓂᕆᔪᖅ ᐊᑭᓂᐊᕇᓚᐅᖅᑳᕐᑎᓐᓇᖓ ᐊᑭᕋᓐᓂᒃ.” ᑍᒤᒻᒪᑦ ᓇᓪᓕᐊᓪᓘᓐᓃᑦ ᓂᕆᔪᖃᓚᐅᓐᖏᓚᑦ.

ᓴᒧᐃᓕ ᓯᕗᓪᓖᑦ 20:3

ᑍᕕᑎᓕ ᑭᐅᕗᖅ, “ᐊᑖᑍᑦ ᖃᐅᔨᒪᑦᓯᐊᕐᐳᖅ ᖃᓄᖅ ᐱᑦᓯᐊᕐᑎᒋᖕᒪᖔᕐᐱᑦ ᐅᕙᓐᓂᒃ, ᐃᓱᒪᖃᕐᐳᕐᓕ, ‘ᔫᓇᑕᓂ ᑕᒪᑐᒥᖓ ᖃᐅᔨᑎᑕᐅᑦᑍᓕᓕ, ᕿᒃᓵᓕᖁᓇᒍ.’ ᓱᓕᑦᓯᐊᕐᐳᖓ, ᐊᑕᓂᐅᑉ ᐆᒪᓂᖓᒍᑦ ᐃᕝᕕᓪᓗ, ᑐᖂᑉ ᐊᓪᓗᕆᐊᕐᓂᖓᓃᓕᕋᒪ.”

ᓴᒧᐃᓕ ᓯᕗᓪᓖᑦ 30:15

ᑍᕕᑎᐅᑉ ᐊᐱᕆᕚ, “ᑍᒃᑯᓄᓐᖓᐅᑎᔪᓐᓇᕐᐱᖔ ᐅᓇᑕᕆᐊᓚᐅᕐᑐᓄᑦ?” ᑖᓐᓇ ᑭᐅᕗᖅ, “ᐱᔪᓐᓇᕐᐳᖓ ᐊᖏᕐᕕᒋᓂᐊᑐᐊᕈᕕᖓ ᒎᑎᐅᑉ ᐊᑎᖓᓂ, ᑐᖁᓐᓂᐊᓐᖏᓐᓂᕋᕐᓗᖓ ᐅᕝᕙᓗ ᐊᖓᔪᖅᑳᓐᓄᑦ ᐂᑦᑑᑎᒋᓂᐊᓐᖏᑐᐊᕈᕕᖓ.”