ᒨᓯᓯ ᓯᕗᓪᓖᑦ 26:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐂᓴᑭᓗ ᑕᕝᕙᓂ ᓄᓇᒥ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᕗᖅ, ᑕᒪᑐᒪᓂᓗ ᐊᕐᕌᒍᒥ ᐱᕈᕐᑐᓂᒃ ᑲᑎᕐᓱᐃᓚᐅᕐᐳᖅ 100ᐃᕐᑐᓪᓗᐊᕐᑐᓂᒃ ᐅᓄᕐᓂᕐᓴᓂᒃ, ᐊᑕᓂᐅᑉ ᓮᒻᒪᕐᑎᓚᐅᕐᒪᒍ.

ᒨᓯᓯ ᓯᕗᓪᓖᑦ 26:12 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 24:1

ᐂᑉᕋᕼᐋᒻᓕ ᐃᓄᑐᖃᒻᒪᕆᐅᓕᕐᐳᖅ, ᐊᕐᕌᒍᖃᓕᓚᐅᕐᐳᖅ ᐅᓄᕐᑐᓂᒃ; ᐊᑕᓂᐅᓪᓗ ᓮᒻᒪᕐᑎᓯᒪᓚᐅᕐᐹ ᖃᓄᑐᐃᓐᓇᖅ ᐱᓇᓱᐊᕐᓂᓕᒫᖓᒍᑦ.

ᒨᓯᓯ ᓯᕗᓪᓖᑦ 24:35

ᐊᖓᔪᖅᑳᕋ ᐊᑕᓂᐅᑉ ᓮᒻᒪᕐᑎᕐᔪᐊᕐᓯᒪᖕᒪᒍ, ᐊᔪᕐᓴᕈᓐᓃᕐᑎᓯᒪᓪᓗᓂᐅᒡᓗ; ᑐᓂᓯᕕᒋᓯᒪᓪᓗᓂᐅᒡᓗ ᓰᐱᓂᒃ ᐃᒻᒧᒃᓯᐅᒐᕐᓂᒡᓗ ᐅᓄᕐᑐᓂᒃ, ᓯᐅᓪᕕᕆᓂᒃ, ᒎᓗᓂᒡᓗ, ᓯᐊᓛᓂᒡᓗ ᐊᖑᑎᓂᒃ ᐊᕐᓇᓂᒡᓗ, ᑳᒥᓕᖕᓂᒡᓗ, ᓯᐅᑎᖅᑯᕐᑐᔪᓂᒡᓗ.

ᒨᓯᓯ ᓯᕗᓪᓖᑦ 25:11

ᐂᑉᕋᕼᐋᒻᓗ ᑐᖁᓯᒪᓕᕐᑎᓪᓗᒍ, ᐃᕐᓂᖓ ᐂᓴᑭ ᒎᑎᐅᑉ ᓮᒻᒪᕐᑎᓚᐅᕐᐹ. ᐂᓴᑭᓗ ᓄᓇᖃᓚᐅᕐᐳᖅ ᐱᐊᕐ-ᓚᕼᐂ-ᕈᐂᒥ.

ᒨᓯᓯ ᓯᕗᓪᓖᑦ 26:29

ᐅᕙᑦᑎᓐᓂᒃ ᖃᓄᐃᓕᓯᖁᓇᒃ, ᑍᒫᒃᑕᐅᖅ ᐃᓕᑦᓯᓐᓂᒃ ᐊᒃᑐᕐᓯᓚᐅᖏᓐᓇᑦᑕ ᖃᓄᐃᓕᓯᓚᐅᕋᑕᓗ ᐱᐅᔪᒥᒃ ᐱᓂᐊᕐᓂᖃᕐᓗᑕ ᓮᒪᓇᕐᑐᒥᒃ ᐊᐅᓪᓚᕐᑎᑦᓯᓚᐅᕐᐳᒍᑦ. ᒫᓐᓇᓗ ᐊᑕᓂᐅᑉ ᓮᒻᒪᕐᑎᓯᒪᕚᑎᑦ.”

ᒨᓯᓯ ᓯᕗᓪᓖᑦ 26:3

ᑕᒫᓂ ᓄᓇᖃᑬᓐᓇᓕᕆᑦ, ᐃᓚᒋᓂᐊᕐᐸᒋᑦ, ᓮᒻᒪᕐᑎᓪᓗᑎᓪᓗ; ᐃᓕᖕᓄᑦ ᑭᖑᕚᕐᓄᓪᓗ ᓄᓁᑦ ᑕᒪᒃᑯᐊ ᑐᓂᔪᒫᕋᒃᑭᑦ, ᐊᖏᕈᑎᒋᓯᒪᔭᕋᓗ ᑲᔪᓯᑎᑦᓱᒫᕐᐸᕋ ᐊᑖᑕᖕᓄᑦ ᐂᑉᕋᕼᐋᒧᑦ ᐅᖃᕕᒍᑎᒋᓚᐅᕐᑕᕋ.

ᒨᓯᓯ ᓯᕗᓪᓖᑦ 30:30

ᐅᓄᖏᑦᑐᓂᒃ ᐱᖃᓚᐅᕐᐳᑎᑦ ᑎᑭᓚᐅᕐᑎᓐᓇᖓ, ᒫᓐᓇᓕ ᐅᓄᕐᑐᕐᔪᐊᕌᓗᓐᖑᕐᓯᒪᕗᑦ; ᖃᓄᑐᐃᓐᓇᕐᓗ ᐱᓕᕆᑐᐊᕌᖓᒪ ᐊᑕᓂᐅᑉ ᓮᒻᒪᕐᑎᓯᒪᕚᑎᑦ. ᒫᓐᓇᓕ ᓇᖕᒥᓂᖅ ᐱᓇᓱᐊᕈᒪᔭᓐᓄᑦ ᐱᓕᕆᕙᓪᓕᐊᔪᒃᓴᐅᓕᕐᐳᖓ ᐃᓚᒃᑲ ᐱᓪᓗᒋᑦ?”

ᔫᐱᐅᑉ ᐊᒡᓚᖏᑦ 42:12

ᐊᑕᓂᐅᓪᓗ ᔫᐱᐅᑉ ᐃᓅᓯᖓ ᐃᓱᐊᓄᑦ ᑎᑭᓪᓗᒍ ᓮᒻᒪᕐᑎᓚᐅᕐᐹ ᓯᕗᓂᖓᓂ ᐱᒋᓚᐅᕐᑕᖏᓐᓂᑦ ᐊᖏᓂᕐᓴᒻᒪᕆᐊᓗᖕᓂᒃ; ᓰᐱᖁᑎᖃᓕᓚᐅᕐᐳᖅ 14,000ᓂᒃ, ᑳᒥᓕᖁᑎᖃᓕᕐᓗᓂᓗ 6,000ᓂᒃ, ᐃᒻᒧᓕᐅᕐᑏᓪᓗ ᐊᖑᓴᓪᓗᖏᓐᓂᒃ ᕿᒧᒃᓯᐅᑎᓴᓂᒃ 2,000ᓂᒃ, ᓯᐅᑎᖅᑯᑐᔪᖁᑎᖃᓕᕐᓗᓂᓗ ᐊᕐᓇᓪᓗᖕᓂᒃ 1,000ᓂᒃ.

ᐃᓐᖏᕈᑎᑦ 67:6

ᓄᓇᐅᑉ ᑕᕝᕙ ᐱᕈᕐᑎᑕᓂ ᓴᖅᑭᑎᑦᓱᒫᕐᐰᑦ; ᒎᑎᐅᓪᓗ, ᒎᑎᑦᑕ, ᓮᒻᒪᕐᑎᑦᓱᒫᕐᐹᑎᒍᑦ.

ᐃᓐᖏᕈᑎᑦ 72:16

ᐊᒥᒐᖏᑦᑐᓂᒃ ᐱᕈᕐᑐᓂᒃ ᓂᑭᒃᓴᖃᕈᒫᕐᐳᖅ ᓄᓇᒥ, ᖃᖅᑬᑦ ᖄᖏᓐᓂ ᐱᕈᕐᑐᑦ ᐊᐅᓚᔪᒫᕐᐳᑦ ᓕᐸᓇᓂᑐᑦ; ᐃᒡᓗᒐᓴᒡᔪᐊᓪᓗ ᐱᕈᕐᐸᓪᓕᐊᔪᒫᕐᐳᑦ ᐃᕕᒃᓱᒐᕐᑎᑐᑦ ᓄᓇᒦᑦᑐᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:22

ᐊᑕᓂᐅᑉ ᓮᒻᒪᕐᑎᑦᓯᓂᖓ ᐊᒃᓗᐃᑎᑦᓯᕗᑦ, ᕿᒃᓵᖕᓇᕐᑐᓂᒡᓗ ᐃᓚᓯᒪᓇᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:6

ᐱᕈᕐᓯᐊᒃᓮᑦ ᓄᓇᒧᑦ ᑲᓐᖓᕐᓲᑎᒋᒃᑭᑦ ᐅᓪᓛᒃᑯᑦ, ᐅᓐᓄᒃᐸᓪᓗ ᐊᒡᒐᑎᑦ ᓱᓕᐊᒃᓴᖃᕈᓐᓃᕐᑎᑦᑍᓕᒃᑭᑦ; ᖃᐅᔨᒪᖏᓐᓇᕕᑦ ᓇᓕᐊᒃ ᑲᔪᓯᑦᓯᐊᕐᓂᐊᕐᒪᖔᑦ, ᐅᓇᓘᓐᓃᑦ ᐅᓇᖔᕐᓘᓐᓃᑦ, ᑕᒪᕐᒥᒡᓘᓐᓃᑦ ᐱᐅᔪᐃᓐᓇᐅᓂᐊᕐᒪᖔᑎᒃ.

ᓴᑲᕅᐊᐅᑉ ᐊᒡᓚᖏᑦ 8:12

“ᐱᕈᕐᓯᐊᒃᓴᓂᒃ ᐱᕈᕐᓰᕕᖕᒥᖕᓄᑦ ᐃᓕᐅᖅᑬᔪᒫᕐᐳᑦ ᓯᕘᕋᖏᓪᓗᑎᒃ. ᕔᓂᒃᓴᖁᑎᖏᓪᓗ ᐱᕈᕐᕕᐅᑦᓯᐊᕈᒫᕐᐳᑦ, ᓄᓇᒥᓗ ᐱᕈᕐᓯᐊᖏᑦ ᓂᕿᒃᓮᑦ ᐱᕈᑦᓯᐊᓗᕐᑎᒃ, ᓯᓚᓗᖃᑦᑕᑦᓯᐊᕐᓗᓂᓗ, ᑕᒪᒃᑯᐊ ᑍᒫᒃ ᐱᓇᓱᐊᕈᒪᕙᒃᑲ ᐃᓄᐃᑦ ᐊᒥᐊᒃᑯᑦ ᑭᖑᕐᖑᑦᔨᖁᓪᓗᒋᑦ ᑕᒪᑐᒥᖓ.

ᒫᑎᐅᓯᐅᑉ ᐊᒡᓚᖏᑦ 13:23

ᐱᕈᕐᑐᒃᓮᓪᓕ ᓄᓇᒧᑦ ᐃᑦᔪᕆᒃᑐᒧᑦ ᑲᑕᒃᑐᑦ ᐃᒤᑦᑐᒥᒃ ᑐᑭᖃᕐᐳᑦ; ᐅᖃᐅᓯᕐᓂᒃ ᑐᓴᕐᑐᓄᑦ ᑐᑭᓯᓪᓗᑎᒡᓗ; ᐱᕈᕐᑎᑦᓯᓕᕐᑐᓄᑦ, ᐃᓚᖏᑦ 100ᓂᒃ, ᐃᓚᖏᓪᓕ 60ᓂᒃ, ᐃᓚᖏᓪᓗ 30ᓂᒃ.”

ᒫᑎᐅᓯᐅᑉ ᐊᒡᓚᖏᑦ 13:8

ᐃᓚᖏᓪᓕ ᐱᕈᕐᑐᒃᓮᑦ ᑲᑕᒃᐳᑦ ᓄᓇᒧᑦ ᐃᑦᔪᑦᓯᐊᕆᒃᑐᒧᑦ, ᐱᕈᕐᑐᐃᑦ ᐱᕈᕋᒥᒃ ᓂᐊᖂᔭᒃᓴᖃᓕᕐᐳᑦ: ᐃᓚᖏᑦ 100ᓂᒃ, ᐃᓚᖏᑦ 60ᓂᒃ, ᐃᓚᖏᓪᓗ 30ᓂᒃ.”

ᒫᑯᓯᐅᑉ ᐊᒡᓚᖏᑦ 4:8

ᐃᓚᖏᑦ ᐱᕈᕐᓯᐊᒃᓮᑦ ᑲᑕᒃᐳᑦ ᐃᑦᔪᖃᑦᓯᐊᕐᑐᒧᑦ, ᑖᒃᑯᐊ ᐱᕈᐸᓕᐊᓕᕋᒥᒃ, ᐃᓚᖏᑦ ᐱᕈᕐᕕᐅᓪᓗᑎᒃ 30ᓂᒃ, ᐃᓚᖏᓪᓗ 60ᓂᒃ, ᐃᓚᖏᓪᓗ 100ᓂᒃ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:6

ᐅᕙᖓ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᓚᐅᕐᐳᖓ, ᐊᐴᓗᓯ ᐃᒥᕐᒥᒃ ᑯᕕᓯᓚᐅᕐᐳᖅ, ᒎᑎᓕ ᐱᕈᕐᑎᑦᓯᓚᐅᕐᐳᖅ.