5 ᐂᑉᕋᕼᐋᒻᓗ ᑕᒪᕐᒥᒃ ᐱᖁᑎᓕᒫᓂ ᐂᓴᑭᒧᑦ ᑐᓂᕔᑦ;
ᐊᖓᔪᖅᑳᕋ ᐊᑕᓂᐅᑉ ᓮᒻᒪᕐᑎᕐᔪᐊᕐᓯᒪᖕᒪᒍ, ᐊᔪᕐᓴᕈᓐᓃᕐᑎᓯᒪᓪᓗᓂᐅᒡᓗ; ᑐᓂᓯᕕᒋᓯᒪᓪᓗᓂᐅᒡᓗ ᓰᐱᓂᒃ ᐃᒻᒧᒃᓯᐅᒐᕐᓂᒡᓗ ᐅᓄᕐᑐᓂᒃ, ᓯᐅᓪᕕᕆᓂᒃ, ᒎᓗᓂᒡᓗ, ᓯᐊᓛᓂᒡᓗ ᐊᖑᑎᓂᒃ ᐊᕐᓇᓂᒡᓗ, ᑳᒥᓕᖕᓂᒡᓗ, ᓯᐅᑎᖅᑯᕐᑐᔪᓂᒡᓗ.
ᓵᕋᐅᓪᓗ ᐊᖓᔪᖅᑳᒪ ᓄᓕᐊᖓᑕ ᐃᕐᓂᕐᑖᕐᑎᓚᐅᕐᐹ ᓂᖏᐅᖑᓕᕋᓗᐊᕐᓗᓂ; ᐊᖓᔪᖅᑳᒪᓗ ᐱᔨᓕᒫᒥᓂᒃ ᐃᕐᓂᓂ ᑐᓂᓯᕕᒋᓯᒪᕚ.
ᒥᑎᐊᓂᐅᓪᓕ ᐃᕐᓂᖏᑦ ᐅᑯᐊᖑᕗᑦ ᐃᐸ, ᐃᐱᕆ, ᕼᐊᓅᒃ, ᐊᐰᑕ, ᐃᐅᓪᑖᓗ. ᑖᒃᑯᐊᓕᒫᓪᓗ ᑕᒪᕐᒥᒃ ᑭᖑᕚᕆᔭᐅᕗᑦ ᑭᑑᕋᒧᑦ.
ᐆᒪᔪᖁᑎᖃᓚᐅᕐᒪᑦ ᐅᓄᕐᑐᒻᒪᕆᐊᓗᖕᓂᒃ ᓰᐱᓂᒃ ᐃᒻᒧᒃᓯᐅᒐᕐᓂᒡᓗ, ᐱᔨᖃᕐᓗᓂᓗ ᐅᓄᕐᑐᓂᒃ, ᐱᓕᔅᑍᓂᒥᐅᓂᓪᓗ ᐊᒡᓛᑦ ᓱᒐᓗᓗᐊᕆᔭᐅᓕᓚᐅᕐᐳᖅ.
ᖁᒻᒧᐊᒃᐳᑎᑦ ᖁᑦᓯᒃᑐᒧᑦ, ᑎᒍᔭᐅᓯᒪᔪᑦ ᓇᒃᓴᕐᓗᒋᑦ, ᑐᓂᕐᕈᑎᓂᒡᓗ ᐃᓄᖕᓂᑦ ᐱᑎᑕᐅᕗᑎᑦ, ᐊᑭᕋᕐᑐᕐᑐᓂᑦ ᐊᒡᓛᑦ, ᐊᑕᓂᖅ ᒎᑎ ᐃᓂᖃᖁᓪᓗᒍ ᑍᑲᓂ.
“ᐊᑖᑕᒪ ᑕᒤᓐᓂᒃ ᑐᓂᓯᕕᒋᓚᐅᕐᒪᖓ; ᐃᕐᓂᖅ ᖃᐅᔨᒪᔭᐅᓐᖏᓚᖅ ᐊᑖᑕᐅᑉ ᑭᓯᒥ ᖃᐅᔨᒪᕚ, ᐊᑖᑕᑦᑕᐅᖅ ᖃᐅᔨᒪᔭᐅᖏᓐᓂᕗᖅ ᐃᕐᓂᐅᑉ ᑭᓯᒥ ᖃᐅᔨᒪᕚ, ᑖᒃᑯᓄᖓᓗ ᐃᕐᓂᐅᑉ ᖃᐅᔨᑎᑦᓱᒪᔭᖏᑕ ᑭᓯᒥ ᖃᐅᔨᒪᕚᑦ.
ᔩᓱᓯᐅᑉ ᐅᐸᒃᓗᒋᑦ ᐅᖃᐅᑎᕔᑦ, “ᐱᔪᓐᓇᕐᓂᕐᓂᒃ ᑕᒤᓐᓂᒃ ᑐᓂᓯᕕᐅᕗᖓ ᕿᓚᖕᒥ ᓄᓇᕐᔪᐊᒥᓗ.
ᐃᕐᓃᑦ ᑐᓂᓯᕕᒋᓯᒪᒐᕕᐅᒃ ᐱᔪᓐᓇᕐᓂᕐᒥᒃ ᐃᓄᓕᒫᓄᑦ, ᐃᓅᓯᕐᒥᒃ ᓄᖑᓱᐃᑦᑐᒥᒃ ᑐᓂᓯᖁᓪᓗᒍ ᑐᓂᓯᒪᔭᓕᒫᕐᓄᑦ ᑖᑦᓱᒧᖓ.
ᐊᑖᑕᐅᑉ ᐃᕐᓂᓂ ᓇᒡᓕᒋᕚ, ᑕᒤᑦᑕᓗ ᑐᓂᓚᐅᕐᐰᑦ ᑖᑦᓱᒪ ᐱᔪᓐᓇᕐᓂᖓᓄᑦ.
ᕿᑐᕐᖓᕆᔭᐅᒍᑦᑕᓗ, ᑭᖑᕐᖑᑦᔨᔪᒃᓴᐅᓕᕐᐳᒍᑦ, ᒎᑎᐅᑉ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᐅᑎᑕᖏᓐᓂᒃ ᙭ᔅᑑᓯᓗ ᑭᖑᕐᖑᑦᔨᖃᑎᒋᔪᒫᓕᕐᓗᒍᑦ, ᙭ᔅᑑᓯ ᐅᖁᒤᒃᓴᖃᑎᒋᕙᕗᑦ ᓂᕐᑐᕐᓇᕐᓯᑎᑕᐅᓂᖓᓂᒃᑕᐅᖅ ᐱᖃᑕᐅᔪᒫᖁᓪᓗᑕ.
ᑖᑦᓱᒪ ᓇᖕᒥᓂᖅ ᐃᕐᓂᓂ ᐊᓐᓂᕆᓇᒍ ᐅᕙᑦᑎᓐᓄᓕᒫᖅ ᑐᓂᓚᐅᕐᒪᒍ, ᑕᕝᕙᓖ ᑐᓂᓯᓂᐊᓐᖏᓛᑎᒍᑦ ᓱᓇᓕᒫᓂᒃ ᑖᑦᓱᒨᓇ?
ᑕᕝᕙ ᙭ᔅᑑᓯᒥᐅᑕᐅᒍᕕᑦ, ᐂᑉᕋᕼᐋᒻᒧᑦ ᑭᖑᕚᕆᔭᐅᓕᕐᐳᑎᑦ, ᐊᖏᕈᑕᐅᓯᒪᔪᒥᒡᓗ ᑭᖑᕐᖑᑦᔨᖃᑕᐅᔪᒫᓕᕐᐳᑎᑦ.
ᑕᕝᕙᓕ, ᐅᒃᐱᕐᑑᖃᑎᒃᑲ, ᐂᓴᑭᑐᑦ ᕿᑐᕐᖓᐅᕗᓯ ᐊᖏᕐᓯᒪᓂᒃᑯᑦ.
ᑖᑦᓱᒪᓂ ᒎᑎᐅᓂᓂ ᐊᑕᖏᕐᓗᒍ ᖁᕕᐊᒋᓚᐅᕐᐹ ᐃᓂᒋᓗᒍ,
ᐅᓪᓗᓂᓕ ᑭᖑᓪᓕᕐᓂ ᐅᖃᓪᓚᒡᕕᒋᓚᐅᕐᐹᑎᒍᑦ ᐃᕐᓂᕐᒥᒍᑦ, ᑖᓐᓇ ᓱᓇᓕᒫᑦᓯᐊᕐᓂᒃ ᑭᖑᕐᖑᑦᔨᔪᒃᓴᐅᖁᓪᓗᒍ ᓂᕈᐊᕐᓯᒪᕚ, ᑖᑦᓱᒨᓇᓗ ᓯᓚᕐᔪᐊᖅ ᐱᓐᖑᕐᑎᓚᐅᕐᐹ.
