31 ᔧᑰᑉ ᑭᐅᕚ, “ᓯᕗᓪᓕᕐᒥᒃ ᐊᖓᔪᒃᓯᐅᓃᑦ ᐊᑭᓕᐅᑎᓚᐅᕈᒃ ᐅᕙᓐᓄᑦ.”
ᐄᓴᓗ ᔧᑯᒧᑦ ᐅᖃᕐᐳᖅ, “ᑳᒃᑐᐊᓘᒐᒪ; ᑕᕝᕙᓐᖓᑦ ᐊᐅᐸᕐᑐᒥᑦ ᓂᕆᑎᓚᐅᓐᖓ.” (ᑍᒤᒻᒪᑦ ᐄᓴ ᐊᑎᖃᕐᑎᑕᐅᓕᓚᐅᕐᐳᖅ ᐄᑐᒥᒥᒃ.)
ᐄᓴᓗ ᐅᖃᕐᐳᖅ, “ᐱᕐᓕᕐᓗᖓ ᑐᖁᑐᐃᓐᓇᕆᐊᖃᓕᕋᒪ; ᓱᓇᒧᓪᓕ ᐊᑐᕋᔭᓕᕐᐹ ᐊᖓᔪᒃᓯᐅᓂᖅ?”
ᑕᕝᕙ ᐱᖁᑎᒥᓂᒃ ᐃᕐᓂᕐᒥᓄᑦ ᑭᖑᕐᖑᑎᔭᒃᓴᖏᓐᓂᒃ ᑐᓂᓯᕝᕕᒃᓴᖓ ᐅᓪᓗᖅ ᓇᓪᓕᐅᑎᒃᐸᑦ, ᑕᕝᕙ ᐅᖓᒋᓂᕐᓴᖓᑕ ᐃᕐᓂᖓ ᐱᑎᖔᕐᑕᒃᓴᕆᓐᖏᓛ ᐅᖓᒋᖏᓐᓂᕐᓴᒥ ᐃᕐᓂᖓᑕ ᐱᔭᒃᓴᖏᓐᓂᒃ, ᐃᕐᓂᐊᖑᖄᕐᓯᒪᓂᖓᓄᑦ.
ᐊᖓᔪᒃᓯᕐᐹᖁᑎᓂ ᐅᐱᒋᔭᒃᓴᕆᕚ, ᓄᓕᐊᖓᑕ ᐅᖓᒋᓂᕐᓴᖓᑕ ᐃᕐᓂᕆᖏᒃᑲᓗᐊᕐᑎᓪᓗᓂᐅᒃ, ᐱᖁᑎᒥᓕ ᐊᕕᒋᐊᖃᕐᑕᖏᓐᓂᑦ ᒪᕐᕈᐃᕐᓱᓪᓗᐊᕐᑐᓂᒃ ᐃᕐᓂᓂ ᐊᖓᔪᒃᓯᖅ ᑐᓂᓯᕕᒋᔭᒃᓴᕆᕚ, ᑖᓐᓇ ᐱᔪᓐᓇᕐᓂᖓᓂᒃ ᓯᕗᓪᓕᕐᒥᑦ ᐱᓯᒪᖕᒪᑦ; ᐊᖓᔪᒃᓯᐅᓂᖅ ᑖᑦᓱᒪ ᐱᒋᖕᒪᒍ.”
ᕉᐱᓂᐅᑉ ᐃᕐᓂᖏᑦ ᐃᓴᕆᐊᓕᐅᑉ ᐊᖓᔪᒃᓯᕐᐹᖁᑎᖓᑕ ᐊᖓᔪᒃᓯᕐᐹᖑᒐᓗᐊᖅ, ᑭᓯᐊᓂ ᐊᑖᑕᖓᑕ ᓄᓕᐊᒃᑲᓐᓂᖓᓂᒃ ᐃᓐᓇᖓᖃᑎᖃᓚᐅᕐᒪᑦ ᓱᒃᑯᑎᕆᓚᐅᕐᐳᖅ, ᑕᕝᕙ ᐊᖓᔪᒃᓯᕐᐸᐅᓂᖓᑕ ᑎᑎᕋᕐᑕᐅᓯᒪᓂᖓ ᑐᓂᔭᐅᓚᐅᕐᐳᖅ ᐃᓴᕆᐊᓕᐅᑉ ᐃᕐᓂᖓᑕ ᔫᓯᐱᐅᑉ ᐃᕐᓂᖏᓐᓄᑦ, ᑍᒤᒻᒪᑦ ᐊᖓᔪᒃᓯᕐᐹᖑᓂᖓᑕ ᐃᓚᖏᑦ ᑎᑎᕋᕐᑕᐅᓯᒪᓐᖏᓚᑦ ᐊᖓᔪᒃᓯᕐᐹᕐᓯᐅᑎᑎᒍᑦ.
ᔫᑕᓕ ᐱᓪᓚᕆᐅᓂᕐᐸᐅᓕᓚᐅᕐᐳᖅ ᖃᑕᓐᖑᑎᒥᓂᑦ ᑖᑦᓱᒪᓐᖓᓪᓗ ᐊᖓᔪᖅᑳᕐᔪᐊᑦ ᐱᓯᒪᓪᓗᑎᒃ, ᐊᖓᔪᒃᓯᕐᐹᕐᓯᐅᑏᑦ ᑎᑎᕋᕐᓯᒪᓂᖏᑦ ᔫᓯᐱᒃᑰᕋᓗᐊᕐᑎᓪᓗᒋᑦ,
ᐄᓴᓗ ᐅᖃᕐᐳᖅ, “ᓱᓕᔪᒥᒃ ᔧᑯᒥᒃ ᐊᑎᖃᕋᒥ, ᒪᕐᕈᕕᒃᓗᓂ ᓯᓔᕐᕆᓕᕐᐹᖓ, ᐊᖓᔪᒃᓕᐅᓂᓐᓂᒃ ᐊᕐᓵᓚᐅᕐᒪᖓ; ᐊᒻᒪ ᑕᕝᕙ ᓮᒻᒪᕐᑎᑕᐅᑦᔪᑎᒃᓴᕋᓗᐊᓐᓂᒃ ᐊᕐᓵᕆᕚᖓ.” ᐅᖃᒃᑲᓐᓂᕐᐳᕐᓗ, “ᓮᒻᒪᕐᑎᑕᐅᓂᒃᓴᒥᒃ ᐊᒥᐊᒃᑯᓯᒪᓐᖏᓚᕐᒪ?”
ᐊᖑᑎᐅᑉ ᐅᖃᐅᑎᕚ, “ᒫᓐᓇᒥᑦ ᐱᒋᐊᕐᓗᒍ ᔧᑯᒥᒃ ᐊᑎᖃᕐᓂᐊᕈᓐᓃᕐᐳᑎᑦ, ᐃᓴᕆᐊᓕᐅᓂᐊᓕᕐᐳᑎᑦ, ᒎᑎᒥᒃ ᐅᓇᑕᖃᑎᖃᕐᓯᒪᒐᕕᑦ ᓵᓚᖃᕐᓱᑎᑦ ᐃᓄᖕᓂᒡᓗ ᓵᓚᖃᕆᓪᓗᑎᑦ.”
ᐊᕐᓇᕐᓂᐊᕐᓂᕐᒧᑦ ᐊᖑᓐᓂᐊᕐᓂᕐᒧᓪᓗ ᐊᔪᓕᕈᑎᖃᕐᑐᖃᕐᑍᓕᓕ ᓈᒻᒪᖏᑦᑐᓂᒃᓘᓪᓃᑦ ᐃᓕᖅᑯᓯᖃᕋᓱᐊᕐᑐᖃᕐᑍᓕᓕ ᐃᑦᔪᕐᓇᕐᑐᒥᒃ ᐄᓴᑐᑦ ᑍᒤᑦᑐᒥᒃ, ᑖᑦᓱᒪ ᐊᑕᐅᓯᐊᕐᓗᓂ ᓂᕆᔭᒃᓴᒥᓄᑦ ᐃᕐᓂᐊᖑᖅᑳᕐᓯᒪᓂᓂ ᑐᓐᓂᖅᑯᑎᒋᓚᐅᕐᒪᒍ.
