ᒨᓯᓯ ᓯᕗᓪᓖᑦ 25:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᑭᖑᓪᓕᐅᓪᓗᓂ ᐊᓂᔪᖅ, ᑎᒍᒥᐊᓚᐅᕐᐳᖅ ᐄᓴᐅᑉ ᑭᖕᒥᐊᓂᒃ; ᐊᑎᖃᕐᑎᑕᐅᕗᕐᓗ ᔧᑯᒥᒃ. ᐂᓴᑭᓗ ᐊᕐᕌᒍᖃᓕᓚᐅᕐᐳᖅ 60ᓂᒃ ᐃᕐᓂᖏᒃ ᐃᓅᓕᕐᑎᓪᓗᒋᒃ.

ᒨᓯᓯ ᓯᕗᓪᓖᑦ 25:26 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 21:5

ᐂᑉᕋᕼᐋᒻᓗ 100ᓂᒃ ᐊᕐᕌᒍᖃᓕᓚᐅᕐᐳᖅ ᐃᕐᓂᖓ ᐂᓴᑭ ᐃᓅᑎᓪᓗᒍ.

ᒨᓯᓯ ᓯᕗᓪᓖᑦ 25:20

ᐂᓴᑭ ᓄᓕᐊᓂᓚᐅᕐᐳᖅ ᕇᐱᑲᒥᒃ ᐊᕐᕌᒍᖃᓕᕐᓗᓂ 40ᓂᒃ, ᐱᑐᐃᓕᐅᑉ ᐸᓂᖓᓂᒃ ᐊᕋᒥᐊᒥᐅᑕᒥᒃ ᓄᓇᒥᑦ ᐸᑖᓐ-ᐊᕌᒻᒥ, ᓔᐸᓂᐅᑉ ᓇᔭᖓᓂᒃ ᐊᕋᒥᐊᒥᐅᑕᐅᑉ.

ᒨᓯᓯ ᓯᕗᓪᓖᑦ 27:36

ᐄᓴᓗ ᐅᖃᕐᐳᖅ, “ᓱᓕᔪᒥᒃ ᔧᑯᒥᒃ ᐊᑎᖃᕋᒥ, ᒪᕐᕈᕕᒃᓗᓂ ᓯᓔᕐᕆᓕᕐᐹᖓ, ᐊᖓᔪᒃᓕᐅᓂᓐᓂᒃ ᐊᕐᓵᓚᐅᕐᒪᖓ; ᐊᒻᒪ ᑕᕝᕙ ᓮᒻᒪᕐᑎᑕᐅᑦᔪᑎᒃᓴᕋᓗᐊᓐᓂᒃ ᐊᕐᓵᕆᕚᖓ.” ᐅᖃᒃᑲᓐᓂᕐᐳᕐᓗ, “ᓮᒻᒪᕐᑎᑕᐅᓂᒃᓴᒥᒃ ᐊᒥᐊᒃᑯᓯᒪᓐᖏᓚᕐᒪ?”

ᒨᓯᓯ ᓯᕗᓪᓖᑦ 35:28

ᐂᓴᑭᓕ ᐃᓅᓚᐅᕐᐳᖅ ᐊᕐᕌᒍᓂᒃ 180ᓂᒃ

ᑯᕉᓂᑲ ᓯᕗᓪᓖᑦ 1:34

ᐂᑉᕋᕼᐋᒻ ᐃᕐᓂᖃᕐᐳᑉ ᐂᓴᑭᒥᒃ. ᐂᓴᑭ ᐃᕐᓂᕐᑖᕐᐳᖅ ᐄᓴᒥᒃ ᐃᓴᕆᐊᓕᒥᒡᓗ.

ᕼᐆᓯᐊᑉ ᐊᒡᓚᖏᑦ 12:3

ᐃᒡᓕᐊᕐᒦᓪᓗᑎᒃ ᓱᓕ ᐊᖓᔪᓂ ᑭᖕᒥᖓᒍᑦ ᑎᒍᓚᐅᕐᐹ, ᐱᕈᕇᕋᒥᓗ ᓲᖑᓂᓂ ᐊᑐᕐᓗᒍ ᒎᑎᒥᒃ ᐊᒃᓱᕈᕐᓗᓂ ᐹᖃᑎᖃᓚᐅᕐᐳᖅ.

ᕼᐆᓯᐊᑉ ᐊᒡᓚᖏᑦ 12:4

ᐃᓛᒃ, ᐹᖃᑎᖃᓚᐅᕐᐳᖅ ᐂᖏᓕᒥᒃ ᓵᓚᖃᕐᓗᓂᓗ, ᖁᕝᕕᐅᕐᓗᓂ ᖁᕕᐊᒋᔭᐅᔪᒪᓕᓚᐅᕐᐳᖅ ᑖᑦᓱᒧᖓ. ᐱᑎᓕᒥ ᒎᑎᒥᒃ ᖃᐅᔨᓚᐅᕐᐳᖅ, ᑍᑲᓂᓗ ᒎᑎᐅᑉ ᐅᖃᕐᕕᒋᓚᐅᕐᐹ;

ᒪᓚᑬᑉ ᐊᒡᓚᖏᑦ 1:2

ᐊᑕᓂᖅ ᐅᖃᕐᐳᖅ, “ᓇᒡᓕᒋᓚᐅᕐᐸᑦᓯ.” ᐅᖃᕐᐳᓯᓕ, “ᖃᓄᐃᓕᐅᕐᓗᑎᑦ ᓇᒡᓕᒋᕕᒋᑎᒍᑦ?” ᐊᑕᓂᖅ ᐅᖃᕐᐳᖅ, “ᐄᓴ ᔧᑰᑉ ᖃᑕᓐᖑᑎᒋᓚᐅᓐᖏᓛ? ᔧᑯᓕ ᓇᒡᓕᒋᓚᐅᕐᐸᕋ.

ᒨᓯᓯ ᓯᑕᒪᖏᑦ 20:14

ᒨᓯᓯᓗ ᑎᓕᓯᕗᖅ ᐅᖃᕆᐊᕐᑐᕐᑐᓂᒃ ᓄᓇᒥᑦ ᑲᑎᓯᒥᑦ ᐄᑐᒥᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐃᒫᒃ, “ᐃᓴᕆᐊᓕᒥᐅᑦ ᖃᑕᓐᖑᑎᑎᑦ ᐃᒫᒃ ᐅᖃᕐᐳᑦ: ‘ᖃᐅᔨᒪᕗᓯ ᐅᖁᒤᑦᑐᑎᒍᑦ ᐊᑐᕐᓯᒪᒐᑦᑕ,

ᐋᐴᓯᑕᓖᑦ ᐱᓂᐊᕐᓂᖏᑦ 7:8

ᒎᑎᐅᑉ ᐊᖏᕈᑎᓂ ᓇᓗᓁᒃᑯᑦᓯᓚᐅᕐᐹ ᑭᐱᔭᐅᓂᕐᒥᒃ. ᑍᒤᒻᒪᑦ ᐂᑉᕋᕼᐋᑉ ᐂᓴᑭ ᐃᕐᓂᕐᑖᕆᒐᒥᐅᒃ, ᐅᓪᓗᐃ ᓯᑕᒪᐅᔪᕐᑐᖓᓐᓂ ᑭᐱᕚ; ᐂᓴᑭᐅᓪᓗ ᔧᑯ ᐃᕐᓂᕐᑖᕆᒐᒥᐅᒃ ᑭᐱᒋᕚ, ᔧᑰᓪᓗ ᐃᕐᓂᓂ ᓯᕗᓕᕆᔭᕗᑦ 12 ᑭᐱᓚᐅᕆᕔᑦ.

ᒨᓯᓯ ᑕᓪᓕᒪᖏᑦ 23:8

ᑖᒃᑯᐊ ᑭᖑᕚᖏᑕ ᐱᖓᔪᖏᓐᓂᑦ ᐃᕐᓂᐊᖑᓯᒪᔪᑦ ᐱᒋᐊᕐᓗᑎᒃ ᐊᑕᓂᐅᑉ ᐃᓄᖁᑎᖏᓐᓄᑦ ᐃᓚᐅᓕᕈᓐᓇᕐᐳᑦ.”

ᔮᓱᐊᑉ ᐊᒡᓚᖏᑦ 24:4

ᐂᓴᑭᓗ ᑐᓂᓚᐅᕐᐸᕋ ᔧᑯᒥᒃ ᐄᓴᒥᒡᓗ. ᐄᓴᓗ ᓄᓇᒥᒃ ᖃᖅᑲᓕᖕᒥᒃ ᓰᐊᕆᒥᒃ ᓄᓇᑖᕐᑎᓚᐅᕐᐸᕋ, ᔧᑯᓕ ᕿᑐᕐᖓᖏᓪᓗ ᑕᐅᓄᖓ ᐄᑦᔨᑉᑎᒧᐊᓚᐅᕐᐳᑦ.