ᒨᓯᓯ ᓯᕗᓪᓖᑦ 25:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐂᓴᑭᓗ ᑐᒃᓯᐊᓚᐅᕐᐳᖅ ᐊᑕᓂᕐᒧᑦ, ᓄᓕᐊᖓ ᕿᑐᕐᖏᓱᐃᑦᑑᖕᒪᑦ; ᑐᒃᓯᐊᕐᓂᖓᓗ ᐊᑕᓂᐅᑉ ᑐᓴᕐᐹ, ᓄᓕᐊᖓᓗ ᕇᐱᑲ ᓄᑕᕋᒃᓴᖃᓕᕐᐳᖅ.

ᒨᓯᓯ ᓯᕗᓪᓖᑦ 25:21 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 11:30

ᓴᕅᓕ ᕿᑐᕐᖏᓱᐃᑦᑑᒐᒥ; ᕿᑐᕐᖓᖃᓚᐅᓐᖏᓚᖅ.

ᒨᓯᓯ ᓯᕗᓪᓖᑦ 16:2

ᑍᒤᒻᒪᑦ ᐅᐃᓂ ᐂᑉᕋᒻ ᐅᖃᐅᑎᕚ, “ᑕᑯᓕᕆᑦ, ᐊᑕᓂᐅᑉ ᕿᑐᕐᖓᕐᑖᕈᓐᓇᕐᑎᖏᒻᒪᖓ; ᐱᔨᒐᑐᕐᖑᓇ ᐱᖃᑎᒋᓚᐅᕈᒃ ᐃᒻᒪᖄᓕ ᕿᑐᕐᖓᕐᑖᕈᓐᓇᕐᐳᖅ ᕿᑐᕐᖓᒃᓴᓐᓂᒃ.” ᐂᑉᕋᐅᓪᓗ ᓴᕅᑉ ᐅᖃᐅᓯᖏᑦ ᓈᓚᓚᐅᕐᐰᑦ.

ᒨᓯᓯ ᓯᕗᓪᓖᑦ 30:22

ᒎᑎᐅᓪᓗ ᕅᒋᓕ ᐃᖅᑲᐅᒪᒐᒥᐅᒃ; ᑐᒃᓯᐊᕐᓂᖓ ᑭᐅᓪᓗᒍ ᕿᑐᕐᖓᕐᑖᕈᓐᓇᕐᓯᑎᑉᐹ.

ᑯᕉᓂᑲ ᓯᕗᓪᓖᑦ 5:20

ᐃᑲᔪᕐᑕᐅᓪᓗᑎᒃ, ᕼᐊᒐᕅᑎᒥᐅᑉ ᓵᓚᐅᕗᑦ ᑖᒃᑯᓄᖓ, ᑖᒃᑯᐊ ᒎᑎᒧᑦ ᑐᒃᓯᐊᓚᐅᕐᒪᑕ ᐅᓇᑕᕐᓱᑎᒃ, ᑐᒃᓯᐊᕐᓂᖏᑦ ᑐᓴᓚᐅᕐᐰᑦ, ᑖᑦᓱᒥᖓ ᑕᑎᖃᕐᒪᑕ.

ᑯᕉᓂᑲ ᐂᑉᐸᖏᑦ 33:13

ᑐᒃᓯᐊᕐᕕᒋᕚᓗ, ᒎᑎᐅᓪᓗ ᕿᓄᑦᔪᑎᖏᑦ ᐃᓚᓕᐅᕐᐰᑦ ᑐᒃᓯᐊᕐᓂᖓᓗ ᑐᓴᕐᓗᒍ ᐅᑎᕐᑎᑉᐹᓗ ᔨᕉᓴᓕᒧᑦ ᐊᖓᔪᖅᑲᐅᕕᖓᓄᑦ. ᒫᓇᓯᓗ ᖃᐅᔨᕗᖅ ᐊᑕᓂᖅ ᒎᑎᐅᖕᒪᑦ.

ᐄᓱᕋᐅᑉ ᐊᒡᓚᖏᑦ 8:23

ᑍᒤᒻᒪᑦ ᓂᕆᑦᑍᓕᓚᐅᕐᐳᒍᑦ ᑐᒃᓯᐊᕐᓗᑕᓗ ᒎᑎᒧᑦ ᓴᐳᑎᔭᐅᔪᒪᓪᓗᑕ, ᑖᑦᓱᒪᓗ ᑭᐅᓚᐅᕐᐹᑎᒍᑦ ᑐᒃᓯᐊᕐᓂᑦᑎᓐᓂᒃ.

ᐃᓐᖏᕈᑎᑦ 127:3

ᑕᑯᒋᑦ, ᓄᑕᖅᑲᑦ ᐊᑕᓂᕐᒥᑦ ᑐᓂᕐᕈᓯᐊᖑᕗᑦ, ᐃᒡᓕᐊᓪᓗ ᐱᕈᕐᑎᑕᖓ ᑖᑦᓱᒪᓐᖓᑦ ᓮᒻᒪᕐᑎᑕᐅᑦᔪᑕᐅᕗᖅ.

ᐃᓐᖏᕈᑎᑦ 145:19

ᑖᑦᓱᒥᖓ ᓯᕘᕋᔪᑦ ᐱᔪᒪᓂᓕᒫᖏᑦ ᓈᒻᒪᒃᓯᑎᑉᐰᑦ, ᑐᒃᓯᐊᕐᓂᖏᓪᓗ ᑐᓴᕐᐰᑦ, ᐱᐅᓕᓪᓗᒋᓪᓗ.

ᐃᓐᖏᕈᑎᑦ 50:15

ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”

ᐃᓐᖏᕈᑎᑦ 65:2

ᑐᓵᔪᑎᑦ ᑐᒃᓯᐊᕐᓂᕐᓂᒃ, ᑎᒥᖃᕐᑐᓕᒫᑦ ᐃᓕᖕᓄᑦ ᕾᔪᒫᕐᐳᑦ.

ᐃᓐᖏᕈᑎᑦ 91:15

ᓂᓪᓕᐊᕕᒋᒃᐸᖓ, ᑕᕝᕙ ᑭᐅᓂᐊᕐᐸᕋ; ᐊᑲᐅᖏᑦᑐᒦᓕᕐᐸᑦ ᓇᔪᕐᓂᐊᕐᐸᕋ, ᓴᐳᑎᓗᒍ ᐅᐱᓐᓇᕐᓯᑎᓐᓂᐊᕐᐸᕋ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:24

ᐱᐅᖏᑦᑐᑦ ᓯᕘᕋᒋᔭᒥᖕᓄᑦ ᑎᑭᑕᐅᓂᐊᕐᐳᑦ, ᐃᓱᐊᕐᑐᕐᓕ ᐱᔪᒪᔭᒥᓂᒃ ᐱᑎᑕᐅᓂᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 45:11

ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ, ᐱᓐᖑᕐᑎᑦᓯᔨᖓᓪᓗ: “ᓈᒻᒪᒃᓴᖏᓐᓂᕐᒧᑦ ᐊᐱᕐᓱᕈᒪᕕᓯᓐᖔ, ᕿᑐᕐᖓᓐᓂᒃ ᐱᑦᔪᑎᖃᕐᓗᓯ, ᐅᕙᓐᓂᒡᓗ ᖃᓄᐃᓕᐅᖁᔨᕕᓰ ᐊᒡᒐᓐᓄᑦ ᓴᓇᓯᒪᔭᓐᓂᒃ?

ᐂᓮᐊᓯᐅᑉ ᐊᒡᓚᖏᑦ 58:9

ᑕᕝᕙ ᓂᓪᓕᐊᓕᕈᑦᓯ, ᐊᑕᓂᐅᑉ ᑭᐅᖃᑦᑕᕐᓂᐊᕐᐹᓯ; ᓂᓪᓕᐊᑐᐊᕌᖓᑦᓯᓗ ᐃᑲᔪᕐᑕᐅᔪᒪᓗᓯ ᐅᖃᖃᑦᑕᕐᓗᓂ “ᐅᕝᕙᐅᕗᖓ.” “ᐅᖁᒤᒃᓴᕐᑎᑦᓯᓂᕐᒥᒃ ᐊᓯᑦᓯᓐᓂᒃ ᕿᒤᓂᐊᕈᑦᓯ, ᐃᖅᑲᕐᑐᖃᑦᑕᐅᑎᓂᕐᒥᒃ, ᐱᐅᖏᑦᑐᓂᒡᓗ ᐅᖃᐅᓯᖃᕐᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 65:24

ᐅᖃᓚᐅᕐᑎᓐᓇᒋᑦ ᓱᓕ ᑭᐅᖃᑦᑕᕈᒫᕐᐸᒃᑲ, ᐅᖃᕇᕐᑎᓐᓇᒋᑦ ᓱᓕ ᑐᓴᖃᑦᑕᕈᒫᕐᐸᒃᑲ.

ᓘᑲᓯᐅᑉ ᐊᒡᓚᖏᑦ 1:13

ᐂᖏᓕᐅᑉ ᐅᖃᐅᑎᕚ, “ᓴᑲᕅᐊ ᑲᑉᐱᐊᓱᖏᓪᓗᑎᑦ, ᒎᑎᐅᑉ ᑐᒃᓯᐊᕐᓃᑦ ᑐᓴᕐᐹ, ᓄᓕᐊᑦ ᐃᓕᓴᐱ ᐃᕐᓂᕐᑖᓛᕐᐳᖅ, ᑖᓐᓇ ᔪᐊᓇᓯᒥᒃ ᐊᑎᕐᑕᑎᑕᒃᓴᕆᕙᑦ.

ᓘᑲᓯᐅᑉ ᐊᒡᓚᖏᑦ 1:7

ᕿᑐᕐᖓᖃᓚᐅᓐᖏᓚᒡᓕ, ᐃᓕᓴᐱ ᕿᑐᕐᖏᓱᐃᑦᑑᓚᐅᕐᒪᑦ, ᐅᐃᒌᒃ ᑕᒪᕐᒥᒃ ᐃᓄᑐᖃᐅᓕᓚᐅᕐᐳᒃ.

ᓴᒧᐃᓕ ᓯᕗᓪᓖᑦ 1:11

ᐊᖏᒻᒪᕆᒡᓗᓂᓗ ᐅᖃᕐᐳᖅ, “ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᑕᑯᔪᓐᓇᕈᕕᐅᒃ ᐊᑲᐅᓐᖏᓕᐅᕈᑎᒋᔭᕋ, ᐃᖅᑲᐅᒪᓚᐅᓐᖓ, ᐳᐃᒍᕐᑍᓕᓗᓐᖓ, ᐃᕐᓂᕐᑖᕐᑎᓚᐅᓐᖓ, ᐊᖏᒻᒪᕆᒃᐳᖓ ᐃᓕᖕᓄᑦ ᐊᑕᓃᖅ ᐃᓅᓯᓕᒪᖓ ᑐᓂᔪᒫᕐᐸᕋ, ᓄᔭᖏᓪᓗ ᑭᑦᔭᕐᑕᐅᓚᐅᕐᓯᒪᒐᔭᓐᖏᓚᑦ.”

ᓴᒧᐃᓕ ᓯᕗᓪᓖᑦ 1:17

ᑕᕝᕙ ᐃᓔᑉ ᑭᐅᕚ, “ᐃᓱᒫᓗᖏᓪᓗᑎᑦ ᐊᓂᓕᕆᑦ, ᐃᓴᕆᐊᓕᒥᐅᑦ ᒎᑎᖓᑕ ᑐᓂᓯᕕᒋᓕᑎᑦ ᑖᑦᓱᒪᓐᖓᑦ ᐱᔪᒪᔭᕐᓂᒃ.”

ᓴᒧᐃᓕ ᓯᕗᓪᓖᑦ 1:2

ᐃᐅᓪᑳᓇᓕ ᓄᓕᐊᖃᕐᐳᖅ ᒪᕐᕉᖕᓂᒃ; ᕼᐋᓇᒥᒃ ᐱᓃᓇᒥᒡᓗ. ᐱᓃᓇ ᕿᑐᕐᖓᖃᕐᐳᖅ, ᕼᐋᓇᓕ ᕿᑐᕐᖓᖃᓚᐅᓐᖏᓚᖅ.

ᓴᒧᐃᓕ ᓯᕗᓪᓖᑦ 1:27

ᑐᒃᓯᐊᕐᕕᒋᓚᐅᕐᐸᕋ ᑖᑦᓱᒥᖓ ᓱᕈᓯᕐᒥᒃ; ᐊᑕᓂᐅᓪᓗ ᑐᓂᓚᐅᕐᐹᖓ ᕿᓄᑦᔪᑎᒋᓚᐅᕐᑕᓐᓂᒃ ᑖᑦᓱᒧᖓ.