ᒨᓯᓯ ᓯᕗᓪᓖᑦ 24:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᑕᕝᕙ ᐊᖑᑦ ᐃᒡᓗᒧᑦ ᐃᑎᕐᐳᖅ; ᓔᐸᓂᐅᓪᓗ ᑳᒥᓖᑦ ᓇᖕᒪᒃᑕᖏᑦ ᐲᔭᕐᐰᑦ, ᐃᕕᒃᓱᒐᕐᓂᒡᓗ ᓂᕿᖏᓐᓂᒡᓗ ᑐᓂᓯᕕᒋᓪᓗᒍ ᑳᒥᓕᖁᑎᖏᑕ ᐱᓂᐊᕐᑕᖏᓐᓂᒃ, ᐃᒥᕐᒥᒡᓗ ᐃᑎᒐᖏᑕ ᐃᓚᒋᔭᖏᑕᓗ ᐊᖑᑎᑦ ᐅᐊᓴᐅᑎᒋᓂᐊᕐᑕᖏᓐᓂᒃ.

ᒨᓯᓯ ᓯᕗᓪᓖᑦ 24:32 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 18:4

ᐃᒥᕐᒥᒃ ᒥᑭᔪᒥᒃ ᕾᑦᓯᓂᐊᕋᒪ, ᐃᑎᒐᑦᓯ ᐅᐊᓴᐅᑎᒃᓴᖓᓂᒃ, ᓇᐹᕐᑑᓪᓗ ᐊᑖᓂ ᑕᕾᕐᓯᕐᓗᓯ.

ᒨᓯᓯ ᓯᕗᓪᓖᑦ 19:2

ᐅᖃᕐᐳᖅ, “ᐊᖓᔪᖅᑳᒃᑲᒃ ᐅᖃᐅᑎᕙᑦᓯᒃ ᑕᒪᐅᖓ ᓄᖅᑲᖁᓪᓗᓯᒃ, ᐱᔨᑦᓯᓗ ᐃᒡᓗᖓᓄᐊᖁᓪᓗᓯᒃ ᓯᓂᒃᑕᕐᓗᓯᒡᓗ, ᐃᑎᒐᓯᒡᓗ ᐅᐊᓴᕐᓗᒋᑦ. ᐅᓪᓛᕈᕐᓗᓯᒃ ᒪᑭᒃᑯᑦᓯᒃ ᐅᐸᒃᑕᑦᓯᖕᓄᑦ ᐊᐅᓪᓚᕐᓂᐊᕋᑦᓯᒃ.” ᑖᒃᑯᐊᒡᓕ ᑭᐅᕘᒃ, “ᐋᒃᑲᓕ, ᒫᓂ ᐃᒡᓗᒐᓴᒡᔪᐊᑦ ᐊᖅᑯᑎᖏᓐᓂ ᐅᓐᓄᐊᕐᓯᐅᕐᓂᐊᕐᑐᒍᒃ.”

ᒨᓯᓯ ᓯᕗᓪᓖᑦ 24:33

ᓂᕆᔭᒃᓮᓪᓕ ᐊᑐᐃᓐᓇᕈᕐᑕᐅᖕᒪᑕ, ᑖᓐᓇ ᐊᖑᑦ ᐅᖃᓕᕐᐳᖅ, “ᓂᕆᓂᐊᓐᖏᓚᖓ ᑎᓕᔭᐅᑦᔪᑎᒋᔭᓐᓂᒃ ᐅᖃᓚᐅᖅᑳᕐᓇᖓ.” ᓔᐸᓂᓗ ᐅᖃᕐᐳᖅ, “ᐊᑏ ᐅᖃᓪᓚᓚᐅᕆᑦ.”

ᒨᓯᓯ ᓯᕗᓪᓖᑦ 29:13

ᓔᐸᓂᓗ ᐅᔪᕈᒥᓂᒃ ᔧᑯᒥᒃ ᑐᓴᕋᒥ ᐅᓪᓚᒃᓗᓂ ᐸᕐᕆᐊᕐᐹ ᐃᕿᓪᓗᒍᓗ ᑯᓂᒃᐹ, ᐊᖏᕐᕋᒥᓄᐊᖃᑎᒋᓪᓗᒍᓗ. ᔧᑰᓪᓗ ᓔᐸᓂ ᐅᓂᒃᑳᕐᕕᒋᕚ ᖃᓄᐃᓐᓂᕆᓚᐅᕐᑕᓕᒫᒥᓂ.

ᒨᓯᓯ ᓯᕗᓪᓖᑦ 43:24

ᑕᕝᕙ ᐊᖑᑎᐅᑉ ᑖᒃᑯᐊ ᐊᖑᑏᑦ ᔫᓯᐱᐅᑉ ᐃᒡᓗᖓᓄᑦ ᐃᑎᕐᑎᑉᐰᑦ, ᐃᒥᕐᒥᒡᓗ ᑐᓂᓯᕕᒋᕔᑦ, ᑖᒃᑯᐊᓗ ᐃᑎᒐᖕᒥᖕᓂᒃ ᐃᕐᕈᕐᑐᐃᕗᑦ, ᓯᐅᑎᖅᑯᕐᑐᔪᖁᑎᖏᓪᓗ ᓂᕿᒃᓴᖏᓐᓂᒃ ᐊᑐᐃᓐᓇᕈᐃᕕᒋᕔᑦ,

ᓘᑲᓯᐅᑉ ᐊᒡᓚᖏᑦ 7:44

ᐊᕐᓇᒧᑦ ᑕᑯᓴᕋᒥ ᓮᒨᓂ ᐅᖃᐅᑎᕚ, “ᐅᓇ ᐊᕐᓇᖅ ᑕᑯᕕᐅᒃ? ᐃᒡᓗᖕᓄᑦ ᐃᑎᕋᒪ, ᐃᒥᕐᒥᒃ ᕾᑦᓯᓚᐅᓐᖏᓚᕐᒪ ᐃᑎᒐᓐᓄᑦ ᐅᐊᓴᐅᑎᒃᓴᓐᓂᒃ, ᑖᑦᓱᒪᓕ ᐃᑎᒐᒃᑲ ᖃᐅᓯᓕᕐᑎᕐᐰᑦ ᖁᕝᕕᒥᓄᑦ ᐊᓪᓚᕐᑎᕐᓗᒋᓪᓗ ᓄᔭᕐᒥᓄᑦ.

ᑎᒧᑎᒧᑦ ᓯᕗᓪᓖᑦ 5:10

ᐱᓇᓱᐊᑦᓯᐊᖃᑦᑕᕐᓯᒪᓗᓂ ᐅᖃᐅᓯᐅᑦᓯᐊᖃᑦᑕᓗᓂ; ᕿᑐᕐᖓᒥᓂᒃ ᐱᕈᕐᓮᑦᓯᐊᕐᓯᒪᓗᓂ, ᑐᓐᖓᒋᔭᐅᓗᓂ, ᐃᑦᔪᕐᓁᑦᑐᓪᓗ ᐃᑎᒐᖏᓐᓂᒃ ᐅᐊᓴᖃᑦᑕᕐᓗᓂ, ᐃᑲᔪᕆᐊᓕᖕᓂᒃ ᐃᑲᔪᖃᑦᑕᕐᓗᓂ, ᐱᐅᔪᒥᒡᓗ ᐱᓇᓱᐊᖃᑦᑕᕐᓗᓂ ᓱᓇᓕᒫᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 19:21

ᑕᕝᕙ ᐃᒡᓗᒥᓄᑦ ᐊᖏᕐᕋᐅᑎᕔᑦ, ᓂᕆᑎᓪᓗᒋᓪᓗ ᓯᐅᑎᖅᑯᕐᑐᔪᖁᑎᖏᑦ, ᐃᑎᒐᖏᓪᓗ ᐅᐊᓴᕐᐰᑦ ᓂᕆᑎᓪᓗᒋᓪᓗ ᐃᒥᕐᑎᑉᐰᑦ.

ᓴᒧᐃᓕ ᓯᕗᓪᓖᑦ 25:41

ᐊᐱᒊᓕᓕ ᐹᒻᒪᒃᑎᕐᐳᖅ ᒪᓂᖅᑲᒧᑦ ᐅᖃᕐᓗᓂᓗ, “ᑕᑯᒋᑦ, ᑖᑦᓱᒧᖓ ᐱᔨᒋᔭᐅᕗᖓ ᐊᑐᐃᓐᓇᐅᕗᖓ ᐊᖓᔪᖅᑳᒪ ᐱᔨᖏᑕ ᐃᑎᒐᖏᓐᓂᒃ ᐅᐊᓴᖃᑦᑕᕈᓐᓇᖁᓪᓗᖓ.”