ᒨᓯᓯ ᓯᕗᓪᓖᑦ 24:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐅᖃᕐᓗᓂᓗ, “ᐊᑕᓂᖅ ᓂᕐᑐᕐᑕᐅᓕ, ᐊᖓᔪᖅᑳᒪ ᐂᑉᕋᕼᐋᒻ ᒎᑎᖓ, ᑖᑦᓱᒪ ᓇᒡᓕᖕᓂᓂ ᓱᖁᓯᔪᐃᑦᑐᖅ ᐳᐃᒍᖏᒻᒪᒍ ᓱᖁᓯᔪᐃᑦᑑᓂᓂᓗ ᐊᖓᔪᖅᑳᓐᓄᑦ ᓴᖅᑭᑎᒻᒪᒍ. ᐅᕙᖓᓕ, ᐊᑕᓂᐅᑉ ᑕᓯᐅᓚᐅᕐᐹᖓ ᐊᖅᑯᒻᒧᑦ ᐊᖓᔪᖅᑳᒪ ᐃᓚᖏᑕ ᐃᒡᓗᖓᓄᑦ.”

ᒨᓯᓯ ᓯᕗᓪᓖᑦ 24:27 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 13:8

ᑕᕝᕙ ᐂᑉᕋᒻ ᐅᖃᓕᕐᐳᖅ ᓘᑎᒧᑦ, “ᐃᓄᖁᑎᑎᑦ ᐃᓄᖁᑎᒃᑲᓗ ᐃᒻᒥᖕᓄᑦ ᐊᑭᕋᕐᑐᕐᑎᒌᒃᑐᒃᓴᐅᓐᖏᓚᑦ, ᐆᒪᔪᓕᕆᔨᖁᑎᑎᑦ ᐆᒪᔪᓕᕆᔨᖁᑎᒃᑲᓗ; ᐃᓚᒌᒃᑲᓐᓄᒃ.

ᒨᓯᓯ ᓯᕗᓪᓖᑦ 14:20

ᒎᑎ ᖁᑦᓯᖕᓂᕐᐹᖑᔪᖅ ᖁᔭᒋᔭᐅᓕ, ᑖᓐᓇ ᐃᓕᖕᓂᒃ ᓵᓚᖃᕐᑎᑦᓯᖕᒪᑦ ᐊᑭᕋᕐᑐᕐᑎᖕᓂᒃ!” ᐂᑉᕋᐅᓪᓗ ᒥᓪᑭᓯᑎ ᑐᓂᓯᕕᒋᕚ ᓵᓚᖃᕐᓂᒃᑯᑦ ᐱᑖᕆᔭᒥ ᑕᓪᓕᒪᐅᔪᖏᓐᓂᒃ.

ᒨᓯᓯ ᓯᕗᓪᓖᑦ 24:12

ᐅᖃᕐᐳᕐᓗ, “ᐊᑕᓃᖅ, ᐊᖓᔪᖅᑳᒪ ᐂᑉᕋᕼᐋᒻ ᒎᑎᖓ, ᐅᓪᓗᒥ ᐱᓇᓱᐊᕐᑕᓐᓂᒃ ᐱᔪᓐᓇᕐᑎᓚᐅᓐᖓ, ᑐᒃᓯᐊᕐᕕᒋᕙᒋᑦ, ᓇᒡᓕᖕᓃᑦ ᓱᖁᓯᔪᐃᑦᑐᖅ ᓴᖅᑭᑎᓚᐅᕈᒃ ᐊᖓᔪᖅᑳᓐᓄᑦ ᐂᑉᕋᕼᐋᒻᒧᑦ.

ᒨᓯᓯ ᓯᕗᓪᓖᑦ 24:21

ᐊᖑᑎᐅᓪᓕ ᑕᑯᓐᓇᑐᐃᓐᓇᓚᐅᕐᐹ ᓂᐱᖃᕋᓂ ᑐᑭᓯᔪᒪᓪᓗᓂ ᐊᑕᓂᐅᑉ ᐱᑎᒻᒪᖔᒍ ᐱᔪᒪᔭᒥᓂᒃ.

ᒨᓯᓯ ᓯᕗᓪᓖᑦ 24:4

ᓄᓇᓐᓄᓪᓕ ᐂᓕᕆᑦ ᐃᓚᓐᓄᑦ, ᓄᓕᐊᒃᓴᕐᓯᐅᕆᐊᕐᓗᑎᑦ ᐃᕐᓂᓐᓄᑦ ᐂᓴᑭᒧᑦ.”

ᒨᓯᓯ ᓯᕗᓪᓖᑦ 24:42

“ᐅᓪᓗᒥᓕ ᐃᒥᕐᑕᕐᕕᖕᒧᐊᕋᒪ, ᐅᖃᖅᑲᐅᕗᖓ, ‘ᐊᑕᓃᖅ, ᐊᖓᔪᖅᑳᒪ ᐂᑉᕋᕼᐋᒻ ᒎᑎᖓ, ᐱᓇᓱᐊᕐᑕᓐᓂᒃ ᐊᖅᑯᒻᒥ ᑕᓯᐅᕐᓂᕈᕕᖓ.

ᒨᓯᓯ ᓯᕗᓪᓖᑦ 24:48

ᐅᑯᓪᓗᖓᓗ ᐊᑕᓂᖅ ᑐᒃᓯᐊᕐᕕᒋᓕᖅᑲᐅᕙᕋ, ᐊᑕᓂᖅ ᓂᕐᑐᕐᓗᒍ, ᐊᖓᔪᖅᑳᒪ ᐂᑉᕋᕼᐋᒻ ᒎᑎᖓ, ᑖᑦᓱᒪ ᐊᖅᑯᑎᓐᓂ ᓈᒻᒪᓈᑦᓯᐊᕐᑐᒥᒃ ᑕᓯᐅᕐᒪᖓ ᐊᖓᔪᖅᑳᒪ ᐃᓚᒋᔭᖓᑕ ᐸᓂᖓᓄᑦ ᐃᕐᓂᖓᑕ ᓄᓕᐊᒃᓴᖓᓄᑦ.

ᒨᓯᓯ ᓯᕗᓪᓖᑦ 32:10

ᓂᑲᒋᔭᒃᓴᐅᖏᒃᑲᓗᐊᕐᑎᓪᓗᖓ ᐱᑦᓯᐊᕐᕕᒋᓯᒪᒐᕕᖓ ᓇᒡᓕᖕᓂᕐᓄᑦ ᓱᖁᓯᔪᐃᑦᑐᒧᑦ, ᑲᔪᓯᑦᓮᓐᓇᕐᓂᕐᓂᒃ ᐱᔩᑦ ᑕᑯᑎᓯᒪᒐᕕᐅᒃ, ᑰᒃ ᔪᐊᕐᑕᓂ ᐃᑳᓚᐅᕐᓯᒪᕙᕋ ᐊᔭᐅᑉᐱᐊᓕᔭᑐᐃᓐᓇᕐᓗᖓ, ᒫᓐᓇᓕ ᐅᑎᓕᕐᐳᖓ ᒪᕐᕈᐃᓕᖓᔪᓂᒃ ᐃᓚᖃᓕᕐᓗᖓ.

ᒨᓯᓯ ᓯᕗᓪᓖᑦ 32:11

ᐃᓕᖕᓄᑦ ᑐᒃᓯᐊᕐᐳᖓ, ᓴᐳᑎᔭᐅᔪᒪᓪᓗᖓ, ᐊᖓᔪᓐᓂᑦ ᐄᓴᒥᑦ, ᑲᑉᐱᐊᒋᒐᒃᑯ, ᑲᑉᐱᐊᓱᒃᑲᒪ ᑎᑭᑉᐸᑦ ᐅᕙᓐᓂᒃ ᑐᖁᑦᓯᓂᐊᕋᓱᒋᓪᓗᒍ ᐊᓈᓇᐅᔪᓂᒃ ᕿᑐᕐᖓᖏᓐᓂᒡᓗ.

ᒨᓯᓯ ᓯᕗᓪᓖᑦ 9:26

ᐅᖃᕆᓪᓗᓂᓗ: “ᐊᑕᓂᕐᒧᑦ ᒎᑎᓐᓄᑦ ᓰᒥ ᓮᒻᒪᕐᑎᑕᐅᓕ; ᑬᓇᓂ ᓰᒥᒧᑦ ᐱᔨᒋᔭᐅᓕᕐᓕ.

ᓴᒧᐃᓕ ᐂᑉᐸᖏᑦ 18:28

ᐊᕼᐂᒫᔅ ᐊᖓᔪᖅᑳᕐᔪᐊᕐᒧᑦ ᓂᓪᓕᐅᓯᕐᒥᒃ ᓂᓪᓕᕐᐳᖅ, ᐹᒻᒪᒡᓗᓂᓗ ᒪᓂᖅᑲᒧᑦ ᑖᑦᓱᒪ ᓵᖓᓄᑦ, ᐅᖃᕐᓗᓂᓗ, “ᐊᑕᓂᖅ ᒎᑏᑦ ᓂᕐᑐᕐᑕᐅᓕ, ᓵᓚᖃᕐᑎᒻᒪᑎᑦ ᐃᓄᖕᓂᑦ ᐊᑭᕋᕐᑐᕐᑐᓂᒃ ᐊᖓᔪᖅᑳᕐᔪᐊᖅ!”

ᐃᓐᖏᕈᑎᑦ 100:5

ᐊᑕᓂᖅ ᐱᐅᔫᖕᒪᑦ; ᑖᑦᓱᒪᓗ ᓇᒡᓕᒍᓱᖕᓂᖓ ᐃᓱᖃᖏᑦᑑᕗᖅ, ᓱᕐᕋᔪᐃᑦᑑᓪᓗᓂᓗ ᑭᖑᕚᕇᖑᔪᓕᒫᓄᑦ.

ᐃᓐᖏᕈᑎᑦ 68:19

ᐊᑕᓂᖅ ᓂᕐᑐᕐᑕᐅᓕ, ᖃᐅᑕᒫᑦ ᐅᖁᒤᒋᔭᕗᑦ ᐊᒡᔭᕐᒪᒋᑦ, ᒎᑎ ᐱᐅᓕᔭᐅᕕᒃᓴᕆᕙᕗᑦ. ᓰᓚ

ᐃᓐᖏᕈᑎᑦ 98:3

ᓇᒡᓕᒍᓱᖕᓂᓂ ᓱᖁᓯᔪᐃᑦᑑᓂᓂᓗ ᐃᖅᑲᐅᒪᒐᒥᐅᒃ ᐃᓴᕆᐊᓕᐅᑉ ᐃᓄᖏᑦ ᐱᑦᔪᑎᒋᓪᓗᒋᑦ; ᓄᓇᕐᔪᐊᕐᒥᐅᓕᒫᑦ ᒎᑎᑦᑕ ᓵᓚᖃᕐᓂᖓ ᑕᑯᓯᒪᕚᑦ.

ᒨᓯᓯ ᐂᑉᐸᖏᑦ 18:10

ᔨᑐᕉᓗ ᐅᖃᕐᐳᖅ, “ᐊᑕᓂᖅ ᓂᕐᑐᕐᑕᐅᓕ, ᐄᑦᔨᑉᑎᒥᑦ ᐊᓂᑎᑦᓯᓚᐅᕐᑐᖅ ᐰᕉᓪᓗ ᐱᔪᓐᓇᕐᓂᖓᓂᑦ!

ᒨᓯᓯ ᐂᑉᐸᖏᑦ 2:11

ᒨᓯᓯᓗ ᐃᓐᓇᕈᕋᒥ, ᐃᓅᖃᑎᓂ ᐄᑉᕉᒥᐅᑦ ᑕᑯᔭᕐᑐᕐᐰᑦ, ᖃᐅᔨᓕᕐᐰᓪᓗ ᐊᒃᓱᕈᕐᓇᕐᑐᒥᒃ ᓴᓇᑎᑕᐅᓂᖏᓐᓂᒃ. ᑕᑯᓪᓗᓂᓗ ᐄᑦᔨᑉᑎᒥᐅᑕᖅ ᑐᖁᑦᓯᑎᓪᓗᒍ ᐄᑉᕉᒥᐅᑕᕐᒥᒃ ᒨᓯᓯᐅᑉ ᐃᓅᖃᑎᖏᑕ ᐃᓚᖓᓐᓂᒃ.

ᒨᓯᓯ ᐂᑉᐸᖏᑦ 2:13

ᖃᐅᑎᓪᓗᒍ ᒨᓯᓯ ᐅᑎᕐᒥᒐᒥ ᑕᑯᓕᕐᐳᖅ ᐄᑉᕉᒥᐅᑕᐅᖃᑎᒌᖕᓂᒃ ᓂᓐᖓᐅᑎᔫᖕᓂᒃ, ᓂᓐᖓᐅᑦᔨᓂᕐᓴᕐᓗ ᐅᖃᐅᑎᕚ, “ᖃᓄᐃᒻᒪᑦ ᐄᑉᕉᒥᐅᑕᐅᖃᑎᖕᓄᑦ ᓂᓐᖓᒃᐲᑦ?”

ᒨᓯᓯ ᐂᑉᐸᖏᑦ 34:6

ᑕᕝᕙ ᐊᑕᓂᖅ ᒨᓯᓯᐅᑉ ᓵᖓᒎᕐᐳᖅ ᐅᖃᕐᓗᓂᓗ, “ᐅᕙᖓ ᐊᑕᓂᖅ, ᒎᑎᐅᕗᖓ ᓂᑲᒍᓱᒃᑐᖅ ᐱᑦᓯᐊᕐᓗᓂᓗ, ᓂᓐᖓᒃᓴᕅᖏᑦᑐᖅ, ᓇᒡᓕᒍᓱᖕᓂᕐᔪᐊᒥᓂᒃ ᓴᖅᑭᑎᑦᓯᔪᖅ ᓱᖁᓯᔪᐃᑦᑑᓪᓗᓂᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:6

ᐱᓂᐊᕐᓂᕐᓄᑦ ᑕᒤᓐᓄᑦ ᓇᓗᓁᔭᕈᒃ, ᑕᕝᕙ ᐊᖅᑯᑎᒋᔭᑎᑦ ᑐᑭᓕᐊᕐᑎᓐᓂᐊᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:20

ᐱᓱᒃᐳᖓ ᐊᖅᑯᑎᒃᑯᑦ ᓇᓛᒎᕐᓂᒃᑯᑦ; ᐊᑦᔨᒌᒃᑎᑦᓯᓂᐅᓪᓗ ᐊᖅᑯᑎᖓᓂᒃ ᐊᑐᕐᓗᖓ.

ᒤᑲᐅᑉ ᐊᒡᓚᖏᑦ 7:20

ᓱᓕᑦᓯᐊᕐᓃᑦ ᓴᖅᑭᑎᓐᓂᐊᕐᐸᑦ ᔧᑯᒧᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑐᖅ ᐂᑉᕋᕼᐋᒻᒧᑦ, ᑍᑦᓱᒪᓂᐊᓗᒃ ᐊᖏᕈᑎᒋᓚᐅᕐᑍᑦ ᓯᕗᓕᕕᓂᑦᑎᓐᓄᑦ.

ᓘᑲᓯᐅᑉ ᐊᒡᓚᖏᑦ 1:68

“ᐊᑕᓂᖅ ᓮᒻᒪᕐᑎᑕᐅᓕ, ᐃᓴᕆᐊᓕᒥᐅᑦ ᒎᑎᖓᑦ, ᐃᓄᖁᑎᓂ ᐊᖅᑲᕐᕕᒋᓪᓗᒋᑦ ᓴᐳᑎᔭᕐᑐᕐᒪᒋᑦ,

ᔪᐊᓇᓯᐅᑉ ᐊᒡᓚᖏᑦ 1:17

ᐱᖁᔭᑦ ᒨᓯᓯᒃᑯᑦ ᑐᓂᔭᐅᓚᐅᕐᐳᑦ; ᐱᑦᓯᐊᕐᕕᐅᓂᕐᓕ ᓱᓕᑦᓯᐊᕐᓂᕐᓗ ᔩᓱᓯ ᙭ᔅᑑᓯᑯᑦ ᐱᕘᒃ.

ᐃᐱᓯᒥᐅᓄᑦ 1:3

ᓂᕐᑐᕐᑕᐅᓕ ᒎᑎ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᙭ᔅᑑᓯᒥ ᐊᓂᕐᓂᒃᑯᑦ ᓮᒻᒪᕐᑎᑕᐅᔪᑕᐅᔪᓐᓇᕐᑐᓂ ᑕᒤᓐᓂᒃ ᐱᑎᓚᐅᕐᐹᑎᒍᑦ, ᕿᓚᖕᒥᐅᑍᑦ ᓇᔪᕐᑕᖏᓐᓂᒃ ᙭ᔅᑑᓯᒥᐅᑕᐅᓂᑦᑎᓐᓄᑦ.

ᑎᒧᑎᒧᑦ ᓯᕗᓪᓖᑦ 1:17

ᐊᖓᔪᖅᑳᕐᔪᐊᖑᔪᖅ ᐃᓱᖃᖏᑦᑐᒧᑦ, ᑐᖁᓱᐃᑦᑐᖅ, ᑕᑯᒃᓴᐅᖏᑦᑐᖅ, ᒎᑎᑑᔪᖅ, ᑖᓐᓇ ᐅᐱᒋᔭᐅᓕ ᓂᕐᑐᕐᓇᕐᓯᑎᑕᐅᓗᓂᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᐋᒥᓐ.

ᕉᑎᐅᑉ ᐅᓂᒃᑲᐅᓯᓂᖓ 4:14

ᐊᕐᓁᓪᓗ ᐱᑦᓕᐊᒥᐅᑦ ᓁᐅᒥ ᐅᖃᐅᑎᕚᑦ, “ᐊᑕᓂᖅ ᓂᕐᑐᓚᐅᕐᓚᕗᑦ ᐅᓪᓗᒥ ᐃᕐᖑᑕᕐᑖᕐᑎᒻᒪᑎᑦ ᐊᖑᑎᑯᓗᖕᒥᒃ ᐃᑲᔪᕐᑎᒋᓂᐊᕐᑕᕐᓂᒃ, ᑖᓐᓇᓗ ᐊᖑᑎᑯᓗᒃ ᐃᖅᑲᐅᒪᔭᐅᓂᖃᑦᓯᐊᖁᕙᕗᑦ ᐃᓴᕆᐊᓕᒥᐅᓄᑦ.

ᓴᒧᐃᓕ ᓯᕗᓪᓖᑦ 25:32

ᑍᕕᑎᐅᑉ ᐊᐱᒊᓕ ᐅᖃᐅᑎᕚ, “ᐊᑕᓂᖅ ᓂᕐᑐᕐᑕᐅᓕ, ᐃᓴᕆᐊᓕᒥᐅᑦ ᒎᑎᖓ, ᑎᓕᓚᐅᕐᒪᑎᑦ ᐅᓪᓗᒥ ᑲᑎᓯᖁᓪᓗᑎᑦ ᐅᕙᓐᓂᒃ!

ᓴᒧᐃᓕ ᓯᕗᓪᓖᑦ 25:39

ᑍᕕᑎᓕ ᑐᓴᕋᒥ ᓁᐳᓕᐅᑉ ᑐᖁᓂᖓᓂᒃ, ᐅᖃᕐᐳᖅ, “ᐊᑕᓂᖅ ᓂᕐᑐᕐᑕᐅᓕ ᐊᑭᒋᐊᓚᐅᕐᒪᑦ ᓁᐳᓪᒥᒃ, ᐅᕙᓐᓂᒃ ᒥᑕᐅᑎᖃᕐᓂᖓ ᐱᓪᓗᒍ, ᑕᒻᒪᕐᓂᕐᒥᓪᓗ ᓴᐳᑎᓚᐅᕐᒪᖓ; ᐊᑕᓂᐅᑉ ᓱᒋᐊᓚᐅᕐᐹ ᓁᐳᓪ ᐱᐅᖏᑦᑐᒥᒃ ᐱᓂᐊᓚᐅᕐᓂᖓ ᐱᓪᓗᒍ.” ᑍᕕᑎᓗ ᑎᓕᓯᓚᐅᕐᐳᖅ ᐅᖃᕆᐊᕐᑐᕐᑐᓂᒃ ᓄᓕᐊᕐᑖᕈᒪᓪᓗᓂ ᐊᐱᒊᓕᒥᒃ.