ᒨᓯᓯ ᓯᕗᓪᓖᑦ 24:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑕᕝᕙ ᐱᔨᐅᑉ, ᐊᖓᔪᖅᑳᖓᑕ ᑳᒥᓕᖁᑎᖏᓐᓂᒃ 10ᓂᒃ ᓇᒃᓴᕐᓗᓂ ᐊᐅᓪᓚᕐᐳᖅ, ᐱᐅᓂᕐᐹᓂᒡᓗ ᓇᒃᓴᕐᓗᓂ ᑐᓂᕐᕈᑎᒃᓴᓂᒃ ᐊᖓᔪᖅᑳᖓᑕ ᐱᖏᓐᓂᒃ; ᐊᐅᓪᓚᕋᒥ ᒥᓱᐳᑍᒥᐊᒧᐊᕐᐳᖅ, ᓇᕼᐅᕆᐅᑉ ᐃᒡᓗᒐᓴᖏᓐᓄᑦ.

ᒨᓯᓯ ᓯᕗᓪᓖᑦ 24:10 ပူးပေါင်းရင်းမြစ်များ

ᒨᓯᓯ ᑕᓪᓕᒪᖏᑦ 23:4

ᑖᒃᑯᐊ ᓂᕿᒃᓴᓂᒃ ᐃᒥᒃᓴᒥᒡᓗ ᐃᑲᔪᕈᒪᓚᐅᕐᓯᒪᖏᒻᒪᑕ, ᐄᑦᔨᑉᑎᒥᑦ ᐊᐅᓪᓚᓕᕐᑎᓪᓗᓯ ᐊᒡᓛᑦ ᑎᓕᓯᓚᐅᕐᓯᒪᕗᑦ ᐸᓛᒻᒥᒃ ᐱᐅᕆᐅᑉ ᐃᕐᓂᖓᓂᒃ, ᐃᒡᓗᒐᓴᖕᓂᑦ ᐱᑑᕆᒦᑦᑐᒥᑦ ᒥᓱᐳᑍᒥᐊᒦᑦᑐᒥᑦ, ᐃᓕᑦᓯᓐᓂᒃ ᓯᕗᓂᕐᓗᒃᑎᑦᓯᖁᓪᓗᒍ.

ᒨᓯᓯ ᓯᕗᓪᓖᑦ 11:31

ᑏᕋᐅᓪᓕ ᐃᕐᓂᓂ ᐂᑉᕋᒻ ᓇᒃᓴᕐᓗᓂᐅᒃ, ᐃᕐᖑᑕᓂᓗ ᓘᑎ, ᕼᐊᕋᓂᐅᑉ ᐃᕐᓂᖓ, ᐅᑯᐊᓂᓗ ᓴᕅ, ᐂᑉᕋᐅᑉ ᓄᓕᐊᖓ, ᑖᒃᑯᐊ ᐃᓚᒋᓪᓗᒋᑦ ᑕᕝᕙᓐᖓᑦ ᓄᓇᓕᖕᓂᑦ ᐊᐅᓪᓚᓚᐅᕐᐳᑦ ᐅᕐᒥᑦ ᑲᐅᓪᑎᐊᒦᑦᑐᒥᑦ ᑬᓇᓂᐅᑉ ᓄᓇᖓᓄᐊᕐᓗᑎᒃ. ᓄᓇᒧᑦ ᕼᐊᕋᓐᒥᒃ ᐊᑎᓕᖕᒧᑦ ᑎᑭᓪᓗᑎᒃ ᑕᕝᕙᓂᓗ ᓄᓇᖃᓕᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:9

ᐅᑯᓇᓂ ᓄᓇᖃᕐᑐᒍᑦ ᐹᕐᑎᐊᒥ ᒥᑎᐊᒥᓗ, ᐃᓚᒤᑎᒥ ᒥᓱᐳᑍᒥᐊᒥᓗ, ᔫᑎᐊᒥ ᑲᐸᑑᓯᐊᒥᓗ, ᐹᓐᑕᓯᒥ ᐂᓯᐊᒥᓗ,

ᑯᕉᓂᑲ ᓯᕗᓪᓖᑦ 19:6

ᐊᒧᓁᑎᒥᐅᑦ ᖃᐅᔨᒐᒥᒃ ᖀᒥᓇᕐᓯᑎᓐᓂᕐᒥᓂᒃ ᐃᒻᒥᖕᓂᒃ ᑍᕕᑎᒧᑦ, ᕼᐊᓄᓂᓗ ᐊᒧᓁᑎᒥᐅᓪᓗ ᐊᐅᓪᓚᕐᑎᑦᓯᕗᑦ ᓯᐅᓪᕕᕆᓂᒃ 1,000ᓂᒃ ᐊᑐᕈᒪᓪᓗᑎᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ ᕿᒻᒥᕐᔪᐊᓂᒡᓗ ᒥᓱᐳᑍᒥᐊᒥᑦ, ᓯᕆᐊᒥᓪᓗ ᒫᑲᒦᑦᑐᒥᑦ, ᔫᐸᒥᓪᓗ.

ᒨᓯᓯ ᓯᕗᓪᓖᑦ 29:1

ᔧᑯᓗ ᐅᐸᒃᑕᒥᓄᑦ ᐂᓕᕆᕗᖅ, ᑎᑭᓪᓗᓂᓗ ᐃᓄᖕᓄᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓄᑦ.

ᒨᓯᓯ ᓯᕗᓪᓖᑦ 27:43

ᑍᒤᒻᒪᑦ, ᐃᕐᓃᒃ ᐅᖃᐅᓯᒃᑲ ᒪᓕᒃᑭᑦ, ᕿᒫᓗᑎᑦ ᐊᓂᓐᓄᐊᓕᕆᑦ ᓔᐸᓂᒧᑦ ᕼᐊᕋᓐᒥ ᓄᓇᖃᕐᑐᒧᑦ.

ᒨᓯᓯ ᓯᕗᓪᓖᑦ 24:2

ᐂᑉᕋᕼᐋᒻ ᐱᔨᒥᓄᑦ ᐅᖃᕐᐳᖅ, ᐃᒡᓗᒥᓂ ᐊᖓᔪᒃᓯᕐᐹᒧᑦ, ᐱᖁᑎᓕᒫᖏᓐᓄᑦ ᑕᒤᓐᓄᑦ ᐊᖓᔪᖅᑲᐅᔪᒧᑦ, “ᐊᒡᒐᑎᑦ ᖁᒃᑐᕋᕐᒪ ᐊᑯᓐᓂᖓᓄᐊᓚᐅᒃᑭᑦ.

ᒨᓯᓯ ᓯᕗᓪᓖᑦ 11:29

ᐂᑉᕋᒻᓗ ᓇᕼᐅᕆᓗ ᓄᓕᐊᓂᓚᐅᕐᐴᒃ; ᐂᑉᕋᒻᓕ ᓄᓕᐊᓂᓚᐅᕐᐳᖅ ᓴᕅᒥᒃ, ᓁᕼᐊᕐᓗ ᓄᓕᐊᓂᓚᐅᕐᐳᖅ ᒥᐅᓪᑲᒥᒃ, ᕼᐊᕋᓂᐅᑉ ᐸᓂᖓᓂᒃ, ᐃᔅᑲᐅᑉ ᐊᑖᑕᒋᖕᒥᔭᖓᓂᒃ.

ᒨᓯᓯ ᓯᕗᓪᓖᑦ 11:32

ᑏᕋᓗ ᐊᕐᕌᒍᖃᓕᕐᓗᓂ 205ᓂᒃ; ᑐᖁᓚᐅᕐᐳᖅ ᑕᕝᕙᓂ ᕼᐊᕋᓐᒥ.

ᒨᓯᓯ ᓯᕗᓪᓖᑦ 24:22

ᑳᒥᓖᓪᓕ ᐃᒥᕇᕐᒪᑕ, ᐊᖑᑦ ᑎᒍᓯᕗᖅ ᒎᓗᒥᒃ ᓴᓪᑰᑉ ᐊᕝᕙᖓᓂᒃ ᐅᖁᒤᓐᓂᖃᕐᑐᒥᒃ ᕿᖓᕐᒥᐅᑕᕐᒥᒃ, ᒪᕐᕉᖕᓂᒡᓗ ᐊᒡᒐᐅᒻᒥᐅᑕᒃᓴᖏᖕᓂᒃ ᒎᓗᓂᒃ ᐅᖁᒤᓐᓂᖃᕐᑐᓂᒃ ᖁᓕᓂᒃ ᓴᓪᑯᓂᒃ.

ᒨᓯᓯ ᓯᕗᓪᓖᑦ 24:53

ᓇᒃᓴᕐᓯᒪᔭᒥᓂᒃ ᐲᔧᓕᕐᐳᖅ ᓯᐅᓪᕕᕆᓂᒃ ᒎᓗᓂᒡᓗ ᓴᓇᓯᒪᔪᓂᒃ, ᐊᓐᓄᕌᓂᒡᓗ, ᕇᐱᑲᒧᓪᓗ ᑐᓂᓪᓗᒋᑦ; ᐊᓂᖓᓄᑦᑕᐅᖅ ᐊᓈᓇᖓᓄᓪᓗ ᑐᓂᓯᕗᖅ ᐊᑭᑐᔪᒃᓴᔭᓂᒃ.

ᒨᓯᓯ ᓯᕗᓪᓖᑦ 29:2

ᕿᓂᕋᒥᓗ, ᓇᑎᕐᓇᒥ ᐃᒥᕐᑕᕐᕕᖕᒥᒃ, ᓰᐱᓂᒡᓗ ᐊᕚᑖᓂ ᐊᖁᐱᔪᖃᕐᐳᖅ ᐱᖓᓲᓕᖅᑲᖓᔪᓂᒃ; ᑕᕝᕙᓐᖓᓪᓗ ᓰᐲᑦ ᐃᒥᕐᑕᕐᕕᖕᒥᑦ ᐃᒥᕐᑎᑕᐅᕙᒃᐳᑦ, ᐅᔭᕋᖕᒥᒡᓗ ᐊᖏᔪᒥᒃ ᖄᖓᒍᑦ ᒪᑐᓯᒪᓪᓗᓂ.

ᒨᓯᓯ ᓯᕗᓪᓖᑦ 11:26

ᑏᕋᓕ 70ᓂᒃ ᐊᕐᕌᒍᖃᓕᕐᓗᓂ, ᐃᕐᓂᕐᑖᕐᐳᖅ ᐂᑉᕋᒻᒥᒃ, ᓇᕼᐅᕆᒥᒡᓗ, ᕼᐊᕋᓐᒥᒡᓗ.

ᒨᓯᓯ ᓯᕗᓪᓖᑦ 22:20

ᑕᒪᒃᑯᐊ ᑭᖑᓂᖓᑦᑎᒍᑦ ᐂᑉᕋᕼᐋᒻ ᑐᓴᕐᑎᑕᐅᓚᐅᕐᐳᖅ, “ᑕᑯᒋᑦ, ᒥᐅᓪᑲ ᕿᑐᕐᖓᖃᓕᕐᐳᖅ ᓯᑕᒪᐅᔪᕐᑐᓂᒃ ᓄᑲᕐᓂᑦ ᓇᕼᐅᕆᒥᑦ: