ᒨᓯᓯ ᓯᕗᓪᓖᑦ 23:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐅᕙᓐᓄᑦ ᑐᓂᓯᖁᓪᓗᒍ ᒪᒃ-ᐲᓚᒥᒃ ᐊᑎᓕᖕᒥᒃ ᕾᕈᓱᖕᒥᒃ, ᑖᑦᓱᒪ ᐱᒋᖕᒪᒍ; ᐱᕈᕐᓰᕕᖁᑎᖓᑕ ᑭᒡᓕᖓᑕ ᐃᓱᐊᓃᑦᑐᖅ. ᐊᑭᖓ ᐃᓗᐃᑦᑑᓗᓂ ᓂᐅᕕᐊᕆᔭᐅᖁᓚᐅᕐᓯᐅᒃ ᐃᓕᑦᓯ ᑕᑯᓐᓇᕐᑎᓪᓗᓯ ᐃᓗᕕᕐᕕᒃᑖᕆᓂᐊᕋᒃᑯ.”

ᒨᓯᓯ ᓯᕗᓪᓖᑦ 23:9 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 23:10

ᐃᐳᕋᓐᓗ ᑕᕝᕙᓂ ᐃᒃᓯᕙᖃᑕᐅᓚᐅᕐᐳᖅ ᕼᐃᑍᑎᓄᑦ; ᑕᕝᕙ ᐃᐸᕋᓐ ᑭᐅᓕᕐᐳᖅ ᐂᑉᕋᕼᐋᒻᒧᑦ ᕼᐃᑍᑎᑦ ᑐᓵᑎᓪᓗᒋᑦ, ᑕᒪᕐᒥᒃ ᐃᒃᓯᕙᖃᑕᐅᔪᑦ ᐃᑎᕐᑕᕐᕕᖕᒥ,

ᒨᓯᓯ ᓯᕗᓪᓖᑦ 23:4

“ᑕᒫᓂ ᓂᐅᕐᕈᐊᖑᒐᒪ ᓄᓇᖃᕐᑐᑐᖃᐅᓇᖓᓗ ᓄᓇᑦᓯᓐᓂ; ᓂᐅᕕᕈᓐᓇᕐᑎᑕᐅᔪᒪᕗᖓ ᓄᓇᒥᒃ ᐃᓗᕕᕐᕕᒃᓴᒥᒃ, ᐃᓗᕕᕐᓯᔪᓐᓇᖁᓪᓗᖓ ᑐᖁᔨᐊᕆᓯᒪᔭᓐᓂᒃ.”

ᒨᓯᓯ ᓯᕗᓪᓖᑦ 23:8

ᐅᖃᐅᑎᓪᓗᒋᓪᓗ, “ᐃᓗᕕᕐᓯᔪᓐᓇᕐᑎᑦᓯᒍᑦᓯ ᑐᖁᖓᔨᐊᓐᓂᒃ ᑕᑯᓐᓇᕈᓐᓃᕐᓂᐊᕋᒃᑯ, ᐱᖁᔨᔪᓐᓇᕐᑎᓚᐅᕐᓯᐅᒃ ᐃᐸᕋᓐ ᔪᕼᐊᕆᐅᑉ ᐃᕐᓂᖓ.

ᒨᓯᓯ ᓯᕗᓪᓖᑦ 25:10

ᑖᓐᓇ ᐂᑉᕋᕼᐋᑉ ᐱᕈᕐᓰᕕᒃ ᓂᐅᕕᐊᕆᓚᐅᕐᒪᒍ ᕼᐃᑍᑎᒥᐅᓂᑦ; ᐂᑉᕋᕼᐋᒻᓗ ᐃᓗᕕᕐᑕᐅᕗᖅ ᓄᓕᐊᓂ ᓵᕋ ᐃᓗᕕᖃᖃᑎᒋᓪᓗᒍ.

ᒨᓯᓯ ᓯᕗᓪᓖᑦ 49:29

ᑕᕝᕙ ᐱᖁᓪᓗᒋᑦ ᐅᖃᐅᑎᕔᑦ, “ᐃᓕᔭᐅᔭᕆᐊᖃᕐᐳᖓ ᐃᓅᖃᑎᒋᓚᐅᕐᑕᑦᑎᓐᓄᑦ; ᐃᓗᕕᓛᕐᐸᑦᓯᓐᖓ ᓯᕗᓕᕆᓚᐅᕐᑕᒪ ᐃᓗᕕᕐᑕᐅᕕᒋᓯᒪᔭᖓᓄᑦ ᕾᕈᓱᖕᒧᑦ ᐃᐸᕋᓂᐅᑉ ᕼᐃᑍᑎᒥᐅᑦ ᐱᕈᕐᓰᕕᖓᓄᑦ.

ᒨᓯᓯ ᓯᕗᓪᓖᑦ 50:13

ᐃᕐᓂᖏᑕᓗ ᐊᒡᔭᕐᐹᑦ ᓄᓇᒧᑦ ᑬᓇᓂᒧᑦ, ᐃᓗᕕᕐᓗᒍᓗ ᕾᕈᓱᖕᒧᑦ ᓇᑎᕐᓇᒥ ᒪᒃ-ᐲᓚᒦᑦᑐᒧᑦ, ᒪᒻᕆᐅᑉ ᐅᖓᑖᓃᑦᑐᒧᑦ, ᑖᓐᓇ ᐂᑉᕋᕼᐋᒻ ᓂᐅᕕᐊᕆᓚᐅᕐᑕᖓ ᐱᕈᕐᓰᕕᒃ ᐱᖃᓯᐅᑎᓪᓗᒍ ᐃᐸᕋᓐᒥᑦ ᕼᐃᑍᑎᒥᐅᑕᕐᒥᑦ, ᐃᓗᕕᕐᓯᕕᒃᓴᐅᖁᓪᓗᒍ.

ᑯᕉᓂᑲ ᓯᕗᓪᓖᑦ 21:22

ᑍᕕᑎᓗ ᐅᐊᕐᓇᓐᒧᑦ ᐅᖃᕐᐳᖅ, “ᐃᕖᔧᕕᐅᑉ ᓇᑎᖓᑕ ᐃᓚᖓᓂ ᐱᕕᒃᓴᖃᕐᑎᓚᐅᓐᖓ ᑐᓂᕐᕈᓯᕐᕕᓕᐅᖁᓪᓗᖓ ᐊᑕᓂᕐᒧᑦ; ᐊᑭᓖᑎᓪᓗᖓᓗ ᐃᓚᑰᖏᑦᑐᒥᒃ, ᖃᓂᒪᓇᕐᑐᖅ ᐲᕐᑕᐅᔪᓐᓇᖁᓪᓗᒍ ᐃᓄᖕᓂᑦ.”

ᑯᕉᓂᑲ ᓯᕗᓪᓖᑦ 21:24

ᐊᖓᔪᖅᑳᕐᔪᐊᕐᓕ ᑍᕕᑎ ᐅᖃᕐᐳᖅ ᐅᐊᕐᓇᓐᒧᑦ, “ᑍᒫᖑᓐᖏᓚᖅ, ᓂᐅᕕᐊᕆᔪᒪᕙᕋ ᐊᑭᖓᓂᒃ ᐃᓗᐃᑦᑐᒥᒃ ᐊᑭᓕᕐᓗᒍ; ᐱᖁᑎᖕᓂᒃ ᑎᒍᓯᔪᒪᓐᖏᓚᖓ ᐊᑕᓂᕐᒧᑦ ᑐᓂᓂᐊᕐᑕᓐᓂᒃ, ᐅᕝᕙᓗ ᑐᓂᕐᕈᑎᒃᓴᒥ ᐆᑕᒃᓴᓂᒃ ᑐᓂᓯᔪᒪᓐᖏᓚᖓ ᐊᑭᓕᓚᐅᓐᖏᑕᓐᓂᒃ.”

ᕉᒪᒥᐅᓄᑦ 12:17

ᐱᑦᓯᐊᕐᑕᐅᖏᒃᑯᕕᑦ, ᐊᑭᓇᓱᐊᕐᑍᓕᒋᑦ ᐱᑦᓯᐊᖏᓐᓂᕐᒧᑦ. ᑲᒪᑦᓯᐊᕐᓗᓯ ᐱᐅᒋᔭᐅᔪᒥᒃ ᐃᓅᓯᖃᕆᑦᓯ ᐃᓄᓕᒫᓄᑦ.

ᕉᒪᒥᐅᓄᑦ 13:8

ᑭᓇᒧᓪᓘᓐᓃᑦ ᐊᑭᓕᒃᓴᖃᕐᓂᐊᕋᓯ, ᓇᒡᓕᑎᒌᖏᓐᓂᖅ ᑭᓯᐊᓂ ᐊᑭᓕᒃᓴᑎᑐᑦ ᐃᓱᒪᒋᔭᕆᐊᖃᕐᐸᓯ; ᐃᓅᖃᑎᒥᓂᒃ ᓇᒡᓕᒍᓱᒃᑐᖅ ᐱᖁᔭᓂᒃ ᓈᒻᒪᒃᓯᑎᑦᓯᖕᒪᑦ.