ᒨᓯᓯ ᓯᕗᓪᓖᑦ 22:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᓱᓕᔪᒥᒃ ᓮᒻᒪᕐᑎᑦᓱᒫᕐᐸᒋᑦ, ᑭᖑᕚᒃᓴᑎᑦ ᐅᓄᕐᓯᑎᑦᓱᒫᕐᐸᒃᑲ ᕿᓚᖕᒥ ᐅᓪᓗᕆᐊᑎᑐᑦ ᓯᐅᖅᑲᑎᑐᓪᓗ ᑕᕆᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᓂᒃ. ᑭᖑᕚᑎᓪᓗ ᐊᑭᕋᒥ ᐃᑎᕐᑕᕐᕕᖏᓐᓂᒃ ᐱᓯᒪᔪᒫᕐᐳᑦ.

ᒨᓯᓯ ᓯᕗᓪᓖᑦ 22:17 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 12:2

ᐃᓅᖃᑎᒌᒡᔪᐊᓐᖑᕐᑎᑦᓱᒫᕋᒃᑭᑦ, ᓮᒻᒪᕐᑎᓪᓗᑎᓪᓗ, ᐊᑏᓪᓗ ᐅᐱᒋᔭᐅᑦᓯᐊᕐᑎᓪᓗᒍ, ᓮᒻᒪᕐᑎᑦᓯᑦᔪᑎᒃᓴᐅᖁᓪᓗᑎᑦ.

ᒨᓯᓯ ᓯᕗᓪᓖᑦ 13:16

ᑭᖑᕚᒃᓴᖃᕐᑎᑦᓱᒫᕐᐸᒋᓪᓗ ᐅᓄᕐᑐᕐᔪᐊᕌᓗᖕᓂᒃ ᓄᓇᒥ ᐳᔪᕋᕐᑎᑐᑦ ᐅᓄᕐᑎᒋᔪᓂᒃ; ᓄᓇᐅᑉ ᐳᔪᕋᖏᑦ ᓈᓴᕐᑕᐅᔪᓐᓇᕐᐸᑕ, ᑕᕝᕙ ᑭᖑᕚᒃᓴᑎᑦᑕᐅᖅ ᓈᓴᕐᑕᐅᔪᓐᓇᕋᔭᕆᕗᑦ!

ᒨᓯᓯ ᓯᕗᓪᓖᑦ 15:5

ᐊᓂᑎᓪᓗᓂᐅᒃ ᓯᓚᒧᑦ ᐅᖃᐅᑎᕚ, “ᐸᐅᖓ ᕿᓚᖕᒧᑦ ᑕᑯᓴᕆᑦ, ᐅᓪᓗᕆᐊᑦ ᓈᓴᒃᑭᑦ, ᓈᓴᕈᓐᓇᕈᕕᒋᑦ.” ᐅᖃᐅᑎᒃᑲᓐᓂᕐᓗᒍᓗ, “ᑍᒫᒃ ᐅᓄᕐᑐᑎᒋᔪᓂᒃ ᑭᖑᕚᖃᕈᒫᕐᐳᑎᑦ.”

ᒨᓯᓯ ᓯᕗᓪᓖᑦ 17:6

ᑭᖑᕚᒃᓴᖃᕐᑎᓐᓂᐊᕐᐸᒋᑦ ᐅᓄᕐᑐᕐᔪᐊᓂᒃ, ᐃᓅᖃᑎᒌᒡᔪᐊᓐᖑᕐᑎᑦᓱᒫᕐᐸᑦᓯ, ᐊᖓᔪᖅᑳᕐᔪᐊᓪᓗ ᐃᓕᖕᓂᑦ ᐱᔪᒫᕐᐳᑦ.

ᒨᓯᓯ ᓯᕗᓪᓖᑦ 24:60

ᑖᒃᑯᐊᓗ ᕇᐱᑲ ᓮᒻᒪᕐᑎᑉᐹᑦ ᐃᒫᒃ ᐅᖃᕐᓗᑎᒃ, “ᓇᔭᒃᐳᑦ, ᐅᓄᕐᑐᕐᔪᐊᓄᑦ ᐊᓈᓇᐅᓕᕆᑦ ᓈᓴᒐᒃᓴᐅᖏᑦᑐᓄᑦ; ᑭᖑᕚᒃᓴᑎᓪᓗ ᐱᖃᕈᒫᕐᓕᑦ ᐊᑭᕋᕐᑐᕐᑎᖏᑕ ᐃᑎᕐᑕᕐᕕᖏᓐᓂᒃ!”

ᒨᓯᓯ ᓯᕗᓪᓖᑦ 25:11

ᐂᑉᕋᕼᐋᒻᓗ ᑐᖁᓯᒪᓕᕐᑎᓪᓗᒍ, ᐃᕐᓂᖓ ᐂᓴᑭ ᒎᑎᐅᑉ ᓮᒻᒪᕐᑎᓚᐅᕐᐹ. ᐂᓴᑭᓗ ᓄᓇᖃᓚᐅᕐᐳᖅ ᐱᐊᕐ-ᓚᕼᐂ-ᕈᐂᒥ.

ᒨᓯᓯ ᓯᕗᓪᓖᑦ 26:24

ᑕᒪᑐᒪᓂᓗ ᐅᓐᓄᐊᒥ ᐊᑕᓂᖅ ᓴᖅᑭᑉᐳᖅ ᑖᑦᓱᒧᖓ ᐅᖃᕐᓗᓂᓗ, “ᐊᑖᑕᕕᑦ ᐂᑉᕋᕼᐋᒻ ᒎᑎᒋᕚᖓ; ᑲᑉᐱᐊᓱᖕᓂᐊᕐᓇᒃ, ᐃᓚᒋᕙᒋᑦ ᓮᒻᒪᕐᑎᓐᓂᐊᕐᐸᒋᓪᓗ ᑭᖑᕚᑎᓪᓗ ᐅᓄᕐᓯᑎᑦᓱᒫᕐᐸᒃᑲ ᐱᔨᒐ ᐂᑉᕋᕼᐋᒻ ᐱᑦᔪᑎᒋᓪᓗᒍ.”

ᒨᓯᓯ ᓯᕗᓪᓖᑦ 26:4

ᑭᖑᕚᑎᑦ ᐅᓄᕐᑐᕐᔪᐊᓐᖑᕐᑎᑦᓱᒫᕐᐸᒃᑲ ᕿᓚᐅᑉ ᐅᓪᓗᕆᐊᖏᑎᑐᑦ, ᑕᒪᒃᑯᐊᓗ ᓄᓇᒋᔭᐅᔪᓕᒫᑦ ᑐᓂᔪᒫᕐᐸᒃᑲ ᑭᖑᕚᕐᓄᑦ; ᑭᖑᕚᑎᓪᓗ ᐊᖅᑯᑎᒋᓗᒋᑦ ᐃᓅᖃᑎᒌᒡᔪᐊᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ;

ᒨᓯᓯ ᓯᕗᓪᓖᑦ 28:3

ᒎᑎᐅᑉ ᐊᔪᒐᖃᖏᑦᑑᑉ ᓮᒻᒪᕐᑎᓐᓂᐊᕐᐹᑎᑦ ᕿᑐᕐᖓᖃᕐᑎᓪᓗᑎᓪᓗ, ᐅᓄᕐᑐᓂᒃ, ᐃᓅᒋᐊᒃᑐᕐᔪᐊᓐᖑᖁᓪᓗᓯ.

ᒨᓯᓯ ᓯᕗᓪᓖᑦ 28:4

ᑖᑦᓱᒪ ᑐᓂᓯᕕᒋᓕᑎᑦ ᑭᖑᕚᑎᓪᓗ ᐂᑉᕋᕼᐋᒻ ᓮᒻᒪᕐᑎᑕᐅᑦᔪᑎᖏᓐᓂᒃ, ᓄᓇ ᑕᒪᓐᓇ ᐱᑕᕆᓂᐊᕋᕕᐅᒃ ᓂᐅᕐᕈᐊᖑᕕᒋᔧᑦ ᒎᑎᐅᑉ ᑐᓂᓚᐅᕐᑕᖓ ᐂᑉᕋᕼᐋᒧᑦ.”

ᒨᓯᓯ ᓯᕗᓪᓖᑦ 32:12

ᐅᖃᓚᐅᕐᐳᑎᓪᓕ, ‘ᐱᐅᔪᒥᒃ ᐱᓂᐊᕐᕕᒋᓂᐊᕐᐸᒋᑦ, ᑭᖑᕚᒃᓴᑎᓪᓗ ᐃᒪᐅᑉ ᑭᒡᓕᖓᓂ ᓯᐅᕋᕐᑎᑐᑦ ᐅᓄᕐᑎᒋᔪᒫᕐᐳᑦ, ᐃᓄᒋᐊᓗᐊᕐᓂᕐᒧᑦ ᓈᓴᕐᑕᐅᔪᓐᓇᖏᓪᓗᑎᒃ.’”

ᒨᓯᓯ ᓯᕗᓪᓖᑦ 32:13

ᐅᓐᓄᐊᒥᓗ ᑕᕝᕙᓂ ᓯᓂᒃᑕᓚᐅᕐᐳᖅ, ᓂᕈᐊᕐᓗᓂᓗ ᐱᑯᑎᒥᓂᑦ ᑐᓂᔭᒃᓴᕆᓂᐊᕐᑕᒥᓂᒃ ᐊᖓᔪᒥᓄᑦ ᐄᓴᒧᑦ,

ᓴᒧᐃᓕ ᐂᑉᐸᖏᑦ 17:11

ᐃᒤᒋᐊᖃᕐᑐᕆᕙᒋᓪᓕ ᐃᓴᕆᐊᓕᒥᐅᓕᒫᑦ ᑲᑎᑎᓪᓗᒋᑦ ᓄᓇᒋᔭᖏᓐᓂᑦ ᑖᓐᒥᑦ ᐱᐊᕐᓯᐸᒧᑦ ᑎᑭᓪᓗᒋᑦ, ᓯᒡᔭᒥ ᓯᐅᕋᕐᑎᑐᑦ ᐅᓄᕐᑎᒋᔪᑦ, ᐃᕝᕕᓪᓗ ᓇᖕᒥᓂᖅ ᓯᕗᓕᕐᓗᒋᑦ ᐅᓇᑕᕆᐊᕐᓗᑎᑦ.

ᐊᑕᓃᑦ ᓯᕗᓪᓖᑦ 4:20

ᐃᓄᐃᑦ ᔫᑎᐊᒥ ᓄᓇᓖᑦ ᐃᓴᕆᐊᓕᒥᓗ ᐅᓄᕐᑐᐊᓘᓕᓚᐅᕐᐳᑦ ᓯᐅᕋᕐᑎᑐᑦ ᓯᒡᔭᒦᑦᑐᑎᑐᑦ; ᓂᕆᓪᓗᑎᒡᓗ ᐃᒥᕐᓗᑎᒡᓗ ᖁᕕᐊᓱᖃᑎᒌᒃᐳᑦ.

ᐊᑕᓃᑦ ᓯᕗᓪᓖᑦ 9:26

ᓱᓕ ᐊᖓᔪᖅᑳᕐᔪᐊᖅ ᓲᓗᒨᓂ ᐅᒥᐊᕐᔪᐊᓂᒃ ᓴᓇᔭᐅᑎᑦᓯᓪᓗᓂ ᐃᔨᐅᓂ-ᒋᐱᕆᒥ ᐃᓗᑎᐅᑉ ᖃᓂᒋᔮᓂ, ᐊᒡᒐᐸᐅᑉ ᑲᖏᕐᓱᐊᑕ ᓯᒡᔭᖓᓂ ᐃᒪᕐᒧᑦ ᐊᐅᐸᓗᒃᑕᒧᑦ, ᐄᑐᒥᐅᑉ ᓄᓇᖓᓂ.

ᑯᕉᓂᑲ ᓯᕗᓪᓖᑦ 27:23

ᑍᕕᑎᐅᓪᓕ ᓈᓴᖃᓯᐅᑎᓚᐅᓐᖏᓔᑦ ᐊᕐᕌᒍᓖᑦ 20ᓂᒃ ᖃᑦᓰᓐᓇᐅᓂᕐᓴᓂᒡᓗ, ᐊᑕᓂᐅᑉ ᐊᖏᕈᑎᖃᕐᓯᒪᓂᖓᓄᑦ ᐃᓴᕆᐊᓕᒥᐅᓂᒃ ᐅᓄᕐᓯᑎᑦᓯᓂᐊᕐᓂᕋᕐᓗᓂ ᐅᓪᓗᕆᐊᑎᑐᑦ ᕿᓚᖕᒦᑦᑐᑎᑐᑦ.

ᑯᕉᓂᑲ ᐂᑉᐸᖏᑦ 1:9

ᐊᑕᓃᕐᓕ ᒎᑏ, ᐊᖏᕈᑎᒋᓚᐅᕐᑍᑦ ᑍᕕᑎᒧᑦ ᐊᑖᑕᓐᓄᑦ ᑲᔪᓯᑎᓕᕈᒃ, ᐊᖓᔪᖅᑳᕐᔪᐊᓐᖑᕐᑎᓚᐅᕋᕕᓐᖓ ᐃᓄᖕᓄᑦ ᐃᓄᒋᐊᒃᑐᕐᔪᐊᓄᑦ ᐳᔪᕋᕐᑎᑐᑦ ᐅᓄᕐᑎᒋᔪᓄᑦ ᓄᓇᕐᔪᐊᒥ.

ᓂᕼᐃᒤᐊᐅᑉ ᐊᒡᓚᖏᑦ 9:23

ᕿᑐᕐᖓᕐᑖᕐᑎᓚᐅᕐᐸᑎᓪᓗ ᐅᓄᕐᑐᐊᓗᖕᓂᒃ ᐅᓪᓗᕆᐊᑎᑐᑦ ᕿᓚᖕᒦᑦᑐᑎᑐᑦ, ᓄᓇᑖᕐᑎᓚᐅᕐᐸᑎᓪᓗ ᐊᖏᕐᕋᒃᓴᖏᓐᓂᒃ ᓯᕗᓪᓕᖏᓐᓄᑦ ᐊᖏᕈᑎᒋᓚᐅᕐᑕᕐᓂᒃ ᑐᓂᓂᐊᕐᓂᕋᕐᓗᒋᑦ.

ᒨᓯᓯ ᐂᑉᐸᖏᑦ 32:13

ᐱᔨᒋᓚᐅᕐᑕᑎᑦ ᐃᖅᑲᐅᒪᓚᐅᒃᑭᑦ, ᐂᑉᕋᕼᐋᒻ, ᐂᓴᑭᓗ, ᔧᑯᓗ, ᑖᒃᑯᓄᖓ ᐊᖏᒻᒪᕆᓚᐅᕋᕕᑦ ᑭᖑᕚᖃᕈᒫᕐᓂᕋᕐᓗᒋᑦ ᐅᓪᓗᕆᐊᑎᑐᑦ ᐅᓄᕐᑎᒋᔪᓂᒃ ᑭᖑᕚᖏᓪᓗ ᓄᓇᒥᒃ ᐊᖏᕈᑎᒋᓯᒪᔭᕐᓂᒃ ᑐᓂᓯᕕᒋᓂᐊᕐᓂᕋᕐᓗᒋᑦ ᓄᓇᒋᓂᐊᕐᑕᖏᓐᓂᒃ ᐃᓱᖃᖏᑦᑐᒧᑦ.”

ᐂᓮᐊᓯᐅᑉ ᐊᒡᓚᖏᑦ 48:19

ᑭᖑᕚᓯ ᓯᐅᕋᕐᑎᑐᑦ ᐅᓄᕐᑎᒋᒐᔭᓚᐅᕐᐳᑦ, ᕿᑐᕐᖓᓯᓗ ᓂᐊᖂᔭᒃᓮᑦ ᓯᖃᓪᓕᓯᒪᔪᑦ ᐅᓄᕐᓂᖏᑎᑐᑦ ᑍᒤᓪᓗᑎᒃ; ᐊᑎᖏᑦ ᐃᓱᓕᖃᑦᑕᕋᔭᓚᐅᓐᖏᓚᑦ ᐊᓯᕈᕐᑕᐅᖃᑦᑕᕋᔭᕋᑎᒡᓗ ᓵᓐᓂ.”

ᔨᕆᒤᐊᐅᑉ ᐊᒡᓚᖏᑦ 32:22

ᓄᓇᒥᒡᓗ ᑕᒪᑐᒥᖓ ᓄᓇᑖᕐᑎᓯᒪᒐᕕᒋᑦ ᓯᕗᓕᖏᓐᓄᑦ ᐊᖏᕈᑎᒋᓚᐅᕐᑕᕐᓂᒃ ᓄᓇᒋᔭᐅᓕᖁᓪᓗᒍ, ᓂᕿᒃᓴᖃᑦᓯᐊᕐᑐᒥᒃ ᐊᔪᕐᓴᕐᓇᖏᑦᑐᒥᓗ ᓄᓇᖃᖁᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 33:22

ᕿᓚᖕᒥᐅᒐᓴᒡᔪᐃᑦ ᓈᓴᒐᒃᓴᐅᖏᒻᒪᑕ ᓯᐅᕅᓪᓗ ᓯᒡᔭᒦᑦᑐᑦ ᓈᓴᕐᑕᐅᔪᓐᓇᕋᑎᒃ, ᑍᒫᒃᑕᐅᖅ ᑍᕕᑎᐅᑉ ᐱᔨᒪ, ᓕᕔᑎᓪᓗ ᑐᓂᕐᕈᓯᕐᑎᑦᓯᔩᑦ ᐱᓇᓱᐊᕐᐸᒃᑐᑦ ᐅᕙᓐᓄᑦ ᐅᓄᕐᓯᑎᑦᓱᒫᕐᐸᒃᑲ.”

ᕼᐆᓯᐊᑉ ᐊᒡᓚᖏᑦ 1:10

ᐃᓴᕆᐊᓕᒥᐅᓪᓕ ᐃᓄᖏᑦ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᒫᕐᐳᑦ, ᐆᒃᑐᕋᕐᑕᐅᔪᓐᓇᖏᓪᓗᑎᒃ ᓈᓴᕐᑕᐅᔪᓐᓇᖏᓪᓗᑎᒡᓗ; ᑕᕝᕙᓂ ᐅᖃᐅᑦᔭᐅᔪᒫᕐᐳᑦ, “ᐃᓄᖁᑎᒋᓐᖏᓚᑦᓯ,” ᐅᖃᕐᕕᐅᓕᕈᒫᕆᕗᑦ, “ᒎᑎᐅᑉ ᐆᒪᔫᑉ ᕿᑐᕐᖓᖏᑦ.”

ᕼᐆᓯᐊᑉ ᐊᒡᓚᖏᑦ 2:1

ᐃᓴᕆᐊᓕᒥᐅᖑᖃᑎᑎᑦ ᐅᖃᐅᑎᒃᑭᑦ, “ᐊᒥ ᐃᒫᒃ—ᐃᓄᖁᑎᒃᑲ,” ᓇᔧᓪᓗ ᐅᖃᐅᑎᓗᒍ, “ᕈᕼᐋᒪ ᐃᒫᒃ—ᓂᑲᒋᔭᐅᓕᕐᐳᑎᑦ.”

ᒤᑲᐅᑉ ᐊᒡᓚᖏᑦ 1:9

ᔫᑕᐅᑉ ᑭᓪᓕᖏᑦ ᒪᒥᑎᑕᐅᔪᓐᓇᓐᖏᓚᑦ; ᐊᓯᕈᕐᑕᐅᓂᖅ ᔨᕉᓴᓕᐅᑉ ᐃᑎᕐᑕᕐᕕᖓᓃᓕᕐᐳᑦ, ᐃᓄᖁᑎᒪ ᓄᓇᖓᓂ.

ᕉᒪᒥᐅᓄᑦ 4:13

ᐂᑉᕋᕼᐋᒻ ᑭᖑᕚᖏᓪᓗ ᒎᑎᐅᑉ ᐊᖏᕐᕕᒋᓚᐅᕐᐰᑦ, ᓯᓚᕐᔪᐊᕐᒥᒃ ᐱᒃᓴᖃᕐᑎᓐᓂᐊᕐᓂᕋᕐᓗᒋᑦ ᐱᖁᔭᓂᒃ ᓈᓚᑦᓯᐊᕐᓂᕐᒥᖕᓄᑦ ᐱᑦᔪᑎᖃᕋᑎᒃ ᐃᓗᐊᕐᑑᓂᕋᕐᑕᐅᓂᕐᒥᒍᓪᓕ ᐅᒃᐱᕐᓂᕐᒥᖕᓄᑦ.

ᕉᒪᒥᐅᓄᑦ 9:27

ᐂᓮᐊᓯ ᓂᓪᓕᐊᓚᐅᕐᐳᖅ ᐃᓴᕆᐊᓕᒥᐅᓄᑦ: “ᐃᓴᕆᐊᓕᒥᐅᑦ ᐃᓄᖏᑦ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᒐᓗᐊᕐᐸᑕ, ᐊᒥᐊᒃᑯᑐᐊᖏᑦ ᐅᓄᖏᑦᑐᑦ ᐱᐅᓕᔭᐅᔪᒫᕐᐳᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:57

ᒎᑎᓕ ᖁᔭᒋᔭᐅᓕ, ᓵᓚᖃᕐᑎᒻᒪᑎᒍᑦ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ.

ᐃᐱᓯᒥᐅᓄᑦ 1:3

ᓂᕐᑐᕐᑕᐅᓕ ᒎᑎ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᙭ᔅᑑᓯᒥ ᐊᓂᕐᓂᒃᑯᑦ ᓮᒻᒪᕐᑎᑕᐅᔪᑕᐅᔪᓐᓇᕐᑐᓂ ᑕᒤᓐᓂᒃ ᐱᑎᓚᐅᕐᐹᑎᒍᑦ, ᕿᓚᖕᒥᐅᑍᑦ ᓇᔪᕐᑕᖏᓐᓂᒃ ᙭ᔅᑑᓯᒥᐅᑕᐅᓂᑦᑎᓐᓄᑦ.

ᒨᓯᓯ ᑕᓪᓕᒪᖏᑦ 1:10

ᐊᑕᓂᐅᑉ ᒎᑎᑦᓯ ᐃᓄᒋᐊᒃᑐᕐᔪᐊᓐᖑᕐᑎᓯᒪᓕᕐᒪᓯ ᐅᓪᓗᕆᐊᑎᑐᑦ ᕿᓚᖕᒦᑐᑎᑐᑦ.

ᒨᓯᓯ ᑕᓪᓕᒪᖏᑦ 1:11

ᐊᑕᓂᐅᑉ, ᓯᕗᓕᕕᓂᑦᓯ ᒎᑎᖓᑦᑕ, ᐅᓄᕐᓯᕙᓪᓕᐊᑎᓪᓕᓯ 1,000ᐃᕐᓱᓪᓗᐊᕐᑐᒥᒃ, ᐊᔪᕐᓴᖏᑦᓯᐊᕐᑎᓪᓗᓯᓗ, ᑍᒫᒃ ᐊᖏᕐᕕᒋᓯᒪᖕᒪᓯ ᑕᒪᑐᒥᖓ!

ᒨᓯᓯ ᑕᓪᓕᒪᖏᑦ 10:22

ᓯᕗᓕᕕᓂᓯᓕ ᐄᑦᔨᑉᑎᒧᐊᓕᕐᑎᓪᓗᒋᑦ ᑍᑯᓐᖓᕐᑐᑦ 70ᑐᐃᓐᓇᐅᓚᐅᕐᐳᑦ; ᒫᓐᓇᓕ ᐊᑕᓂᐅᑉ ᒎᑎᑦᓯ ᐅᓪᓗᕆᐊᑎᑐᑦ ᕿᓚᖕᒦᑦᑐᑎᑐᑦ ᐅᓄᕐᓯᑎᓯᒪᓕᕐᐹᓯ.”

ᒨᓯᓯ ᑕᓪᓕᒪᖏᑦ 13:17

ᓇᓪᓕᐊᓐᓂᒡᓘᓐᓃᑦ ᓄᖑᑕᐅᔪᒃᓴᐅᑎᓪᓗᒍ ᓱᒋᐊᕐᑕᐅᖁᔭᐅᔪᒥᒃ ᓇᖕᒥᓂᒃᓴᕆᔪᒪᓗᒍ ᑎᒍᓯᔪᒃᓴᐅᓐᖏᓚᑎᑦ ᐊᑕᓂᖅ ᓂᓐᖓᖕᓂᕐᔪᐊᒥᓂᑦ ᓴᖑᖁᓪᓗᒍ, ᓂᑲᒋᓗᓯᓗ. ᐃᓚᑦᓱᒋᓕᕐᓂᐊᕐᒪᓯ, ᐃᓄᒐᓴᒡᔪᐊᓐᖑᕐᑎᓪᓗᓯᓗ, ᑍᒫᒃ ᐊᖏᕈᑎᖃᕐᓯᒪᖕᒪᑦ ᓯᕗᓕᕕᓂᑦᓯᓐᓄᑦ,

ᒨᓯᓯ ᑕᓪᓕᒪᖏᑦ 13:18

ᐊᑕᓂᐅᑉ ᒎᑎᑦᓯ ᓂᐱᖓ ᓈᓚᖕᓂᐊᕈᑦᓯᐅᒃ, ᐱᖁᔨᑦᔪᑎᖏᓪᓗ ᒪᓕᑦᓯᐊᕐᓂᐊᕈᑦᓯᒋᒃ ᐅᓪᓗᒥ, ᒪᓕᒃᑕᐅᖁᓪᓗᒋᑦ ᐅᖃᐅᓯᕆᔭᒃᑲ, ᐱᓂᐊᕐᓂᖃᖁᓪᓗᓯ ᓈᒻᒪᒋᔭᐅᔪᒥᒃ ᐊᑕᓂᐅᑉ ᒎᑎᑦᓯ ᓵᖓᓂ.”

ᒨᓯᓯ ᑕᓪᓕᒪᖏᑦ 21:19

ᑕᕝᕙ ᐊᑖᑕᖓᑕ ᐊᓈᓇᖓᑕᓗ ᐃᒡᓗᒐᓴᖕᒥᖕᓂ ᐊᖓᔪᖅᑳᕆᔭᐅᔪᓄᑦ ᐋᑕᒃᓴᕆᕚ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖓᓄᑦ ᓇᔪᒐᕐᒥᖕᓂ,

ᐄᑉᕈᐃᓄᑦ 11:12

ᑍᒤᒻᒪᑦ ᐊᖑᒻᒥᑦ ᐊᑕᐅᓯᕐᒥᑦ ᑭᑐᕐᖓᕐᑖᑎᑦᓯᔪᓐᓇᕐᓂᖓ ᑐᖁᖓᓕᕐᑐᒥᒃ, ᑭᖑᕚᕐᑖᕈᓐᓇᕐᓯᓯᒪᕗᖅ ᐅᓄᕐᑐᕐᔪᐊᓂᒃ ᐅᓪᓗᕆᐊᑎᑐᑦ ᕿᓚᖕᒥ ᐅᓄᕐᑎᒋᔪᓂᒃ ᓯᐅᖅᑲᑎᑐᓪᓗ ᐃᒪᐅᑉ ᓯᓈᓂᑦᑐᑎᑐᑦ ᓈᓴᒐᒃᓴᐅᓐᖏᑎᒋᔪᓂᒃ.

ᐄᑉᕈᐃᓄᑦ 6:14

ᐅᖃᕐᓗᓂ, “ᓱᓕᓪᓚᕆᒡᓗᖓ ᓮᒻᒪᕐᑎᓐᓂᐊᕐᐸᒋᑦ ᑭᖑᕚᒃᓴᖃᕐᑎᓐᓂᐊᕐᐸᒋᓪᓗ ᐊᒥᓱᓂᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”