ᒨᓯᓯ ᓯᕗᓪᓖᑦ 19:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᑕᕝᕙᓕ ᐊᑕᓂᖅ ᑲᑕᒐᕐᑎᑦᓯᓕᕐᐳᖅ ᐃᒃᑭᕆᒃᑐᓂᒃ ᐃᑯᒪᒥᒡᓗ ᐃᒡᓗᒐᓴᖕᓄᑦ ᓱᑑᒪᒧᑦ ᒍᒨᕋᒧᓪᓗ ᐊᑕᓂᕐᒥᑦ ᕿᓚᖕᒥᑦ ᐱᔪᓂᒃ.

ᒨᓯᓯ ᓯᕗᓪᓖᑦ 19:24 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 13:10

ᓘᑎᓗ ᐊᕙᒻᒧᑦ ᑕᑯᓴᕋᒥ, ᑕᑯᕗᖅ ᔪᐊᕐᑕᓂᐅᑉ ᓇᕐᓴᖓᓂᒃ ᐃᒪᖃᑦᓯᐊᕐᑐᒥᒃ, ᐊᑕᓂᐅᑉ ᐱᕈᕐᓰᕕᖁᑎᖓᑎᑐᑦ, ᐄᑦᔨᑉᑎᐅᓪᓗ ᓄᓇᖓᑎᑐᑦ ᑍᒤᑦᑑᔮᕐᑐᒥᒃ. ᓄᓇᐅᑉ ᔪᐊᕆᐅᑉ ᓇᓛᓄᑦ; ᑍᒤᑦᑑᓚᐅᕐᐳᖅ ᑕᒪᓐᓇ ᐊᑕᓂᐅᑉ ᓱᑑᒪ ᒍᒨᕋᓗ ᐊᓯᕈᓚᐅᕐᑎᓐᓇᓂᒋᒃ.

ᒨᓯᓯ ᓯᕗᓪᓖᑦ 13:12

ᐂᑉᕋᒻᓕ ᓄᓇᖃᓚᐅᕐᐳᖅ ᑬᓇᓂᒥ, ᓘᑎᓕ ᓄᓇᑖᓚᐅᕐᐳᖅ ᐃᒡᓗᒐᓴᖕᓂ ᓇᕐᓴᒦᑦᑐᓂ ᑐᐱᕐᓗᓂᓗ ᓱᑑᒪᒧᑦ ᑎᑭᓯᒪᔪᓂᒃ,

ᒨᓯᓯ ᓯᕗᓪᓖᑦ 18:17

ᐊᑕᓂᕐᓗ ᐅᖃᕐᐳᖅ, “ᐱᓇᓱᐊᕈᒪᔭᓐᓂᒃ ᐂᑉᕋᕼᐋᒧᑦ ᐊᓐᖏᒍᑦᔨᓂᐊᓐᖏᓚᖓ.

ᒨᓯᓯ ᓯᕗᓪᓖᑦ 19:23

ᓯᕿᓂᕐᓗ ᖁᑦᑎᒃᓯᓚᐅᕐᐳᖅ ᓘᑎᒃᑯᑦ ᓄᓇᓕᖕᓄᑦ ᔪᐊᕆᒧᑦ ᑎᑭᑎᓪᓗᒋᑦ,

ᔫᐱᐅᑉ ᐊᒡᓚᖏᑦ 1:16

ᓱᓕ ᑖᓐᓇ ᐅᖃᓪᓚᒃᑎᓪᓗᒍ, ᐱᔨᖓᑦᑕ ᐃᓚᖓᑦ ᕾᒋᕗᖅ ᐅᖃᕐᓗᓂᓗ, “ᑲᓪᓕᐅᑉ ᖃᐅᒻᒪᓪᓚᖕᓂᖓᓄᑦ ᓰᐱᓕᒫᑦ ᑐᖁᑕᐅᕗᑦ ᓰᐱᓕᕆᔨᓕᒫᓪᓗ, ᐅᕙᖓᓕ ᐊᒥᐊᒃᑯᑑᕗᖓ ᕿᒫᖅᑲᐅᒐᒪ ᐅᖃᐅᑎᔪᒪᓪᓗᑎᑦ.”

ᔫᐱᐅᑉ ᐊᒡᓚᖏᑦ 18:15

ᑐᐱᖓᓃᑦᑐᖃᕐᐳᖅ ᑖᑦᓱᒪ ᐱᒋᓐᖏᑕᖓᓂᒃ; ᐃᑯᐊᓪᓚᕆᒃᑐᒥᒃ ᓯᐊᒻᒪᕐᑎᑦᓯᕕᐅᕗᖅ ᓇᔪᕐᑕᖓ.

ᐃᓐᖏᕈᑎᑦ 11:6

ᓯᓚᓗᒃᑐᑎᑐᑦ ᑲᑕᒐᕐᑎᑦᓯᔪᒫᕐᐳᖅ ᐊᐅᒫᓗᖕᓂᒃ; ᐃᑯᒪᓗ ᐅᕐᓱᕈᑎᖃᕐᑐᖅ ᐊᓄᕆᓗ ᐃᑯᐊᓚᔪᖅ ᐃᕐᖑᓯᖏᑕ ᐃᒪᒃᓴᕆᕔᑦ.

ᒨᓯᓯ ᐂᑉᐸᖏᑦ 9:23

ᑕᕝᕙ ᒨᓯᓯᐅᑉ ᐊᔭᐅᑉᐱᐊᖅ ᕿᓚᖕᒧᑦ ᐃᓴᐅᑎᕚ; ᐊᑕᓂᕐᓗ ᖃᐅᒻᒪᓪᓚᖕᒥᒃ ᓇᑕᖅᑯᕐᓇᓂᒡᓗ ᑎᑭᑎᑦᓯᕗᖅ, ᐃᑯᒤᓪᓗ ᓄᓇᒧᑦ ᑲᑕᒐᓕᕐᐳᑦ. ᐊᑕᓂᕐᓗ ᐄᑦᔨᑉᑎᐅᑉ ᓄᓇᖓᓄᑦ ᓇᑕᖅᑯᕐᓇᕐᓂᒃ ᑲᑕᒐᓕᕐᑎᑦᓯᕗᖅ;

ᐂᓮᐊᓯᐅᑉ ᐊᒡᓚᖏᑦ 1:9

ᐊᑕᓂᐅᑉ ᐊᔪᒐᖃᖏᑦᑑᑉ ᐃᓄᐃᑦ ᐃᓚᖏᓐᓂᒃ ᐊᒥᐊᒃᑯᖃᕐᑎᓚᐅᖏᑉᐸᑎᒍᑦ, ᓄᖑᑕᐅᓇᔭᓚᐅᕐᐳᒍᑦ ᓱᑑᒪᑐᑦ ᒍᒨᕋᒥᐅᑎᑐᓪᓗ.

ᐂᓮᐊᓯᐅᑉ ᐊᒡᓚᖏᑦ 13:19

ᐹᐱᓘᓂ ᐊᖓᔪᖅᑲᐅᕕᓕᒫᓂᑦ ᑕᑯᒥᓇᕐᓂᕐᐹᖑᔪᖅ, ᐅᐱᓐᓇᕐᓗᓂᓗ ᐃᓄᖏᓐᓄᑦ ᑲᐅᓪᑎᐊᒥᐅᓄᑦ, ᐊᑦᔨᖃᕈᒫᕐᐳᖅ ᓱᑑᒪᒥᒃ ᒍᒨᕋᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 30:33

ᑍᑦᓱᒪᓂᐊᓗᖕᓂᑦ ᐊᑐᐃᓐᓇᕈᐃᓯᒪᓚᐅᕐᒪᑦ ᐃᑯᐊᓚᑦᓯᕕᒃᔪᐊᒃᓴᒥᒃ; ᐃᓛᒃ ᐊᖓᔪᖅᑳᕐᔪᐊᖓᑦᑕ ᐃᑯᐊᓪᓚᒃᑕᐅᕕᒃᓴᖓᓂᒃ, ᐃᓗᑐᔫᓪᓗᓂ ᓴᓂᒧᑐᔫᓪᓗᓂᓗ, ᐃᑯᐊᓪᓚᖅᑯᑎᒃᓴᖏᑦ ᕿᔪᐃᑦ ᐊᒥᒐᕋᑎᒃ; ᐊᑕᓂᐅᑉ ᐊᓂᕐᓵᕐᓂᖓᑕ ᐃᑯᒪᕐᔪᐊᒥᒃ ᑰᒃᑐᑎᑐᑦ ᐃᑯᐊᓪᓚᒃᑎᑦᓱᒫᕐᐹ.

ᔨᕆᒤᐊᐅᑉ ᐊᒡᓚᖏᑦ 20:16

ᑍᓐᓇ ᐊᖑᑦ ᐃᒡᓗᒐᓴᒃᑎᑐᑦ ᐊᑕᓂᕐᒧᑦ ᓇᒡᓕᖕᓂᖃᕐᕕᐅᓇᑎᒃ ᐃᒋᑕᐅᓂᐊᕐᑐᑎᑐᑦ ᑍᒤᑕᐅᖁᕙᕋ, ᑍᒪᑐᖅ ᕿᐊᔪᓂᒃ ᑐᓴᒐᒃᓴᑐᐊᖃᕈᒫᕐᐳᖅ ᐅᓪᓛᑕᒫᑦ, ᐅᓇᑕᕆᐊᕐᑐᓂᒡᓗ ᑐᓴᒐᒃᓴᑐᐊᖃᕐᐸᒡᓗᓂ ᐅᓪᓘᑉ ᕿᑎᖓᓂ.

ᔨᕆᒤᐊᐅᑉ ᐊᒡᓚᖏᑦ 23:14

ᔨᕉᓴᓕᒥᐅᓂᓗ ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᐅᔪᓂᒃ ᐱᐅᖏᓐᓂᕐᓴᓂᒃ ᑕᑯᓯᒪᕗᖓ, ᐊᓯᓐᓂᐊᖃᑦᑕᕐᒪᑕ ᐃᓅᓯᖃᓕᕐᓗᑎᒡᓗ ᓱᓕᖏᑦᑐᒥᒃ; ᐱᐅᖏᑦᑐᓕᔪᓂᒃ ᐃᑲᔪᕐᑐᐃᑐᐃᓐᓇᖃᑦᑕᓕᕐᐳᑦ, ᐱᐅᖏᑦᑐᓕᓂᕐᒥᖕᓂᑦ ᓵᒋᐊᕐᑐᖃᕈᓐᓇᕈᓐᓃᕐᐳᖅ; ᓱᑑᒪᒥᐅᓄᑦ ᐊᑦᔨᒋᔭᐅᑎᓕᕐᐸᒃᑲ, ᐃᓄᖏᓪᓗ ᒍᒨᕋᒥᐅᑎᑐᑦ ᑍᒤᓕᕐᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 49:18

ᓲᕐᓗᑦᑕᐅᖅ ᓱᑑᒪᒥᐅᑦ ᒍᒨᕋᒥᐅᓪᓗ ᐊᓯᕈᕐᑕᐅᓂᕆᓚᐅᕐᑕᖓᑎᑐᑦ, ᓄᓇᓕᐅᖃᑎᒌᑦᑕᐅᖅ ᐊᓯᕈᕐᑕᐅᖃᑕᐅᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᑕᕝᕙᓂ ᓄᓇᖃᕐᑐᖃᕈᓐᓃᕈᒫᕐᒪᑦ ᐃᓄᖕᓄᑦ ᓄᓇᒋᔭᐅᔪᒪᔪᓐᓃᕈᒫᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 50:40

ᒎᑎᐅᓪᓗ ᓄᖑᑕᐅᑎᑦᓯᓂᕆᓚᐅᕐᑕᖓᑐᑦ ᓱᑑᒪᒥᐅᓂᒃ ᒍᒨᕋᒥᐅᓂᒡᓗ, ᓄᓇᓖᑦ ᖃᓂᒋᔭᖓᓃᑦᑐᑦ ᐱᖃᓯᐅᑎᓗᒋᑦ, ᐊᑕᓂᖅ ᐅᖃᕐᐳᖅ, ᓄᓇᖃᕐᕕᐅᔪᓐᓃᕈᒫᕐᐳᖅ ᐃᓄᖃᐅᕈᓐᓃᕐᓗᓂᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:6

ᐃᓄᖁᑎᒪ ᓱᒋᐊᕐᑕᐅᓂᖓᑦ ᐊᖏᓂᕐᓴᐅᓯᒪᕗᖅ ᓱᑑᒪᒥᐅᑦ ᓱᒋᐊᕐᑕᐅᓂᖓᓂᑦ, ᐊᓯᕈᕐᑕᐅᓇᕐᑐᒧᑦ ᑕᕝᕔᓐᓇᖅ ᑎᑭᑕᐅᓚᐅᕐᒪᑕ.

ᕼᐆᓯᐊᑉ ᐊᒡᓚᖏᑦ 11:8

“ᖃᓄᕐᓕ ᐃᓕᖕᓂᒃ ᓴᐱᓕᕈᓐᓇᕐᐳᖔ ᐃᕗᕅᒥ? ᖃᓄᕐᓕ ᓴᒃᑯᐃᔪᓐᓇᕐᐳᖔ, ᐃᓴᕆᐊᓖ? ᖃᓄᕐᓕ ᐊᑦᔨᐅᑎᑦᑐᓐᓇᕐᐱᒌᑦ ᐊᑦᒪᒧᑦ? ᖃᓄᕐᓕ ᐱᓂᐊᕐᕕᒋᔪᓐᓇᕐᐱᒌᑦ ᔨᐳᐃᒻᑐᑦ? ᐆᒻᒪᑎᒐ ᐃᒃᐱᖕᓂᐊᕗᖅ ᐃᓗᓐᓂ, ᐃᓚᑦᓱᒍᓱᖕᓂᕋ ᓂᕈᒥᒃᓯᕗᖅ ᐊᕿᓕᓪᓗᓂᓗ.

ᐂᒨᓯᐅᑉ ᐊᒡᓚᖏᑦ 4:11

“ᐃᓚᓯ ᐃᓚᖏᑦ ᐊᓯᕈᓚᐅᕐᐸᒃᑲ, ᒎᑎᐅᑉ ᓱᑑᒪᒥᒃ ᒍᒨᕋᒥᒡᓗ ᐊᓯᕈᐃᓂᕆᓚᐅᕐᑕᖓᑎᑐᑦ, ᕿᔪᒃᑐᑦ ᐃᑯᒪᔪᑎᑐᑦ ᑍᒤᓚᐅᕐᐳᓯ ᐃᑯᒪᒥᑦ ᐊᒧᔭᐅᔪᑎᑐᑦ, ᓱᓕᓕ ᐅᑎᓚᐅᓐᖏᓚᓯ ᐅᕙᓐᓄᑦ,” ᐊᑕᓂᖅ ᐅᖃᕐᐳᖅ.

ᔨᐸᓁᐊᐅᑉ ᐊᒡᓚᖏᑦ 2:9

ᑍᒤᒻᒪᑦ ᐃᓅᑎᓪᓗᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, “ᓱᓕᓪᓚᕆᒃᓗᖓ ᒧᐊᐱᒥᐅᑦ ᓱᑑᒪᒥᐅᑎᑑᕈᒫᕐᐳᑦ, ᐊᒧᓁᑎᒥᐅᓪᓗ ᒍᒨᕋᒥᐅᑎᑑᕈᒫᕐᐳᑦ ᐱᕈᕐᕕᐅᔪᒫᕐᐳᑦ ᐅᕐᐱᖕᓄᑦ ᐃᒪᕐᓱᖕᓄᓪᓗ ᑕᕆᐅᒧᑦ, ᓄᓇᖓ ᐊᑑᑎᖃᕈᓐᓁᕈᒫᕐᐳᖅ ᐃᓱᖃᖏᑦᑐᒧᑦ. ᐃᓄᖁᑎᒪ ᓇᒃᕚᕐᑕᕐᕕᒋᔪᒫᕐᐰᑦ, ᐃᓅᖃᑎᒌᒡᔪᐊᖁᑎᒪᓗ ᐊᒥᐊᒃᑯᖏᑕ ᐱᑖᕆᔪᒫᕐᐹ.”

ᓘᑲᓯᐅᑉ ᐊᒡᓚᖏᑦ 10:12

ᐅᖃᐅᑎᕙᑦᓯ, ᐃᖅᑲᕐᑐᐃᕕᒃ ᓇᓪᓕᐅᑎᒃᐸᑦ ᓄᓇᓖᑦ ᑖᒃᑯᐊ ᓂᑲᒋᔭᐅᖏᓐᓂᕐᓴᐅᔪᒫᕐᐳᑦ ᓱᑑᒪᒥᐅᓂᑦ.”

ᒨᓯᓯ ᑕᓪᓕᒪᖏᑦ 28:24

ᓯᓚᓗᓐᖏᖔᕐᓗᓂ ᐊᑕᓂᖅ ᑎᑭᑎᑦᓯᔪᒫᕐᐳᖅ ᐳᔪᕐᓗᖕᒥᒃ ᐱᕐᓯᓕᕐᓗᓂ ᓯᐅᕋᕐᒥᒡᓗ ᐱᕐᓯᕐᓗᓂ ᑐᖁᑕᐅᓗᓯ ᓄᖑᑕᐅᓚᐅᖏᓐᓂᑦᓯᓐᓂ.

ᒨᓯᓯ ᑕᓪᓕᒪᖏᑦ 29:22

“ᓯᕗᓂᑦᓯᓐᓂ ᐃᓅᖃᑎᒌᖑᔪᒫᕐᑐᓄᑦ, ᑭᖑᕚᒃᓴᑦᓯᓐᓄᑦ, ᓄᓇᖅᑲᑎᒋᓐᖏᑕᑦᓯᓐᓄᓪᓗ ᓄᓇᒥᑦ ᐅᖓᓯᒃᑐᒥᑦ ᐱᓯᒪᔪᓄᑦ ᑕᒪᒃᑯᐊ ᑕᑯᔭᐅᔪᒫᕐᐳᑦ ᐱᓂᕐᓗᒃᑕᐅᓇᕐᑐᑦ ᐋᓐᓂᐊᓇᕐᑐᓪᓗ ᐊᑕᓂᐅᑉ ᓄᓇᑦᓯᓐᓄᑦ ᑎᑭᑎᓯᒪᔭᖏᑦ.

ᒨᓯᓯ ᑕᓪᓕᒪᖏᑦ 29:23

ᓄᓇᓕᒫᖅ ᐱᕈᕐᓰᕕᓕᒫᓪᓗ ᓱᓇᒃᓴᐅᔪᓐᓃᕈᒫᕐᐳᑦ, ᐅᔭᕋᖕᓄᑦ ᐃᑯᐊᓪᓚᒃᓴᕅᑦᑐᓄᑦ ᑕᕆᐅᕐᒧᓪᓗ; ᑲᓐᖓᕐᓱᐃᕕᐅᔪᒫᓐᖏᓚᖅ, ᐊᒡᓛᑦ ᐱᕈᕐᓂᕐᓗᒃᑐᓂᒃ ᐱᕈᕐᕕᐅᔪᓐᓃᕈᒫᕐᐳᖅ. ᓄᓇᓯᓗ ᓱᑑᒪᒥᐅᑦ ᒍᒨᕋᒥᐅᓪᓗ ᐃᒡᓗᒐᓴᖏᑎᑐᑦ ᑍᒤᑦᑑᓕᕈᒫᕐᐳᖅ, ᐊᑦᒪᒥᐅᑎᑐᓪᓗ ᔨᐳᐃᒥᐅᑎᑐᓪᓗ, ᐊᑕᓂᐅᑉ ᑖᒃᑯᐊ ᓄᖑᑎᓚᐅᕐᒪᒋᑦ ᓂᓐᖓᕕᒡᔪᐊᕐᕕᒋᓪᓗᒋᑦ.

ᐲᑦᑐᕉᓯ ᐂᑉᐸᖏᑦ 2:6

ᒎᑎᐅᓪᓗ ᐃᒡᓗᒐᓴᒡᔪᐊᑦ ᓱᑑᒪ ᒍᒨᕋᓗ ᐃᑯᒪᒧᑦ ᓱᒋᐊᕐᓗᒋᑦ ᓄᖑᑕᐅᑎᓚᐅᕐᐰᑦ, ᖃᐅᔨᒪᑦᔪᑕᐅᖁᓪᓗᒋᑦ ᒎᑎᖃᖏᑦᑐᑦ ᑍᒤᑕᐅᔪᒫᕐᓂᖏᓐᓂᒃ;

ᔫᑎᐅᑉ ᐊᒡᓚᖏᑦ 1:7

ᐃᖅᑲᐅᒪᓯᐅᒃᑕᐅᖅ ᓱᑑᒪ ᒍᒨᕋᓗ ᖃᓂᒋᔭᖓᓃᑦᑐᓪᓗ ᓄᓇᓖᑦ, ᑖᒃᑯᐊ ᑖᒃᑯᑎᑐᓇᕐᑕᐅᖅ ᐃᒃᖠᒎᕐᓂᖃᓚᐅᕐᑐᑦ ᐊᖑᑏᑦ ᐊᕐᓁᓪᓗ ᐱᐅᓯᐅᕙᖏᑦᑐᓄᑦ ᓄᓕᐊᖃᑦᑕᓚᐅᕐᑐᑦ, ᓱᒋᐊᕐᑕᐅᓚᐅᕐᐳᑦ ᐃᑯᒪᒧᑦ ᖃᒥᓱᐃᑦᑐᒧᑦ ᐅᓗᕆᐊᒋᔭᒃᓴᐅᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:10

ᑖᓐᓇᑦᑕᐅᖅ ᐃᒥᕐᑐᒃᓴᐅᕗᖅ ᐅᐂᓂᒥᒃ ᒎᑎᐅᑉ ᓂᓐᖓᐅᓯᖓᓂᒃ ᐃᒪᓕᖕᒥᒃ, ᑯᕕᔭᐅᓯᒪᔪᒥᒃ ᓴᓐᖐᓕᒋᐊᕐᓯᒪᖏᑦᑐᒥᒃ ᒎᑎᐅᑉ ᓂᓐᖓᐅᓯᖓᑕ ᖃᓪᓗᑎᖓᓄᑦ, ᐋᓐᓂᐊᑎᑕᐅᔪᒫᕐᐳᖅ ᐃᑯᒪᒧᑦ ᐳᔪᕐᒧᓪᓗ ᐃᑯᐊᓪᓚᕆᒃᑐᒧᑦ ᖃᒃᑭᓐᓇᕐᑐᒧᑦ ᐂᖏᓖᑦ ᐃᑦᔪᕐᓁᑦᑐᑦ ᓄᕐᕋᐅᔭᐅᓪᓗ ᓵᖓᓂ.