ᒨᓯᓯ ᓯᕗᓪᓖᑦ 17:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑕᒪᓐᓇᓗ ᓄᓇ ᐃᓕᖕᓄᑦ ᑐᓂᓂᐊᕐᐸᕋ, ᑭᖑᕚᒃᓴᕐᓄᓪᓗ ᑭᖑᓂᕐᓂ. ᑕᒪᓐᓇ ᓄᓇ ᓂᐅᕐᕈᐊᖑᕕᒋᔧᑦ, ᑕᒪᓐᓇᓕᒫᕐᓗ ᓄᓇ ᑬᓇᓂ, ᓄᓇᒋᔪᒫᕐᐸᓯ ᐃᓱᖃᖏᑦᑐᒧᑦ; ᐅᕙᖓᓗ ᑖᒃᑯᓄᖓ ᒎᑎᒋᔭᐅᔪᒫᕐᐳᖓ.”

ᒨᓯᓯ ᓯᕗᓪᓖᑦ 17:8 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 12:7

ᐊᑕᓂᐅᓪᓗ ᐂᑉᕋᒻ ᓴᖅᑭᕝᕕᒋᒐᒥᐅᒃ ᐅᖃᐅᑎᕚ, “ᓄᓇ ᑕᒪᓐᓇ ᑭᖑᕚᒃᓴᕐᓄᑦ ᓄᓇᑖᖑᑎᑦᓱᒫᕐᑕᕋ.” ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ, ᓴᖅᑭᕝᕕᐅᓚᐅᕐᓂᕐᒥᓄᑦ.

ᒨᓯᓯ ᓯᕗᓪᓖᑦ 13:15

ᑕᒪᓐᓇ ᓄᓇ ᑕᑯᔧᑦ ᑕᒪᕐᒥᒃ ᑐᓂᓂᐊᕐᐸᕋ ᐃᓕᖕᓄᑦ ᑭᖑᕚᕐᓄᓪᓗ, ᑕᒪᓐᓇᓗ ᐱᒋᔪᒫᕐᐸᑦ ᐃᓱᖃᖏᑦᑐᒧᑦ.

ᒨᓯᓯ ᓯᕗᓪᓖᑦ 13:17

ᒫᓐᓇᓕ, ᒪᑭᓪᓗᑎᑦ ᐃᖏᕐᕋᓕᕆᑦ ᓄᓇᐅᑉ ᑕᑭᓂᖓ ᐃᓱᓕᓪᓗᒍ ᓯᓕᖕᓂᖓᓗ ᐃᓱᓕᓪᓗᒍ, ᑕᒪᓐᓇ ᑕᒪᕐᒥᒃ ᐃᓕᖕᓄᑦ ᑐᓂᓂᐊᕋᒃᑯ.”

ᒨᓯᓯ ᓯᕗᓪᓖᑦ 23:4

“ᑕᒫᓂ ᓂᐅᕐᕈᐊᖑᒐᒪ ᓄᓇᖃᕐᑐᑐᖃᐅᓇᖓᓗ ᓄᓇᑦᓯᓐᓂ; ᓂᐅᕕᕈᓐᓇᕐᑎᑕᐅᔪᒪᕗᖓ ᓄᓇᒥᒃ ᐃᓗᕕᕐᕕᒃᓴᒥᒃ, ᐃᓗᕕᕐᓯᔪᓐᓇᖁᓪᓗᖓ ᑐᖁᔨᐊᕆᓯᒪᔭᓐᓂᒃ.”

ᒨᓯᓯ ᓯᕗᓪᓖᑦ 26:24

ᑕᒪᑐᒪᓂᓗ ᐅᓐᓄᐊᒥ ᐊᑕᓂᖅ ᓴᖅᑭᑉᐳᖅ ᑖᑦᓱᒧᖓ ᐅᖃᕐᓗᓂᓗ, “ᐊᑖᑕᕕᑦ ᐂᑉᕋᕼᐋᒻ ᒎᑎᒋᕚᖓ; ᑲᑉᐱᐊᓱᖕᓂᐊᕐᓇᒃ, ᐃᓚᒋᕙᒋᑦ ᓮᒻᒪᕐᑎᓐᓂᐊᕐᐸᒋᓪᓗ ᑭᖑᕚᑎᓪᓗ ᐅᓄᕐᓯᑎᑦᓱᒫᕐᐸᒃᑲ ᐱᔨᒐ ᐂᑉᕋᕼᐋᒻ ᐱᑦᔪᑎᒋᓪᓗᒍ.”

ᒨᓯᓯ ᓯᕗᓪᓖᑦ 28:4

ᑖᑦᓱᒪ ᑐᓂᓯᕕᒋᓕᑎᑦ ᑭᖑᕚᑎᓪᓗ ᐂᑉᕋᕼᐋᒻ ᓮᒻᒪᕐᑎᑕᐅᑦᔪᑎᖏᓐᓂᒃ, ᓄᓇ ᑕᒪᓐᓇ ᐱᑕᕆᓂᐊᕋᕕᐅᒃ ᓂᐅᕐᕈᐊᖑᕕᒋᔧᑦ ᒎᑎᐅᑉ ᑐᓂᓚᐅᕐᑕᖓ ᐂᑉᕋᕼᐋᒧᑦ.”

ᒨᓯᓯ ᓯᕗᓪᓖᑦ 35:27

ᔧᑯᓗ ᐊᑖᑕᒥᓄᐊᕐᐳᖅ ᐂᓴᑭᒧᑦ ᓄᓇᒥ ᒪᒻᕆᒦᑦᑐᒧᑦ, ᐅᕝᕙᓗ ᑭᕆᐊᑦ-ᐊᕋᐸᒧᑦ ᕼᐃᐸᕋᓐᒥᒃ ᑍᔭᐅᔪᒧᑦ, ᑕᕝᕗᖓ ᐂᑉᕋᕼᐋᒻ ᐂᓴᑭᐅᓪᓗ ᓄᓇᑖᕆᓚᐅᕐᑕᖓᓄᑦ.

ᒨᓯᓯ ᓯᕗᓪᓖᑦ 36:7

ᐊᐅᓪᓚᓚᐅᕐᐳᖅ ᐆᒪᔪᖁᑎᖏᑕ ᐅᓄᓗᐊᕐᓂᖏᓐᓄᑦ ᑲᑎᒪᔪᓐᓇᖏᓐᓇᒥᒃ; ᑲᑎᓐᖓᒐᓗᐊᕈᑎᒃ ᐆᒪᔪᖁᑎᖏᑦ ᐊᒥᒐᕐᓯᓗᐊᔭᓚᐅᕐᒪᑕ ᓂᕿᒃᓴᖃᕐᑐᒥᒃ.

ᒨᓯᓯ ᓯᕗᓪᓖᑦ 37:1

ᔧᑯᓕ ᓱᓕ ᓄᓇᖃᓚᐅᕐᐳᖅ ᑬᓇᓂᒥ, ᑕᒫᓂ ᐊᑖᑕᖓᑕ ᓄᓇᒋᓚᐅᕐᑕᖓᓂ,

ᒨᓯᓯ ᓯᕗᓪᓖᑦ 48:4

ᐅᖃᐅᑎᓪᓗᖓᓗ, ‘ᑕᑯᒋᑦ, ᑭᖑᕚᒃᓴᖃᕐᑎᓐᓂᐊᕐᐸᒋᑦ ᐃᓄᒋᐊᒃᓯᕙᓪᓕᐊᑎᓪᓗᑎᓪᓗ, ᐃᓄᒐᓴᒃᔪᐊᓐᖑᕐᑎᑦᓱᒫᕐᐸᒃᑲ, ᓄᓇᓗ ᑕᒪᓐᓇ ᐃᓕᖕᓄᑦ ᓄᓇᑖᕆᔭᐅᑎᓐᓂᐊᕐᐸᕋ ᑭᖑᓂᕐᓂᓗ ᑭᖑᕚᕐᓄᑦ ᓄᓇᒋᔭᐅᔪᒫᕐᐳᖅ ᐃᓱᖃᖏᑦᑐᒧᑦ.’

ᓴᒧᐃᓕ ᐂᑉᐸᖏᑦ 23:5

ᑍᒫᒃ ᒎᑎᐅᑉ ᑭᖑᕚᒃᑲ ᓮᒻᒪᕐᑎᑦᓱᒫᕐᐰᑦ, ᑍᒫᒃ ᐃᓱᖃᖏᑦᑐᒧᑦ ᐊᖏᕐᕕᒋᓯᒪᖕᒪᖓ, ᐱᖁᔨᑦᔪᑎᖓ ᑕᒤᑎᒍᑦ ᓱᖁᓯᔪᐃᑦᑑᕗᖅ. ᑕᒪᓐᓇ ᐱᕙᓪᓕᐊᑎᓯᒪᓐᖏᓚᐅᒃ ᐃᑲᔪᕐᑕᐅᓂᓕᒫᒃᑲ ᐱᔪᒪᔭᕆᔭᒃᑲᓗ?

ᑯᕉᓂᑲ ᓯᕗᓪᓖᑦ 16:18

ᐅᖃᐅᑎᓪᓗᒍ, “ᐃᓕᖕᓄᑦ ᓄᓇ ᑬᓇᓂ ᑐᓂᓂᐊᕐᐸᕋ, ᑭᖑᕐᖑᑎᔭᒃᓴᕐᓄᑦ ᐱᑖᕆᔭᕆᐊᖃᕐᓯᒪᒐᕕᐅᒃ.”

ᐃᓐᖏᕈᑎᑦ 103:17

ᐊᑕᓂᐅᓪᓕ ᓇᒡᓕᖕᓂᖓ ᓄᖑᓐᓂᐊᖏᑦᑐᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑐᕌᕐᐳᖅ ᓯᕘᕋᒋᔭᖃᕐᑐᓄᑦ ᑖᑦᓱᒥᖓ, ᐃᓱᐊᕐᑐᓕᓂᖓᓗ ᕿᑐᕐᖓᖏᑕ ᕿᑐᕐᖓᖏᓐᓄᑦ.

ᐃᓐᖏᕈᑎᑦ 105:11

ᐅᖃᐅᑎᓪᓗᒍ, “ᐃᓕᖕᓄᑦ ᓄᓇ ᑬᓇᓂ ᑐᓂᓂᐊᕐᐸᕋ ᑭᖑᕐᖑᑎᔭᒃᓴᕐᓄᑦ ᐱᑖᕆᔭᕆᐊᖃᕐᓯᒪᒐᕕᐅᒃ.”

ᐃᓐᖏᕈᑎᑦ 105:9

ᐊᖏᕈᑎᒋᓚᐅᕐᑕᓂ ᐂᑉᕋᕼᐋᒧᑦ, ᓱᓕᓂᐊᕐᓂᕋᕐᓗᓂ ᐊᖏᕈᑎᒋᓚᐅᕐᐹ ᐂᓴᑭᒧᑦ,

ᒨᓯᓯ ᐂᑉᐸᖏᑦ 13:11

“ᐊᑕᓂᐅᓪᓗ ᑬᓇᓂᒥᐅᑉ ᓄᓇᖓᓄᑦ ᑎᑭᑎᓚᐅᕐᐹᓯ, ᐊᖏᕈᑎᒋᓯᒪᔭᒥᓂᒃ ᓯᕗᓕᕕᓂᑦᓯᓐᓄᑦ ᐃᓕᑦᓯᓐᓄᓪᓗ ᑐᓂᓂᐊᕐᓂᕋᓚᐅᕐᑕᒥᓄᑦ,

ᒨᓯᓯ ᐂᑉᐸᖏᑦ 21:6

ᑕᕝᕙ ᐊᖓᔪᖅᑳᖓᑕ ᒎᑎᒧᑦ ᐂᑎᑕᒃᓴᕆᕚ, ᐃᑎᕐᑕᕐᕕᐊᓂᓗ ᓇᖏᕐᑎᓪᓗᓂᐅᒃ ᐅᕝᕙᓗ ᐃᑎᕐᑕᕐᕕᐊᑕ ᓇᐸᔪᖓᑕ ᓴᓂᐊᓂ; ᑕᕝᕙᓂᓗ ᐊᖓᔪᖅᑳᖓᑕ ᑖᓐᓇ ᓯᐊᓛᓂ ᓯᐅᑎᖓᒍᑦ ᐳᑐᔭᒃᓴᕆᕚ ᐳᑐᓯᑦᔪᑎᒧᑦ; ᑕᕝᕙᓗ ᐃᓅᓯᓕᒫᒥᓂ ᓯᐊᓛᖑᓕᕋᔭᕐᐳᖅ ᑖᑦᓱᒧᖓ.

ᒨᓯᓯ ᐂᑉᐸᖏᑦ 29:45

ᐃᓴᕆᐊᓕᒥᐅᓪᓗ ᐃᓄᖏᓐᓂ ᐃᓂᖃᕈᒪᕗᖓ ᑖᒃᑯᓄᖓᓗ ᒎᑎᒋᔭᐅᔪᒪᓪᓗᖓ.

ᒨᓯᓯ ᐂᑉᐸᖏᑦ 32:13

ᐱᔨᒋᓚᐅᕐᑕᑎᑦ ᐃᖅᑲᐅᒪᓚᐅᒃᑭᑦ, ᐂᑉᕋᕼᐋᒻ, ᐂᓴᑭᓗ, ᔧᑯᓗ, ᑖᒃᑯᓄᖓ ᐊᖏᒻᒪᕆᓚᐅᕋᕕᑦ ᑭᖑᕚᖃᕈᒫᕐᓂᕋᕐᓗᒋᑦ ᐅᓪᓗᕆᐊᑎᑐᑦ ᐅᓄᕐᑎᒋᔪᓂᒃ ᑭᖑᕚᖏᓪᓗ ᓄᓇᒥᒃ ᐊᖏᕈᑎᒋᓯᒪᔭᕐᓂᒃ ᑐᓂᓯᕕᒋᓂᐊᕐᓂᕋᕐᓗᒋᑦ ᓄᓇᒋᓂᐊᕐᑕᖏᓐᓂᒃ ᐃᓱᖃᖏᑦᑐᒧᑦ.”

ᒨᓯᓯ ᐂᑉᐸᖏᑦ 40:15

ᒥᖑᐊᕐᑕᒃᓴᕆᕙᑎᑦ ᑕᕝᕙ, ᐊᑖᑕᖓᑦᑎᑐᑦ, ᐅᕙᓐᓂᒃ ᐱᔨᑦᓯᕈᓐᓇᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓂᒃᑯᑦ. ᒥᖑᐊᕐᑕᐅᓂᕆᔭᖓᓗ ᑕᒪᓐᓇ ᐊᑑᑎᓂᐊᕐᐳᖅ ᑕᐅᕗᖓᓕᒫᖅ ᑭᖑᕚᖏᓐᓄᑦ ᑎᑭᓪᓗᒍ.”

ᒨᓯᓯ ᐂᑉᐸᖏᑦ 6:4

ᑖᒃᑯᓄᖓᓗ ᐊᖏᕈᑎᖃᓚᐅᕐᐳᖓ, ᓄᓇᒥᒃ ᑬᓇᓂᒥᒃ ᑐᓂᓯᕕᒋᔪᒪᓪᓗᒋᑦ, ᑕᒪᑐᒥᖓ ᓄᓇᒥᒃ ᓂᐅᕐᕈᐊᖑᓪᓗᑎᒃ ᓇᔪᓚᐅᕐᑕᖓᓐᓂᒃ.

ᒨᓯᓯ ᐂᑉᐸᖏᑦ 6:7

ᐃᓄᖁᑎᑖᕆᓂᐊᕐᐸᑦᓯᓗ, ᐃᓕᑦᓯᓐᓄᓪᓗ ᒎᑎᒋᔭᐅᓂᐊᕐᐳᖓ; ᖃᐅᔨᓕᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᒋᔭᓯ, ᐊᐅᓪᓚᕐᑎᑦᓯᔨᒋᓚᐅᕐᑕᓯ ᐄᑦᔨᑉᑎᒥᐅᑦ ᐅᖁᒤᒃᓴᕐᑎᑦᓯᓂᖏᓐᓂᑦ.

ᔨᕆᒤᐊᐅᑉ ᐊᒡᓚᖏᑦ 25:5

ᐅᖃᖃᑦᑕᓚᐅᕐᐳᓪᓗ, ‘ᓵᒋᐊᓕᕆᑦᓯ, ᑕᒪᑦᓯ ᐊᑐᓂᑦ, ᐱᐅᖏᑦᑐᓕᓂᑦᓯᓐᓂᑦ ᐱᓂᐊᕐᓂᕆᔭᑦᓯᓐᓂᓪᓗ ᓈᒻᒪᖏᑦᑐᓂᑦ ᓄᓇᖃᑯᑖᒍᓐᓇᕐᓂᐊᕋᑦᓯ ᐊᑕᓂᐅᑉ ᓄᓇᑖᕆᔭᐅᑎᓯᒪᔭᖓᓂᒃ ᐃᓕᑦᓯᓐᓄᑦ ᓯᕗᓕᑦᓯᓐᓄᓪᓗ ᑍᑦᓱᒪᓂᐊᓗᖕᒥᑦ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 31:1

ᐊᑕᓂᖅ ᐅᖃᕐᐳᖅ, “ᑕᒪᓐᓇ ᓇᓪᓕᐅᑎᒃᐸᑦ ᒎᑎᒋᔭᐅᔪᒫᕐᐳᖓ ᐃᓴᕆᐊᓕᒥᐅᑦ ᐃᓚᒌᒃᑐᖁᑎᓕᒫᖏᓐᓄᑦ ᑖᒃᑯᐊᓗ ᐃᓄᑯᑎᒋᔪᒫᕐᐸᒃᑲ.”

ᐃᓯᑭᐊᓕᐅᑉ ᐊᒡᓚᖏᑦ 11:20

ᑕᕝᕙ ᒪᓕᒐᒃᓴᐅᖁᔭᒃᑲ ᐊᑐᓕᕈᒫᕐᐰᑦ ᐱᓂᐊᕐᑕᐅᖁᔭᒃᑲᓗ ᓈᓚᓕᕐᓗᒋᑦ; ᑕᕝᕙ ᐃᓄᖁᑎᒋᓕᕈᒫᕐᐸᒃᑲ, ᒎᑎᒋᔭᐅᓕᕐᓗᖓᓗ ᑖᒃᑯᓄᖓ.

ᐃᓯᑭᐊᓕᐅᑉ ᐊᒡᓚᖏᑦ 33:24

“ᐃᓅᑉ ᐃᕐᓂᖓ, ᐃᓄᐃᑦ ᐃᒡᓗᒐᓴᒡᔪᐊᕕᓂᕐᓂ ᓄᓇᖃᕐᑐᑦ ᐃᓴᕆᐊᓕᒥ ᐅᕾᓐᓇᓕᕐᒪᑕ, ‘ᐂᑉᕋᕼᐋᒻ ᐊᑕᐅᓯᐅᓪᓗᓂ ᓄᓇᒥᒃ ᑐᓂᓯᕕᐅᓚᐅᕐᐳᖅ; ᐅᓄᕐᑑᒐᑦᑕᓕ; ᓄᓇᒥᒃ ᑐᓂᓯᕕᐅᔭᕆᐊᖃᕐᓂᕐᓴᐅᕗᒍᑦ.’

ᒨᓯᓯ ᐱᖓᔪᖏᑦ 14:34

“ᓄᓇᒧᑦ ᑬᓇᓂᒧᑦ ᑎᑭᒃᑯᑦᓯᒃ, ᑕᒪᓐᓇ ᑐᓂᓂᐊᕋᒃᑯ ᐃᓕᑦᓯᖕᓄᑦ ᐱᖁᑕᐅᓕᖁᓪᓗᒍ ᐃᓕᓯᕗᖓᓗ ᐅᖁᖕᒥᒃ ᐃᒡᓗᒧᑦ ᓯᐊᒻᒪᕐᐸᓪᓕᐊᔪᒃᓴᒥᒃ ᓄᓇᒥ ᑕᕝᕙᓂ.

ᒨᓯᓯ ᐱᖓᔪᖏᑦ 16:34

ᑕᒪᓐᓇ ᐱᖁᔭᖅ ᐊᑐᕐᓂᐊᕐᐳᖅ ᐃᓕᑦᓯᓐᓄᑦ ᑍᒪᓐᖓᓕᒫᖅ: ᐃᓱᒪᒋᔭᐅᔪᓐᓁᕐᕕᐅᓂᖅ ᐊᑐᕐᑕᐅᖃᑦᑕᕐᓂᐊᕐᒪᑦ ᐊᕐᕌᒍ ᐊᑕᐅᓯᐊᕐᓗᒍ ᐃᓴᕆᐊᓕᒥᐅᑦ ᐊᔪᕐᑐᓕᓂᖏᑦ ᐱᓪᓗᒋᑦ. ᒨᓯᓯ ᐊᑕᓂᐅᑉ ᑍᒫᒃ ᐱᖁᓚᐅᕐᒪᒍ, ᑍᒤᓕᐅᓚᐅᕐᐳᖅ.

ᒨᓯᓯ ᐱᖓᔪᖏᑦ 26:12

ᐃᓚᒋᓂᐊᕐᐸᑦᓯ, ᐃᓕᑦᓯᓐᓄᑦ ᒎᑎᒋᔭᐅᓗᖓ, ᐃᓕᑦᓯᓗ ᐃᓄᖁᑎᒋᓂᐊᕐᐸᑦᓯ.

ᓴᑲᕅᐊᐅᑉ ᐊᒡᓚᖏᑦ 8:8

ᐅᑎᕐᑎᑦᓱᒫᕐᐸᒃᑲ ᔨᕉᓴᓕᒥ ᐃᓂᖃᓕᖁᓪᓗᒋᑦ ᓯᕿᓂᐅᑉ ᓄᐃᓕᕐᕕᐊᓂᑦ ᓂᐱᕕᐊᓄᑦ; ᐃᓄᖁᑎᒋᔪᒫᕐᐸᒃᑲ, ᐅᕙᖓᓗ ᓱᖁᓯᔪᐃᑑᓗᖓ ᐃᖅᑲᕐᑐᐃᑦᓯᐊᕐᓗᖓᓗ ᑖᒃᑯᓄᖓ ᒎᑎᒋᔭᐅᔪᒫᕐᐳᖓ.”

ᒨᓯᓯ ᓯᑕᒪᖏᑦ 10:29

ᒨᓯᓯ ᕼᐅᐹᐱᒧᑦ ᐅᖃᕐᐳᖅ ᕆᐅᓕᐅᑉ ᐃᕐᓂᖓᓄᑦ ᒥᑎᐊᓂᒥᐅᑕᕐᒧᑦ ᓴᑭᒥᓄᑦ, “ᐊᐅᓪᓚᓕᕋᑦᑕ ᓄᓇᒧᑦ ᐊᑕᓂᐅᑉ ᐅᖃᐅᓯᕆᔭᖓᓄᑦ, ‘ᓄᓇ ᐃᓕᑦᓯᓐᓄᑦ ᑐᓂᓂᐊᕐᐸᕋ,’ ᐅᕙᑦᑎᓐᓄᑦ ᐃᓚᐅᓚᐅᕆᑦ ᑲᒪᒋᑦᓯᐊᕐᓂᐊᕐᐸᑦᑎᒋᑦ; ᐊᑕᓂᖅ ᐊᖏᕐᓯᒪᖕᒪᑦ ᐱᐅᔪᓂᒃ ᐱᓂᐊᕐᓂᕋᕐᓗᓂ ᐃᓴᕆᐊᓕᒧᑦ.”

ᒨᓯᓯ ᓯᑕᒪᖏᑦ 25:13

ᑖᓐᓇ ᑭᖑᕚᖏᓪᓗ ᐊᖏᖃᑎᒌᒍᑎᒧᑦ ᑐᓂᕐᕈᓯᕐᑎᑦᓯᔨᐅᖏᓐᓇᕐᓂᐊᓕᕐᐳᑦ ᐃᓱᖃᖏᑦᑐᒧᑦ, ᒎᑎᒥᓂᒃ ᐊᒃᓱᕈᕈᑎᖃᓚᐅᕐᒪᑦ ᓴᐳᑎᔪᒪᓪᓗᒍ, ᐃᓴᕆᐊᓕᒥᐅᓂᒃ ᐃᓱᒪᒋᔪᓐᓁᕐᕕᐅᑎᑦᓯᓚᐅᕐᒪᑦ.”

ᒨᓯᓯ ᓯᑕᒪᖏᑦ 27:12

ᐊᑕᓂᐅᑉ ᒨᓯᓯ ᐅᖃᐅᑎᕚ: “ᐅᕗᖓ ᖃᖅᑲᒧᑦ ᐊᐸᕅᒻᒧᑦ ᒪᔪᕋᕆᑦ, ᓄᓇ ᐃᓴᕆᐊᓕᒥᐅᓄᑦ ᑐᓂᔭᕋ ᑕᑯᓂᐊᕋᕕᐅᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 7:5

ᒎᑎᐅᑉ ᐂᑉᕋᕼᐋᒻ ᓄᓇᒥᒃ ᓇᖕᒥᓂᕐᑖᕐᑎᓚᐅᓐᖏᓛ ᒥᑭᔪᒥᒡᓘᓐᓃᑦ, ᒎᑎᐅᑉ ᐊᖏᕐᕕᒋᓚᐅᕐᐹ ᑕᒪᑐᒥᖓ ᓄᓇᒥᒃ ᑭᖑᕚᒃᓴᖏᓪᓗ ᓇᖕᒥᓂᖃᖁᓪᓗᒋᑦ, ᑍᑦᓱᒪᓂ ᑕᒪᑐᒥᖓ ᐊᖏᕐᕕᐅᑎᓪᓗᒍ ᐂᑉᕋᕼᐋᒻ ᕿᑐᕐᖓᖃᓚᐅᓐᖏᓚᖅ.

ᒨᓯᓯ ᑕᓪᓕᒪᖏᑦ 14:2

ᐊᑕᓂᕐᒧᑦ ᒎᑎᑦᓯᓐᓄᑦ ᐃᓄᖁᑎᒋᔭᐅᒐᑦᓯ ᐃᑦᔪᕐᓁᑦᑐᖁᑎᒋᔭᐅᓪᓗᓯ, ᐊᑕᓂᐅᑉ ᓂᕈᐊᕐᓯᒪᖕᒪᓯ ᓇᖕᒥᓂᕆᔪᒪᓪᓗᓯ, ᓄᓇᕐᔪᐊᕐᒦᑦᑐᓕᒫᑦ ᐊᑯᕐᖓᓐᓂᑦ.”

ᒨᓯᓯ ᑕᓪᓕᒪᖏᑦ 26:18

ᐅᓪᓗᒥ ᐊᑕᓂᐅᑉ ᐃᓚᓕᐅᓕᕐᐹᓯ ᓇᖕᒥᓂᖅ ᐃᓄᖁᑎᒋᔪᒪᓪᓗᓯ, ᑕᒪᑐᒥᖓ ᐊᖏᕐᕕᒋᓯᒪᖕᒪᓯ, ᑖᑦᓱᒪᓗ ᐱᖁᕚᓯ ᐱᖁᔭᖏᓐᓂᒃ ᑕᒤᓐᓂᒃ ᒪᓕᖁᓪᓗᓯ.

ᒨᓯᓯ ᑕᓪᓕᒪᖏᑦ 29:13

ᒫᓐᓇ ᐊᑕᓂᐅᑉ ᓱᖅᑯᐃᑦᓯᐊᕐᑐᒥᒃ ᓇᓗᓁᕐᓯᕕᒋᕚᓯ ᐃᓄᖁᑕᐅᓂᑦᓯᓐᓂᒃ ᑖᑦᓱᒧᖓ ᑖᓐᓇᓗ ᒎᑎᒋᒐᑦᓯᐅᒃ, ᑕᒪᑐᒥᖓ ᐊᖏᕐᕕᒋᓚᐅᕐᒪᓯ ᓯᕗᓕᕕᓂᕐᓯᓗ, ᐂᑉᕋᕼᐋᒻ, ᐂᓴᑭ, ᔧᑯᓗ.

ᒨᓯᓯ ᑕᓪᓕᒪᖏᑦ 32:49

“ᖃᖅᑲᒧᑦ ᐊᐸᕅᒧᑦ ᒪᔪᕋᕆᑦ, ᖃᖅᑲᒧᑦ ᓂᐴᒧᑦ, ᒧᐊᐱᒦᑦᑐᒧᑦ, ᐃᒡᓗᒐᓮᑦ ᔨᕆᑰᑉ ᐊᑭᐊᓃᑦᑐᒧᑦ; ᑕᕝᕙᓐᖓᑦ ᑬᓇᓂᐅᑉ ᓄᓇᖓ ᑕᑯᓂᐊᕋᕕᐅᒃ ᐃᓴᕆᐊᓕᒥᐅᓄᑦ ᑐᓂᓂᐊᕐᑕᕋ ᓄᓇᑖᕆᔭᐅᖁᓪᓗᒍ.

ᒨᓯᓯ ᑕᓪᓕᒪᖏᑦ 32:8

ᖁᑦᓯᖕᓂᕐᐹᒍᔪᖅ ᐃᓅᖃᑎᒌᒡᔪᐊᓂᒃ ᓄᓇᑖᕐᑎᑦᓯᓕᕋᒥ; ᐃᓅᖃᑎᒌᑦ ᓇᓂ ᓄᓇᖃᕐᑐᒃᓴᐅᖕᒪᖔᑕ ᐋᖅᑭᒃᓱᐃᓚᐅᕐᐳᖅ, ᐃᓅᖃᑎᒌᒡᔪᐊᓪᓗ ᐊᑐᓂᑦ ᐊᖓᔪᖅᑳᖃᐅᕐᑎᓚᐅᕐᐰᑦ.

ᒨᓯᓯ ᑕᓪᓕᒪᖏᑦ 34:4

ᑕᕝᕙ ᐊᑕᓂᐅᑉ ᐅᖃᐅᑎᕚ, “ᑕᒪᓐᓇ ᑕᕝᕙ ᓄᓇ ᐅᖃᕕᒃᓗᖓ ᐊᖏᕈᑎᒋᓚᐅᕐᑕᕋ ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ, ᐅᖃᐅᑎᓪᓗᒋᑦ, ‘ᑭᖑᕚᕐᓄᑦ ᑕᒪᓐᓇ ᑐᓂᔪᒫᕐᐸᕋ.’ ᐃᓕᖕᓄᑦ ᑕᑯᔭᐅᑎᑉᐸᕋ, ᑕᒪᐅᖓᓕ ᓄᓇᒧᑦ ᐃᑎᕐᓂᐊᓐᖏᓚᑎᑦ.”

ᒨᓯᓯ ᑕᓪᓕᒪᖏᑦ 4:37

ᓯᕗᓕᕕᓂᕐᓯ ᓇᒡᓕᒋᒐᒥᒋᑦ, ᑕᕝᕙ ᓂᕈᐊᓚᐅᕐᐹᓯ, ᐱᔪᓐᓇᕐᓂᕐᔪᐊᕐᒥᓄᑦ ᓇᖕᒥᓂᖅ ᐊᓂᑎᓚᐅᕐᐹᓯ ᐄᑦᔨᑉᑎᒥᑦ.

ᒨᓯᓯ ᑕᓪᓕᒪᖏᑦ 9:5

ᐱᐅᔫᓂᓯᓕ ᐋᖅᑭᑦᓯᐊᕐᓯᒪᓂᓯᓗ ᐱᑦᔪᑎᒋᓇᒋᑦ ᐊᑕᓂᐅᑉ ᒎᑎᑦᓯ ᑖᒃᑯᐊ ᓄᓇᖏᓐᓂᒃ ᓄᓇᑖᕐᑎᓯᒪᓐᖏᓛᓯ. ᐃᓅᖃᑎᒌᒡᔪᐊᓪᓕ ᓄᓇᖏᓐᓂᑦ ᐊᓂᑎᓐᓂᐊᕐᐰᑦ ᐱᐅᖏᑦᑐᓕᓂᖏᑦ ᐱᑦᔪᑎᒋᓪᓗᒋᑦ ᐊᖏᕈᑎᒋᓯᒪᔭᓂᓗ ᓯᕗᓕᕕᓂᑦᓯᓐᓄᑦ ᐱᑦᔪᑎᒋᓪᓗᒍ, ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ.

ᐄᑉᕈᐃᓄᑦ 9:15

ᑕᒪᓐᓇ ᐱᑦᔪᑎᒋᓪᓗᒍ ᙭ᔅᑑᓯ ᐱᑦᔪᑦᔨᔨᐅᕗᖅ ᐊᖏᖃᑎᒌᒍᑎᒧᑦ ᓄᑖᒧᑦ, ᑖᒃᑯᐊ ᕾᖁᔭᐅᔪᑦ ᐊᖏᕈᑕᐅᒪᔪᒥᒃ ᐃᓱᖃᖏᑦᑐᒧᑦ ᑭᖑᕐᖑᑦᔨᖁᓪᓗᒋᑦ; ᒫᓐᓇᓕ ᑐᖁᒥᒍᑦ ᐱᐅᓕᔭᐅᑦᔪᑎᒃᓴᐅᓕᕐᐳᖅ ᐊᔪᕐᓂᕐᒥᑦ ᕿᓚᕈᑦᔮᕐᓯᖅᑯᓪᓗᒍ ᐊᑐᓚᐅᕐᑕᖏᓐᓂᑦ ᐊᖏᖃᑎᒌᖕᓂᕐᒥ ᓯᕗᓪᓕᕐᒥ.

ᔮᓱᐊᑉ ᐊᒡᓚᖏᑦ 1:2

ᐅᖃᕐᓗᓂ, “ᐱᔨᒐ ᒨᓯᓯ ᑐᖁᖕᒪᑦ ᐊᑐᐃᓐᓇᐅᓕᕆᑦ, ᐃᓴᕆᐊᓕᒥᐅᓄᑦ ᔪᐊᕐᑕᓂᐅᑉ ᑰᖓ ᐃᑳᕐᓗᒍ ᓄᓇᒧᑦ ᑐᓂᓯᒪᔭᓐᓄᑦ ᑖᒃᑯᓄᖓ ᐃᓴᕆᐊᓕᒥᐅᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:7

ᓇᓪᓕᐊᑦ ᓵᓚᖃᕐᑐᖅ ᑍᒤᑦᑐᒥᒃ ᑭᖑᕐᖑᑦᔨᓂᐊᕐᐳᖅ, ᑖᑦᓱᒪᓗ ᒎᑎᒋᓂᐊᕐᐹᖓ ᐅᕙᖓᓗ ᐃᕐᓂᕆᓂᐊᕐᐸᕋ.