24 ᐂᑉᕋᕼᐋᒻᓗ ᐊᕐᕌᒍᖃᓕᓚᐅᕐᐳᖅ 99ᓂᒃ ᐅᓕᕝᕙᖓ ᑭᐱᔭᐅᑎᓪᓗᒍ,
ᑭᐱᔭᐅᓂᖓᓕ ᓇᓗᓁᒃᑯᑕᐅᓚᐅᕐᐳᖅ ᓇᓗᓁᕐᓯᑦᔪᑕᐅᓪᓗᓂᓗ ᐃᓗᐊᕐᑑᓂᕋᕐᑕᐅᖕᒪᑦ ᐅᒃᐱᕐᓂᖅ ᐱᑦᔪᑎᒋᓪᓗᒍ, ᑭᐱᔭᐅᓚᐅᕋᓂ ᓱᓕ ᐱᓚᐅᕐᑕᒥᓄᑦ ᑕᒤᓐᓄᑦ ᐅᒃᐱᕐᑐᓄᑦ ᐊᑖᑕᒋᔭᐅᖁᓪᓗᒍ ᑭᐱᔭᐅᓯᒪᖏᑦᑑᒐᓗᐊᓄᑦ ᐃᓗᐊᕐᑑᓂᕋᕐᑕᐅᓂᕐᒥᒃ ᐱᖃᑕᐅᖁᓪᓗᒋᑦ.
ᐂᑉᕋᕼᐋᒻᓗ ᐅᑯᕗᖅ ᑮᓇᓂ ᒪᓂᖅᑲᒧᑦ ᐊᒃᑐᕐᑎᓪᓗᒍ, ᐃᒡᓚᕈᓱᓕᕐᐳᖅ, ᐃᓱᒪᓕᕋᒥ, “ᐊᖑᑦ ᕿᑐᕐᖓᕐᑖᕈᓐᓇᕐᐹ 100ᓂᒃ ᐊᕐᕌᒍᖃᓕᕐᓗᓃ? ᓵᕋᓗ ᕿᑐᕐᖓᕐᑖᕈᓐᓇᕐᐹ 90ᓂᒃ ᐊᕐᕌᒍᖃᓕᕐᓗᓂ?”
ᐂᑉᕋᒻᓕ 99ᓂᒃ ᐊᕐᕌᒍᖃᓕᕐᓗᓂ, ᐊᑕᓂᐅᑉ ᓴᖅᑭᕝᕕᒋᕚ ᐅᖃᐅᑎᓪᓗᒍᓗ, “ᐅᕙᖓ ᒎᑎᐅᕗᖓ ᐊᔪᒐᖃᖏᑦᑐᖅ; ᓵᓐᓂ ᐃᓅᒋᑦ ᐸᓯᔭᒃᓴᐅᖏᓪᓗᑎᓪᓗ.
ᐂᑉᕋᒻᓗ ᐊᐅᓪᓚᕐᐳᖅ, ᐊᑕᓂᐅᑉ ᐅᖃᐅᓯᖓ ᒪᓕᒡᓗᒍ; ᓘᑎᓗᑦᑕᐅᖅ ᐃᓚᐅᓪᓗᓂ ᑖᑦᓱᒧᖓ, ᐂᑉᕋᒻ 75ᓂᒃ ᐊᕐᕌᒍᖃᓚᐅᕐᐳᖅ ᕼᐊᕋᓐᒥᑦ ᐊᐅᓪᓚᕋᒥ.
ᑭᐱᔭᐅᔪᒃᓴᐅᕗᓯ ᐊᖑᑎᓕᒫᑦ ᐅᓕᕝᕙᖏᑦ; ᑕᒪᓐᓇᓗ ᓇᓗᓁᒃᑯᑕᐅᓂᐊᕐᐳᖅ ᐊᖏᖃᑎᒌᒍᑎᑦᑎᓐᓄᑦ ᐅᕙᓐᓄᑦ ᐃᓕᖕᓄᓪᓗ.
ᐂᑉᕋᕼᐋᒻᓗ ᓵᕋᓗ ᐃᓄᑐᖃᒻᒪᕆᐅᓕᓚᐅᕐᒪᑎᒃ; ᓵᕋᐅᓪᓗ ᐊᒡᓛᑦ ᑕᕿᑕᒫᑦ ᐊᐅᓈᖃᑦᑕᕐᓂᖓ ᓄᖅᑲᖓᓕᓚᐅᕐᐳᖅ.
ᐂᑉᕋᕼᐋᒻᓗ 100ᓂᒃ ᐊᕐᕌᒍᖃᓕᓚᐅᕐᐳᖅ ᐃᕐᓂᖓ ᐂᓴᑭ ᐃᓅᑎᓪᓗᒍ.
