ᒨᓯᓯ ᓯᕗᓪᓖᑦ 14:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐂᑉᕋᒻᓕ ᐅᑎᕐᒪᑦ ᓵᓚᖃᕐᓯᒪᓕᕐᓗᓂ ᑭᑐ-ᓚᐅᒥᕆᒥᒃ ᐊᓯᖏᓐᓂᒡᓗ ᐊᖓᔪᖅᑳᕐᔪᐊᓂᒃ, ᓱᑑᒪᒥᐅᑦ ᐊᖓᔪᖅᑳᕐᔪᐊᖓᑕ ᐸᕐᕆᐊᕐᐹ ᓇᕐᓴᒥ ᓵᕕᒥᒃ ᐊᑎᓕᖕᒥ (ᑍᔭᐅᕙᖕᒥᔪᒥᒃ ᐊᖓᔪᖅᑳᕐᔪᐊᑉ ᓇᕐᓴᖓᓂᒃ).

ᒨᓯᓯ ᓯᕗᓪᓖᑦ 14:17 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 18:18

ᐋᑉᓴᓚᒻ ᐃᓅᓪᓗᓂ ᓇᓗᓁᒃᑯᑕᕐᒥᒃ ᓇᑉᐸᕐᓯᓚᐅᓯᒪᕗᖅ ᐊᖓᔪᖅᑳᕐᔪᐊᑉ ᓇᕐᓴᖁᑎᖓᓂ, ᐅᖃᕐᓗᓂ, “ᐃᕐᓂᖃᖏᓐᓇᒪ ᐊᑎᕐᒪ ᐃᖅᑲᐅᒪᔭᐅᑦᔪᑎᒃᓴᖓᓂᒃ”; ᓇᑉᐸᕐᑎᑕᓂᓗ ᐃᒻᒥᓂᒃ ᐊᑦᓯᓚᐅᕐᐹ, ᐅᓪᓗᒥᒧᑦ ᓱᓕ ᑍᔭᐅᕗᖅ ᐋᑉᓴᓚᐅᑉ ᓇᓗᓁᒃᑯᑕᖓᓂᒃ.

ᐄᑉᕈᐃᓄᑦ 7:1

ᒥᓪᑭᓯᑎᒃ ᑖᓐᓇ ᐊᖓᔪᖅᑳᕐᔪᐊᖑᓚᐅᕐᐳᖅ ᓮᓕᒻᒥ ᑐᓂᕐᕈᓯᕐᑎᑦᓯᔨᐅᓪᓗᓂᓗ ᒎᑎᒧᑦ ᖁᑦᓯᖕᓂᕐᐸᐅᔪᒧᑦ. ᐂᑉᕋᕼᐋᒻ ᐅᓇᑕᕆᐊᕐᓯᒪᓚᐅᕐᓗᓂ ᐅᑎᕋᒥ ᓵᓚᖃᕐᓗᓂ ᐊᖓᔪᖅᑳᕐᔪᐊᓂᒃ ᒥᓪᑭᓯᑎᐅᑉ ᐸᕐᕆᐊᕐᓗᓂᐅᒃ ᓮᒻᒪᕐᑎᓚᐅᕐᐹ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:4

ᐊᒃᓱᐃᓐᓂᖅ ᐃᓚᓐᓈᖃᕐᑎᑦᓯᕗᖅ ᐅᓄᕐᑐᓂᒃ, ᐊᒃᓱᔪᕐᓕ ᐃᓚᓐᓈᕋᓗᐊᒥᓂᑦ ᕿᒪᒃᑕᐅᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:20

ᐊᒃᓗᔪᑦ ᐱᐅᒋᔭᐅᕙᓐᖏᓚᑦ ᓯᓚᖅᑲᑎᒥᖕᓄᑦ, ᐊᒃᓗᐃᑦᑐᕐᓕ ᐅᓄᕐᑐᓂᒃ ᐃᓚᓐᓈᖃᕐᐳᖅ.

ᓴᒧᐃᓕ ᓯᕗᓪᓖᑦ 18:6

ᑍᕕᑎ ᐅᑎᓕᕐᑎᓪᓗᒍ ᑐᖁᑦᓯᓚᐅᕐᓗᓂ ᐱᓕᔅᑍᓂᒥᐅᒥᒃ ᐅᓇᑕᕐᑐᒃᓮᓪᓗ ᐃᓚᒋᓪᓗᒋᑦ, ᐊᕐᓁᑦ ᐃᓴᕆᐊᓕᒥᐅᑦ ᓄᓇᖓᓃᑦᑐᑦ ᐸᕐᕆᐊᕐᐳᑦ ᐊᖓᔪᖅᑳᕐᔪᐊᒥᒃ ᓴᐅᓕᒥ, ᖁᕕᐊᓇᕐᑐᓂᒃ ᐃᓐᖏᕐᓗᑎᒃ, ᑖᓂᓯᕐᓗᑎᒡᓗ, ᓂᓪᓕᐊᑎᑦᓯᓪᓗᑎᒡᓗ ᓯᕙᓂᕈᑎᓂᒃ ᑯᑭᑦᑕᐸᐅᑎᓂᒡᓗ.

ᐃᓗᐊᕐᓮᔩᑦ ᐊᒡᓚᖏᑦ 11:34

ᔨᑉᑕ ᐊᖏᕐᕋᒥᓄᑦ ᐅᑎᕋᒥ ᒥᔅᐸᒧᑦ; ᐸᓂᖓ ᐊᓂᓚᐅᕐᐳᖅ ᓂᐅᕝᕕᐅᕆᐊᕐᓗᓂ, ᑖᓂᓯᕐᓗᓂ ᐊᕕᓗᕋᐅᑎᒥᒡᓗ ᑎᒍᒥᐊᕐᓗᓂ. ᑖᓐᓇᓗ ᕿᑐᕐᖓᑐᐊᕆᓚᐅᕐᐹ.

ᒨᓯᓯ ᓯᕗᓪᓖᑦ 14:1

ᑍᑦᓱᒪᓂ ᐊᖓᔪᖅᑳᕐᔪᐊᖅ, ᐊᒻᕋᐱᐅᓕ ᐹᐱᓘᓂᐊᒥ ᐊᖓᔪᖅᑳᕐᔪᐊᖑᑎᓪᓗᒍ, ᐊᕆᐅᑭᓗ ᐃᓚᓵᕆᒥ ᐊᖓᔪᖅᑳᕐᔪᐊᖑᑎᓪᓗᒍ, ᑭᑐ-ᓚᐅᒥᕆᓗ ᐃᓛᒥᒥ ᐊᖓᔪᖅᑳᕐᔪᐊᖑᑎᓪᓗᒍ, ᑍᑕᐅᓪ ᒍᐃᒥᒥ ᐊᖓᔪᖅᑳᕐᔪᐊᖑᑎᓪᓗᒍ,

ᒨᓯᓯ ᓯᕗᓪᓖᑦ 14:5

ᐊᕐᕌᒍᓪᓕ 14ᒋᓕᕐᑕᖓᓂ ᑭᑐ-ᓚᐅᒥᕆ ᑖᑦᓱᒪᓗ ᑕᐱᖏᑦ ᐅᓇᑕᕐᑐᒃᓴᖁᑎᓂ ᐃᓚᒋᓪᓗᒋᑦ ᐅᓇᑕᓚᐅᕐᐳᑦ ᓵᓚᒋᓪᓗᒍᓗ ᕆᐰᒻ ᐊᔅᑕᕈᑎ-ᑲᕐᓁᒥᒥ, ᔪᔨᒻᒥᓗ ᕼᐊᒥᒦᑦᑐᒥᒃ, ᐃᒥᒻᒥᓗ ᓴᕕ-ᑭᕆᐊᑍᒦᑦᑐᖅ,

ᒨᓯᓯ ᓯᕗᓪᓖᑦ 14:10

ᑕᒪᓐᓇᓗ ᓇᕐᓴᖅ ᓯᑎᒻ ᒪᕐᕆᓐᓇᕐᑐᓂᒃ ᐅᓄᕐᑐᓂᒃ ᐃᑎᕐᓴᖃᐅᓚᐅᕐᐳᖅ; ᓱᑑᒪᒥᐅᓪᓗ ᒍᒨᕋᒥᐅᓪᓗ ᐊᖓᔪᖅᑳᕐᔪᐊᖏᑦ ᐅᓇᑕᕐᓂᕐᒥᑦ ᕿᒫᓇᓱᐊᕐᓗᑎᒃ, ᒪᕐᕆᓐᓇᕐᑐᓄᑦ ᑲᑕᖃᑦᑕᓚᐅᕐᐳᑦ; ᐊᓯᖏᓪᓕ ᐊᖓᔪᖅᑳᕐᔪᐊᑦ ᐊᓐᓇᓚᐅᕐᐳᑦ ᖃᖅᑲᓄᑦ ᕿᒫᓪᓗᑎᒃ.