3 ᐱᐅᔪᕆᔪᖃᕐᐸᓪᓕ ᓱᓇᐅᖏᑦᑑᒐᓗᐊᕐᓗᓂ, ᑖᓐᓇ ᓇᖕᒥᓂᕐᒥᓂᒃ ᐅᐃᕕᕐᕆᕗᖅ.
ᖃᐅᔨᒪᕖᑦ ᐊᖑᒻᒥᒃ ᐃᒻᒥᓂᒃ ᓯᓚᑐᓇᓱᒋᔪᒥᒃ? ᓯᓔᑦᑐᖅ ᐃᓱᒪᓇᕐᓂᕐᓴᐅᕗᖅ ᑖᑦᓱᒪᓐᖓᑦ.
ᓇᓕᕐᓯ ᓇᖕᒥᓂᖅ ᐅᐃᕖᕐᕆᓂᐊᕋᓂ. ᐃᒻᒥᓂᒃ ᓯᓚᑐᓇᓱᒋᔪᖅ ᓯᓚᕐᔪᐊᕐᒥᐅᑦ ᓯᓚᑐᓂᖓ ᒪᓕᒡᓗᒍ, ᓯᓔᑦᑐᓐᖑᕐᑐᒃᓴᐅᕗᖅ ᓯᓚᑐᔪᓐᖑᓪᓚᕆᖁᓪᓗᒍ.
ᐃᓄᒡᓕ ᖃᐅᔨᒪᓇᓱᒋᔪᖅ ᖃᐅᔨᒪᔭᕆᐊᖃᓪᓚᕆᒃᑕᒥᓂᒃ ᓱᓕ ᖃᐅᔨᒪᓐᖏᓚᖅ.
ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᖓᑕ ᑐᓂᓯᕕᒋᓯᒪᖕᒪᖓ ᑕᒪᑦᓯᓐᓄᑦ ᐅᖃᕐᐳᖓ: ᓇᖕᒥᓂᑦᓯᓐᓂᒃ ᐱᐅᔪᕆᖁᓇᓯ, ᐃᓕᑦᓯᓐᓂᒡᓕ ᐃᓱᒪᒋᓕᕆᑦᓯ ᐃᓱᒪᒃᓴᕐᓯᐅᑦᓯᐊᕐᓗᓯ, ᐊᑐᓂᑦ ᒎᑎᐅᑉ ᑐᓂᔭᖓ ᐅᒃᐱᕐᓂᖅ ᒪᓕᒡᓗᒍ.
ᐅᕙᑦᑎᓐᓂᒡᓕ ᓱᓇᒥᒡᓘᓐᓃᑦ ᐱᔪᓐᓇᕐᓂᕋᕐᓗᑕ ᖃᓄᐃᑦᑐᑐᐃᓐᓇᕐᓂᒃ ᑍᒤᓕᑦᔪᑎᖃᓐᖏᓚᒍᑦ; ᐱᔪᓐᓇᕐᑎᑕᐅᓂᕗᓪᓕ ᒎᑎᒥᑦ ᐱᕗᖅ;
ᑐᓂᕐᕈᓯᐊᖃᕈᒪ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᕈᓐᓇᕐᓂᕐᒥᒃ ᓇᓗᓇᕐᑐᐊᓗᐃᓪᓗ ᑕᒪᕐᒥᒃ ᖃᐅᔨᒪᒍᒃᑭᑦ ᓇᓗᓁᕈᓐᓇᕐᓗᒋᓪᓗ, ᐅᒃᐱᕐᓂᖃᕈᒪᓗ ᖃᖅᑳᓗᐃᑦ ᐊᒡᓛᑦ ᓄᒃᑎᕈᓐᓇᕐᓗᒋᑦ, ᓇᒡᓕᖕᓂᖃᕐᓇᖓᓗ, ᓱᓇᒃᓴᐅᒐᔭᓐᖏᓚᖓ.
ᐊᔪᕐᓂᖃᖏᓐᓂᕋᕈᑦᑕᓕ, ᐅᕙᑦᑎᓐᓂᒃ ᓇᖕᒥᓂᖅ ᐅᐃᕕᕆᕗᒍᑦ, ᓱᓕᔪᕐᓗ ᐃᓗᑦᑎᓐᓃᓐᖏᓚᖅ.
ᐱᓇᓱᐊᖃᑎᒌᑦᓯᐊᕆᑦᓯ ᐃᓕᑦᓯᓐᓄᑦ; ᐱᐅᔪᕆᖏᓪᓗᓯ, ᐊᔪᕐᓂᕐᓮᑦ ᐱᓇᓱᐊᖃᑎᒋᓯᒋᒃ; ᓇᖕᒥᓂᖅ ᓯᓚᑐᓇᓱᒋᖏᓪᓗᓯ.
ᐹᕆᓯ ᐃᓄᑑᓪᓗᓂ ᓇᖏᕐᐳᖅ ᑐᒃᓯᐊᕐᓗᓂ, ‘ᒎᑏ, ᖁᔭᒋᕙᒋᑦ ᐊᓯᑦᑐᑦ ᑍᒤᖏᓐᓇᒪ, ᐱᔪᒪᑐᔪᐊᓗᒃᑎᑐᑦ, ᑎᒡᓕᑐᔪᐊᓗᒃᑎᑐᓪᓘᓐᓃᑦ, ᓄᓕᐊᒥᖕᓂᒃ ᐊᓯᓐᓂᐊᕐᐸᒃᑐᑎᑐᑦ, ᐆᑐᓇᖅ ᕉᒪᒥᐅᑦ ᑮᓇᐅᔧᕐᑎᑦᓯᔨᖓᑐᑦ.
ᐅᖃᐅᓯᕐᓕ ᐱᓇᓱᐊᕈᑎᒋᓯᐅᒃ, ᑐᓵᑐᐃᓐᓇᖏᓪᓗᒍ, ᑐᓵᑐᐃᓐᓇᕈᑦᓯ ᓇᖕᒥᓂᖅ ᐅᐃᕕᕆᒐᑦᓯ.
ᓄᕗᔭᒥᒃ ᐊᓄᕆᒥᒡᓗ ᓯᓚᓗᒃᑎᑦᓯᖏᑦᑐᒥᒃ ᐊᑦᔨᖃᕐᐳᖅ ᓇᓪᓕᐊᑦ ᐱᐅᔪᕆᔪᖅ ᑐᓂᓯᓂᕋᕐᑐᖅ ᑐᓂᓯᓇᓂᓗ.
ᐅᒃᐱᕋᓱᒋᔪᒥᒃ ᐃᓕᑦᓯᓐᓃᑦᑐᖃᕐᐸᑦ, ᐅᖃᓂᓗ ᐊᑐᕐᓂᕐᓗᒃᑍᓕᓂᕐᒧᑦ ᐱᓯᒪᔪᓐᓇᖏᒃᑯᓂᐅᒃ ᐆᒻᒪᑎᓂ ᐅᐃᕕᕆᕚ, ᑕᑉᕙ ᐅᒃᐱᕐᓂᖓ ᐊᑑᑎᖃᓐᖏᓚᖅ.
ᐱᐅᖏᑦᑐᓕᔪᓪᓕ ᐱᐅᔫᓐᖑᐊᕐᑐᓪᓗ ᐱᐅᓐᖏᓕᕙᓪᓕᐊᓂᐊᕐᐳᑦ, ᑕᒻᒪᕐᑎᑦᓯᓗᑎᒃ ᑕᒻᒪᕐᑎᑕᐅᓗᑎᒡᓗ.
ᓯᓔᑦᑐᑐᑦ ᐱᐅᓯᖃᓕᕐᐳᖓ, ᐃᓕᑦᓯ ᑍᒤᑎᑦᓯᕗᓯ ᐅᕙᓐᓂᒃ, ᐃᓕᑦᓯ ᐱᐅᓂᕅᖔᕋᔭᕋᓗᐊᕐᑐᓯ ᐅᕙᓐᓂᒃ. ᐋᐴᓯᑕᓕᖁᑎᑦᓯᓐᓂᑦ ᐱᔪᓐᓇᕐᓂᖃᕐᑐᓂᑦ ᒥᑭᓐᓂᕐᓴᐅᖏᓐᓇᒪ, ᓱᓇᐅᖏᒃᑲᓗᐊᕐᑎᓪᓗᖓ.
ᑍᒃᑯᓄᖓ ᑕᓯᐅᕐᑎᐅᓇᓱᒃᑑᒐᓗᐊᑦ ᖃᓄᐃᑑᒐᓗᐊᕐᒪᖔᑕ ᐅᕙᓐᓄᓪᓕ ᐃᓱᒫᓗᓇᖏᒻᒪᑕ; ᒎᑎ ᐃᓔᓐᓇᕐᓯᐅᖏᒻᒪᑦ, ᑍᒃᑯᓂᖓ ᐅᖃᐅᓯᖃᕐᐳᖓ, ᑕᓯᐅᕐᑎᐅᓇᓱᒃᑑᒐᓗᐊᑦ ᐅᕙᓐᓂᒃ ᐃᓱᒪᑖᑎᑦᓯᒃᑲᓐᓂᖏᒻᒪᑕ.
ᐃᖅᑲᐅᒪᓕᕆᑦᓯ ᒫᓐᓇᐅᔪᓐᓃᕐᑐᖅ ᑎᐅᑕᓯ ᐱᓇᓱᐊᓚᐅᕐᐳᖅ ᐊᔪᖏᑦᑐᐊᓘᔮᕐᓗᓂ, ᒪᓕᒃᑎᖃᓕᓚᐅᕐᐳᖅ 400ᓂᒃ ᐊᖑᑎᓂᒃ; ᑖᓐᓇᓕ ᑐᖁᑕᐅᖕᒪᑦ ᒪᓕᒃᑎᓕᒫᖏᑦ ᐊᒡᒍᓚᐅᕐᐳᑦ ᓄᖑᑐᐃᓐᓇᕐᓗᑎᒃ.
ᔧᒥᓯ, ᓰᐸᓯᓗ, ᔪᐊᓇᓯᓗ, ᑖᒃᑯᐊ ᐅᒃᐱᕐᑑᖃᑎᒌᓄᑦ ᐊᖓᔪᖅᑳᕆᔭᐅᔪᑦ, ᖃᐅᔨᑦᓯᐊᓚᐅᕐᐳᑦ ᒎᑎᒧᑦ ᐱᔭᒃᓴᖃᕐᑎᑕᐅᓂᓐᓂᒃ ᑕᒪᑐᒥᖓ; ᑍᒤᒻᒪᑦ ᐅᕙᓐᓂᒃ ᐸᕐᓇᐹᓯᒥᒡᓗ ᑎᓕᓯᓚᐅᕐᐳᑦ, ᓇᓗᓁᕐᓯᓪᓗᑎᒃ ᐱᓇᓱᐊᖃᑎᒌᖕᓂᑦᑎᓐᓂᒃ. ᐊᖏᖃᑎᒌᓚᐅᕐᐳᒍᓪᓗ ᐸᓇᐹᓯᓗ ᐅᕙᒍᒃ ᔫᑎᐅᖏᑦᑐᓄᑦ ᐱᓇᓱᐊᕐᓂᐊᕐᓗᓄᒃ ᑍᒃᑯᐊ ᔫᑎᓄᑦ ᐱᓇᓱᐊᕐᓂᐊᕐᓗᑎᒃ.
