ᒐᓔᑎᐊᒥᐅᓄᑦ 4:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑍᒃᑯᐊ ᐊᓯᕗᑦ ᐊᒃᓱᕈᑦᓯᐊᕐᑐᐊᓘᔮᕐᒪᑕ ᐃᓕᑦᓯᓐᓄᑦ, ᑭᓯᐊᓂᓕ ᐃᓱᒪᒋᔭᖏᑦ ᓈᒻᒪᓈᕐᓯᒪᓐᖏᓚᑦ; ᐃᓕᑦᓯᓐᓂᒃ ᐊᕕᑎᑦᓯᓇᓱᐊᑐᐃᓐᓇᕐᐳᑦ ᐅᕙᓐᓂᑦ, ᐃᓕᑦᓯᓐᓄᑦ ᐃᓱᒪᒋᔭᐅᑦᓯᐊᕈᒪᑐᐃᓐᓇᕐᓗᑎᒃ.

ᒐᓔᑎᐊᒥᐅᓄᑦ 4:17 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 23:15

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᓄᓇᒃᑯᑦ ᐃᖏᕐᕋᕙᒃᑐᓯ ᐃᒪᒃᑯᓪᓗ ᐅᒥᐊᕐᑐᕐᓗᓯ ᐃᑳᕐᐸᒃᑐᓯ ᐊᑕᐅᓯᑯᓗᖕᒥᒃ ᒪᓕᒃᑎᑖᕆᐊᕐᑐᕐᓗᓯ; ᒪᓕᒃᑎᑖᕌᖓᑦᓯ, ᑲᑉᐱᐊᓇᕐᑐᕕᖕᒧᐊᕐᑐᒃᓴᓐᖑᕐᑎᑉᐸᓯ ᐃᓕᑦᓯᓐᓂᑦ ᒪᕐᕈᐊᕐᑎᓪᓗᐊᕐᑐᒥᒃ ᐱᐅᖏᓐᓂᕐᓴᐅᓕᕐᑎᓪᓗᒍ!

ᕉᒪᒥᐅᓄᑦ 10:2

ᓇᓗᓁᕈᓐᓇᕐᐸᒃᑲ ᐃᓗᖏᕐᓱᕐᓗᑎᒃ ᐱᔪᒪᓂᖃᕐᑐᑦ ᒎᑎᒧᑦ, ᐃᓗᖏᕐᓱᕐᓂᖓᓪᓕ ᖃᐅᔨᓯᒪᓪᓚᕆᖕᓂᕐᒥᑦ ᑐᓐᖓᕕᖃᓐᖏᓚᖅ.

ᕉᒪᒥᐅᓄᑦ 16:18

ᑍᒤᑦᑐᑦ ᐊᑕᓂᑦᑎᓐᓂᒃ ᙭ᔅᑑᓯᒥᒃ ᑭᒡᒐᕐᑐᖏᒻᒪᑕ, ᓈᒻᒪᒃᓯᑎᑦᓯᓇᓱᑐᐃᓐᓇᕐᒪᑕ ᐱᔪᒪᓂᕐᒥᖕᓂᒃ ᐱᑦᔪᑎᑐᐊᖃᕐᓗᑎᒃ, ᐅᖃᐅᓯᕐᒥᖕᓄᑦ ᐅᖃᓪᓚᒃᑲᐅᓂᕐᒥᖕᓄᓪᓗ ᓯᓔᕐᕆᒃᓯᕙᒃᐳᑦ ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:2

ᖁᕕᐊᒋᕙᑦᓯ ᐅᕙᓐᓂᒃ ᑕᒤᑦᑎᒍᑦ ᐃᖅᑲᐅᒤᓐᓇᕋᑦᓯ ᐊᔪᕆᕐᓱᐃᑦᔪᑎᒋᓯᒪᔭᒃᑲᓗ ᒪᓕᑦᓯᐊᕋᑦᓯᐅᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:18

ᐃᓚᓯ ᐃᓚᖏᑦ ᐱᐅᔪᕆᓕᕐᐳᑦ, ᐅᕙᓐᓂᒃ ᑎᑭᓐᓂᐊᕋᓱᒋᒃᓯᓐᖏᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:8

ᒫᓐᓇᓕ ᐱᔪᒪᔭᓕᒫᓯ ᐱᓯᒪᓕᕐᐸᓯ, ᑕᒤᓐᓂᒃ ᐊᔪᕐᓴᕈᓐᓃᕐᓗᓯ! ᐅᕙᒍᑦ ᑍᒤᓚᐅᕐᑎᓐᓇᑕ ᐊᖓᔪᖅᑳᕐᔪᐊᑎᑐᑦ ᑍᒤᓕᕐᐳᓯ! ᐊᖓᔪᖅᑳᕐᔪᐊᓐᖑᖁᕙᑦᓯ, ᐊᐅᓚᑦᓯᔨᐅᖃᑎᒌᖕᓂᐊᕋᑦᑕ!

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:3

ᐄᕕ ᖁᒡᓗᒋᐊᒧᑦ ᐱᖏᑦᓯᕐᑐᕐᑐᒧᑦ ᐅᐃᕕᕆᔭᐅᓚᐅᕐᒪᑦ, ᓯᕘᕋᕗᖓᓕ ᐃᓱᒪᓯᑦᑕᐅᖅ ᓴᖑᑎᑕᐅᓂᐊᕋᓱᒋᓪᓗᒋᑦ ᓱᓕᑦᓯᐊᕐᓂᕐᒥᑦ ᐃᒃᐱᒍᓱᒍᓐᓃᕐᑎᑕᐅᓂᕐᒧᑦ ᙭ᔅᑑᓯᒥᒃ.

ᒐᓔᑎᐊᒥᐅᓄᑦ 4:16

ᒫᓐᓇᓕ ᐊᑭᕋᕐᑎᑐᑦ ᐃᓱᒪᒋᓕᕐᐱᓯᓐᖔ ᓱᓕᔪᒥᒃ ᐅᖃᐅᑎᓕᕋᑦᓯ?

ᒐᓔᑎᐊᒥᐅᓄᑦ 4:18

ᐃᓛᒃ ᐃᓱᒪᒋᑦᓯᐊᖃᑦᑕᐅᑎᓂᖅ ᐱᐅᔫᒐᓗᐊᕐᐳᖅ ᐱᑦᔪᑎᒃᓴᖓ ᓈᒻᒪᓈᕐᓯᒪᒃᐸᑦ, ᐃᓕᑦᓯᓐᓂ ᓇᔫᑎᖏᒃᑲᓗᐊᕈᒪ.

ᐱᓕᐱᒥᐅᓄᑦ 2:21

ᐊᓯᖏᓪᓕ ᓇᖕᒥᓂᖅ ᐱᔭᕆᐊᖃᕐᑕᒥᖕᓂᒃ ᑭᓯᐊᓂ ᐃᓱᒪᖃᕐᒪᑕ, ᔩᓱᓯ ᙭ᔅᑑᓯᐅᑉ ᐱᖏᑦ ᐃᓱᒪᒋᓇᒋᑦ.

ᐲᑦᑐᕉᓯ ᐂᑉᐸᖏᑦ 2:18

ᐅᖃᐅᓯᕐᒥᒃᑎᒍᑦ ᐊᔪᖏᑦᑐᕐᔪᐊᖑᔮᕐᐳᑦ ᐅᖃᐅᓯᖃᕐᐳᓪᓕ ᓱᓕᓂᖃᖏᑦᑐᓂᒃ, ᑎᒥᐅᓪᓗ ᐱᔪᒪᓂᕐᔪᐊᖓᓂᒃ ᐊᑐᕐᓗᑎᒃ ᑕᒪᑐᒧᖓ ᑕᒻᒪᕐᑎᑦᓯᕙᒃᐳᑦ ᐃᓄᖕᓂᒃ ᑕᒻᒪᕐᓯᒪᓂᕐᒥᒃ ᕿᒤᓕᕋᑖᕐᑐᓂᒃ.

ᐲᑦᑐᕉᓯ ᐂᑉᐸᖏᑦ 2:3

ᐱᔪᒪᓗᐊᕐᓂᕐᒥᖕᓄᑦ ᑖᒃᑯᐊ ᐊᔪᕆᕐᓱᐃᓂᕐᓗᒃᑐᑦ ᑮᓇᐅᔭᓕᐅᕋᓱᑐᐃᓐᓇᕐᓗᑎᒃ ᓇᖕᒥᓂᖅ ᐅᖃᐅᓯᒃᓴᓕᐊᕆᓯᒪᔭᒥᖕᓂᒃ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕈᒫᕐᐳᑦ ᐋᖅᑭᒌᕐᓯᒪᕗᖅ ᐃᖅᑲᕐᑐᐃᔨᒋᔪᒫᕐᑕᖓᑦᑕ ᐅᑕᖅᑭᔪᑎᓕᕐᐰᑦ, ᑖᒃᑯᓂᖓ ᓄᖒᑦᓯᔪᒃᓴᖅ ᓯᓂᖕᓂᐊᓐᖏᓚᖅ ᐅᑕᖅᑭᓗᓂ.