ᒐᓔᑎᐊᒥᐅᓄᑦ 3:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐊᖅᑯᓵᒐᕐᑕᖃᕈᓐᓇᕐᐳᕐᓕ ᐃᓄᖕᒧᑦ ᐊᑕᐅᓯᐅᖏᑦᑐᒧᑦ ᐱᓇᓱᐊᕐᓗᓂ; ᒎᑎᓕ ᐊᑕᐅᓯᐅᕗᖅ ᑍᒤᓕᐅᕐᑐᖅ.

ᒐᓔᑎᐊᒥᐅᓄᑦ 3:20 ပူးပေါင်းရင်းမြစ်များ

ᑎᒧᑎᒧᑦ ᓯᕗᓪᓖᑦ 2:5

ᒎᑎ ᐊᑕᐅᓯᐅᖕᒪᑦ; ᐊᑕᐅᓯᐅᒋᕗᕐᑕᐅᖅ ᐃᓚᒌᓕᕐᑎᑦᓯᔪᖅ ᒎᑎᒥᒃ ᐃᓄᖕᓂᒡᓗ, ᑖᓐᓇᐅᕗᖅ ᙭ᔅᑑᓯ ᔩᓱᓯ ᑎᒥᑖᓚᐅᕐᑐᖅ,

ᒨᓯᓯ ᑕᓪᓕᒪᖏᑦ 6:4

“ᐃᓴᕆᐊᓕᒥᐅᖑᔪᓯ ᑐᓴᕆᑦᓯ! ᐊᑕᓂᖅ ᒎᑎᕗᑦ ᐊᑕᓂᑑᕗᖅ.

ᐄᑉᕈᐃᓄᑦ 9:15

ᑕᒪᓐᓇ ᐱᑦᔪᑎᒋᓪᓗᒍ ᙭ᔅᑑᓯ ᐱᑦᔪᑦᔨᔨᐅᕗᖅ ᐊᖏᖃᑎᒌᒍᑎᒧᑦ ᓄᑖᒧᑦ, ᑖᒃᑯᐊ ᕾᖁᔭᐅᔪᑦ ᐊᖏᕈᑕᐅᒪᔪᒥᒃ ᐃᓱᖃᖏᑦᑐᒧᑦ ᑭᖑᕐᖑᑦᔨᖁᓪᓗᒋᑦ; ᒫᓐᓇᓕ ᑐᖁᒥᒍᑦ ᐱᐅᓕᔭᐅᑦᔪᑎᒃᓴᐅᓕᕐᐳᖅ ᐊᔪᕐᓂᕐᒥᑦ ᕿᓚᕈᑦᔮᕐᓯᖅᑯᓪᓗᒍ ᐊᑐᓚᐅᕐᑕᖏᓐᓂᑦ ᐊᖏᖃᑎᒌᖕᓂᕐᒥ ᓯᕗᓪᓕᕐᒥ.

ᐄᑉᕈᐃᓄᑦ 8:6

ᔩᓱᓯᓕ ᑐᓂᓯᕕᐅᓯᒪᕗᖅ ᑐᓂᕐᕈᓯᕐᑎᑦᓯᔨᐅᓂᐅᑉ ᐱᓇᓱᐊᒐᖓᓂᒃ ᐱᐅᓂᕐᓴᒻᒪᕆᐅᔪᒥᒃ ᐱᑐᖃᕆᔭᐅᓚᐅᕐᑐᒥᑦ; ᐊᖏᖃᑎᒌᒍᑕᐅᓯᒪᔪᒥᒃ ᐋᖅᑭᒃᓯᒪᖕᒪᑦ ᐊᖅᑯᓵᒐᐅᓪᓗᓂ ᒎᑎᐅᓪᓗ ᐃᓄᐃᓪᓗ ᐊᑯᕐᖓᓐᓂ, ᑐᓐᖓᕕᒃᓴᖃᕐᓗᓂᓗ ᐊᖏᕈᑕᐅᓯᒪᔪᒥᒃ ᐱᐅᓂᕐᓴᒥᒃ.

ᔫᐱᐅᑉ ᐊᒡᓚᖏᑦ 9:33

ᐊᑯᓐᓂᑦᑎᓐᓄᐊᕐᑐᖃᕈᓐᓇᓐᖏᓚᖅ ᑲᒪᔨᐅᓂᐊᕐᑐᒥᒃ, ᓇᓪᓕᑦᑎᓐᓂᒃ ᐃᖅᑲᕐᑐᐃᓂᐊᕐᑐᒥᒃ ᒎᑎᒥᒃ ᐅᕙᓐᓂᒡᓗ.

ᐄᑉᕈᐃᓄᑦ 12:24

ᔩᓱᓯᓗ ᐅᐸᒃᐸᓯ, ᐊᖏᖃᑎᒌᖕᓂᕐᒥᒃ ᓄᑖᒥᒃ ᐱᔨᑦᓯᕐᑐᖅ, ᐊᐅᖕᒧᓪᓗ ᓯᕐᐸᕐᓴᕐᑕᐅᓯᒪᔪᒧᑦ ᐂᐱᓕᐅᑉ ᐊᐅᖓᓂᑦ ᐱᐅᓂᕐᓴᒥᒃ ᐅᖃᐅᓯᖃᕐᑐᒧᑦ.

ᒐᓔᑎᐊᒥᐅᓄᑦ 3:17

ᐃᒫᒃ ᐅᖃᕋᓱᐊᕐᐳᖓ; ᒎᑎ ᐊᖏᖃᑎᖃᓚᐅᕐᑐᖅ ᐂᑉᕋᕼᐋᒥᒃ ᐊᖏᕈᑎᖃᕐᓯᒪᓪᓗᓂᓗ ᓴᖑᑎᑦᔮᖏᓐᓂᕋᕐᓗᒍ, ᐱᖁᔧᑦ ᑐᓂᔭᐅᓚᐅᕐᑐᑦ 430 ᐊᕐᕌᒍᐃᑦ ᓈᓯᒪᓕᕐᑎᓪᓗᒋᑦ, ᐊᖏᖃᑎᒌᒍᑕᐅᓯᒪᔪᒥᒃ ᓯᖁᒥᑦᓯᔪᓐᓇᖏᒻᒪᑕ ᒎᑎᐅᓪᓗ ᐊᖏᕈᑎᒋᓯᒪᔭᖓᓂᒃ ᑎᑎᕋᕐᓯᒪᔪᓂᒃ ᐊᑐᕈᓐᓃᕐᑎᑦᓯᔪᓐᓇᕋᑎᒃ.

ᒨᓯᓯ ᓯᕗᓪᓖᑦ 15:18

ᑕᕝᕙ ᐊᑕᓂᖅ ᐅᓪᓗᒥ ᑕᕝᕙᓂ ᐂᑉᕋᒻᒥᒃ ᐊᖏᖃᑎᒌᒍᑎᓕᐅᕐᐳᖅ. ᐅᖃᕐᓗᓂ, “ᑭᖑᕚᕐᓄᑦ ᑕᒪᓐᓇ ᓄᓇ ᑐᓂᕙᕋ, ᐄᑦᔨᑉᑎᐅᑉ ᓄᓇᖓᑕ ᑭᒡᓕᖓᓂᑦ ᐱᒋᐊᕐᓗᒍ ᑰᒡᔪᐊᕌᓗᒃ, ᐃᕗᕅᑎᐅᑉ ᑰᖓ ᑎᑭᓪᓗᒍ,

ᐋᐴᓯᑕᓖᑦ ᐱᓂᐊᕐᓂᖏᑦ 12:20

ᐃᕉᑕᓯ ᓂᓐᖓᒃᓯᒪᓚᐅᕐᐳᖅ ᐃᓄᖕᓄᑦ ᑍᕆᒥᐅᓄᑦ ᓮᑐᓂᒥᐅᓄᓪᓗ; ᑖᒃᑯᐊ ᐃᕉᑕᓯᒥᒃ ᑲᑎᓯᔭᕐᑐᕐᐳᑦ, ᑖᑦᓱᒧᓐᖓᖏᓐᓂᕐᒥᖕᓂᓕ ᐸᓛᓯᑕᔅ ᐃᑲᔪᕐᑎᑖᕆᓇᓱᓚᐅᕐᐹᑦ; ᐊᖓᔪᖅᑳᕐᔪᐊᑉ ᐃᒡᓗᖓᓂᒃ ᑲᒪᔨᐅᔪᖅ, ᐃᕉᑕᓯᒧᐊᕋᒥᒡᓗ ᐃᓅᖃᑎᖃᑦᓯᐊᕈᒪᓪᓗᑎᒃ ᐅᖃᕐᐳᑦ, ᐊᖓᔪᖅᑳᕐᔪᐊᕐᒧᑦ ᑭᓯᐊᓂ ᓄᓇᖁᑎᖓᓂ ᓂᕿᒃᓴᖃᕐᑎᑕᐅᕙᒃᑲᒥᒃ.