ᐄᓱᕋᐅᑉ ᐊᒡᓚᖏᑦ 8:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑰᖕᒥ ᓴᓇᔭᐅᓯᒪᔪᒥ ᐊᕼᐋᕙᒥ ᐱᖁᔨᓚᐅᕐᐳᖓ ᓂᕆᑦᑍᓕᖁᓪᓗᑕ ᒥᑭᓕᑎᕐᓗᑕᓗ ᓇᖕᒥᓂᑦᑎᓐᓂᒃ ᒎᑎᑦᑕ ᓵᖓᓂ, ᑕᓯᐅᕐᑕᐅᔪᒪᓪᓗᑕ ᐃᖏᕐᕋᓂᑦᑎᓐᓂ ᓴᐳᑎᔭᐅᓯᒪᖁᓪᓗᑕᓗ ᕿᑐᕐᖓᕗᑦ ᐱᖁᑎᕗᓪᓗ ᑖᑦᓱᒧᖓ.

ᐄᓱᕋᐅᑉ ᐊᒡᓚᖏᑦ 8:21 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 20:3

ᑕᕝᕙ ᔨᕼᐆᓴᐸᑦ ᑲᑉᐱᐊᓱᓕᕐᐳᖅ, ᐊᑕᓂᕐᒥᒡᓗ ᖃᐅᔨᓴᕈᒪᓕᕐᓗᓂ, ᓂᕆᑦᑍᓕᖁᔨᓕᕐᐳᕐᓗ ᔫᑕᒥᐅᓕᒫᓂᒃ.

ᑯᕉᓂᑲ ᐂᑉᐸᖏᑦ 20:4

ᔫᑕᒥᐅᓪᓗ ᑲᑎᕗᑦ ᐊᑕᓂᕐᒥᑦ ᐃᑲᔪᕐᑕᐅᔪᒪᓪᓗᑎᒃ; ᔫᑕᐅᓪᓗ ᐃᒡᓗᒐᓴᓕᒫᖏᓐᓂᑦ ᐱᓯᒪᔪᑦ ᑲᑎᕗᑦ ᐊᑕᓂᕐᒥᒃ ᖃᐅᔨᓴᕈᒪᓪᓗᑎᒃ.

ᐄᓱᕋᐅᑉ ᐊᒡᓚᖏᑦ 8:15

ᑖᒃᑯᐊᓗ ᑲᑎᑎᓚᐅᕐᐸᒃᑲ ᑰᖕᒧᑦ ᐊᕼᐋᕙᒧᑦ ᑰᒃᑐᒧᑦ, ᐃᓄᒃᒧᑦ ᓴᓇᔭᐅᓯᒪᔫᑉ ᓴᓂᐊᓄᑦ ᓄᓇᓕᖕᒧᑦ ᑎᑭᐅᑎᓯᒪᔪᒧᑦ, ᑕᖕᒫᕐᓯᒪᓚᐅᕐᐳᒍᓪᓗ ᐅᓪᓗᓂᒃ ᐱᖓᓱᓂᒃ. ᐃᓄᖕᓂ ᕿᓂᓕᕋᒪ ᑐᓂᕐᕈᓯᕐᑎᑦᓯᔨᓂ ᑕᕝᕙᓂ ᑲᑎᒪᔪᓂ, ᓕᕔᑎᓄᑦ ᑭᖑᕚᕆᔭᐅᔪᕐᑕᖃᓚᐅᓐᖏᓚᖅ.

ᐄᓱᕋᐅᑉ ᐊᒡᓚᖏᑦ 8:31

ᑕᖅᑭᐅᑉ ᓯᕗᓪᓕᕐᐹᑉ ᐅᓪᓗᖓᑕ 12ᒋᓕᕐᑕᖓᓂ ᑰᖕᒥᑦ ᐊᕼᐋᕙᒥᑦ ᐊᐅᓪᓚᓚᐅᕐᐳᒍᑦ, ᔨᕉᓴᓕᒧᐊᕐᐸᓪᓕᐊᓕᕐᓗᑕ. ᒎᑎᑦᑕ ᐃᓚᒋᓚᐅᕐᐹᑎᒍᑦ ᓴᐳᑎᓚᐅᕐᐹᑎᒍᓪᓗ ᐊᑭᕋᕐᑐᕐᑎᑦᑎᓐᓂᑦ ᐅᓇᑕᕐᑕᐅᓂᕐᒥᓪᓗ ᐃᖏᕐᕋᑎᓪᓗᑕ.

ᓂᕼᐃᒤᐊᐅᑉ ᐊᒡᓚᖏᑦ 9:1

ᐅᓪᓗᑦ 24ᒋᓕᕐᑕᖓᓂ ᑕᖅᑭᒥ ᑕᕝᕙᓂᑦᓮᓐᓇᖅ ᐃᓴᕆᐊᓕᒥᐅᑦ ᐃᓄᖏᑦ ᑲᑎᓚᐅᕐᐳᑦ ᓂᕆᑦᑍᓕᔭᕐᑐᕐᓗᑎᒃ, ᐊᓐᓄᕌᕐᓗᑎᒃ ᐊᕐᔭᓕᓂᕐᓂᒡᓗ ᐳᔪᕋᕐᓂᒡᓗ ᓂᐊᖁᕐᒥᓅᕐᓯᓚᐅᕐᐳᑦ ᓇᓗᓁᕐᓯᓪᓗᑎᒃ ᕿᒃᓵᖕᓂᕐᒥᖕᓂᒃ.

ᐃᔅᑕᐅᑉ ᐊᒡᓚᖏᑦ 4:16

“ᔫᑎᓕᒫᑦ ᑲᑎᖁᓚᐅᒃᑭᑦ ᑕᕝᕙᓂ ᓲᓴᒦᑦᑐᑦ, ᐱᑦᔪᑎᒋᓗᖓ ᓂᕆᑦᑍᓕᖁᓪᓗᒋᑦ; ᐅᓪᓗᓂᒃ ᐱᖓᓱᓂᒃ ᓱᓇᒥᒡᓘᓐᓃᑦ ᓂᕆᖁᓇᒋᑦ ᐃᒥᖁᓇᒋᓪᓗ, ᐅᓐᓄᐊᒃᑯᑦ ᐅᓪᓗᒃᑯᓪᓘᓐᓃᑦ. ᐱᔨᒋᔭᒃᑲ ᐃᓚᒋᓗᒋᑦ ᓂᕆᑦᑍᓕᓂᐊᕆᕗᒍᑦ ᑍᒫᑦᓮᓐᓇᖅ. ᑕᒪᑐᒪ ᑭᖑᓂᖓᒍᑦ ᐊᖓᔪᖅᑳᕐᔪᐊᒧᐊᓛᕐᐳᖓ, ᐱᖁᔭᖏᑦ ᒪᓕᒡᓗᒋᑦ ᑍᒤᑦᓴᕆᐊᖃᖏᒃᑲᓗᐊᕐᓗᖓ; ᑐᖁᑕᐅᓂᐊᕈᒪ, ᑕᕝᕙ ᑐᖁᑕᐅᓂᐊᕐᐳᖓ.”

ᐃᓐᖏᕈᑎᑦ 137:1

ᐹᐱᓘᓂᐅᑉ ᑰᖓᓂ, ᐃᒃᓯᕙᕗᒍᑦ, ᐄᓛᒃ, ᕿᐊᕗᒍᑦ, ᓮᐅᓂ ᐃᖅᑲᐅᒪᓕᕋᑦᑎᒍ.

ᐃᓐᖏᕈᑎᑦ 5:8

ᐊᑕᓃᖅ ᑕᓯᐅᓚᐅᓐᖓ, ᐃᓱᐊᕐᑐᓕᓂᕐᓄᑦ, ᐊᑭᕋᕐᑐᕐᑎᒃᑲ ᐱᑦᔪᑎᒋᓪᓗᒋᑦ; ᐊᖅᑯᓯᓃᑦ ᑐᑭᓕᐊᕐᑎᓚᐅᕈᒃ ᑮᓇᕐᒪ ᓵᖓᓂ.

ᐃᓐᖏᕈᑎᑦ 5:9

ᖃᓂᖏᓐᓂ ᑲᔪᓯᓂᕐᑕᖃᓐᖏᓚᖅ; ᐃᓗᖏᓐᓂ ᓯᖁᒥᑦᓯᓂᕐᒥ ᐱᑕᖃᕐᐳᖅ, ᑐᖅᑯᔮᖏᑦ ᐃᓗᕕᕐᑎᑐᑦ ᐊᖕᒪᕐᓯᒪᔪᑎᑐᑦ ᑍᒤᑉᐳᑦ; ᐅᖃᕐᒥᖕᓄᓪᓗ ᐅᐃᕕᕆᒃᓯᓇᓱᐊᕐᐳᑦ.

ᐃᓐᖏᕈᑎᑦ 8:2

ᓄᑕᕋᓛᑦ, ᓄᑕᕅᓪᓗ ᐊᒫᒪᒃᑐᑦ ᖃᓂᖏᑎᒍᑦ ᐱᔪᓐᓇᕐᓂᕐᒥᒃ ᐱᒋᐊᕐᑎᑦᓯᔪᑎᑦ, ᐊᑭᕋᕐᑐᕐᑎᑎᑦ ᐱᑦᔪᑎᒋᓪᓗᒋᑦ, ᐊᑭᕋᕐᑐᕐᑐᖅ ᐊᑭᒋᐊᕈᒪᔪᓪᓗ ᓂᐸᖏᖁᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:6

ᐱᓂᐊᕐᓂᕐᓄᑦ ᑕᒤᓐᓄᑦ ᓇᓗᓁᔭᕈᒃ, ᑕᕝᕙ ᐊᖅᑯᑎᒋᔭᑎᑦ ᑐᑭᓕᐊᕐᑎᓐᓂᐊᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 30:21

ᓴᖑᓕᕈᑦᓯ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ, ᓯᐅᑎᑦᓯᓐᓄᑦ ᑐᓄᑦᓯᓐᓂ ᓂᐱᖓ ᑐᓴᕈᒫᕐᐸᓯ ᐅᖃᕐᑐᖅ, “ᑕᒪᑦᔭ ᐊᖅᑯᑎᒃᓴᓯ, ᐱᓱᒡᕕᒋᓕᕐᓯᐅᒃ.”

ᐂᓮᐊᓯᐅᑉ ᐊᒡᓚᖏᑦ 35:8

ᐅᓄᕐᑐᓄᑦ ᐊᑐᕐᑕᐅᕙᒃᑐᒥᒃ ᐊᖅᑯᑎᕐᔪᐊᕐᑕᖃᓕᕈᒫᕐᐳᖅ ᑍᑲᓂ, ᑍᔭᐅᓗᓂ “ᐃᑦᔪᕐᓁᑦᑑᑉ ᐊᖅᑯᑎᖓ.” ᐊᔪᕐᑐᓕᔪᓄᑦ ᑕᒪᓐᓇ ᐊᑐᕐᑕᐅᔪᓐᓇᕈᒫᓐᖏᓚᖅ, ᒎᑎᐅᓪᓕ ᐃᓄᖁᑎᖏᓐᓄᑐᐊᖅ ᐊᑐᕐᑕᐅᔪᒫᕐᐳᖅ, ᓯᓔᑦᑐᓪᓘᓐᓃᑦ ᑕᒫᓂ ᑕᒻᒪᕈᒫᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 42:16

ᑕᐅᑐᖏᑦᑐᑦ ᑎᑭᐅᑎᑎᑦᓱᒫᕐᐸᒃᑲ ᖃᐅᔨᒪᓐᖏᑕᖏᓐᓄᑦ; ᑕᓯᐅᕈᒫᕐᐸᒃᑲ ᐊᖅᑯᑎᒃᑯᑦ ᖃᐅᔨᒪᓐᖏᑕᖏᑎᒍᑦ. ᑖᕐᑐᖅ ᓯᕗᓂᖏᓐᓃᑦᑐᖅ ᖃᐅᒪᔪᓐᖑᕐᑎᑦᓱᒫᕐᐸᕋ, ᒪᓂᕋᐅᖏᑦᑐᓪᓗ ᒪᓂᖅᑲᒃᓴᕐᓗᒋᑦ, ᑍᒤᑦᑐᓂᒃ ᐱᓇᓱᐊᕐᕕᒋᔪᒫᕐᐸᒃᑲ, ᕿᒪᖕᓂᐊᓐᖏᓚᒃᑲᓗ.

ᐂᓮᐊᓯᐅᑉ ᐊᒡᓚᖏᑦ 49:10

ᑳᒍᓐᓃᕈᒫᕐᐳᑦ ᐃᒥᕈᒍᓐᓃᕐᓗᑎᒡᓗ, ᐊᓄᕆᒧᑦ ᐆᓇᕐᑐᒧᑦ ᓯᕿᓂᕐᒧᓪᓗ ᐆᑎᑕᐅᔪᒫᓐᖏᓚᑦ; ᑖᒃᑯᓂᖓ ᓂᑲᒍᓱᒃᑑᑉ ᑕᓯᐅᕈᒫᕐᐰᑦ, ᓄᓇᐅᑉ ᐃᓗᐊᓂᑦ ᑰᖃᕐᑐᒃᑯᑦ ᑕᓯᐅᕈᒫᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 58:3

ᐅᖃᓚᐅᕐᐳᑦ, “ᓱᖕᒪᑦ ᓂᕆᑦᑍᓕᓚᐅᕐᐱᑖ? ᓂᕆᑦᑍᓕᒐᓗᐊᕐᑎᓪᓗᑕ ᑕᑯᕙᓐᖏᓚᑏᑦ? ᓱᖕᒪᓪᓗ ᒥᑭᒡᓕᑎᕋᓱᐊᕐᐸᒃᐱᑖ ᒥᑭᒡᓕᑎᕐᑎᓪᓗᑕ ᐅᑦᔨᕈᓱᖃᑦᑕᖏᓐᓇᕖᑦ?” ᑕᑯᓕᕆᑦᓯ, ᓂᕆᑦᑍᓕᕕᒋᔭᑦᓯ ᐅᓪᓗᖓᓂ ᖁᕕᐊᒋᔭᑐᐃᓐᓇᑦᓯᓐᓂᒃ ᐊᑐᕐᐸᒃᑐᓯ, ᐱᓇᓱᐊᕐᑎᓯᓗ ᐅᖁᒤᒃᓴᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 58:5

ᑍᒤᑦᑐᒥᒃ ᓂᕆᑦᑍᓕᓂᕐᒥᒃ ᐊᑐᕐᑕᐅᖁᔨᓯᒪᕗᖔ? ᐃᓅᑉ ᐃᒻᒥᓂᒃ ᒥᑭᒡᓕᑎᕐᕕᒃᓴᖓᓂᒃ? ᓂᐊᖁᕐᒧᑦ ᐅᑯᑦᑕᕐᕕᑐᐃᓐᓇᐅᓗᓂ ᐅᕐᐱᒐᕐᑐᑦ ᓂᐅᓐᖓᒃᑕᕐᑐᑎᑐᑦ? ᒪᒥᐊᑦᑐᕐᓯᐅᒻᒥᒃ ᐊᓐᓄᕌᕐᓯᒪᓗᓂ ᐊᕐᔭᓕᓂᕐᓂᒃ ᐃᒃᓯᕙᕕᑐᐃᓐᓇᖅ, ᑕᒪᑦᔮ ᓂᕆᑦᑍᓕᓂᐅᓂᕋᕐᑕᓰ? ᐅᓪᓗᖅ ᓈᒻᒪᒋᔭᐅᔪᖅ ᐊᑕᓂᕐᒧᑦ?

ᔨᕆᒤᐊᐅᑉ ᐊᒡᓚᖏᑦ 10:23

ᐊᑕᓃᖅ ᖃᐅᔨᒪᒐᓗᐊᕐᐳᖓ, ᐃᓄᒃ ᓇᖕᒥᓂᖃᖏᒻᒪᑦ ᐃᓅᓯᕐᒥᓂᒃ, ᐊᑐᕐᓂᐊᕐᑕᓕᒫᓂ ᐊᐅᓚᑍᓐᓇᕆᔪᓐᓇᖏᒻᒪᒋᑦ.

ᔨᕆᒤᐊᐅᑉ ᐊᒡᓚᖏᑦ 42:3

ᐊᑕᓂᕐᒧᑦ ᑐᒃᓯᐅᑦᔭᐅᔪᒪᕗᒍᑦ ᒎᑎᑦᑎᓐᓄᑦ ᖃᐅᔨᔪᒪᓪᓗᑕ ᓇᒧᓐᖓᐅᔪᒃᓴᐅᖕᒪᖔᑦᑕ ᖃᓄᕐᓗ ᐱᔪᒃᓴᐅᖕᒪᖔᑦᑕ.”

ᑖᓂᐊᓕᐅᑉ ᐊᒡᓚᖏᑦ 9:3

ᑍᒤᒻᒪᑦ ᐊᑕᓂᕐᒧᑦ ᒎᑎᒧᑦ ᓵᓚᐅᕐᐳᖓ ᕿᓄᕕᒋᓪᓗᒍᓗ ᑐᒃᓯᐊᕐᕕᒋᕙᕋ, ᓂᕆᑦᑍᓕᓪᓗᖓᓗ, ᐊᓐᓄᕌᕐᓯᒪᓪᓗᖓᓗ ᐃᒃᐱᐊᕐᔪᒐᔭᐅᔮᕐᑐᓂᒃ, ᐊᕐᔭᓕᓂᕐᓃᓪᓗᖓᓗ.

ᔪᐃᓕᐅᑉ ᐊᒡᓚᖏᑦ 1:14

ᓂᕆᑦᑍᓕᖁᔨᒋᑦᓯ, ᑲᑎᖁᔨᓗᓯ ᐃᓄᓕᒫᓂᒃ; ᓯᕗᓕᕐᑏᑦ ᑲᑎᖁᓯᒋᑦ ᔫᑕᐅᓪᓗ ᐃᓄᓕᒫᖏᑦ, ᐊᑕᓂᐅᑉ ᒎᑎᓯ ᐃᒡᓗᖓᓄᑦ, ᑐᒃᓯᐊᕐᓗᓯ ᕿᓄᒋᑦᓯ ᐊᑕᓂᕐᒧᑦ.

ᒨᓯᓯ ᐱᖓᔪᖏᑦ 16:29

ᐅᓇ ᐱᖁᔭᖅ ᐃᓕᑦᓯᓐᓄᑦ ᑍᒪᓐᖓᑦ ᐊᑐᕐᓂᐊᕐᑐᖅ. ᐅᓪᓗᑦ 10ᖓᓐᓂ ᑕᖅᑮᓪᓗ 7ᖓᓐᓂ ᓂᕆᑦᑍᓕᔭᕆᐊᖃᕐᐳᓯ ᑕᕐᓂᓯ ᐱᓪᓗᒍ, ᐃᖅᑲᓁᔭᖏᓪᓗᓯᓗ ᐃᓴᕆᐊᓕᒥᐅᖑᒍᕕᓪᓘᓐᓃᑦ ᐊᓯᖏᓐᓂᓪᓘᓐᓃᑦ ᐱᓯᒪᒐᓗᐊᕈᕕᑦ ᑕᕝᕙᓂ ᓄᓇᖃᖃᑕᐅᓗᑎᑦ.

ᒨᓯᓯ ᐱᖓᔪᖏᑦ 16:31

ᐅᓪᓗᖅ ᑖᓐᓇ ᐃᑦᔪᕐᓁᑦᑑᖕᒪᑦ ᕿᑲᕐᕕᐅᔭᕆᐊᓕᒃ, ᓂᕆᑦᑍᓕᔭᕆᐊᖃᕐᐳᓯ; ᑕᐅᕗᖓᓕᒫᖅ ᐱᖁᔭᖅ ᑖᓐᓇ ᐊᑐᕐᓂᐊᕐᐳᖅ.

ᒨᓯᓯ ᐱᖓᔪᖏᑦ 23:29

ᓇᓪᓕᐊᑦ ᓂᕆᔪᖅ ᐅᓪᓗᒥ ᑕᕝᕙᓂ ᐃᓅᖃᑎᒋᔭᐅᓂᕐᒥᑦ ᐊᕕᑕᐅᔭᕆᐊᖃᕐᐳᖅ.

ᔫᓇᐅᑉ ᐊᒡᓚᖏᑦ 3:5

ᓂᓂᕕᒥᐅᑦ ᑕᕝᕙ ᒎᑎᐅᑉ ᐅᖃᐅᓯᕆᔭᖏᑦ ᐅᒃᐱᕆᕚᑦ. ᐃᓱᒪᑖᕐᐳᓪᓗ ᓂᕆᑦᑍᓕᕕᒃᓴᖃᖁᔨᓪᓗᑎᒃ ᐃᓄᓕᒫᓄᑦ, ᐊᑎᓯᕗᓪᓗ ᐃᒃᐱᐊᕐᔪᒐᔭᖕᒥᒃ ᐳᑐᕐᓛᒥᒃ, ᐱᒻᒪᕆᐅᓂᕐᐹᓂᑦ ᐱᒻᒪᕆᐅᖏᓐᓂᕐᐹᓄᑦ ᑎᑭᓪᓗᑎᒃ, ᖃᕿᐊᓕᕐᓂᕐᒥᖕᓂᒃ ᓇᓗᓁᕐᓯᔪᒪᓪᓗᑎᒃ.

ᔫᓇᐅᑉ ᐊᒡᓚᖏᑦ 3:7

ᐱᖁᔨᑦᔪᑎᓕᐅᕐᐳᕐᓗ ᒪᓕᒃᑕᐅᔭᕆᐊᖃᕐᑐᓂᒃ ᓂᓂᕕᒥᐅᑦ ᐃᓄᖏᓪᓄᑦ ᐃᒤᓕᔪᓂᒃ: “ᐃᓄᐃᓪᓘᓐᓃᑦ ᓂᕐᔪᑎᓪᓘᓐᓃᑦ ᐃᒻᒧᒃᓯᐅᒊᓪᓘᓐᓃᑦ ᓰᐱᓪᓘᓐᓃᑦ ᓂᕆᔪᒃᓴᐅᓐᖏᓚᑦ ᓱᓇᒥᒡᓘᓐᓃᑦ, ᐃᒥᕐᑐᒃᓴᐅᓇᑎᒡᓗ.

ᒨᓯᓯ ᓯᑕᒪᖏᑦ 14:3

ᓱᖕᒪᑦ ᐊᑕᓂᐅᑉ ᑕᒪᐅᖓ ᓄᓇᒧᑦ ᑎᑭᑎᑉᐹᑎᒍᑦ ᓴᕕᒡᔪᐊᒧᑦ ᑐᖁᑕᐅᖁᓪᓗᑕ, ᓄᓕᐊᕗᓪᓗ ᕿᑐᕐᖓᕗᓪᓗ ᑐᖁᖃᓯᐅᑎᓗᑎᒃ? ᐱᐅᓂᕐᓴᐅᓕᓐᖏᓛᖅ ᐅᑎᕈᑦᑕ ᐄᑦᔨᑉᑎᒧᑦ?”

ᒨᓯᓯ ᓯᑕᒪᖏᑦ 14:31

ᕿᑐᕐᖓᓯᓕ ᑐᖁᑕᐅᓂᐊᕐᓂᕋᕐᑕᓯ ᐃᑎᕐᑎᓐᓂᐊᕐᐸᒃᑲ, ᓄᓇᒥᒃ ᖃᐅᔨᑦᓯᐊᕈᒫᕐᐳᑦ ᓇᕐᕈᒋᔭᑦᓯᓐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 2:39

ᑕᒪᓐᓇ ᐃᓕᑦᓯᓐᓄᑦ ᐊᖏᕈᑕᐅᓯᒪᕗᖅ ᕿᑐᕐᖓᑦᓯᓐᓄᓪᓗ ᐅᖓᓯᒃᑐᒦᑦᑐᓄᓪᓗ ᑕᒤᓐᓄᑦ, ᐊᑕᓂᐅᑉ ᒎᑎᑦᑕ ᐃᒻᒥᓄᑦ ᕾᖁᔭᓕᒫᖏᓐᓄᑦ.”

ᐃᓗᐊᕐᓮᔩᑦ ᐊᒡᓚᖏᑦ 20:26

ᑕᕝᕙ ᐃᓄᒋᐊᒃᑐᕐᔪᐊᑦ ᐃᓴᕆᐊᓕᒥᐅᓕᒫᑦ ᐅᓇᑕᕐᑐᒃᓮᑦ ᐂᕗᑦ ᐱᑎᓕᒧᑦ ᕿᐊᓪᓗᑎᒡᓗ; ᑍᑲᓂ ᐃᒃᓯᕙᕗᑦ ᐊᑕᓂᐅᑉ ᓵᖓᓂ ᓂᕆᑦᑍᓕᓪᓗᑎᒃ ᐅᓐᓄᒃ ᑎᑭᓪᓗᒍ. ᑐᓂᕐᕈᓯᓚᐅᕐᐳᑦ ᐃᑯᐊᓚᑎᑕᒃᓴᓂᒃ ᑐᓂᕐᕈᑎᓂᒡᓗ ᐃᑯᐊᓚᒋᐊᓕᖕᓂᒃ ᐃᓚᒌᑦᓯᐊᕐᓂᕐᒧᓪᓗ ᑐᓂᕐᕈᑎᓂᒃ ᐊᑕᓂᐅᑉ ᓵᖓᓂ.

ᓴᒧᐃᓕ ᓯᕗᓪᓖᑦ 7:6

ᑍᒤᒻᒪᑦ ᑲᑎᓚᐅᕐᐳᑦ ᒥᔅᐸᒥ, ᐃᒪᕐᒥᒃ ᖃᓗᓯᓪᓗᑎᒃ ᑯᕕᓪᓗᒍᓗ ᐂᑦᑑᑎᒋᓚᐅᕐᐹᑦ ᐊᑕᓂᕐᒧᑦ, ᓂᕆᑦᑍᓕᓚᐅᕐᐳᓪᓗ ᐅᓪᓗᒥ ᑕᕝᕙᓂ, ᐅᖃᕐᓗᑎᒡᓗ, “ᐊᑕᓂᕐᒧᑦ ᐊᔪᕐᑐᓕᓚᐅᕐᐳᒍᑦ.” ᑕᕝᕙᓂᓗ ᒥᔅᐸᒥ ᓴᒧᐃᓕᐅᑉ ᐃᓴᕆᐊᓕᒥᐅᑦ ᐃᓗᐊᖏᑦᔪᑎᖏᓐᓂᑦ ᐃᓱᐊᕐᓯᑎᓚᐅᕐᐰᑦ.