ᐄᓱᕋᐅᑉ ᐊᒡᓚᖏᑦ 10:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐅᑯᐊ ᑕᕝᕙ ᐊᖑᑏᑦ ᓄᓕᐊᖃᓚᐅᕐᑐᑦ ᐃᓅᖃᑎᒃᓴᔭᕆᓐᖏᑕᒥᖕᓂᒃ ᑐᓂᕐᕈᓯᕐᑎᑦᓯᔩᑦ, ᑎᑎᕋᕐᑕᐅᓯᒪᔪᑦ ᐃᓚᒌᖕᓂᖏᑎᒍᑦ: ᔩᓱᐊᑉ ᐃᓚᖏᑦ ᖃᑕᓐᖑᑎᖏᓪᓗ, ᔫᔭᑕᐅᑉ ᐃᕐᓂᖏᑦ ᖃᑕᓐᖑᑎᖏᓪᓗ, ᒫᓯᐊᒃᑯᑦ, ᐃᓔᓯᕆᒃᑯᑦ, ᔭᕆᑉᑯᑦ, ᒋᑕᓔᐊᒃᑯᓪᓗ.

ᐄᓱᕋᐅᑉ ᐊᒡᓚᖏᑦ 10:18 ပူးပေါင်းရင်းမြစ်များ

ᐄᓱᕋᐅᑉ ᐊᒡᓚᖏᑦ 10:17

ᑕᖅᑮᑦ ᓯᕗᓪᓕᕐᐹᖓᑕ ᐅᓪᓗᖓᑕ ᓯᕗᓪᓕᕐᐹᖓᓄᑦ ᑎᑭᓪᓗᒍ ᐱᔭᕇᓚᐅᕐᐳᑦ ᖃᐅᔨᓴᕐᑕᒥᖕᓂᒃ ᐊᖑᑎᓂᒃ ᑕᒤᓐᓂᒃ ᓄᓕᐊᓂᒃᓯᒪᔪᓂᒃ ᐃᓅᖃᑎᒃᓴᔭᕆᓐᖏᑕᒥᖕᓂᒃ.

ᐄᓱᕋᐅᑉ ᐊᒡᓚᖏᑦ 2:2

ᐊᖓᔪᖅᑳᕆᓚᐅᕐᑕᖏᑦ ᐅᑯᐊᖑᕗᑦ; ᔨᕈᐸᐱᐅᓪ, ᔩᓱᐊ, ᓂᕼᐃᒤᐊ, ᓯᕅᐊ, ᕇᓔᐊ, ᒧᐊᑎᑬ, ᐱᐅᓪᓵᓐ, ᒥᔅᐸ, ᐱᒡᕔ, ᕆᕼᐆᒻ, ᐹᓇᓗ. ᑖᒃᑯᐊ ᑕᕝᕙ ᐃᓚᒌᑦ ᐃᓴᕆᐊᓕᒥᐅᑦ, ᑖᒃᑯᐊᓗ ᐃᓚᒌᑦ ᐊᕕᒃᓯᒪᔪᑦ ᐅᑎᕐᑐᕕᓃᑦ ᐊᐅᓪᓚᕈᑦᔭᐅᓯᒪᕕᖕᒥᓂᑦ:

ᐄᓱᕋᐅᑉ ᐊᒡᓚᖏᑦ 2:36

ᐅᑯᐊ ᑕᕝᕙ ᐃᓚᒌᑦ ᑐᓂᕐᕈᓯᕐᑎᑦᓯᔩᑦ ᐅᑎᓚᐅᕐᑐᑦ ᐊᐅᓪᓚᕈᑦᔭᐅᓯᒪᕕᖕᒥᓂᑦ: ᔨᑍᐊᒃᑯᑦ ᔩᓱᐊᒃᑯᓪᓗ ᑭᖑᕚᕇᑦ 973ᖑᕗᑦ;

ᐄᓱᕋᐅᑉ ᐊᒡᓚᖏᑦ 3:2

ᔩᓱᐊᓗ ᔫᔭᑕᐅᑉ ᐃᕐᓂᖓ, ᑐᓂᕐᕈᓯᕐᑎᑦᓯᔨᐅᖃᑎᖏᓪᓗ, ᔨᕈᐸᐱᐅᓗ ᓯᐅᓪᑎᐅᓕᐅᑉ ᐃᕐᓂᖓ ᐃᓚᓂ ᐃᓚᒋᓪᓗᒋᑦ, ᐃᓴᕆᐊᓕᒥᐅᑦ ᒎᑎᖓᑕ ᑐᓂᕐᕈᓯᕕᖓᓂᒃ ᐋᖅᑭᒃᓱᐃᓚᐅᕐᐳᑦ, ᑐᓂᕐᕈᑎᓂᒃ ᐃᑯᐊᓪᓔᔪᓐᓇᕐᓯᖁᓪᓗᒋᑦ ᒎᑎᐅᑉ ᐃᓄᖁᑎᖓᑕ ᒨᓯᓯᐅᑉ ᐱᖁᔭᖏᑕ ᐱᖁᔨᓂᖏᑦ ᒪᓕᒡᓗᒋᑦ.

ᐄᓱᕋᐅᑉ ᐊᒡᓚᖏᑦ 3:8

ᑕᖅᑭᐅᑉ ᐂᑉᐸᖓᓂ ᐊᕐᕌᒎᑉ ᓯᕗᓪᓕᕐᐹᖓᓂ ᐅᑎᓚᐅᕐᑎᓪᓗᒋᑦ ᑐᒃᓯᐊᕐᕕᖕᒧᑦ ᔨᕉᓴᓕᒧᑦ, ᐱᓇᓱᐊᕆᐊᓯᓚᐅᕐᐳᑦ, ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓ, ᔩᓱᐊᓗ ᔫᔭᑕᐅᑉ ᐃᕐᓂᖓ, ᐊᓯᓕᒫᖏᓪᓗ ᓄᓇᖅᑲᑎᖏᑦ ᑐᓂᕐᕈᓯᕐᑎᑦᓯᔩᓪᓗ ᓕᕔᑎᓪᓗ, ᐊᓯᓕᒫᖏᓪᓗ ᐊᐅᓚᕈᑦᔭᐅᓯᒪᔪᕕᓃᑦ ᐅᑎᓚᐅᕐᑐᑦ ᔨᕉᓴᓕᒧᑦ, ᐃᑲᔪᕐᑎᒌᒃᓗᑎᒃ ᐱᓇᓱᐊᓕᓚᐅᕐᐳᑦ, ᓕᕔᑎᓕᒫᑦ ᐊᕐᕌᒍᓖᑦ 20ᓂᒃ ᐅᖓᑖᓂᓗ ᑲᒪᔨᐅᑎᑕᐅᓚᐅᕐᐳᑦ ᑐᒃᓯᐊᕐᕕᖕᒥᒃ ᓴᓇᒋᐊᓕᕐᑎᓪᓗᒋᑦ.

ᐄᓱᕋᐅᑉ ᐊᒡᓚᖏᑦ 5:2

ᑕᕝᕙ ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓ ᔩᓱᐊᓗ ᔫᔭᑕᐅᑉ ᐃᕐᓂᖓ ᐅᖃᐅᓯᕐᓂᒃ ᑐᓴᕋᒥᒃ, ᑐᒃᓯᐊᕐᕕᖕᒥᒃ ᓴᓇᒋᐊᓪᓚᓯᓚᐅᕐᐳᑦ ᔨᕉᓴᓕᒦᑦᑐᒥᒃ, ᑖᒃᑯᐊᒡᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᒃ ᐃᑲᔪᓚᐅᕐᐴᒃ.

ᐄᓱᕋᐅᑉ ᐊᒡᓚᖏᑦ 9:1

ᑕᒪᒃᑯᐊᓕᒫᑦ ᐱᔭᕇᕐᑕᐅᑎᓪᓗᒋᑦ, ᐃᓴᕆᐊᓕᒥᐅᑦ ᐃᓄᖏᑦᑕ ᓯᕗᓕᕐᑎᖏᑦᑕ ᐃᓚᖏᓐᓄᑦ ᐅᖃᐅᑦᔭᐅᓚᐅᕐᐳᖓ ᐃᓄᐃᑦ, ᑐᓂᕐᕈᓯᕐᑎᑦᓯᔩᑦ, ᓕᕔᑏᓪᓗ ᐃᒻᒥᖕᓂᒃ ᐊᑦᔨᐅᖏᑦᑑᑎᓯᒪᖏᒻᒪᑕ ᐃᓄᖕᓂᑦ ᓯᓚᖅᑲᑎᒥᖕᓂᑦ ᐅᑯᓇᓐᖓᑦ ᐊᒧᓁᑎᒃᑯᓂᑦ, ᒧᐊᐱᒥᐅᓂᓪᓗ, ᐄᑦᔨᑉᑎᒥᐅᓂᓪᓗ, ᐅᑯᓇᓐᖓᓪᓗ ᑬᓇᓂᒥᐅᓂᑦ, ᕼᐃᑍᑎᒥᐅᓂᑦ, ᐱᕆᔧᑎᒥᐅᓂᑦ, ᔨᐳᓮᑎᒥᐅᓂᑦ, ᐊᒧᕅᑎᒥᐅᓂᓪᓗ. ᑖᒃᑯᐊ ᑍᒫᑦᓮᓐᓇᖅ ᐱᐅᖏᑦᑐᓂᒃ ᐃᓅᓯᖃᕐᒪᑕ ᐃᓅᖃᑎᖏᑕ ᐱᐅᓯᖏᑎᑐᑦ.

ᐄᓱᕋᐅᑉ ᐊᒡᓚᖏᑦ 9:2

ᐊᖑᑏᑦ ᔫᑎᑦ ᓄᓕᐊᓂᒃᓯᒪᖕᒪᑕ ᐃᓅᖃᑎᒃᓴᔭᕆᓐᖏᑕᒥᖕᓂᒃ ᐊᕐᓇᓂᒃ, ᒎᑎᐅᓪᓗ ᐃᓄᖁᑎᖏᑦ ᐃᑦᔪᕐᓁᑦᑐᑦ ᓱᕈᕐᑕᐅᓯᒪᖕᒪᑕ, ᓯᕗᓕᕐᑏᑦ ᐱᓇᓱᐊᕐᑏᓪᓗ ᐊᖓᔪᖅᑳᖏᑦ ᓱᕅᓂᕐᐸᐅᓯᒪᕗᑦ.

ᓂᕼᐃᒤᐊᐅᑉ ᐊᒡᓚᖏᑦ 12:10

ᔩᓱᐊ ᐃᕐᓂᖃᓚᐅᕐᐳᖅ ᔪᐃᐊᑭᒥᒃ, ᔪᐃᐊᑭᒥᓗ ᐃᕐᓂᖃᓚᐅᕐᐳᖅ ᐃᓔᐊᓯᑉᒥᒃ, ᐃᓕᐊᓯᐱᓗ ᐃᕐᓂᖃᓚᐅᕐᐳᖅ ᔪᐃᐊᑕᒥᒃ,

ᓂᕼᐃᒤᐊᐅᑉ ᐊᒡᓚᖏᑦ 13:28

ᐃᓔᐊᓯᐅᑉ ᑐᓂᕐᕈᓯᕐᑎᑦᓯᔨᐅᑉ ᐃᕐᓂᖓᑕ ᐃᓚᖓᑦ, ᔨᕼᐅᐃᐊᑕ ᓴᓐᐸᓪᓛᑎᐅᑉ ᕼᐅᕈᓁᑎᐅᑉ ᓂᖓᐅᒋᓚᐅᕐᒪᒍ; ᑍᒤᒻᒪᑦ ᑕᕝᕙᓐᖓᑦ ᐊᐅᓪᓚᕐᑎᓚᐅᕐᐸᕋ.

ᓂᕼᐃᒤᐊᐅᑉ ᐊᒡᓚᖏᑦ 8:4

ᐄᓱᕋᓕ ᓇᖏᓚᐅᕐᐳᖅ ᐳᕐᑐᓯᒋᐊᕐᓯᒪᔪᒥ ᕿᔪᖕᒥᒃ ᓇᑎᓕᖕᒥ ᓴᓇᔭᐅᓯᒪᔪᒥᒃ ᓇᓪᓕᐅᓂᖅ ᐱᑦᔪᑎᒋᓪᓗᒍ; ᐅᑯᐊ ᐊᖑᑎᑦ ᑕᓕᕐᐱᐊᓂ ᓇᖏᓚᐅᕐᐳᑦ: ᒪᑎᑍᐊ, ᓰᒪ, ᐊᓁᐊ, ᔪᕅᐊ, ᕼᐅᓪᑬᐊ, ᒫᓯᐊᓗ; ᐅᑯᐊᓗ ᓴᐅᒥᐊᓂ ᓇᖏᓚᐅᕆᕗᑦ; ᐱᑍᐊ, ᒥᓮᐅᓪ, ᒪᓪᑬᔭ, ᕼᐊᓲᒻ, ᕼᐊᓱᐸᑖᓇ, ᓴᑲᕅᐊ, ᒥᓱᓚᒻᓗ.

ᓂᕼᐃᒤᐊᐅᑉ ᐊᒡᓚᖏᑦ 8:7

ᒪᑭᓐᓇᒥᒡᓗ ᓇᖏᓕᕐᐳᑦ ᐃᓂᒋᔭᒥᖕᓂ, ᓕᕔᑎᓪᓗ ᓇᓗᓁᕐᓯᓚᐅᕐᐳᑦ ᐱᖁᔧᑦ ᑐᑭᖏᓐᓂᒃ ᐃᓄᖕᓄᑦ ᐅᑯᐊᖑᓪᓗᑎᒃ: ᔩᓱᐊ, ᐹᓂ, ᓯᕆᐰᐊ, ᔭᒥᓐ, ᐊᑯᑉ, ᓴᐱᑍ, ᕼᐅᑍᐊ, ᒫᓯᐊ, ᑭᓔᑕ, ᐊᔭᕅᐊ, ᔫᓴᐸᑦ, ᕼᐊᓇᓐ, ᐱᓔᐊᓗ.

ᔨᕆᒤᐊᐅᑉ ᐊᒡᓚᖏᑦ 23:10

ᓄᓇᓕᓕᒫᖅ ᓈᖕᒪᑦ ᐊᓯᓐᓂᐊᕐᑎᓂᒃ; ᓇᕐᕈᓇᕐᓯᑎᑕᐅᓂᕐᒧᑦ ᓄᓇ ᕿᒃᓵᒃᐳᖅ, ᓇᑎᕐᓁᓪᓗ ᐃᕕᒃᓱᒐᖏᑦ ᑐᖁᓕᕗᑦ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᐱᐅᖏᑦᑐᓕᓂᕐᒥᒃ ᐃᓅᓯᖃᓕᕐᒪᑕ ᐱᔪᓐᓇᕐᓂᑎᒡᓗ ᐊᑐᕐᓂᕐᓗᓕᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 23:11

“ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ, ᑐᓂᕐᕈᓯᕐᑎᑦᓯᔩᓪᓗ ᒎᑎᖃᕈᓐᓃᕐᐳᑦ; ᐃᒡᓗᓐᓂᓘᓐᓃᑦ ᐱᐅᖏᑦᑐᓕᓂᖏᑦ ᑕᑯᒃᓴᐅᓕᕐᐳᑦ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 23:14

ᔨᕉᓴᓕᒥᐅᓂᓗ ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᐅᔪᓂᒃ ᐱᐅᖏᓐᓂᕐᓴᓂᒃ ᑕᑯᓯᒪᕗᖓ, ᐊᓯᓐᓂᐊᖃᑦᑕᕐᒪᑕ ᐃᓅᓯᖃᓕᕐᓗᑎᒡᓗ ᓱᓕᖏᑦᑐᒥᒃ; ᐱᐅᖏᑦᑐᓕᔪᓂᒃ ᐃᑲᔪᕐᑐᐃᑐᐃᓐᓇᖃᑦᑕᓕᕐᐳᑦ, ᐱᐅᖏᑦᑐᓕᓂᕐᒥᖕᓂᑦ ᓵᒋᐊᕐᑐᖃᕈᓐᓇᕈᓐᓃᕐᐳᖅ; ᓱᑑᒪᒥᐅᓄᑦ ᐊᑦᔨᒋᔭᐅᑎᓕᕐᐸᒃᑲ, ᐃᓄᖏᓪᓗ ᒍᒨᕋᒥᐅᑎᑐᑦ ᑍᒤᓕᕐᓗᑎᒃ.”

ᐃᓯᑭᐊᓕᐅᑉ ᐊᒡᓚᖏᑦ 44:22

ᓄᓕᐊᓂᒃᑐᒃᓴᐅᓐᖏᓚᓪᓗ ᐅᐃᒡᒐᕐᓂᑯᒥᒃ, ᐊᕕᑦᑎᓯᒪᔪᒥᒡᓘᓐᓃᑦ, ᐊᖑᒻᒧᓪᓕ ᐊᒃᑐᕐᑕᐅᓚᐅᕐᓯᒪᖏᑦᑐᒥᒃ ᓄᓕᐊᓂᒃᑐᒃᓴᐅᕗᑦ ᐃᓴᕆᐊᓕᒥᐅᑦ ᑭᖑᕚᖏᓐᓂᑦ, ᐅᕝᕙᓗ ᐅᐃᒡᒐᕐᓂᕐᒥᒃ ᑐᓂᕐᕈᓯᕐᑎᑦᓯᔨᐅᑉ ᓄᓕᐊᕕᓂᖓᓂᒃ.

ᒨᓯᓯ ᐱᖓᔪᖏᑦ 21:7

ᑐᓂᕐᕈᓯᕐᑎᑦᓯᔩᑦ ᓄᓕᐊᕐᑖᕐᑐᒃᓴᐅᓐᖏᓚᑦ ᐊᕐᓇᒥᒃ ᑮᓇᐅᔭᓕᐅᕐᓂᕐᒧᑦ ᓄᓕᐊᒐᐅᕙᒃᑐᕕᓂᕐᒥᒃ, ᐅᐃᖃᕐᓯᒪᔪᒥᒡᓘᓐᓃᑦ ᐅᕝᕙᓘᓐᓃᑦ ᐅᐃᒥᓂᒃ ᐊᕕᖃᑎᖃᕐᓯᒪᔪᒥᒃ, ᑐᓂᕐᕈᓯᕐᑎᑦᓯᔩᑦ ᒎᑎᒥᖕᓄᑦ ᐃᑦᔪᕐᓁᑦᓴᕆᐊᖃᕐᒪᑕ.

ᕼᐊᒊᑉ ᐊᒡᓚᖏᑦ 1:1

ᐊᖓᔪᖅᑳᕐᔪᐊᖅ ᑍᕉᓯ ᐴᕐᓯᐊᒥᐅᑕᖅ ᐊᐅᓚᑦᓯᓕᕐᑎᓪᓗᒍ, ᐊᕐᕌᒎᑉ ᐂᑉᐸᖓᓂ ᑕᖅᑮᑦ ᐱᖓᓲᔪᕐᑐᖓᓐᓂ, ᑕᖅᑭᐅᑉ ᐱᒋᐊᕐᓂᖓᑕ ᐅᓪᓗᖏᑕ ᓯᕗᓪᓕᕐᐹᖓᓂ, ᐊᑕᓂᐅᑉ ᐅᖃᐅᓯᖓ ᐅᖃᕐᑎᖓᒍᑦ ᕼᐊᒊᒃᑰᕐᐳᖅ ᔨᕈᐸᐱᐅᓪᒧᑦ ᓯᐅᓪᑎᐅᑉ ᐃᕐᓂᖓᓄᑦ, ᐊᐅᓚᑦᓯᔨᒧᑦ ᔫᑕᒥ, ᔮᓱᐊᒧᓪᓗ ᔨᕼᐅᔭᑕᐅᑉ ᐃᕐᓂᖓᓄᑦ, ᑐᓂᕐᕈᓯᕐᑎᑦᔨᓰᑦ ᐊᖓᔪᖅᑳᖓᓐᓄᑦ.

ᕼᐊᒊᑉ ᐊᒡᓚᖏᑦ 1:12

ᑕᕝᕙ ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓ, ᔮᓱᐊᓗ ᔨᕼᐅᔭᑕᐅᑉ ᐃᕐᓂᖓ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖅ, ᐃᓄᐃᓪᓗ ᐊᒥᐊᒃᑯᐃᑦ ᓈᓚᓚᐅᕐᐳᑦ ᐊᑕᓂᐅᑉ ᒎᑎᖓᑦᑕ ᓂᐱᖓᓂᒃ, ᕼᐊᒊᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐅᖃᐅᓯᖏᓐᓂᒃ, ᐊᑕᓂᐅᑉ ᑖᓐᓇ ᑎᓕᓚᐅᕐᒪᒍ, ᐃᓄᐃᓪᓗ ᓯᕘᕋᓕᕐᐳᑦ ᐊᑕᓂᐅᑉ ᓇᔫᑎᓂᖓᓂᒃ.

ᕼᐊᒊᑉ ᐊᒡᓚᖏᑦ 2:4

ᐊᑕᓂᖅ ᐅᖃᕐᐳᖅ, ᒫᓐᓇ ᓴᐱᕐᑍᓕᒋᑦ ᔨᕈᐸᐱᐅᓪ, ᓴᐱᕐᑍᓕᒋᓪᓗ ᔮᓱᐊ ᔨᕼᐅᔭᑕᐅᑉ ᐃᕐᓂᖓ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦ; ᓴᐱᕐᑍᓕᒋᑦᓯ ᐃᓅᖃᑎᒌᓕᒫᖑᔪᓯ ᑕᒫᓂ ᓄᓇᖃᕐᑐᓯ, ᐱᓇᓱᐊᑦᓯᐊᕆᑦᓯ ᐃᓚᒋᕙᑦᓯ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 3:1

ᓱᓕ ᑕᑯᑎᑦᔪᑎᐅᑉ ᐊᓯᐊᓂᒃ ᐊᑕᓂᐅᑉ ᑕᑯᑎᒃᑭᕚᖓ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓂᒃ ᔮᓱᐊᒥᒃ ᓇᖏᕐᑐᒥᒃ ᐊᑕᓂᐅᑉ ᐂᖏᓕᖓᑕ ᓵᖓᓂ. ᔮᓱᐊᓪᓗ ᑕᓕᕐᐱᐊᓂ ᓵᑖᓇᓯ ᓇᖏᕆᕗᖅ, ᑖᑦᓱᒥᖓ ᐸᓯᒃᓯᕈᒪᓪᓗᓂ

ᓴᑲᕅᐊᐅᑉ ᐊᒡᓚᖏᑦ 6:11

ᑖᒃᑯᐊ ᑐᓂᕐᕈᑎᖏᓐᓂᒃ ᓯᐅᓪᕕᕆᓂᒃ ᒎᓗᓂᒡᓗ ᓂᐊᖂᑎᓕᐅᕆᑦ, ᐃᓕᓗᒍᓗ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓄᑦ ᔮᓱᐊᒧᑦ ᔨᕼᐅᔭᑕᐅᑉ ᐃᕐᓂᖓᓄᑦ.

ᑎᒧᑎᒧᑦ ᓯᕗᓪᓖᑦ 3:11

ᓄᓕᐊᖏᑦᑕᐅᖅ ᑍᒫᑦᓮᓐᓇᖅ ᐃᓕᖅᑯᓯᖏᑦ ᐅᐱᒋᔭᐅᔪᒃᓴᐅᕗᑦ, ᐃᓅᖃᓐᓂᐊᕐᑎᐅᖏᓪᓗᑎᒃ, ᐃᓱᒪᖃᑦᓯᐊᕐᓗᑎᒃ, ᑕᒤᑎᒍᓪᓗ ᐅᒃᐱᕆᔭᒃᓴᐅᑦᓯᐊᕐᓗᑎᒃ.