ᐃᓯᑭᐊᓕᐅᑉ ᐊᒡᓚᖏᑦ 7:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ “ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐊᓯᕈᕐᑕᐅᓇᕐᑐᑦ ᑭᖑᓕᕇᒃᑕᕐᓗᑎᒃ ᐃᓕᑦᓯᓐᓄᑦ ᑎᑭᓕᕐᐳᑦ!

ᐃᓯᑭᐊᓕᐅᑉ ᐊᒡᓚᖏᑦ 7:5 ပူးပေါင်းရင်းမြစ်များ

ᓇᕼᐅᒥᐅᑉ ᐊᒡᓚᖏᑦ 1:9

ᓱᖕᒪᑦ ᐃᓱᒪᒃᓴᕐᓯᐅᕋᓱᒃᐱᓰ ᐊᑭᕋᕐᑐᕈᒪᓪᓗᓯ ᐊᑕᓂᕐᒧᑦ? ᑖᑦᓱᒪ ᓄᖑᑦᓱᒫᕐᐹᓯ; ᓇᓪᓕᐊᑦ ᐊᑕᐅᓯᐊᖏᓪᓗᓂ ᐊᑭᒪᔪᓐᓇᖏᒻᒪᑦ ᑖᑦᓱᒥᖓ.

ᐃᓯᑭᐊᓕᐅᑉ ᐊᒡᓚᖏᑦ 5:9

ᓇᕐᕈᒋᔭᓐᓂᒃ ᐃᓕᖅᑯᓯᖃᖃᑦᑕᕐᓯᒪᓂᑦᓯᓐᓄᑦ ᓱᒋᐊᕐᓂᐊᕐᐸᑦᓯ ᐊᑐᓚᐅᕐᓯᒪᓐᖏᑕᓐᓂᒃ, ᑍᒫᒡᓗ ᓱᒋᐊᕐᓯᒃᑲᓐᓂᕐᓂᐊᕐᓇᖓ ᑭᖑᓂᖓᒍᑦ.

ᒫᑎᐅᓯᐅᑉ ᐊᒡᓚᖏᑦ 24:21

ᑲᑉᐱᐊᓇᕐᑐᖅ ᑕᒪᓐᓇ ᐊᑦᔨᖃᕐᕈᒫᖏᒻᒪᑦ ᐊᑐᕐᓯᒪᔭᑦᓯᓐᓂᑦ, ᓯᓚᕐᔫᑉ ᐱᒋᐊᕐᓂᖓᓂᑦ ᐅᓪᓗᒥᒧᑦ ᑎᑭᓪᓗᒍ, ᐊᑦᔨᖃᕐᓂᐊᖏᓚᖅ ᑕᒪᑐᒪ ᑭᖑᕐᖓᒍᑦ.

ᐂᒨᓯᐅᑉ ᐊᒡᓚᖏᑦ 3:2

“ᐃᓚᒌᒃᑐᓕᒫᓂᑦ ᓄᓇᕐᔪᐊᒥ ᖃᓂᒋᔭᑐᐊᕆᓯᒪᕙᑦᓯ; ᑍᒤᒻᒪᑦ ᐊᔪᕐᑐᓕᓂᓯ ᒪᓕᒡᓗᒋᑦ ᓱᒋᐊᕐᓂᐊᕐᐸᑦᓯ.”

ᑖᓂᐊᓕᐅᑉ ᐊᒡᓚᖏᑦ 9:12

ᐅᖃᐅᓯᕐᑎᑦ ᓈᒻᒪᒃᓴᖏᓐᓂᑎᓪᓗ ᐅᕙᑦᑎᓐᓂᒃ ᐊᐅᓚᑦᓯᔨᑦᑎᓐᓂᒡᓗ ᑲᔪᓯᓯᒪᖕᒪᑕ ᖁᕕᐊᓇᖏᑦᑐᓄᑦ ᐅᒡᒍᐊᕐᓇᕐᑐᓄᑦ ᑎᑭᓯᒪᕗᒍᑦ. ᕿᓚᐅᑉ ᐊᑖᓂ ᔨᕉᓴᓕᐅᑉ ᐱᓂᐊᕐᕕᐅᓯᒪᓂᖓᑐᑦ ᐱᔭᐅᔪᖃᓚᐅᕐᓯᒪᓐᖏᓚᖅ.

ᒨᓯᓯ ᑕᓪᓕᒪᖏᑦ 32:35

ᐊᑭᓂᐊᕐᓂᖅ ᐱᒋᕙᕋ, ᐊᑭᒪᓂᕐᓗ, ᐹᓪᓚᒡᕕᒃᓴᖓᑦ ᓇᓪᓕᐅᑎᓕᕐᐳᖅ; ᐊᓯᕈᕐᑕᐅᓂᒃᓴᖓᑕᓗ ᐅᓪᓗᖓ ᑎᑭᓕᕐᐳᖅ, ᐊᓯᕈᕐᑕᐅᕕᒃᓴᖓᑦ ᐊᑯᓂᐅᔪᓐᓃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 7:2

“ᐃᕝᕕᑦ, ᐃᓅᑉ ᐃᕐᓂᖓ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ ᐃᓴᕆᐊᓕᒥᐅᓄᑦ: ᐃᓱᓕᑉᐳᖅ! ᓄᓇᓕᒫᖅ ᐃᓘᓐᓈᑦ ᐃᓱᓕᕝᕕᒃᓴᒥᓄᑦ ᑎᑭᑉᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 7:12

“ᓇᓪᓕᐅᑦᑐᒃᓴᖅ ᓇᓪᓕᐅᑎᕗᖅ, ᐅᓪᓗᖅ ᑎᑭᓕᕐᐳᖅ. ᓂᐅᕕᕐᐸᒃᑐᖅ ᖁᕕᐊᓱᖕᓂᐊᕋᓂ, ᓂᐅᕐᕈᑎᖃᕐᐸᒃᑐᕐᓗ ᕿᒃᓵᖕᓂᐊᕋᓂ, ᓂᓐᖓᐅᓯᐅᑉ ᐃᓄᒐᓴᒡᔪᐊᓕᒫᑦ ᑎᑭᑦᓱᒫᕐᒪᒋᑦ.

ᔨᐸᓁᐊᐅᑉ ᐊᒡᓚᖏᑦ 1:18

ᓯᐅᓪᕕᕆᖁᑎᖏᑕ ᒎᓗᖁᑎᖏᑕᓘᓐᓃᑦ ᐱᐅᓕᔭᐅᔪᓐᓇᕈᒫᓐᖏᓔᑦ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓂ. ᓄᓇᕐᔪᐊᓕᒫᖅ ᓄᖑᑕᐅᔪᒫᕐᐳᖅ ᓯᒡᒐᑦᔨᓂᕐᒥᓄᑦ ᓂᓐᖓᐅᒪᓂᖓᑕ ᐃᑯᐊᓚᓂᖓᓄᑦ; ᑲᑉᐱᐊᓇᒃᑲᓐᓂᕐᕕᖃᖏᑦᑐᒧᑦ ᑕᕝᕔᓐᓇᖅ ᓄᖑᑦᓱᒫᕐᐰᑦ ᓄᓇᕐᔪᐊᕐᒥᐅᓕᒫᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:21

ᐱᓂᕐᓗᖕᓃᑦ ᐊᔪᕐᑐᓕᔪᓂᒃ ᒪᓕᒃᐳᑦ, ᐃᓱᐊᕐᑐᓪᓕ ᐱᐅᔪᒥᒃ ᐊᑭᓕᕐᑕᐅᑦᔪᑎᖃᕐᓂᐊᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:16

ᐃᓱᐊᕐᑐᓕᔪᖅ 7ᐃᕐᑐᕐᓗᓂ ᐅᕐᕈᒐᓗᐊᕈᓂ, ᒪᑭᖃᑦᑕᕐᓂᐊᕐᒪᑦ, ᐱᐅᖏᑦᑐᓕᔪᕐᓕ ᐅᕐᕈᑎᑕᐅᕗᖅ ᑲᑉᐱᐊᓇᕐᑐᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 21:12

ᑭᐅᓚᐅᕐᐸᕋ, “ᐅᓪᓛᖅ ᑎᑭᓕᕐᐳᖅ, ᑭᓯᐊᓂ ᐅᓐᓄᖕᓂᐊᕆᕗᖅ, ᐊᐱᕐᓱᕈᒪᒍᕕᖓ ᐅᑎᕐᓂᐊᕐᐳᑎᑦ ᐊᐱᕆᔭᕐᑐᕐᓗᖓ.”

ᔨᕆᒤᐊᐅᑉ ᐊᒡᓚᖏᑦ 19:3

ᐅᖃᕐᓗᑎᑦ, ‘ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᐅᒃ, ᔫᑕᒧᑦ ᐊᖓᔪᖅᑳᕐᔪᐊᖑᔪᓯ ᔨᕉᓴᓕᒥᐅᑕᐅᔪᓯᓗ, ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᑕᑯᒋᑦ, ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᓂᐊᕐᐳᖓ ᑕᒪᐅᖓ, ᑐᓴᕐᑐᓪᓗ ᖁᐊᕐᓵᖓᓂᐊᕐᐳᑦ.

ᔪᐃᓕᐅᑉ ᐊᒡᓚᖏᑦ 1:15

ᐊᑕᓂᐅᑉ ᐅᓪᓗᖓ ᖃᒡᓕᕗᖅ; ᑎᑭᓐᓂᐊᕐᐳᖅ ᐊᓯᕈᐃᔭᕐᑐᕐᑐᑐᑦ ᐊᔪᒐᖃᖏᑦᑐᕐᔪᐊᕐᒥᓐᖔᕐᓗᓂ.