ᐃᓯᑭᐊᓕᐅᑉ ᐊᒡᓚᖏᑦ 7:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐊᖓᔪᖅᑳᕐᔪᐊᑦ ᕿᒃᓵᒃᑎᑕᐅᔪᒫᕐᐳᑦ, ᐃᕐᓂᖏᓪᓗ ᓴᐱᓕᕈᒫᕐᐳᑦ, ᐃᓄᐃᓪᓗ ᓄᓇᒦᑦᑐᑦ ᐃᕐᓯᓂᕐᒧᑦ ᓴᔪᒃᓱᓕᕈᒫᕐᐳᑦ. ᐱᓂᐊᕐᓂᖏᑦ ᒪᓕᒡᓗᒋᑦ ᐱᓂᐊᕐᕕᒋᔪᒫᕐᐸᒃᑲ, ᐃᖅᑲᕐᑐᐃᓂᖏᑦ ᒪᓕᒡᓗᒋᑦ ᐃᖅᑲᕐᑐᕈᒫᕐᐸᒃᑲ; ᖃᐅᔨᖁᓪᓗᒋᑦ ᐅᕙᖓ ᐊᑕᓂᐅᒐᒪ.”

ᐃᓯᑭᐊᓕᐅᑉ ᐊᒡᓚᖏᑦ 7:27 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 20:28

ᒎᑎᐅᑉ ᐃᓄᖁᑎᖓ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᓄᐊᕋᒥ ᐅᖃᐅᑎᕚ, “ᐊᑕᓂᖅ ᐃᒫᖅ ᐅᖃᕐᐳᖅ, ‘ᓯᕆᐊᒥᐅᑦ ᐃᒫᒃ ᐅᖃᓚᐅᕐᒪᑕ, “ᐊᑕᓂᖅ ᒎᑎᐅᕗᑦ ᖃᖅᑲᒥᐅᓄᑦ ᓇᕐᓴᒥᐅᓄᓪᓕ ᒎᑎᐅᓐᖏᓚᖅ,” ᑍᒤᒻᒪᑦ ᑖᒃᑯᐊ ᐅᓄᕐᑐᕐᔪᐊᑦ ᐃᓕᖕᓄᑦ ᑐᓂᓂᐊᕐᐸᒃᑲ, ᖃᐅᔨᖁᓪᓗᑎᑦ ᐅᕙᖓ ᐊᑕᓂᐅᒐᒪ.’”

ᔫᐱᐅᑉ ᐊᒡᓚᖏᑦ 8:22

ᐃᓕᑦᓯᓐᓂᒃ ᐆᒥᓱᒃᑐᑦ ᑲᓐᖑᓱᖕᓂᕐᒥᒃ ᐊᓐᓄᕌᕐᑎᑦᓱᒫᕐᐰᑦ, ᐱᐅᖏᑦᑐᓕᔪᓪᓗ ᐊᖏᕐᕋᖏᑦ ᓄᖑᑦᓱᒫᕐᐰᑦ ᐊᓯᐅᑎᓪᓗᒋᑦ.”

ᐃᓐᖏᕈᑎᑦ 109:18

ᓯᕗᓂᕐᓗᖁᔨᓂᕐᒥᒃ ᐊᑐᖃᑦᑕᓚᐅᕐᒪᑦ ᐊᓐᓄᕌᕐᓯᒪᔪᕐᑎᑐᑦ, ᑕᒪᓐᓇ ᑎᒥᖓᓄᑦ ᑎᑭᐅᑎᓚᐅᕐᓕ ᐃᒥᕐᒧᑦ ᑭᓂᑕᐅᓯᒪᔪᑐᑎᑐᑦ, ᐅᕐᓱᑎᑐᓪᓗ ᓴᐅᓂᖏᓐᓄᑦ ᐃᑦᓮᔪᑎᑐᑦ!

ᐃᓐᖏᕈᑎᑦ 109:19

ᐊᓐᓄᕌᕐᓯᒪᔪᑎᑐᑦ ᑎᒥᖓ ᐅᓕᒃᑕᐅᓚᐅᕐᓕ ᑕᒪᑐᒧᖓ, ᑕᑦᓯᕈᑎᑎᑐᓪᓗ ᐊᒃᑐᐊᔭᐅᖏᓐᓇᓚᐅᕐᓕ ᖃᐅᑕᒫᑦ ᑕᑦᓯᕈᓯᖃᑦᑕᕐᓂᕐᒥᑐᑦ!

ᐃᓐᖏᕈᑎᑦ 109:29

ᐊᑭᕋᕐᑐᕐᑎᒃᑲ ᑲᓐᖑᓱᒃᑎᑕᐅᓂᕐᒥᒃ ᐊᓐᓄᕌᕐᑎᑕᐅᓚᐅᕐᓕᑦ, ᓇᓗᓕᕐᓂᕐᒧᑦ ᐅᓕᒃᑕᐅᓚᐅᕐᓕᑦ, ᑕᒪᑐᒥᖓ ᕿᐱᒃᓯᒪᔪᑎᑐᑦ.

ᐃᓐᖏᕈᑎᑦ 35:26

ᑲᓐᖑᓇᕐᑐᒦᓕᕐᓕᑦ ᐊᑕᐅᑦᓯᒃᑯᑦ ᓇᓗᓕᕐᓇᕐᑐᒦᓪᓗᑎᒃ ᐋᓐᓂᐊᓂᓐᓂᒃ ᖁᕕᐊᓱᒍᑎᖃᕐᑐᓕᒫᑦ; ᐊᓐᓄᕌᓯᒪᓕᕐᓕᑦ ᑲᓐᖑᓱᒃᑎᑕᐅᓂᕐᒥᒃ ᐅᐱᒋᔭᐅᖏᓐᓂᕐᒥᒡᓗ ᐃᒻᒥᖕᓂᒃ ᐊᖏᔪᕈᕐᑎᑦᑐᓕᒫᑦ ᐱᑦᔪᑎᒋᓪᓗᖓ.

ᐃᓐᖏᕈᑎᑦ 9:16

ᐊᑕᓂᖅ ᖃᐅᔨᒪᔭᐅᕗᖅ ᐃᖅᑲᕐᑐᐃᓂᖏᑕ ᐱᓂᐊᕐᓂᖏᑎᒍᑦ; ᐱᐅᖏᑦᑐᓕᔪᑦ ᓂᒐᕐᓯᒪᕗᑦ ᓇᖕᒥᓂᖅ ᐊᒡᒐᖕᒥᖕᓄᑦ ᓴᓇᓯᒪᔭᒥᖕᓄᑦ. ᐃᓱᒪᒃᓴᕐᓯᐅᕐᓂᖅ ᑐᒃᓯᐊᕐᓂᒃᑯᑦ. ᓰᓚ

ᐂᓮᐊᓯᐅᑉ ᐊᒡᓚᖏᑦ 3:11

ᑲᑉᐱᐊᓐᓇᒦᒃ ᐸᓯᔭᒃᓴᐅᔪᖅ! ᑖᓐᓇ ᐱᐅᖏᑦᑐᐊᓗᖕᒥᒃ ᓯᕗᓂᖃᕐᒪᑦ, ᐊᒡᒐᖏᑕ ᐱᓂᐊᕐᓯᒪᔭᖏᑦ ᑖᑦᓱᒧᖓ ᐊᑭᓕᐅᑕᐅᔪᒫᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 14:23

ᑖᒃᑯᐊ ᐃᓕᑦᓯᓐᓂᒃ ᒪᓂᒍᐃᒃᐸᑕ, ᐱᐅᓯᖏᑦ ᐱᓂᐊᕐᓂᖏᓪᓗ ᑕᑯᒍᑦᓯᒋᒃ; ᖃᐅᔨᓕᕈᒫᕐᐳᓯ ᐱᓂᐊᕐᓂᕆᓯᒪᔭᓕᒫᒃᑲ ᐱᑦᔪᑎᖃᑦᓯᐊᖏᓪᓗᑎᒃ ᐱᓯᒪᖏᓐᓂᖏᓐᓂᒃ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 18:30

“ᑍᒤᒻᒪᑦ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᑦ ᐅᖃᐅᑎᕙᑦᓯ, ᐃᓕᑦᓯ ᐊᑐᓂᑦ ᐃᓕᖅᑯᓯᓯ ᒪᓕᒡᓗᒋᑦ ᐃᖅᑲᕐᑐᕐᓂᐊᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ. ᓵᒋᐊᕆᑦᓯ ᐱᐅᖏᑦᑐᓕᓂᓯ ᕿᒪᒡᓗᒋᑦ, ᐊᔪᕐᑐᓕᓂᕐᒧᑦ ᑐᖁᔪᒃᓴᓐᖑᖁᓇᓯ.

ᐃᓯᑭᐊᓕᐅᑉ ᐊᒡᓚᖏᑦ 21:25

ᐱᐅᖏᑦᑐᕐᔪᐊᖑᓪᓗᑎᑦ ᐊᖓᔪᖅᑳᖑᒐᕕᑦ ᐃᓴᕆᐊᓕᒥᐅᓄᑦ, ᐅᓪᓗᖅ ᑭᖑᓪᓕᕐᐹᖅ ᓱᒋᐊᕐᑕᐅᕕᒃᓮᑦ ᓇᓪᓕᐅᑎᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 26:16

ᑕᕝᕙ ᓯᒡᔭᒥᐅᑦ ᐊᖓᔪᖅᑳᕐᔪᐊᖏᑦ ᐃᒃᓯᕙᐅᑕᕐᔪᐊᕐᒥᖕᓂᒃ ᕿᒤᔪᒫᕐᐳᑦ, ᐊᓐᓄᕌᒥᖕᓂᒡᓗ ᐊᖓᔪᖅᑳᕐᔪᐊᕐᓯᐅᑎᓂᒃ ᐲᔧᔪᒫᕐᐳᑦ, ᑕᑯᒥᓇᕐᓴᐅᑎᓖᓪᓗ ᐊᓐᓄᕌᑦ ᐲᔭᕐᓗᒋᑦ; ᓴᔪᖕᓂᕐᒥᒡᓗ ᐊᓐᓄᕌᖔᕈᒫᕐᐳᑦ; ᒪᓂᖅᑲᒥᓗ ᐃᒃᓯᕚᕈᒫᕐᐳᑦ ᓴᔪᑐᐃᓐᓇᓕᕐᓗᑎᒃ, ᐃᓕᑦᓯᓐᓂᒃ ᑲᒪᓂᐊᕐᓂᕐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 7:3

“ᒫᓐᓇ ᐃᓱᐊᓄᑦ ᑎᑭᑉᐳᓯ, ᓂᓐᖓᐅᓯᓐᓄᑦ ᕿᓚᕈᑦᔮᕐᕕᒋᓕᕐᐸᑦᓯ, ᐱᓂᐊᕐᓂᓯ ᒪᓕᒡᓗᒋᑦ ᐃᖅᑲᕐᑐᕐᓂᐊᓕᕐᐸᑦᓯ; ᓱᒋᐊᕐᓂᐊᕐᐸᑦᓯᓗ ᓇᕐᕈᓇᕐᑐᓕᓯᒪᓂᓯ ᒪᓕᒡᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 8:1

ᐊᕐᕌᒍᑦ ᐱᖓᓲᔪᕐᑐᖓᓐᓂ, ᑕᖅᑮᑦ ᐱᖓᓲᔪᕐᑐᖏᑕ, ᐅᓪᓗᖏᑕ ᑕᓪᓕᒪᖓᓐᓂ, ᔫᑕᐅᑉ ᐊᖓᔪᖅᑳᖏᓐᓂᒃ ᐃᒃᓯᕙᖃᑎᖃᕐᑎᓪᓗᖓ ᐃᒡᓗᓐᓂ, ᐊᑕᓂᐅᑉ ᒎᑎᐅᑉ ᐱᔪᓐᓇᕐᓂᕐᔪᐊᖓᓄᑦ ᑎᑭᑕᐅᕗᖓ.

ᔪᐃᓕᐅᑉ ᐊᒡᓚᖏᑦ 3:17

“ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᓯ. ᐃᓂᖃᕐᐳᖓ ᓮᐅᓂᒥ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ. ᔨᕉᓴᓕᒻ ᐃᑦᔪᕐᓁᑦᑑᔪᒫᕐᐳᖅ ᓄᓇᖃᕐᑐᑐᖃᐅᖏᑦᑐᑦ ᑎᑭᓪᓗᑎᒃ ᓵᓚᖃᓚᐅᕐᓯᒪᓂᐊᕈᓐᓁᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 7:2

ᐃᖅᑲᕐᑐᐃᓂᓯ ᒪᓕᒡᓗᒍ ᑍᒫᓪᓗᐊᖅ ᐃᖅᑲᕐᑐᕐᑕᐅᔪᒫᕆᕗᓯ, ᐱᓇᓱᐊᕐᓂᓯ ᒪᓕᒡᓗᒍ ᑍᒫᓪᓗᐊᖅ ᐱᓇᓱᐊᕐᕕᐅᔪᒫᕆᕗᓯ.

ᔧᒥᓯᐅᑉ ᐊᒡᓚᖏᑦ 2:13

ᐃᖅᑲᑐᕐᑕᐅᓂᕐᒧᑦ ᓂᑲᒋᔭᐅᒐᔭᓐᖏᓚᖅ ᓂᑲᒍᓱᓐᖏᑦᑐᒧᑦ; ᓂᑲᒍᓱᖕᓂᖅ ᓵᓚᖃᕐᑎᑦᓯᔪᓐᓇᕐᐳᖅ ᐃᖅᑲᕐᑐᕐᑕᐅᓂᒃᓴᒥᒃ.