ᐃᓯᑭᐊᓕᐅᑉ ᐊᒡᓚᖏᑦ 7:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐊᓯᕈᕐᑕᐅᓇᕐᑐᑦ ᑭᖑᓕᕇᒃᑕᕐᓗᑎᒃ ᓇᓪᓕᐅᑎᖃᑦᑕᕈᒫᕐᐳᑦ, ᑐᓴᐅᒪᑐᐃᓐᓇᕐᓂᒃᑯᑦ ᑐᓴᕐᑎᑦᓯᓃᑦ ᑭᖑᓕᕇᒃᑕᕈᒫᕐᐳᑦ; ᒎᑎᐅᓪᓗ ᐱᔪᒫᕐᑐᒃᓴᓂᒃ ᐅᖃᕐᑎᖏᑕ ᑕᑯᑎᑕᐅᓂᖏᓐᓂᒃ ᕿᓂᖃᑦᑕᕈᒫᕐᐳᑦ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐊᓯᐅᔨᔪᒫᕐᐳᑦ, ᐃᓄᑐᖃᐅᔪᓪᓗ ᐅᖃᐅᑦᔨᒋᐊᕈᑎᒃᓴᖃᕈᓐᓁᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 7:26 ပူးပေါင်းရင်းမြစ်များ

ᐃᓐᖏᕈᑎᑦ 74:9

ᐅᕙᒍᓪᓕ ᓇᓗᓁᒃᑯᑕᑦᑎᓐᓂᒃ ᑕᑯᓐᖏᓚᒍᑦ; ᒎᑎᒧᓪᓘᓐᓃᑦ ᐅᖃᕐᑎᑕᖃᕈᓐᓃᕐᐳᖅ; ᖃᐅᔨᒪᔪᖃᓐᖏᓚᒍᓪᓘᓐᓃᑦ ᖃᓄᖅ ᓯᕕᑐᑎᒋᔪᒥᒃ ᑍᒤᓐᓂᐊᕐᒪᖔᑦ.

ᐂᓮᐊᓯᐅᑉ ᐊᒡᓚᖏᑦ 47:11

ᐱᐅᖏᑦᑐᐊᓗᖕᒧᑦ ᑎᑭᑕᐅᔪᒫᕐᐳᓯ, ᐊᖓᒃᑯᖁᑎᑦᓯᒍᑦ ᐊᔪᕐᑕᑦᓯᓐᓂᒃ; ᐊᓯᕈᕐᑕᐅᓇᕐᑐᒧᑦ ᑎᑭᑲᓪᓚᒡᕕᐅᔪᒫᕋᑦᓯ ᓴᖑᑎᑦᓱᓐᓇᓐᖏᑕᑦᓯᓐᓄᑦ. ᓱᒃᑯᑕᐅᓂᕐᒧᑦ ᑎᑭᑕᐅᔪᒫᕋᑦᓯ ᑕᕝᕔᓐᓇᖅ ᓂᕆᐅᒋᓚᐅᓐᖏᑕᑦᓯᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 18:18

ᐃᓄᐃᓪᓕ ᐅᖃᕐᐳᑦ, “ᔨᕆᒤᐊ ᖃᓄᐃᓕᐅᕈᑎᒋᓚᐅᕐᓚᕗᑦ! ᑐᓂᕐᕈᓯᕐᑎᑦᓯᔩᑦ ᐱᖁᔭᓂᒃ ᐊᔪᕆᕐᑐᐃᓂᕆᕙᒃᑕᖏᑦ ᐊᓯᐅᑎᑕᐅᔭᕆᐊᖃᖏᒻᒪᑕ, ᐃᓕᓯᒪᑦᓯᐊᕐᑐᓪᓗ ᐅᖃᐅᑦᔪᐃᓂᖏᑦ, ᐱᔪᖃᓛᕐᑐᒥᒡᓗ ᐅᖃᕐᑎᑦ ᐅᖃᐅᓯᖏᑦ. ᔨᕆᒤᐊ ᐸᓯᔭᒃᓴᓕᐊᕆᓚᐅᕐᓚᕗᑦ ᐅᖃᐅᓯᖏᓪᓗ ᓈᓚᖏᓪᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 21:2

“ᐊᑕᓂᖅ ᖃᐅᔨᓇᓱᐊᕐᕕᒋᓚᐅᕈᒃ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᓂᐱᑯᓁᓴᐅᑉ ᐅᓇᑕᕆᐊᕐᑐᕈᒪᖕᒪᑎᒍᑦ, ᐊᑕᓂᐅᑉ ᑲᒪᓇᕐᑐᑎᒍᑦ ᐱᐅᔪᓂᒃ ᐱᓇᓱᐊᕈᑎᔪᓐᓇᕐᒪᖔᑎᒍᑦ, ᐅᓇᑕᕆᐊᕋᓱᐊᕐᑑᒐᓗᐊᓄᑦ ᑲᒪᒋᔭᐅᓂᐊᖏᓐᓇᑦᑕ.”

ᔨᕆᒤᐊᐅᑉ ᐊᒡᓚᖏᑦ 37:17

ᐊᖓᔪᖅᑳᕐᔪᐊᑉ ᔨᑎᑬᐊᐅᑉ ᐃᒡᓗᒥᓄᑦ ᕾᑎᑕᐅᖁᕚ, ᑕᕝᕙᓃᓕᕐᑎᓪᓗᒍᓗ ᖃᐅᔨᔭᐅᑦᑍᓕᓪᓗᓂ ᐊᐱᕐᓱᕐᐹ, ᐊᑕᓂᕐᒥᑦ ᑐᓴᒐᒃᓴᕐᑕᖃᕐᒪᖔᑦ. ᔨᕆᒤᐊᐅᓪᓗ ᐅᖃᐅᑎᕚ, “ᑐᓴᒐᒃᓴᖃᕐᐳᖅ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐱᔭᐅᓂᐊᕐᐳᑎᑦ.”

ᔨᕆᒤᐊᐅᑉ ᐊᒡᓚᖏᑦ 4:20

ᑲᑉᐱᐊᓇᕐᑐᖅ ᐱᒋᐊᕋᓗᐊᕐᒪᑦ, ᖃᑉᐱᐊᓇᕐᑐᒃᑲᓐᓂᕐᓕ ᑎᑭᓐᓂᕗᖅ, ᓄᓇᓕᒫᖅ ᓄᓇᖃᕐᕕᕕᓂᕐᑐᑦ ᑍᒤᓕᕐᐳᖅ, ᑕᕝᕔᓐᓇᖅ ᑐᐱᕆᔭᕋ ᓱᕋᒃᑕᐅᕗᖅ, ᐅᖅᑯᐃᕕᒋᓯᒪᓇᓱᒃᑕᒃᑲᓗ ᐊᓯᐅᕗᑦ ᑕᕝᕔᓐᓇᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:9

ᔨᕉᓴᓕᐅᑉ ᐃᑎᕐᑕᕐᕕᖏᑦ ᓄᓇᒧᑦ ᒪᖑᒃᑎᑉᐰᑦ, ᐹᖏᑕᓗ ᓴᕕᕋᔭᒃᑕᖏᑦ ᓯᖁᑦᑎᕐᐰᑦ, ᐊᖓᔪᖅᑳᕐᔪᐊᖓᑦ ᐃᕐᓂᖏᓪᓗ ᐊᐅᓪᓚᕈᑦᔭᐅᕗᑦ ᐃᓅᖃᑎᒌᒡᔪᐊᓄᑦ; ᐱᖁᔭᖏᓪᓗ ᐊᑑᑎᔪᓐᓁᕐᐳᑦ, ᒎᑎᐅᓪᓗ ᐅᖃᕐᑎᖏᑦ ᐊᑕᓂᕐᒥᑦ ᐱᔪᓂᒃ ᑕᑯᑎᑕᐅᕙᒍᓐᓁᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 11:2

ᐅᖃᐅᑎᕚᖓᓗ, “ᐃᓅᑉ ᐃᕐᓂᖓ, ᑖᒃᑯᐊᒃ ᐱᐅᖏᑦᑐᓕᓂᕐᓂᒃ ᐋᖅᑭᒃᓱᐃᒍᑦᔨᖃᑦᑕᕐᐴᒃ ᐃᓱᒻᒥᕐᑐᐃᖃᑦᑕᕐᓗᑎᒡᓗ ᐃᒡᓗᒐᓴᒡᔪᐊᕐᒥᐅᓄᑦ ᓈᒻᒪᖏᑦᑐᓂᑦ;

ᐃᓯᑭᐊᓕᐅᑉ ᐊᒡᓚᖏᑦ 12:22

“ᐃᓅᑉ ᐃᕐᓂᖓ, ᖃᓄᐃᒻᒪᑦ ᐃᓴᕆᐊᓕᒥᐅᑦ ᐅᖃᐅᓯᐅᒐᔪᒃᑐᒥᒃ ᐅᖃᕐᐸᒃᐸᑦ ᐃᒤᓕᔪᒥᒃ, ‘ᐊᑯᓂᐊᓘᓕᕋᓗᐊᕐᒪᑦ ᑕᑯᑎᑕᐅᑦᔪᑎᓕᒫᑦ ᓱᓕ ᐊᑐᓕᓚᐅᕐᓯᒪᓐᖏᓚᑦ.’

ᐃᓯᑭᐊᓕᐅᑉ ᐊᒡᓚᖏᑦ 14:1

ᑕᕝᕙ ᐃᓴᕆᐊᓕᒥᐅᑦ ᐊᖓᔪᖅᑳᖏᑕ ᐃᓚᖏᑕ ᐅᐸᒃᐹᖓ, ᐃᒃᓯᕙᖃᑎᒋᓕᕐᓗᖓᓗ.

ᐃᓯᑭᐊᓕᐅᑉ ᐊᒡᓚᖏᑦ 21:7

ᐊᐱᕆᔭᐅᒍᕕᑦ ᖃᓄᐃᒻᒪᑦ ᕿᒃᓵᖕᓂᕐᒧᑦ ᐊᓂᕐᓴᐅᒥᖕᒪᖔᕐᐱᑦ, ᐅᖃᕐᑐᒃᓴᐅᕗᑎᑦ, ‘ᑐᓴᕐᑕᐅᔭᕆᐊᓕᖕᓂᒃ ᐱᑦᔪᑎᖃᕐᐳᖓ. ᑐᓴᕐᑕᐅᓕᕈᑎᒃ ᐆᒻᒪᑎᖏᑦ ᑲᑉᐱᐊᓱᓕᕈᒫᕐᐳᑦ ᑲᑉᐱᐊᓱᖕᓂᕐᒧᑦ ᑕᓕᖏᑦ ᓄᑮᕈᑎᔪᒫᕐᐳᑦ, ᓴᐱᕐᓇᕐᑐᕐᔪᐊᒧᓪᓗ ᑎᑭᐅᑎᓗᑎᒃ ᓂᐅᖏᓪᓗ ᓴᓐᖐᓕᔪᒫᕐᐳᑦ ᐃᒥᕐᑎᑐᑦ. ᑕᑯᒋᑦ, ᑎᑭᓕᕐᐳᖅ ᓇᓪᓕᐅᑎᓂᐊᕐᓗᓂᓗ,’ ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 22:26

ᑐᓂᕐᕈᓯᕐᑎᑦᓯᔩᑦ ᐱᖁᔭᓐᓂᒃ ᓯᖁᒥᑦᓯᓪᓗᑎᒃ ᐃᑦᔪᕐᓁᑎᑕᓐᓂᒡᓗ ᓇᕐᕈᓇᕐᓯᑎᑦᓯᖃᑦᑕᕐᐳᑦ; ᐃᑦᔪᕐᓁᑦᑐᓂᒃ ᖃᐅᑕᒫᕐᓯᐅᑎᓂᒡᓗ ᐊᑦᔨᒌᖏᑦᑑᑎᑦᓯᔪᓐᓃᕐᐳᑦ, ᐊᔪᕆᕐᑐᐃᖃᑦᑕᕋᑎᒡᓗ ᓇᕐᕈᓇᕐᑐᑦ ᓇᕐᕈᓇᖏᑦᑐᓪᓗ ᐊᑦᔨᒌᖏᓐᓂᖏᓐᓂᒃ, ᓴᐸᑎᖁᑎᒃᑲᓗ ᑲᒪᒋᔪᓐᓁᕐᓗᒋᑦ, ᑍᒤᒻᒪᑦ ᓇᕐᕈᓇᕐᑎᑕᐅᓕᕐᐳᖓ ᑖᒃᑯᓇᓂ.

ᐃᓯᑭᐊᓕᐅᑉ ᐊᒡᓚᖏᑦ 33:31

ᐃᓄᖁᑎᒃᑲ ᐃᓕᖕᓄᑦ ᕾᕙᒃᐳᑦ ᐊᓯᖏᑎᑐᑦ ᕾᕙᒃᑐᑎᑐᑦ, ᐅᖃᐅᓯᕐᓂᒡᓗ ᑐᓴᕆᐊᕐᑐᕐᓗᑎᒃ ᐃᒃᓯᕚᖃᑦᑕᕐᐳᑦ, ᑐᓴᕋᓗᐊᕋᒥᒡᓕ ᒪᓕᒍᓐᓇᓐᖏᓚᑦ ᐅᖃᐅᓯᕆᔭᕐᓂᒃ; ᓇᒡᓕᒍᓱᒃᑐᐊᓘᔮᕐᓗᑎᒃ ᐅᖃᓪᓚᖃᑦᑕᕐᐳᑦ, ᐆᒻᒪᑎᖏᓪᓕ ᐱᕙᓪᓕᕈᑎᒃᓴᒥᖕᓂᒃ ᑭᓯᐊᓂ ᐱᔪᒪᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 8:1

ᐊᕐᕌᒍᑦ ᐱᖓᓲᔪᕐᑐᖓᓐᓂ, ᑕᖅᑮᑦ ᐱᖓᓲᔪᕐᑐᖏᑕ, ᐅᓪᓗᖏᑕ ᑕᓪᓕᒪᖓᓐᓂ, ᔫᑕᐅᑉ ᐊᖓᔪᖅᑳᖏᓐᓂᒃ ᐃᒃᓯᕙᖃᑎᖃᕐᑎᓪᓗᖓ ᐃᒡᓗᓐᓂ, ᐊᑕᓂᐅᑉ ᒎᑎᐅᑉ ᐱᔪᓐᓇᕐᓂᕐᔪᐊᖓᓄᑦ ᑎᑭᑕᐅᕗᖓ.

ᒨᓯᓯ ᐱᖓᔪᖏᑦ 26:18

“ᑕᒪᒃᑯᐊ ᐊᑐᓚᐅᕐᑎᓪᓗᒋᑦ ᓱᓕ ᓈᓚᖏᒃᑯᑦᓯ, ᓱᒋᐊᒃᑲᓐᓂᕈᒫᕐᐸᑦᓯ 7ᐃᕐᑑᑎᓪᓗᐊᖏᓐᓂᑦ ᐱᐅᖏᓐᓂᕐᓴᓂᒃ.

ᒨᓯᓯ ᐱᖓᔪᖏᑦ 26:21

“ᓱᓕ ᐅᕙᓐᓄᑦ ᓵᖓᓇᓱᐊᖏᒃᑯᑦᓯ ᓈᓚᒍᒪᖏᓪᓗᓯᓗ ᐅᕙᓐᓂᒃ, ᓱᒋᐊᕐᑕᐅᓂᓯ ᐊᖏᒡᓕᑎᒃᑲᓐᓂᕐᓂᐊᕐᐸᕋ 7ᐃᕐᑑᑎᓪᓗᐊᖏᓐᓂ, ᐱᐅᖏᑦᑐᓕᓂᓯ ᒪᓕᒡᓗᒍ.

ᒨᓯᓯ ᐱᖓᔪᖏᑦ 26:24

ᐅᕙᖓ ᓇᖕᒥᓂᖅ ᐊᑭᕋᕐᑐᓕᕐᓂᐊᕐᐸᑦᓯ, ᓱᒋᐊᕐᓂᐊᕐᐸᑦᓯᓗ ᐱᐅᖏᑦᑐᓕᓂᓯ ᐱᓪᓗᒍ ᓱᒋᐊᕐᑕᐅᓂᒃᓮᑦ ᐅᖃᐅᓯᕆᔭᒃᑲ 7ᐃᕐᑐᕐᓗᒋᑦ ᑲᑉᐱᐊᓇᕐᓂᕐᓴᓂᒃ.

ᒨᓯᓯ ᐱᖓᔪᖏᑦ 26:28

ᓂᓐᖓᐅᒪᓂᕐᒧᑦ ᐃᓕᑦᓯᓐᓄᑦ ᓵᓐᓂᐊᕐᐳᖓ, ᓱᒋᐊᕐᓂᐊᕐᐸᑦᓯᓗ ᐊᖏᓂᕐᓴᒥᒃ ᓯᕗᓪᓕᕐᓂᑦ 7ᐃᕐᑐᕐᓗᒋᑦ ᐱᐅᖏᓐᓂᕐᓴᐅᔪᓂᒃ.

ᒤᑲᐅᑉ ᐊᒡᓚᖏᑦ 3:6

‘ᑍᒤᒻᒪᑦ ᐅᓐᓄᐊᕐᓯᐅᕐᑐᑐᑦ ᐱᔪᒫᕐᐳᑦ ᑕᑯᑎᑕᐅᓃᑦ ᐱᓪᓗᒋᑦ ᓇᓚᐅᑦᓯᓇᓱᐊᕐᐸᒃᑐᓪᓗ ᐅᓐᓄᐊᕐᓯᐅᕐᑐᑐᑦ ᑍᒤᑦᓱᒫᕐᐳᑦ, ᐅᓪᓗᑐᑦ ᑖᕐᓯᔪᑐᑦ ᑍᒤᑦᓱᒫᕐᒪᑦ.’

ᒪᓚᑬᑉ ᐊᒡᓚᖏᑦ 2:7

ᑐᓂᕐᕈᓯᕐᑎᑦᓯᔨᐅᑉ ᖃᓂᖓ ᓴᐳᒻᒥᔪᒃᓴᐅᖕᒪᑦ ᖃᐅᔨᒪᓂᕐᒥᒃ, ᐃᓄᐃᓪᓗ ᕿᓂᕐᑐᒃᓴᐅᕗᑦ ᐊᔪᕆᕐᑐᕐᑕᐅᓂᕐᒥᒃ ᑖᑦᓱᒪ ᖃᓂᖓᓂᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐅᖃᕐᑎᒋᒪᒍ.

ᒪᓚᑬᑉ ᐊᒡᓚᖏᑦ 2:9

ᑍᒤᒻᒪᑦ ᓇᕐᕈᒋᔭᐅᓕᕐᑎᑉᐸᑦᓯ ᐃᓕᕋᒃᑯᓐᓇᕐᓯᑎᓪᓗᓯᓗ ᐃᓄᐃᑦ ᓯᕗᕌᓂ, ᐊᖅᑯᑎᒋᔭᐅᖁᔭᒃᑲ ᐊᑐᓚᐅᖏᓐᓇᑦᓯᐅᒃ ᐱᖁᔧᓪᓗ ᐃᓔᓐᓇᖏᓐᓂᒃ ᐊᔪᕆᕐᑐᐃᓚᐅᕋᑦᓯ.”

ᒨᓯᓯ ᑕᓪᓕᒪᖏᑦ 32:23

ᐱᓂᕐᓗᒃᑕᐅᓇᕐᑐᓄᑦ ᐃᓱᓕᑦᓱᓐᓇᖏᑦᑐᓄᑦ ᑎᑭᑕᐅᑎᑦᓱᒪᕙᒃᑲ ᖃᕐᔪᓕᒫᒃᑲᓗ ᐊᑕᖏᕐᓗᒋᑦ ᑖᒃᑯᓄᖓ ᓵᖓᓂᐊᕐᐳᑦ ᐊᓯᕈᕈᒪᓪᓗᒋᑦ;

ᓴᒧᐃᓕ ᓯᕗᓪᓖᑦ 3:1

ᓱᕈᓯᖅ ᓴᒧᐃᓕ ᐱᔨᑦᓯᓚᐅᕐᐳᖅ ᐊᑕᓂᕐᒥᒃ ᐃᓔᒧᑦ ᑲᒪᒋᔭᐅᓪᓗᓂ. ᐊᑕᓂᐅᑉ ᐅᖃᐅᓯᖏᑦ ᑐᓴᕐᑕᐅᔪᓐᓇᓚᐅᓐᖏᓚᑦ ᐅᓪᓗᓂ ᑖᒃᑯᓇᓂ, ᑕᑯᑎᑕᐅᔪᖃᓚᐅᕐᓯᒪᓇᓂᓗ ᖃᒻᒥᒃᑯᑦ.