ᐃᓯᑭᐊᓕᐅᑉ ᐊᒡᓚᖏᑦ 7:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐃᓅᖃᑎᒌᒡᔪᐊᓂᑦ ᐱᐅᖏᓐᓂᕐᐹᓂᒃ ᑎᑭᑎᑦᓯᔪᒫᕐᐳᖓ ᐃᒡᓗᖏᑦ ᑖᒃᑯᓄᖓ ᐱᑖᕆᔭᐅᖁᓪᓗᒋᑦ; ᐱᐅᔪᕆᓂᕐᒧᑦ ᐊᔪᖏᑦᔪᑎᖏᑦ ᓄᖅᑲᕐᑎᑦᓱᒫᕐᐸᒃᑲ, ᐃᑦᔪᕐᓁᑦᑐᖁᑎᖏᓪᓗ ᓇᕐᕈᓇᕐᓯᑎᑕᐅᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 7:24 ပူးပေါင်းရင်းမြစ်များ

ᐃᓯᑭᐊᓕᐅᑉ ᐊᒡᓚᖏᑦ 28:7

ᑍᒤᒻᒪᑦ, ᑕᑯᒋᑦ, ᑎᑭᑕᐅᑎᑦᓱᒫᕐᐸᒋᑦ ᐃᓚᒋᓐᖏᑕᕐᓂᒃ, ᐃᓅᖃᑎᒌᒡᔪᐊᓂᑦ ᓂᑲᒍᓱᖏᓐᓂᕐᐹᓂᒃ; ᓴᕕᒡᔪᐊᒥᖕᓄᑦ ᓱᕋᒃᑎᕆᔪᒫᕐᐳᑦ ᓯᓚᑐᓂᕐᓄᑦ ᐱᐅᓯᑎᓯᒪᔭᕐᓂᒃ ᑕᑯᒥᓇᕐᓂᕐᔪᐊᓪᓗ ᓇᕐᕈᓇᕐᓯᑎᑕᐅᔪᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 33:28

ᓄᓇᖓ ᓱᓁᕈᑎᑎᑦᓱᒫᕐᐸᕋ ᓄᓇᖃᕐᕕᕕᓂᑐᐃᓐᓇᐅᓕᕐᓗᓂᓗ; ᐱᔪᓐᓇᕋᓱᒋᓂᕐᒧᑦ ᐱᐅᔪᕆᓂᖓᑦ ᐃᓱᓕᑎᑦᓱᒫᕐᐸᕋ; ᐃᓴᕆᐊᓕᐅᓪᓗ ᖃᖅᑲᖏᑦ ᓱᓇᖃᓐᖏᓗᐊᓕᕐᓂᖏᓐᓄᑦ ᐊᖅᑯᓵᕐᑕᐅᔪᓐᓁᓪᓕᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 21:31

ᓂᓐᖓᐅᒪᓂᕋ ᐃᒃᐱᒋᔪᒫᕐᐸᓯ; ᐃᑯᒪᑐᑦ ᐃᑯᐊᓪᓚᒃᑎᓐᓂᐊᕐᐸᕋ ᐃᓕᑦᓯᓐᓄᑦ; ᐊᑦᑕᕆᔭᖃᖏᑦᑐᓄᑦ ᑐᓂᔪᒫᕐᐸᑦᓯ, ᑐᖁᕅᓂᕐᒥᒃ ᖃᐅᔨᒪᑦᓯᐊᕐᑐᓄᑦ.

ᐃᓐᖏᕈᑎᑦ 106:41

ᐃᓅᖃᑎᒌᒡᔪᐊᑦ ᐱᔪᓐᓇᕐᓂᖏᓐᓄᑦ ᑐᓂᓚᐅᕐᐰᑦ; ᐆᒥᒋᔨᖏᑕᓗ ᐊᐅᓚᓕᕐᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 24:21

‘ᐃᓴᕆᐊᓕᐅᑉ ᑭᖑᕚᖏᑦ ᐅᖃᐅᑎᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐃᑦᔪᕐᓁᑦᑐᕕᖁᑎᒐ ᓇᕐᕈᓇᕐᓯᑎᓐᓂᐊᕐᐸᕋ, ᐱᔪᓐᓇᕐᓂᑦᓯᓐᓄᑦ ᐱᐅᔪᕆᑦᔪᑎᒋᓯᒪᔭᓯ, ᑕᑯᒥᒋᔭᓯᓗ, ᑕᕐᓂᑦᓯᓗ ᐱᔪᒪᔭᖓ; ᐃᕐᓂᓯ ᐸᓂᓯᓗ ᔨᕉᓴᓕᒧᑦ ᕿᒪᒃᓯᒪᔭᓯ ᓴᕕᒡᔪᐊᓄᑦ ᑐᖁᕋᕐᑕᐅᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 21:2

“ᐃᓅᑉ ᐃᕐᓂᖓ, ᔨᕉᓴᓕᒥᐅᑦ ᓵᓪᓗᒋᑦ ᐅᖃᓪᓚᒡᕕᒋᒃᑭᑦ ᓈᒻᒪᒋᖏᓪᓗᒋᑦ ᑐᒃᓯᐊᕐᕕᒋᕙᒃᑕᖏᑦ; ᓈᒻᒪᒋᖏᓪᓗᒋᓪᓗ ᐅᖃᐅᓯᐅᖁᔭᓐᓂᒃ ᐅᖃᓪᓚᒡᕕᒋᒃᑭᑦ ᐃᓴᕆᐊᓕᒥ ᓄᓇᖃᕐᑐᓕᒫᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:2

ᑭᖑᕐᖑᑎᔭᕗᑦ ᑕᑯᓕᒪᓇᖏᑦᑐᓄᑦ ᐱᓯᒪᔭᐅᓕᕐᒪᑕ, ᐊᖏᕐᕋᕆᓚᐅᕐᑕᕗᓪᓗ ᐃᓂᒋᔭᐅᓕᕐᓗᑎᒃ ᑕᑯᓕᒪᓇᖏᑦᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 12:12

ᐱᖑᓕᒫᑦ ᓇᐹᕐᑐᖃᖏᓐᓂᕐᒦᑦᑐᑦ ᓱᓇᖃᔪᐃᑦᑐᒥ ᓈᓯᒪᓕᕐᐳᑦ ᐊᓯᕈᐃᔭᕐᑐᕐᑐᓂᒃ; ᐊᑕᓂᐅᑉ ᐅᓇᑕᕆᐊᕐᑎᑕᖏᑦ ᓈᓯᓯᒪᔪᒫᕐᐳᑦ ᓄᓇᐅᑉ ᑭᒡᓕᖓᓂᑦ ᑭᒡᓕᖓᓄᑦ; ᓮᓕᔪᖃᕈᒫᓐᖏᓚᕐᓗ ᑎᒥᖃᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 6:12

ᐃᒡᓗᖏᓐᓂᒃ ᐋᑕᐅᓂᐊᕐᐳᑦ ᐊᓯᖏᓐᓄᑦ ᑐᓂᔭᐅᓗᑎᒃ, ᐱᕈᕐᓰᕕᖁᑎᖏᑦ ᓄᓕᐊᖏᓪᓗ ᐱᖃᓯᐅᑦᔭᐅᓗᑎᒃ, ᑍᒤᓕᐅᕐᓂᐊᕐᐳᑦ ᐊᑭᓂᐊᕐᕕᒋᓕᕈᒃᑭᑦ ᓄᓇᖃᑎᒌᑦ,” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 4:7

ᓛᔭᑎᑐᑦ ᐃᔨᕐᓯᒪᕕᖕᓂᑦ ᐊᓂᔪᑎᑐᑦ, ᐃᓅᖃᑎᒌᒡᔪᐊᓂᒃ ᐊᓯᕈᐃᔭᕐᑐᕐᑐᖅ ᐃᓂᒋᔭᒥᓂᑦ ᕾᓕᕐᐳᖅ, ᓄᓇᖁᑎᓯᓗ ᓄᓇᓕᕕᓂᑐᐃᓐᓇᓐᖑᕐᑎᓐᓂᐊᕐᐰᑦ ᐃᓄᖃᕈᓐᓃᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 5:14

ᑍᒤᒻᒪᑦ ᑐᖁᖓᔪᑦ ᐃᓂᖓᑦ ᐊᕿᐊᑦᑐᕐᑎᑕᐅᓕᕐᐳᖅ; ᖃᓂᓂᓗ ᐂᑦᑕᕐᐹ ᐊᖏᔪᕐᔪᐊᖑᓕᕐᓗᒍ ᐆᒃᑐᕋᕐᑕᐅᔪᓐᓇᖏᑦᑐᒧᑦ, ᔨᕉᓴᓕᐅᓪᓗ ᐊᖓᔪᖅᑳᖁᑎᖏᑦ ᐃᓄᒐᓴᒡᔪᐊᖏᓪᓗ ᑖᑦᓱᒪ ᖃᓂᖓᓄᑦ ᐄᔭᐅᕗᑦ, ᐃᓄᒐᓴᒡᔪᐊᑦ ᐊᖏᔪᕈᕐᑎᑦᓯᕙᒃᑐᓪᓗ ᑖᑦᓱᒥᖓ.

ᐃᓐᖏᕈᑎᑦ 83:12

ᐅᖃᓚᐅᕐᑐᑎᑐᑦ, “ᒎᑎᐅᑉ ᑲᒪᒋᔭᖏᑦ ᓇᖕᒥᓂᖅ ᐱᑖᕆᓚᐅᕐᓚᕗᑦ.”

ᒨᓯᓯ ᓯᕗᓪᓖᑦ 47:26

ᑕᕝᕙ ᔫᓯᐱ ᐱᖁᔭᓕᐅᓚᐅᕐᐳᖅ ᐄᑦᔨᑉᑎᒥᐅᑦ ᓄᓇᖁᑎᖏᑦ ᐱᓪᓗᒋᑦ, ᑕᒪᓐᓇᓗ ᓱᓕ ᐅᓪᓗᒥᒧᑦ ᐊᑐᕐᑕᐅᕗᖅ, ᓄᓇᐅᑉ ᐱᕈᕐᑎᑕᖏᑕ ᐊᕕᒡᓗᒋᑦ ᑕᓪᓕᒪᖏᑦ ᐰᕉᒧᑦ ᐱᒋᔭᐅᖁᓪᓗᒋᑦ; ᑭᓯᐊᓂ ᑐᓂᕐᕈᓯᕐᑎᑦᓯᔩᑦ ᓄᓇᖁᑎᖏᑦ ᐰᕉᒧᑦ ᐱᑖᕆᔭᐅᓚᐅᓐᖏᓚᑦ.

ᐃᓐᖏᕈᑎᑦ 74:7

ᐃᑦᔪᕐᓁᑦᑐᕕᖁᑏᑦ ᐃᑯᐊᓪᓚᒃᑎᑉᐹᑦ; ᐊᑎᕐᓄᑦ ᑐᒃᓯᐊᕐᕕᐅᖃᑦᑕᕐᑐᖅ ᓄᓇᒧᑦ ᑎᑭᓪᓗᒍ ᓇᕐᕈᓇᕐᓯᑎᑉᐹᑦ.

ᔨᕆᒤᐊᐅᑉ ᐊᒡᓚᖏᑦ 17:4

ᐱᓂᐊᕐᓂᓯ ᒪᓕᒡᓗᒋᑦ ᑭᖑᕐᖑᑎᔭᒃᓴᓯ ᐊᓯᐅᔨᔪᒫᕐᐸᓯ ᑐᓂᓚᐅᕐᑕᒃᑲ ᐃᓕᑦᓯᓐᓄᑦ, ᐊᑭᕋᓯᓐᓂᒃ ᐱᔨᑦᓯᕐᑎᑦᓱᒫᕐᐸᓯ ᓄᓇᒥ ᑲᐅᔨᒪᓐᖏᑕᑦᓯᓐᓂ, ᓂᓐᖓᐅᓯᕋ ᐃᑯᒪᑐᑦ ᐃᑯᐊᓪᓚᒃᑎᑕᐅᖕᒪᑦ ᐃᑯᐊᓚᔪᒫᕐᓗᓂᓗ ᐃᓱᖃᖏᑦᑐᒧᑦ.”

ᔨᐸᓁᐊᐅᑉ ᐊᒡᓚᖏᑦ 1:13

ᑍᒤᒻᒪᑦ ᐱᖁᑎᖏᑦ ᐊᕐᓵᕐᓂᒐᐅᔪᒫᕐᐳᑦ, ᐃᒡᓗᖏᓪᓗ ᓯᖁᑦᑎᕐᑕᐅᔪᒫᕐᐳᑦ ᓱᓇᐅᔪᓐᓁᕐᓗᑎᒃ. ᐃᒡᓗᓕᐅᕈᒫᕐᐳᑦ ᐃᓂᒋᓂᐊᓐᖏᑕᒥᖕᓂᒃ; ᕔᓂᒃᓴᓕᐅᕈᒫᕐᐳᑦ ᐃᒥᕐᓂᐊᓐᖏᑕᒥᖕᓂᒃ.”