Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ᐃᓯᑭᐊᓕᐅᑉ ᐊᒡᓚᖏᑦ 7:23 - ᐊᒡᓔᑦ ᐃᑦᔪᕐᖕᓁᑦᑐᑦ

23 “ᓄᖑᕅᑦᔪᑎᒃᓴᓕᐅᕆᑦ; ᓇᓂᓕᒫᖅ ᓄᓇ ᐃᓄᐊᕐᑎᓂᒃ ᓈᓯᒪᖕᒪᑦ ᐃᒡᓗᒐᓴᒡᔪᐊᓪᓗ ᐱᕋᔭᒃᑎᓂᒃ ᑕᑕᓪᓗᑎᒃ.

အခန်းကိုကြည့်ပါ။ ကော်ပီ




ᐃᓯᑭᐊᓕᐅᑉ ᐊᒡᓚᖏᑦ 7:23
29 ပူးပေါင်းရင်းမြစ်များ  

ᒫᓇᓯᐅᓪᓗ ᐸᓯᔭᒃᓴᐅᓂᖃᖏᑦᑐᓂᒃ ᐃᓄᐊᕐᓯᒪᔭᖏᑕ ᐅᓄᕐᓂᑯᖏᓐᓄᑦ, ᔨᕉᓴᓕᐅᑉ ᐃᓱᐊᓂᑦ ᐃᓱᐊᓄᑦ ᓈᔨᓯᒪᓚᐅᕐᐳᑦ, ᐊᔪᕐᑐᓕᑎᑦᓯᓯᒪᓂᖓ ᔫᑕᒥᐅᓂᒃ ᐱᒐᓗᐊᕐᒥᑎᓪᓗᒍ, ᐊᑕᓂᐅᑉ ᓵᖓᓂ ᓈᒻᒪᖏᑦᑐᓂᒃ ᐱᓂᐊᓚᐅᕐᒪᑕ.


ᐸᓯᔭᒃᓴᐅᖏᑦᑐᓂᒡᓗ ᑐᖁᕅᖃᑦᑕᕐᓯᒪᓂᖓᓄᑦ; ᔨᕉᓴᓕᒥᒃ ᐸᓯᔭᒃᓴᐅᖏᑦᑐᑦ ᐊᐅᖏᓐᓂᒃ ᑕᕐᓴᕐᑖᕐᑎᑦᓯᓯᒪᓕᓚᐅᕐᒪᑦ, ᑕᒪᓐᓇᓗ ᐊᑕᓂᐅᑉ ᐃᓱᒪᒋᔪᓐᓁᓚᐅᓐᖏᓛ.


“ᐊᒡᒐᓯ ᐃᓵᒃᑲᓗᐊᕋᑦᓯᐅᒃ ᐅᕙᓐᓄᑦ, ᑕᑯᓐᓇᕐᓂᐊᕈᓐᓃᕐᐸᑦᓯ; ᐅᓄᕐᑐᓂᒃ ᑐᒃᓯᐊᕐᓂᓕᐅᕋᓗᐊᕈᑦᓯ ᓈᓚᖕᓂᐊᓐᖏᓚᖓ, ᐊᒡᒐᓯ ᐊᐅᖏᓐᓇᐅᖕᒪᑕ.


ᐊᒡᒐᓯ ᐊᐅᖕᒧᑦ ᓴᓗᒤᓕᓯᒪᖕᒪᑕ, ᐊᒡᒐᑦᓯᓗ ᐃᓄᒐᓐᖑᐊᖏᑦ ᐊᔪᕐᑐᓕᓂᕐᒧᑦ ᓴᓗᒤᓕᓯᒪᕗᑦ; ᖃᓂᓯ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕐᐳᑦ, ᐅᖃᓯᓗ ᐊᔪᕐᑐᓕᔪᒪᓂᕐᒥᒃ ᐅᖃᐅᓯᖃᕐᐸᒃᓗᓂ.


ᐃᑎᒐᖏᑦ ᐱᐅᖏᑦᑐᓕᔪᒪᓂᕐᒧᑦ ᐅᓪᓚᖃᑦᑕᕐᐳᑦ, ᑐᐊᕕᖃᑦᑕᕐᐳᑦ ᐸᓯᔭᒃᓴᐅᖏᑦᑐᓂᒃ ᐃᓄᐊᕈᒪᓪᓗᑎᒃ, ᐃᓱᒪᒃᓴᕐᓯᐅᕐᐳᓪᓗ ᐊᔪᕐᑐᓕᔪᒪᓪᓗᑎᒃ; ᐊᖅᑯᑏᑦ ᐊᑐᕐᑕᕕᓂᖏᑦ ᐃᓄᐃᕈᑎᓯᒪᓪᓗᑎᒃ ᐊᓯᕈᕐᑕᐅᓯᒪᕗᑦ.


ᐊᓐᓄᕌᓯ ᐊᐅᒥᓯᒪᕗᑦ ᐸᓯᔭᒃᓴᐅᖏᑦᑐᑦ ᐊᔪᕐᓴᕐᑐᓪᓗ ᐊᐅᖏᓐᓂᒃ, ᖃᐅᔨᒪᒐᓗᐊᕐᓗᓯᐅᒃ ᑎᒡᓕᒐᕐᑎᐅᖏᒻᒪᑕ. “ᑍᒤᒐᓗᐊᕐᑎᓪᓗᒍ,


ᑕᐅᑐᒃᑕᓯ ᐃᓱᒪᓯᓗ ᖃᑭᔪᒪᓃᓐᓇᕐᒥᒃ ᐱᔪᒪᔭᑐᐊᖃᒧᑦ ᓯᓔᕐᕆᒃᓯᕐᓗᓯ ᖃᑭᕙᒃᐳᓯ, ᐸᓯᔭᒃᓴᐅᖏᑦᑐᓂᒃ ᑐᖁᑎᑦᓯᕙᒃᓗᓯ, ᐅᖁᒤᑦᑐᒦᑎᑦᓯᕙᒡᓗᓯᓗ ᐃᓄᖁᑎᑦᓯᓐᓂᒃ.”


ᐃᒫᒃ ᐊᑕᓂᐅᑉ ᐅᖃᕐᕕᒋᕚᖓ, “ᐃᖃᕐᑎᐅᔭᕐᒥᒃ ᐊᓄᓕᐅᕆᑦ ᕿᔪᖕᒥᒡᓗ ᐃᑳᖓᔪᒃᓴᓕᐅᕐᓗᒍ ᖁᖓᓯᕐᓄᓪᓗ ᐊᑎᓗᒍ.


ᔨᕆᒤᐊᓕ ᐊᑕᓂᕐᒧᑦ ᐅᖃᕐᕕᐅᓚᐅᕆᕗᖅ ᓂᐳᔭᕋᑕᓐᒧᑦ ᐅᓇᑕᕐᑎᓄᑦ ᐊᖓᔪᖅᑳᖑᓂᕐᐹᕆᔭᐅᔪᒧᑦ ᑎᒍᔭᐅᓯᒪᕕᒋᓚᐅᕐᑕᖓᓂᑦ ᐊᓂᑎᑕᐅᓯᒪᓕᕐᑎᓪᓗᒍ ᕌᒪᒥ, ᔨᕆᒤᐊ ᑕᑯᓚᐅᕐᒪᒍ ᐊᑦᓱᖏᕐᓱᕐᑕᐅᖃᑕᐅᓯᒪᔪᖅ ᑎᒍᔭᐅᓯᒪᔪᓄᑦ ᔨᕉᓴᓕᒥᓐᖔᕈᑦᔭᐅᔪᓂᑦ ᔫᑕᒥᓪᓗ ᐊᐅᓪᓚᕈᑦᔭᐅᓕᕐᑎᓪᓗᒋᑦ ᐹᐱᓘᓂᒧᑦ.


ᓲᕐᓗ ᐃᒥᕐᑕᕐᕕᐅᑉ ᐃᒪᖓ ᐃᒻᒥᕐᓱᕐᑕᐅᕙᖕᒪᑦ, ᑍᒫᒃᑕᐅᖅ ᐱᐅᖏᑦᑐᓕᐅᕐᓂᖏᑦ ᐱᓯᒪᔭᐅᕗᑦ, ᓇᓂᑐᐃᓐᓇᖅ ᑲᑉᐱᐊᓇᕐᑐᖃᕐᐳᖅ ᐊᓯᕈᕐᓇᕐᑐᖃᕐᓗᓂᓗ, ᖃᓂᒪᓐᓇᕐᓂᖏᑦ ᐋᓐᓂᕐᑎᕆᓂᖏᓪᓗ ᑕᐅᑐᐃᓐᓇᕋᒃᑭᑦ.


ᐅᖁᒤᒃᓴᕐᑎᑦᓯᖏᓪᓗᓯᓗ ᐃᓅᖃᑎᑐᖃᕆᓐᖏᑕᑦᓯᓐᓂᒃ, ᐃᓕᐊᕐᔪᖕᓂᒃ, ᐅᐃᒡᒐᕐᓂᕐᓂᒡᓗ ᐸᓯᔭᒃᓴᐅᖏᑦᑐᓂᒡᓗ ᑐᖁᑕᐅᑎᑦᓯᕙᖏᓪᓗᓯ, ᒎᑎᓐᖑᐊᓂᒡᓗ ᒪᓕᒐᖃᕐᓂᑦᓯᓐᓄᑦ ᓇᖕᒥᓂᖅ ᓱᕋᒍᑎᒋᕙᖕᓂᐊᖏᓐᓇᑦᓯᐅᒃ.


ᐊᕙᓗᓕᐅᕈᑦᔭᐅᓯᒪᔪᑎᑐᑦ ᑍᒤᑦᑐᒦᑎᒻᒪᖓ ᕿᒫᕕᒃᓴᖃᕈᓐᓃᕐᐳᖓ ᐊᕐᓵᕐᑑᔭᓄᓪᓗ ᕿᓚᒃᓱᕐᐹᖓ.


ᐃᓄᐊᕐᓯᒪᓕᕋᑦᓯ ᐅᓄᕐᑐᓂᒃ ᑕᕝᕙᓂ ᐃᒡᓗᒐᓴᖕᓂ, ᐊᖅᑯᑎᓯᓗ ᑕᑕᓕᕐᐳᑦ ᑐᖁᖓᔪᓂᒃ.


ᐃᓄᐃᑦ ᑕᕝᕙᓂ ᓄᓇᓖᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ ᔨᕉᓴᓕᒥᐅᑦ ᐱᑦᔪᑎᒋᓪᓗᒋᑦ ᐃᓴᕆᐊᓕᒥ ᓄᓇᓖᑦ: ᓂᕆᔪᒫᕐᐳᑦ ᑲᑉᐱᐊᓱᒡᓗᑎᒃ, ᐃᒥᕈᒫᕐᐳᓪᓗ ᐃᓱᒪᔮᕐᓗᑎᒃ, ᓄᓇᖓᑦ ᓱᓁᕈᑦᔭᐅᔪᒫᕐᒪᑦ, ᑕᕝᕙᓃᑦᑐᓕᒫᑦ ᐱᕋᔭᖕᓂᒃᑯᑦ ᐃᓅᓂᖏᓐᓄᑦ.


ᐊᒃᓗᔪᓂᒃ ᐊᔪᕐᓴᕐᑐᓂᒡᓗ ᐅᖁᒤᒃᓴᕐᑎᑦᑎᕙᒡᓗᓂ, ᑎᒡᓕᒃᐸᒡᓗᓂ, ᐊᑐᕐᑐᐊᕐᑕᕕᓂᕐᒥᓂᒡᓗ ᐱᑖᑐᐃᓐᓇᖃᑦᑕᕐᓗᓂ, ᒎᑎᓐᖑᐊᓄᓪᓗ ᑐᒃᓯᐊᖃᑦᑕᕐᓗᓂ, ᓇᕐᕈᓇᕐᑐᓂᒡᓗ ᐱᓇᓱᐊᖃᑦᑕᕐᓗᓂ,


“ᑕᑯᒋᑦ, ᑍᒤᒻᒪᑦ ᑎᒡᓕᒐᕐᐸᒃᑐᓯ ᖄᖏᕐᓂᑯᓕᐅᕐᓂᒃᑯᑦ ᐱᒋᐊᕈᒫᕐᐸᑦᓯ ᐱᔪᓐᓇᕐᓂᓐᓄᑦ, ᑐᖁᕅᕙᒃᑐᓯᓗ ᐱᖃᓯᐅᑎᓗᓯ.


ᐊᖓᔪᖅᑳᖁᑎᖏᑦ ᐊᒪᕈᕐᑎᑐᑦ ᐆᒪᔪᕐᑕᒥᖕᓂᒃ ᐊᓕᒃᑐᐃᔪᑎᑐᑦ ᑍᒤᑉᐳᑦ, ᐃᓄᐊᖃᑦᑕᕐᐳᑦ, ᓈᒻᒪᓈᖏᑦᑐᒃᑯᑦ ᐊᒃᓗᐃᓕᓇᓱᐊᕐᐳᑦ ᑐᖁᑦᓯᕙᒃᓗᑎᒃ.


ᐃᓅᖃᑎᑦᓯ ᐃᓚᖏᑦ ᓴᒡᓗᑦᔪᑎᖃᕐᓗᑎᒃ ᑐᖁᑕᐅᑎᑦᓯᕙᒃᐳᑦ, ᐃᓚᖏᓪᓗ ᒎᑎᓐᖑᐊᓄᑦ ᑐᓂᕐᕈᑎᕕᓂᕐᓂᒃ ᓂᕆᖃᑦᑕᕐᐳᑦ; ᐃᓚᖏᓪᓗ ᐃᒃᓕᒎᕐᓂᕐᒥᖕᓄᑦ ᐱᓕᕆᕙᒃᓗᑎᒃ.


“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐊᑯᓂᓗᐊᖅ ᐃᓴᕆᐊᓕᒥᐅᓄᑦ ᐊᖓᔪᖅᑲᐅᔪᓯ ᐱᕋᔭᒃᑐᓂᒃ ᐊᓂᒍᑐᐃᓐᓇᕐᑎᑦᓯᖃᑦᑕᕋᑦᓯ ᐊᒃᓱᕈᕐᑎᑦᓯᓪᓗᓯᓗ, ᓈᒻᒪᓈᕐᑐᒥᒃ ᐃᓱᐊᕐᑐᒥᒡᓗ ᐱᓇᓱᐊᓕᕆᑦᓯ; ᐃᓄᖁᑎᓐᓂᒃ ᐊᕐᓵᕐᑎᕆᖃᑦᑕᕈᓐᓃᕆᑦᓯ, ᐊᑕᓂᖅ ᒎᑎ ᐅᖃᕐᐳᖅ.


ᐂᑎᒃᑭᕚᖓᓗ ᐊᑕᓂᐅᑉ ᐃᒡᓗᖓᑕ ᐊᓃᕋᔭᕐᕕᖓᑕ ᐃᓗᓪᓕᖓᓄᑦ; ᑕᑯᒋᓪᓗ, ᐊᑕᓂᐅᑉ ᑐᒃᓯᐊᕐᕕᖁᑎᖓᑕ ᐃᑎᕐᑕᕐᕕᖓᓂ, ᑐᕐᓲᖓᑕ ᑐᓂᕐᕈᓯᕐᕕᐅᓪᓗ ᐊᑯᓐᓂᖓᓂ, ᐊᖑᑎᓂᒃ 25 ᖃᓂᒋᔮᓃᑦᑐᓂᒃ, ᐊᑕᓂᐅᑉ ᑐᒃᓯᐊᕐᕕᖁᑎᖓᓂᒃ ᑐᓄᓐᖓᔪᓂᒃ, ᓯᕿᓂᐅᑉ ᓄᐃᕕᐊᑕ ᓇᓛᓄᑦ ᓵᓐᖓᔪᓂᒃ, ᓯᕿᓂᕐᒧᑦ ᑐᒃᓯᐊᕐᑐᓂᒃ.


ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᑕᑯᕕᒌᑦ? ᖃᓄᐃᓐᖏᓛᖅ? ᔫᑕᐅᑉ ᑭᖑᕚᖏᑦ ᓇᕐᕈᒋᔭᓐᓂᒃ ᐱᓇᓱᐊᑐᐃᓐᓇᕐᐸᑕ ᑕᕝᕙᓂ ᐱᓇᓱᐊᕐᑕᒥᖕᓂ, ᓄᓇ ᓈᔭᐅᑎᓪᓗᒍ ᐱᕋᔭᖕᓂᕐᓂᒃ, ᓱᓕ ᓂᓐᖓᒃᓴᒃᑲᓐᓂᕐᓗᖓ? ᑕᑯᒋᑦ, ᕿᔪᑯᑖᒥᒃ ᐊᑭᕈᕐᒥᒃ ᕿᖓᕐᒥᖕᓄᐊᕐᓯᕗᑦ.


ᑕᕝᕙ ᐅᖃᐅᑎᕚᖓ, “ᐃᓴᕆᐊᓕᐅᑉ ᔫᑕᐅᓪᓗ ᑭᖑᕚᖏᑦ ᐸᓯᔭᒃᓴᐅᓗᐊᕐᒪᑕ; ᓄᓇ ᐊᐅᖕᒥᒃ ᑕᑕᒻᒪᑦ, ᐃᒡᓗᒐᓴᒡᔪᐊᕐᒥᐅᓪᓗ ᐊᑦᔨᒌᒃᑎᑦᓯᓇᑎᒃ; ᐅᖃᖃᑦᑕᕐᒪᑕ, ‘ᐊᑕᓂᖅ ᓄᓇᒥᒃ ᖁᔭᓈᕐᓯᕗᖅ, ᑕᑯᓐᓇᕈᓐᓃᕐᓗᓂᓗ.’


ᐅᖃᕕᒃᓗᑎᒃ ᐊᖏᒻᒪᕆᒃᐸᒃᑲᓗᐊᕐᐳᑦ, ᓴᒡᓗᖃᑦᑕᕐᐳᑦ, ᑐᖁᕅᕗᑦ, ᑎᒡᓕᒐᕐᐳᑦ, ᐊᓯᓐᓂᐊᕐᓗᑎᒡᓗ; ᐱᕋᔭᖕᓃᓪᓗ ᑭᒡᓕᖃᕈᓐᓃᕐᐳᑦ, ᑐᖁᕅᑐᐃᓐᓇᓕᕐᐳᑦ ᑐᖓᓕᕇᒥᒃ.


ᐱᕈᕐᓰᕕᖕᓂᒃ ᐱᔪᒪᕕᒃᔪᐊᓕᕌᖓᒥᒃ ᐱᕋᔭᖕᓂᒃᑯᑦ ᐊᕐᓵᕐᓯᕙᒃᐳᑦ, ᐃᒡᓗᑖᕐᐸᒡᓗᑎᒡᓗ ᐊᕐᓵᕐᓯᓪᓗᑎᒃ. ᐅᖁᒤᒃᓴᕐᑎᑦᓯᓪᓗᑎᒡᓗ ᐊᖏᕐᕋᓕᖕᓂᒃ, ᐊᕐᓵᕐᓯᕙᒡᓗᑎᒡᓗ ᑭᖑᕐᖑᑎᔭᒃᓴᕆᔭᐅᔪᓂᒃ.


ᐅᒃᐱᕐᓇᑦᓯᐊᕐᑐᑦ ᐊᓯᐅᓯᒪᖕᒪᑕ ᓄᓇᕐᔪᐊᕐᒥᑦ, ᐃᓄᖕᓂᓗ ᐃᓱᐊᕐᑐᖃᕈᓐᓁᕐᐳᖅ; ᐃᓄᓕᒫᑦ ᐅᑕᖅᑭᐅᕐᐳᑦ ᑐᖁᑦᓯᔪᒪᓪᓗᑎᒃ; ᐃᓘᓐᓇᑎᒡᓗ ᖃᑕᓐᖑᑎᒥᖕᓂᒃ ᕿᓂᕐᐳᑦ ᓄᓗᐊᕐᑎᑦᓯᔪᒪᓪᓗᑎᒃ.


ᑎᐲᓯᐅᓪᓕ ᐃᓄᖏᑦ ᐊᐅᓪᓚᕈᑦᔭᐅᓕᕐᐳᑦ, ᐊᖅᑯᑏᓪᓗ ᓴᖑᖓᓂᖏᓐᓂ ᕿᑐᕐᖓᖏᑦ ᑏᒐᕆᐅᑦᔭᐅᕙᒃᓗᑎᒃ ᑐᖁᕋᕐᑕᐅᕗᑦ; ᓯᓚᑐᓂᖏᓪᓗ ᓇᓚᐅᑦᑖᕈᑎᒃᑯᑦ ᐱᑖᕐᑐᒐᐅᕗᑦ, ᓯᕗᓕᕐᑎᓕᒫᖏᓪᓗ ᐊᕐᓵᕐᑑᔭᓄᑦ ᐃᐱᕐᑐᕐᑕᐅᓪᓗᑎᒃ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ