ᐃᓯᑭᐊᓕᐅᑉ ᐊᒡᓚᖏᑦ 7:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ “ᓴᕕᒡᔪᐊᓕᔭᕐᑐᑦ ᓯᓚᑖᓃᑉᐳᑦ, ᖃᓂᒪᓇᕐᑐᖅ ᑳᖕᓇᕐᑐᕐᓗ ᐃᓗᐊᓃᑎᓪᓗᒋᑦ; ᐱᕈᕐᓰᕕᖕᒦᑦᑐᑦ ᓴᕕᒡᔪᐊᓄᑦ ᑐᖁᑕᐅᕗᑦ; ᐃᒡᓗᒐᓴᒡᔪᐊᓃᑦᑐᓪᓗ ᑐᑯᕋᕐᐳᑦ ᐱᕐᓕᕋᕐᓂᕐᒧᑦ ᐋᓐᓂᐊᓇᕐᑐᓄᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 7:15 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 14:18

ᐱᕈᕐᓰᕕᖕᒧᐊᕈᒪ, ᑕᑯᒋᑦ, ᓇᓂᑐᐃᓐᓇᖅ ᓴᕕᒡᔪᐊᒧᑦ ᑐᖁᑕᕕᓂᕐᓂᒃ ᑕᑯᕗᖓ, ᐃᒡᓗᒐᓴᖕᓄᐊᕋᒪᓗ, ᑕᑯᒋᑦ, ᐱᕐᓕᕋᕐᑐᕕᓂᕐᓂᒃ ᑕᑯᒋᕗᖓ, ᓇᓚᐅᑦᑍᔪᑦ ᑐᓂᕐᕈᓯᕐᑎᑦᓯᔩᓪᓗ ᑕᒪᕐᒥᒃ, ᑲᔪᓯᕗᑦ ᐱᓇᓱᐊᕐᑕᒥᖕᓂᒃ ᖃᐅᔨᒪᓇᑎᒃ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:20

ᐊᑕᓃᖅ, ᑕᑯᓚᐅᓐᖓ ᐋᓐᓂᐊᕐᑐᖓ, ᐃᓗᒃᑯᑦ ᐋᓐᓂᐊᓕᕐᐳᖓ, ᐆᒻᒪᑎᒐ ᓯᖁᒥᑉᐳᖅ, ᐊᔪᕐᑐᓕᓯᒪᓂᕋ ᐱᑦᔪᑎᒋᓪᓗᒍ, ᓯᓚᒥ ᑐᖁᕋᐅᑎᔪᑦ ᐅᓄᕐᐳᑦ, ᐃᒡᓗᒥᓗ ᑐᖁᖓᔪᕐᑕᖃᐅᓕᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:9

ᐅᓇᑕᕐᑐᓂ ᑐᖁᔪᑦ ᐱᐅᓂᕐᓴᐅᕗᑦ ᑭᖑᓂᖓᓂ ᑐᖁᔪᕕᓂᕐᓂᑦ ᐱᕐᓕᕐᓗᑎᒃ ᓱᒃᑬᑦᑐᒥᒃ ᑐᖁᕙᓪᓕᐊᔪᓂᑦ ᓂᕿᒃᓴᖃᖏᓐᓂᕐᒥᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 12:16

ᐊᒥᐊᒃᑯᖃᕐᑎᑦᓱᒫᕐᐸᒃᑲᓕ ᐅᓄᖏᑦᑐᓂᒃ ᓴᕕᒡᔪᐊᒥᑦ ᐊᓐᓇᒃᑐᓂᒃ, ᑳᖕᓇᕐᑐᕐᔪᐊᒥᑦ ᐋᓐᓂᐊᓇᕐᑐᓂᓪᓗ, ᐅᓂᒃᑳᕈᓐᓇᕐᓯᖁᓪᓗᒋᑦ ᒎᑎᒧᑦ ᓇᕐᕈᓇᕐᑐᓂᒃ ᐱᓂᐊᕐᓂᕆᓚᐅᕐᑕᒥᖕᓂᒃ ᐃᓅᖃᑎᒌᒡᔪᐊᓃᓕᕈᑎᒃ ᓇᔪᓕᕐᑕᒥᖕᓂ, ᖃᐅᔨᓕᖁᓪᓗᒋᓪᓗ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 5:12

ᐃᓅᖃᑎᑦᓯ ᐱᖓᔪᓪᓗᐊᖏᑦ ᐋᓐᓂᐊᓇᕐᑐᒧᑦ ᑐᖁᕋᕈᒫᕐᐳᑦ ᑳᖕᓇᕐᑐᕐᔪᐊᒧᓪᓗ ᐱᕐᓕᕋᕐᓗᑎᒃ ᐊᑯᓐᓇᑦᓯᓐᓂ; ᐃᓅᖃᑎᑦᓯ ᐱᖓᔪᒋᖕᒥᔭᖏᑦ ᑐᖁᕋᕐᑕᐅᔪᒫᕐᐳᑦ ᓴᕕᒡᔪᐊᒧᑦ ᐊᕙᑎᑦᓯᓐᓂ; ᐱᖓᔪᒋᖕᒥᔭᖏᑦ ᓯᐊᒻᒪᕐᑎᓪᓗᒋᑦ ᐊᓄᕆᓕᒫᓄᑦ ᑎᒃᑕᐅᕋᕐᑎᑦᓱᒫᕐᐸᒃᑲ ᓴᕕᒡᔪᐊᕐᓗ ᐴᖓᓂᑦ ᐊᒧᓗᒍ ᒪᓕᒍᒫᕐᐸᒃᑲ ᕿᒫᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 6:11

ᐃᒫᒃ ᐊᑕᓂᖅ ᒎᑎ ᐅᖃᕐᐳᖅ, “ᐸᑦᑕᒋᑦᓯ, ᐃᑎᒐᓯᓗ ᑐᒃᑲᕐᓗᒋᑦ, ᐅᖃᕐᓗᓯᓗ, ᐊᓱᐃᓛᒃ! ᐱᐅᖏᑦᑐᓄᑦ ᒎᑎᒧᓪᓗ ᓇᕐᕈᓇᕐᑐᓄᑦ ᐃᓴᕆᐊᓕᐅᑉ ᑭᖑᕚᖏᓐᓃᑦᑐᓄᑦ; ᑍᒤᓕᐅᕐᑐᑦ ᓴᕕᒡᔪᐊᕐᒧᑦ ᑐᖁᔪᒃᓴᐅᖕᒪᑕ, ᑳᖕᓇᕐᑐᕐᔪᐊᒧᓪᓗ, ᐋᓐᓂᐊᓇᕐᑐᓄᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 6:12

ᐅᖓᓯᒃᑐᒦᑦᑐᖅ ᐋᓐᓂᐊᓇᕐᑐᓄᑦ ᑐᖁᔪᒫᕐᐳᖅ; ᖃᓂᑦᑐᒦᑦᑐᕐᓗ ᓴᕕᒡᔪᐊᕐᒧᑦ ᑐᖁᓗᓂ, ᐊᒥᐊᒃᑰᔪᕐᓗ ᑳᖕᓇᕐᑐᕐᔪᐊᕐᒧᑦ ᐱᕐᓕᕐᓗᓂ. ᑍᒫᒃ ᓂᓐᖓᐅᒪᕕᒡᔪᐊᕐᓂᓐᓄᑦ ᐱᓇᓱᐊᕈᒫᕐᐳᖓ ᑖᒃᑯᓄᖓ.