ᐃᓯᑭᐊᓕᐅᑉ ᐊᒡᓚᖏᑦ 5:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ “ᓇᕐᕈᓇᕐᓯᔪᒫᕐᐳᓯ ᒥᑕᐅᑎᒃᓴᐅᓕᕐᓗᓯᓗ, ᐃᓂᕐᑎᕈᑎᒃᓴᐅᓗᓯ ᑲᑉᐱᐊᓵᕆᑦᔪᑎᒃᓴᐅᓗᓯᓗ ᐃᓅᖃᑎᒌᒡᔪᐊᓄᑦ ᐊᕙᑎᑦᓯᓐᓃᑦᑐᓄᑦ, ᐃᖅᑲᕐᑐᐃᓕᕈᒪ ᓂᓐᖓᐅᒪᓂᒃᑯᑦ ᓂᓐᖓᕕᒡᔪᐊᕐᓯᒪᓂᒃᑯᓪᓗ, ᓱᒋᐊᕐᓯᓂᒃᑯᑦ ᑲᑉᐱᐊᓇᕐᑐᑎᒍᑦ, ᐅᕙᖓ ᐊᑕᓂᖅ, ᐅᖃᕐᐳᖓ.

ᐃᓯᑭᐊᓕᐅᑉ ᐊᒡᓚᖏᑦ 5:15 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 9:7

ᑍᒤᑐᐊᕈᕕᑦ ᐃᓄᖁᑎᒃᑲ ᐃᓴᕆᐊᓕᑎᑦ ᐲᕐᑎᓐᓂᐊᕐᐸᒃᑲ ᓄᓇᒥᑦ ᑖᒃᑯᓄᖓ ᑐᓂᑦᔪᑎᒋᓚᐅᕐᑕᓐᓂᑦ; ᑐᒃᓯᐊᕐᕕᒡᔪᐊᕐᓗ ᕿᒪᒡᓗᒍ ᐃᑦᔪᕐᓁᑎᓚᐅᕐᑕᕋ ᐃᓂᒋᓂᐊᕐᓂᕋᓚᐅᕐᑕᕋᓗ ᑕᑯᓐᓇᕈᒪᔪᓐᓃᕐᓗᒍᓗ; ᐃᓄᐃᓪᓗ ᐊᖅᑯᓵᕐᑐᑦ ᓇᑭᓕᒫᖅ ᐃᓴᕆᐊᓕᒃᑯᓐᓂᒃ ᓇᕐᕈᓇᕐᓂᕅᔪᒫᕐᐳᑦ, ᖁᔭᓈᕐᑕᐅᓯᒪᓂᕋᓕᕐᓗᒍᓗ.

ᑯᕉᓂᑲ ᐂᑉᐸᖏᑦ 29:8

ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓ ᑎᑭᑉᐳᖅ ᔫᑕᒧᑦ ᔨᕉᓴᓕᒧᓪᓗ, ᐃᓱᐊᖏᑦᑐᑦ ᑲᑉᐱᐊᓇᕐᑐᓪᓗ ᑖᒃᑯᓄᖓ ᑎᑭᑎᓚᐅᕐᐰᑦ, ᑕᑕᒥᓐᓇᕐᑐᑦ, ᒥᑕᐅᑎᒋᔭᐅᓇᕐᑐᑦ ᑕᑯᓯᒪᔭᓯ ᓇᖕᒥᓂᖅ ᐃᔨᑦᓯᓐᓄᑦ.

ᐃᓐᖏᕈᑎᑦ 39:11

ᓱᐊᒃᑲᕕᒋᑦ ᐋᖅᑭᒋᐊᕐᓗᒋᓪᓗ ᐃᓄᐃᑦ ᐊᔪᕐᓂᖏᑦ ᐱᓪᓗᒋᑦ, ᐱᐅᒋᔭᖏᓪᓗ ᐊᐅᒃᑎᑉᐸᑎᑦ ᐅᖁᒃᑎᑐᑦ; ᓱᓕᔪᒥᒃ ᐃᓄᐃᑦ ᐳᔪᑐᐃᓐᓇᐅᕗᑦ. ᓰᓚ

ᐃᓐᖏᕈᑎᑦ 79:4

ᐃᓅᖃᑎᑦᑎᓐᓄᑦ ᐅᐱᓐᓇᕈᓐᓃᕐᐳᒍᑦ; ᐃᔪᕿᑕᐅᑎᒋᔭᐅᓪᓗᑕ ᒥᑕᐅᑎᒋᔭᐅᓕᕐᐳᒍᑦ ᖃᓂᒋᔭᑦᑎᓐᓃᑦᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 26:9

ᑕᕐᓂᕋ ᐅᖓᕗᖅ ᐃᓕᖕᓄᑦ ᐅᓐᓄᐊᒃᑯᑦ, ᐊᓂᕐᓂᕐᒪ ᐃᓗᓐᓃᑦᑑᑉ ᐃᓗᖏᕐᑐᕐᓗᓂ ᕿᓂᕐᐹᑎᑦ; ᓄᓇᕐᔪᐊᕐᒥᐅᑦ ᐃᓄᖏᑦ ᐃᖅᑲᕐᑐᓕᕌᖓᕕᒋᑦ, ᑕᕝᕙ ᐃᓕᓐᓂᐊᓕᕐᐸᒃᐳᑦ ᐃᓱᐊᕐᑐᓕᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 43:28

ᑍᒤᒻᒪᑦ ᐊᖓᔪᖅᑳᓯ ᓇᕐᕈᓇᕐᓯᑎᑦᓯᓚᐅᕐᒪᑕ ᑐᒃᓯᐊᕐᕕᒡᔪᐊᖁᑎᓐᓂᒃ: ᔧᑰᑉ ᑭᖑᕚᖏᑦ ᓄᖑᕋᕐᑕᐅᔪᒃᓴᓐᖑᕐᑎᓚᐅᕐᐸᒃᑲ, ᐃᓴᕆᐊᓕᒥᐅᓪᓗ ᐆᒥᒋᔭᒃᓴᓐᖑᕐᑎᓪᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 23:40

ᐃᓱᖃᖏᑦᑐᒧᓪᓗ ᓇᕐᕈᓇᕐᑎᑕᐅᓂᕐᒥᒃ ᐃᓕᑦᓯᓐᓄᑦ ᑎᑭᑎᑦᓯᔪᒫᕐᐳᖓ ᑲᓐᖑᓇᕐᑐᒦᓐᓂᕐᒥᒃ, ᐳᐃᒍᕐᑕᐅᓚᐅᕐᓯᒪᓂᐊᖏᑦᑐᒥᒃ.”

ᔨᕆᒤᐊᐅᑉ ᐊᒡᓚᖏᑦ 29:18

ᐅᓇᑕᕐᑕᐅᑎᓐᓂᐊᕐᐸᒃᑲ ᑳᖕᓇᕐᑐᕐᔪᐊᖃᕐᑎᑦᓯᓗᖓᓗ ᐋᓐᓂᐊᓇᕐᑐᖃᕐᑎᑦᓯᓂᐊᕐᐳᖓ ᐃᓅᖃᑎᒌᒡᔪᐊᓄᓪᓗ ᑲᑉᐱᐊᓲᑕᐅᓂᐊᕐᐳᑦ ᑕᒪᒃᑯᐊ ᑕᑯᔭᐅᓕᕈᑎᒃ ᑍᒃᑯᓄᖓ ᑎᑭᑎᒃᑯᒃᑭᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:15

ᐃᒡᓗᒐᓴᒡᔪᐊᑎᒍᑦ ᐊᖅᑯᓵᕐᑐᑦ ᐅᖃᐅᓯᕐᓘᑎᖃᕐᐳᑦ ᐃᓕᑦᓯᓐᓂᒃ ᐱᔪᓇᕈᓱᓐᖏᒧᑦ ᐃᒡᓚᐅᑎᖃᕐᐳᑦ ᔨᕉᓴᓕᐅᑉ ᐊᓯᕈᕐᑕᐅᓯᒪᓂᖓᓂᒃ, ᐅᖃᕐᓗᑎᒃ, “ᐃᒡᓗᒐᓴᒡᔪᐊᑦ ᑕᕝᕙ ᐱᐅᓂᕐᐹᖑᓂᕋᕐᑕᐅᕙᓚᐅᕐᑐᑦ, ᓯᓚᕐᔪᐊᕐᒥᐅᓄᑦ ᐅᐱᒍᓲᑎᒃᓴᐅᓂᕋᕐᑕᐅᕙᓚᐅᕐᑐᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:16

ᐊᑭᕋᖏᑕ ᒥᑕᐅᑎᒋᕚᑦ ᖀᒥᒋᓪᓗᒍᓗ ᐅᖃᕐᐳᑦ ᐊᓯᕈᕐᑕᐅᕋᑕᕐᐳᑦ, ᑍᒤᑕᐅᖁᓪᓗᒍ ᐅᑕᖅᑭᐊᕆᕙᓚᐅᕐᑕᕗᑦ ᐊᑑᑎᑎᑕᐅᓕᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 11:9

ᐃᒡᓗᒐᓴᒡᔪᐊᓂᑦ ᐊᓂᑎᑦᓱᒫᕐᐸᑦᓯ, ᐃᓅᖃᑎᒋᓐᖏᑕᑦᓯᓐᓄᑦ ᐂᑦᑑᑎᒋᓗᓯ, ᐃᖅᑲᕐᑐᐃᓂᕋ ᑲᔪᓯᑎᓪᓗᒍ ᐃᓕᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 14:8

ᑍᒤᓕᐅᕐᑐᖅ ᓵᓐᓂᐊᕐᐸᕋ, ᓇᓗᓁᒃᑯᑕᓐᖑᕐᑎᓪᓗᒍ ᐅᖃᐅᓯᐅᖃᑦᑕᕐᓗᓂ ᐅᓗᕆᐊᒋᔭᒃᓴᐅᖁᓪᓗᒍ ᐃᓄᖁᑎᓐᓄᓪᓗ ᐃᓚᒋᔭᐅᔪᓐᓃᕐᑎᓪᓗᒍ; ᑕᕝᕙ ᖃᐅᔨᓂᐊᕐᐳᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 16:41

ᐃᒡᓗᓯᓗ ᐃᑯᐊᓪᓚᒍᒫᕐᐰᑦ ᐃᖅᑲᕐᑐᕐᑕᐅᔪᒫᕐᐳᓯᓗ ᐊᕐᓇᒐᓴᒡᔪᐊᓄᑦ ᑕᑯᓐᓇᕐᑕᐅᑎᓪᓗᓯ; ᐊᕐᓇᕐᓂᐊᕐᑎᐅᓂᓯ ᓄᖅᑲᕐᑎᑦᓱᒫᕐᐸᕋ, ᐊᔪᕐᑐᓕᓂᕐᒧᓪᓗ ᑐᓂᓯᖃᑦᑕᕐᓂᓯ ᓄᖅᑲᕐᑎᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 16:57

ᐱᐅᖏᑦᑐᓕᓂᓯ ᓴᖅᑭᑎᑕᐅᓚᐅᖅᑳᕐᑎᓐᓇᒋᑦ, ᑖᓐᓇ ᐊᑦᔨᒋᓕᕐᐸᓯ ᒥᑕᐅᑎᒋᔭᒃᓴᑐᐃᓐᓇᐅᓕᕐᐳᓯ ᐄᑐᒥᐅᑉ ᐸᓂᖏᓐᓄᑦ ᐃᓅᖃᑎᓕᒫᖏᓐᓄᓪᓗ, ᐱᓕᔅᑍᓂᒥᐅᓪᓗ ᐸᓂᖏᓐᓄᑦ ᖃᓂᒋᔭᖏᓐᓃᑦᑐᓄᓪᓗ ᐃᓕᑦᓯᓐᓂᒃ ᓇᕐᕈᔪᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 22:4

ᐸᓯᔭᒃᓴᐅᓕᕐᐳᓯ ᐃᓄᐊᖃᑦᑕᕐᓂᑦᓯᓐᓄᑦ, ᓇᕐᕈᓇᕐᓯᓪᓗᓯᓗ ᒎᑎᓐᖑᐊᑦᓯᓐᓄᑦ; ᐅᓪᓗᒃᓴᓯ ᓇᓪᓕᐅᑎᓂᒃᓴᖓ ᖃᒡᓕᒋᐊᕐᑎᑉᐸᓯ, ᐱᕕᒃᓴᑦᓯᓐᓄᑦ ᓈᒻᒪᒃᓯᑦᔪᑦᔭᐅᕗᓯ. ᑍᒤᒻᒪᑦ ᐃᓅᖃᑎᒌᒡᔪᐊᓄᑦ ᓇᕐᕈᒋᔭᐅᓕᕐᑎᑉᐸᑦᓯ, ᓄᓇᓕᒡᔪᐊᓕᒫᓄᓪᓗ ᒥᑕᐅᑎᒃᓴᐅᓕᕐᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 23:32

ᐃᒫᒃ ᐊᑕᓂᖅ ᒎᑎ ᐅᖃᕐᐳᖅ: ᐊᖓᔪᕕᑦ ᐃᒥᐅᑎᖓᓂᑦ ᐃᒥᕈᒫᕐᐳᑎᑦ ᐃᓗᑐᓪᓗᓂ ᐊᖏᔫᖕᒪᑦ; ᐃᓄᖕᓄᑦ ᒥᑕᐅᑎᒋᔭᐅᓗᑎᑦ ᐃᔪᕿᑕᐅᑕᐅᔪᒫᕐᐳᑎᑦ, ᐃᒥᐅᑦ ᐃᒪᖅᑯᕐᑐᖕᒪᑦ;

ᐃᓯᑭᐊᓕᐅᑉ ᐊᒡᓚᖏᑦ 25:17

ᓱᒋᐊᕈᒫᕐᐸᒃᑲ ᐊᑭᓂᐊᕕᒡᔪᐊᕐᓗᒋᑦ ᓂᓐᖓᐅᒪᓂᓐᓄᑦ ᐋᖅᑭᒃᓱᕐᓗᒋᑦ, ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᑖᒃᑯᓄᖓ ᐊᑭᓂᐊᕐᑐᖅ.”

ᐃᓯᑭᐊᓕᐅᑉ ᐊᒡᓚᖏᑦ 30:19

ᑍᒤᓕᐅᕐᓗᖓ ᐄᑦᔨᑉᑎᒥᐅᑦ ᓱᒋᐊᕈᒫᕐᐸᒃᑲ. ᑕᕝᕙ ᖃᐅᔨᔪᒫᕐᐳᑦ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 5:16

ᑳᖕᓇᕐᑐᕐᔪᐊᓪᓗ ᖃᕐᔪᖏᓐᓄᑦ ᐱᓯᒋᐊᖃᑦᑕᓕᕈᒪ, ᖃᕐᔪᓄᑦ ᐊᓯᕈᐃᔪᓄᑦ, ᐱᒋᐊᕈᒫᕐᐸᑦᓯ ᓄᖑᑕᐅᖁᓪᓗᓯ, ᑳᖕᓇᕐᑐᕐᔪᐊᓄᑦ ᑭᖑᓕᕇᓄᑦ ᑎᑭᑕᐅᑎᑦᓱᒫᕐᐸᑦᓯ, ᓂᐊᖂᔭᒃᓴᖁᑎᓯᓗ ᐊᔭᐱᕐᕕᒋᕙᒃᑕᓯ ᓄᖑᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 5:8

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐅᕙᖓ ᓇᖕᒥᓂᖅ ᐊᑭᕋᕐᑐᓕᕐᐸᑦᓯ; ᓱᒋᐊᕐᓂᐊᕐᐸᑦᓯ ᐃᓅᖃᑎᒌᒡᔪᐊᑦ ᑕᑯᓐᓇᕐᑎᓪᓗᒋᑦ.

ᒨᓯᓯ ᐱᖓᔪᖏᑦ 26:32

ᓄᓇᓯ ᐊᓯᕈᕐᓂᐊᕐᐸᕋ ᓱᓇᐅᔪᓐᓁᕐᑎᓪᓗᒍ, ᐊᑭᕋᓯ ᐊᒡᓛᑦ ᑕᑕᒥᓐᓂᐊᕐᐳᑦ ᓄᓇᑦᓯ ᐊᓯᕈᕐᓯᒪᓂᖓᓂᒃ.

ᓇᕼᐅᒥᐅᑉ ᐊᒡᓚᖏᑦ 1:2

ᐊᑕᓂᖅ ᒎᑎᐅᕗᖅ ᐊᓯᒥᓅᖁᔨᖏᑦᑐᖅ ᐊᑭᓂᐊᕐᑎᐅᓪᓗᓂᓗ; ᐊᑕᓂᖅ ᐊᑭᓂᐊᕐᐳᖅ ᓂᓐᖓᐅᒪᓕᕐᓗᓂᓗ; ᐊᑕᓂᐅᑉ ᐊᑭᕋᕐᑐᕐᑎᓂ ᐊᑭᓂᐊᕐᐰᑦ, ᐆᒥᒋᔨᒥᓄᓪᓗ ᓂᓐᖓᖕᓂᓂ ᐃᓕᖓᑎᑉᐹ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:11

ᑕᒪᒃᑯᐊᓕ ᑍᒤᓚᐅᕐᐳᑦ ᐅᓗᕆᐊᒋᔭᒃᓴᐅᖁᓪᓗᒋᑦ ᑎᑎᕋᕐᓯᒪᕗᓪᓗ ᐃᓂᕐᑎᕐᑕᐅᖁᓪᓗᑕ, ᐅᕙᒍᑦ ᐃᓱᐊᓄᑦ ᑎᑭᓕᕐᑎᓪᓗᑕ.

ᒨᓯᓯ ᑕᓪᓕᒪᖏᑦ 28:37

ᓄᓇᓄᑦ ᓇᒧᑐᐃᓐᓇᖅ ᐊᑕᓂᐅᑉ ᓯᐊᒻᒪᕐᑎᑦᓱᒫᕐᐹᓯ, ᐃᓄᖏᓐᓂᓪᓗ ᖁᐊᕐᓵᕈᑕᐅᔪᒫᕐᐳᓯ ᓱᔪᐊᓘᓐᓂᕐᒪᖔᑦᓯ ᐃᓱᒪᒋᔭᐅᓗᓯ; ᑍᒎᓴᒐᐅᓕᕐᓗᓯ ᐅᖃᐅᓯᐅᒐᔪᓕᕐᓗᓯᓗ.

ᒨᓯᓯ ᑕᓪᓕᒪᖏᑦ 28:46

ᑕᒪᒃᑯᐊᓗ ᓇᓗᓁᒃᑯᑕᐅᔪᒫᕐᐳᑦ ᒎᑎᐅᑉ ᐃᓕᑦᓯᓐᓂᒃ ᓱᒋᐊᕐᓯᓂᖓᓂᒃ ᑭᖑᕚᓯ ᐱᖃᓯᐅᑎᓗᒋᑦ ᐃᓱᖃᖏᑦᑐᒧᑦ.