ᐃᓯᑭᐊᓕᐅᑉ ᐊᒡᓚᖏᑦ 47:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑕᓯᕐᔪᐊᓪᓕ ᓯᓚᑖᓃᑦᑐᑦ ᐃᒫᕐᓱᐃᑦ ᑕᓯᕐᓗᐃᓪᓗ ᐃᒪᑦᓯᐊᓐᖑᕈᒫᓐᖏᓚᑦ; ᑕᕆᐅᕆᔭᐅᖁᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 47:11 ပူးပေါင်းရင်းမြစ်များ

ᐃᓐᖏᕈᑎᑦ 107:34

ᓄᓇᓗ ᐱᕈᕐᑐᖃᑦᓯᐊᕐᑐᖅ ᐱᕈᕐᕕᐅᔪᓐᓁᓪᓕᑎᑉᐹ ᑕᕆᐅᕈᕐᓗᓂ, ᑕᕝᕙᓂ ᓄᓇᖃᕐᑐᑦ ᐱᐅᖏᑦᑐᓕᓂᖏᑦ ᐱᑦᔪᑎᒋᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 17:6

ᑖᓐᓇ ᐅᕐᐱᒐᕐᑎᑐᑦ ᓱᓇᖃᔪᐃᑦᑐᒦᑦᑐᑎᑐᑦ ᑍᒤᑉᐳᖅ, ᐱᐅᔪᒥᒃ ᑕᑯᔭᒃᓴᖃᖏᑦᑐᑎᑐᑦ. ᓴᓗᐊᖓᔪᒦᑦᓱᒫᕐᐳᖅ ᐃᓄᖃᔪᐃᑦᑐᒥ, ᓄᓇᒥ ᑕᕆᐅᕐᒥ ᐃᓄᖃᖏᑦᑐᒥ.

ᐃᓯᑭᐊᓕᐅᑉ ᐊᒡᓚᖏᑦ 47:12

ᑰᓪᓗ ᓰᓇ, ᐊᑦᔨᒌᖏᑦᑐᓂᒃ ᓇᐹᕐᑐᖃᕈᒫᕐᐳᖅ ᐊᑭᓕᕇᓂᒃ, ᓂᕿᒃᓴᖃᕐᕕᐅᔪᒫᕐᑐᓂᒃ. ᐅᖃᐅᔭᖏᑦ ᑐᖁᓕᔪᐃᑦᑑᔪᒫᕐᐳᑦ ᐱᕈᕐᑐᐃᕈᑎᔪᓐᓇᖏᓪᓗᑎᒡᓗ, ᑕᖅᑭᑕᒫᓪᓕ ᓄᑖᓂᒃ ᐸᐅᕐᖓᕐᑖᖃᑦᑕᕈᒫᕐᐳᑦ, ᐃᒪᖃᕐᑎᑕᐅᒐᒥᒃ ᑐᒃᓯᐊᕐᕕᒡᔪᐊᕐᒥᑦ ᑰᒃᑐᒧᑦ. ᐱᕈᕐᑐᖏᑦ ᓂᕿᒃᓴᐅᔪᒫᕐᐳᑦ, ᐅᖃᐅᔭᖏᓪᓗ ᐃᓅᓕᓴᐅᑎᐅᔪᒫᕐᐳᑦ ᐋᖅᑭᒃᑕᐅᓇᕐᑑᓗᑎᒃ.”

ᒨᓯᓯ ᑕᓪᓕᒪᖏᑦ 29:23

ᓄᓇᓕᒫᖅ ᐱᕈᕐᓰᕕᓕᒫᓪᓗ ᓱᓇᒃᓴᐅᔪᓐᓃᕈᒫᕐᐳᑦ, ᐅᔭᕋᖕᓄᑦ ᐃᑯᐊᓪᓚᒃᓴᕅᑦᑐᓄᑦ ᑕᕆᐅᕐᒧᓪᓗ; ᑲᓐᖓᕐᓱᐃᕕᐅᔪᒫᓐᖏᓚᖅ, ᐊᒡᓛᑦ ᐱᕈᕐᓂᕐᓗᒃᑐᓂᒃ ᐱᕈᕐᕕᐅᔪᓐᓃᕈᒫᕐᐳᖅ. ᓄᓇᓯᓗ ᓱᑑᒪᒥᐅᑦ ᒍᒨᕋᒥᐅᓪᓗ ᐃᒡᓗᒐᓴᖏᑎᑐᑦ ᑍᒤᑦᑑᓕᕈᒫᕐᐳᖅ, ᐊᑦᒪᒥᐅᑎᑐᓪᓗ ᔨᐳᐃᒥᐅᑎᑐᓪᓗ, ᐊᑕᓂᐅᑉ ᑖᒃᑯᐊ ᓄᖑᑎᓚᐅᕐᒪᒋᑦ ᓂᓐᖓᕕᒡᔪᐊᕐᕕᒋᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:11

ᓇᓪᓕᐊᑦ ᐱᐅᖏᑦᑐᓕᔪᖅ ᐱᐅᖏᑦᑐᒥᒃ ᐱᓇᓱᐊᖏᓐᓇᕐᓕ, ᑲᓐᖑᓇᕐᑐᓕᔪᕐᓗ ᐱᐅᖏᑦᑐᓂᒃ ᑲᓐᖑᓇᕐᑐᓖᓐᓇᕐᓕ, ᐃᓗᐊᕐᑐᓕᔪᕐᓗ ᐱᑦᓯᐊᕐᓂᕐᒥᒃ ᐱᓇᓱᐊᖏᓐᓇᕐᓕ, ᐃᑦᔪᕐᓁᑦᑐᕐᓗ ᐃᑦᔪᕐᓁᖏᓐᓇᕐᓕ.”

ᐃᓗᐊᕐᓮᔩᑦ ᐊᒡᓚᖏᑦ 9:45

ᐊᐱᒥᓕᒃᑯᑦ ᐅᓇᑕᕐᐳᑦ ᐅᓪᓗᓕᒫᖅ ᐃᒡᓗᒐᓴᒡᔪᐊᕐᒥᐅᓂᒃ, ᐃᒡᓗᒐᓮᑦ ᓵᓚᒋᓪᓗᒋᑦ, ᓄᓇᖃᕐᑐᑦ ᑐᖁᑉᐰᑦ; ᐃᒡᓗᒐᓮᓪᓗ ᓯᖁᑦᑎᕐᓗᒋᑦ, ᓄᓇᓗ ᑕᕆᐅᕐᒥᒃ ᑲᓐᖓᕐᑎᕐᕕᒋᓪᓗᒍ.