ᐃᓯᑭᐊᓕᐅᑉ ᐊᒡᓚᖏᑦ 46:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐊᖑᓴᓪᓗᕐᒥᒃ ᓰᐲᓪᓗ ᐊᖑᓴᓪᓗᖓᓂᒃ ᑐᓂᓯᓕᕈᓂ ᐃᓚᖃᖃᑦᑕᕐᑐᒃᓴᐅᕗᑦ ᖃᑦᑕᐅᔭᐅᑉ ᓇᑉᐸᓪᓗᐊᖓᓂᒃ ᓂᐊᖂᔭᒃᓴᒥᒃ, ᓄᕐᕋᐅᔭᕐᓂᒃ ᑐᓂᓯᓕᕈᓂ ᐃᓚᖃᖃᑦᑕᕐᑐᒃᓴᐅᕗᖅ ᐊᖓᔪᖅᑳᑉ ᑐᓂᔪᓐᓇᕐᑕᓕᒫᖏᓐᓂᒃ, ᐃᓚᖃᕐᑎᓪᓗᒋᑦ ᐸᐅᕐᖎᑦ ᐅᕐᓱᖓᓂᒃ ᐅᕐᓱᒃᓴᖃᐅᑎᑎᑐᑦ ᐱᖓᓱᑎᑐᑦ ᐊᖏᑎᒋᔪᓂᒃ ᓂᐊᖂᔭᒃᓴᓂᒡᓗ ᖃᑦᑕᐅᔭᐅᑉ ᓇᑉᐸᓪᓗᐊᖓᑎᑐᑦ ᐊᖏᑎᒋᔪᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 46:7 ပူးပေါင်းရင်းမြစ်များ

ᐃᓯᑭᐊᓕᐅᑉ ᐊᒡᓚᖏᑦ 45:24

ᓂᐊᖂᔭᒃᓴᒥᒡᓗ ᐊᑐᐃᓐᓇᐅᑎᑦᓯᔪᒃᓴᐅᒋᕗᖅ ᐄᐸᑎᑐᑦ ᐊᖏᓂᖃᕐᓗᑎᒃ ᐊᑐᓂᑦ ᐊᖑᓴᓪᓗᕐᒧᑦ ᐊᑕᐅᓯᕐᒧᑦ, ᓰᐱᐅᓪᓗ ᐊᖑᓴᓪᓗᖓᓄᑦ ᐊᑕᐅᓯᕐᒧᑦ ᐄᐸᒥᒃ ᐊᑕᐅᓯᕐᒥᒃ, ᐸᐅᕐᖎᓪᓗ ᐅᕐᓱᖏᓐᓂᒃ ᕼᐃᓐᒥᒃ ᐊᖏᓂᖃᕐᑐᓂᒃ ᐄᐸᒧᑦ ᐊᑕᐅᓯᕐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 46:11

ᓇᓪᓕᐅᓐᓂᕐᓯᐅᕐᕖᑦ ᓇᓪᓕᐅᓯᒪᑎᓪᓗᒋᑦ ᐊᖑᓴᓪᓗᕐᒥᒃ ᑐᓂᕐᕈᓯᕐᓂᐊᕐᑎᓪᓗᒋᑦ ᓰᐱᐅᓪᓘᓐᓃᑦ ᐊᖑᓴᓪᓗᖓᓂᒃ ᓂᐊᖂᔭᒃᓮᑦ ᑐᓂᕐᕈᑕᐅᓂᐊᕐᑐᖅ ᖃᑦᑕᐅᔭᐅᑉ ᓇᑉᐸᓪᓗᐊᖓᑐᑦ ᐊᖏᑎᒋᔪᒃᓴᐅᕗᖅ, ᓄᕐᕋᐅᔭᕐᓂᒃ ᑐᓂᕐᕈᑎᖃᕐᑎᓪᓗᒋᑦ ᑐᓂᔪᓐᓇᕐᑕᓕᒫᒥᖕᓂᒃ ᑐᓂᓯᔪᒃᓴᐅᕗᑦ, ᐃᓚᖃᕐᑎᓪᓗᒋᑦ ᓇᐹᕐᑑᑉ ᐅᕐᓱᖓᓂᒃ ᐅᕐᓱᒃᓴᖃᐅᑎᑎᑐᑦ ᐱᖓᓱᑎᑐᑦ ᐊᖏᑎᒋᔪᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 46:5

ᓰᐱᐅᑉ ᐊᖑᓴᓪᓗᖓᓂᒃ ᑐᓂᕐᕈᓯᓕᕈᓂ ᖃᑦᑕᐅᔭᐅᑉ ᓇᑉᐸᓪᓗᐊᖓᑐᑦ ᐊᖏᑎᒋᔪᒥᒃ ᓂᐊᖂᔭᒃᓴᒥᒃ ᐱᖃᓯᐅᑦᔨᔪᒃᓴᐅᕗᖅ, ᓄᕐᕋᐅᔭᕐᓂᒡᓗ ᑐᓂᕐᕈᓯᓕᕈᓂ ᑐᓂᖃᓯᐅᑎᔪᓐᓇᕐᑕᓕᒫᒥᓂᒃ ᑐᓂᖃᓯᐅᑦᔨᔪᓐᓇᕐᐳᖅ, ᑐᓂᕐᕈᑎᒋᔭᖏᑦ ᐃᓚᖃᕐᓗᑎᒃ ᖃᑦᑕᐅᔭᐅᑉ ᓇᑉᐸᓪᓗᐊᖓᑎᑑᕐᑐᒥᒃ ᓂᐊᖂᔭᒃᓴᒥᒃ ᐸᐅᕐᖎᓪᓗ ᐅᕐᓱᖓᓂᒃ ᐅᕐᓱᒃᓴᖃᐅᑎᑎᑐᑦ ᐱᖓᓱᑎᑐᑦ ᐊᖏᑎᒋᔪᒥᒃ.

ᒨᓯᓯ ᐱᖓᔪᖏᑦ 14:21

“ᐃᓄᒡᓕ ᐊᒃᓱᔫᒃᐸᑦ, ᑕᒪᒃᑯᓂᖓᓗ ᐱᔪᓐᓇᖏᓪᓗᓂ, ᕾᑦᓯᔭᕆᐊᖃᕐᐳᖅ ᓰᐱᐅᑉ ᓄᕐᕋᖓᓂᒃ ᐊᖑᒻᒥᒃ ᐊᑕᐅᓯᕐᒥᒃ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒧᑦ ᑐᓂᕐᕈᑎᒃᓴᒥᒃ, ᐊᐅᓪᓚᕐᑎᑕᐅᓗᓂ ᑐᓂᕐᕈᑎᒃᓴᒥᒃ ᐃᓱᒪᒋᔪᓐᓁᕐᕕᐅᖁᓪᓗᒍ, ᐃᓚᖃᕐᓗᒍ ᐆᒃᑑᑎᐅᑉ ᐊᑕᐅᓯᐅᑉ ᓇᑉᐸᖓᑐᑦ ᐅᑯᒤᑎᒋᔪᒥᒃ ᓂᐊᖂᔭᕐᒥᒃ ᐅᕐᓱᒥᒃ ᐃᓚᓯᒪᔪᒥᒃ, ᓂᐊᖂᔭᒃᓴᖅ ᑐᓂᕐᕈᑎᒃᓴᒥᒃ ᐆᒃᑑᑎᒥᒡᓗ ᓇᑉᐸᐅᑉ ᓇᑉᐸᖓᓂᒃ ᐅᕐᓱᒥᒃ,

ᒨᓯᓯ ᓯᑕᒪᖏᑦ 28:11

“ᑕᖅᑭᐅᑉ ᐱᒋᐊᕐᓂᖓᓂ ᐃᑯᐊᓚᑎᑕᒃᓴᒥᒃ ᐊᑕᓂᕐᒧᑦ ᑐᓂᕐᕈᓯᖃᑦᑕᕐᓂᐊᕐᐳᓯ: ᐊᖑᓴᓪᓘᖕᓂᒃ ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ, ᓰᐱᒥᒃ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ, 7ᓂᒡᓗ ᓰᐱᓂᒃ ᓄᕐᕋᕐᓂᒃ ᐊᕐᕌᒍᖃᕐᑐᓂᒃ ᐊᑕᐅᓯᕐᒥᒃ, ᓴᓗᒤᓐᓂᖃᖏᓪᓗᑎᒃ;

ᒨᓯᓯ ᑕᓪᓕᒪᖏᑦ 16:17

ᐊᖑᑎᓕᒪᑦ ᑐᓂᓯᔪᒃᓴᐅᕗᑦ ᐱᔪᓐᓇᕐᑕᒥᖕᓂᒃ, ᓮᒻᒪᕐᑎᑕᐅᓂᒃᑯᑦ ᐊᑕᓂᕐᒧᑦ ᒎᑎᑦᓯᓐᓄᑦ ᑐᓂᓯᕕᐅᓯᒪᓂᑎᒃ ᒪᓕᒡᓗᒋᑦ.”