ᐃᓯᑭᐊᓕᐅᑉ ᐊᒡᓚᖏᑦ 46:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᖓᔪᖅᑳᖅ ᐃᑎᕐᑐᒃᓴᐅᕗᖅ ᑐᕐᓲᖑᔭᕐᒥᑦ ᓯᓚᕙᓯᖕᓂᕐᓴᒥᑦ, ᓇᖏᕐᑐᒃᓴᐅᕗᕐᓗ ᐃᑎᕐᑕᕐᕕᐅᑉ ᐊᕙᓗᖏᒃᑕ ᓴᓂᐊᓂ. ᑕᕝᕙ ᑐᓂᕐᕈᓯᕐᑎᑦᓯᔨ ᑐᓂᕐᕈᓯᕐᑐᒃᓴᐅᕗᖅ ᐃᑯᐊᓚᑦᓯᓗᓂ ᐃᓅᖃᑎᒌᑦᓯᐊᕐᓂᕐᒧᓪᓗ ᑐᓂᕐᕈᓯᕐᓗᓂ, ᑕᕝᕙᓂᓗ ᐃᑎᕐᑕᕐᕕᐅᑉ ᐅᒃᑯᐊᖃᕐᕕᖓᓂ ᑐᒃᓯᐊᕐᑐᒃᓴᐅᕗᖅ. ᑐᒃᓯᐊᕇᕈᓂ ᐊᓂᔪᒃᓴᐅᕗᖅ, ᐃᑎᕐᑕᕐᕕᒡᓕ ᐅᑯᐊᕐᑕᐅᔪᒃᓴᐅᓐᖏᓚᖅ ᐅᓐᓄᖕᒧᑦ ᑎᑭᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 46:2 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 17:16

ᑕᕝᕙ ᐊᖓᔪᖅᑳᕐᔪᐊᖅ ᑍᕕᑎ ᐃᑎᕋᒥ ᐃᖏᑉᐳᖅ ᐊᑕᓂᐅᑉ ᓵᖓᓄᑦ; ᐅᖃᕐᓗᓂᓗ, “ᖃᓄᐃᑦᑑᕗᖔ, ᐊᑕᓃᖅ ᒎᑏᒃ? ᐃᓚᒃᑲᓗ ᖃᓄᐃᑦᑑᕙᑦ, ᑕᒪᐅᖓ ᑎᑭᐅᑎᑎᓯᒪᓕᕋᕕᓐᖓ?

ᑯᕉᓂᑲ ᓯᕗᓪᓖᑦ 9:18

ᑕᕝᕗᖓ ᑎᑭᓪᓗᒍ ᑖᒃᑯᐊ ᐃᑎᕐᑕᕐᕕᓕᕆᔨᐅᓚᐅᕐᐳᑦ ᑕᖕᒫᕐᓯᒪᕕᖕᓂ ᓕᕔᑉ ᕿᑐᕐᖓᖏᑦ ᐊᖓᔪᖅᑳᕐᔪᐊᑉ ᐃᑎᕐᑕᕐᕕᖓᓂ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒥᒃ.

ᑯᕉᓂᑲ ᐂᑉᐸᖏᑦ 23:13

ᑕᑯᓴᕋᒥᓗ, ᑕᑯᕗᖅ ᐊᖓᔪᖅᑳᕐᔪᐊᕐᒥᒃ ᓇᖏᕐᑐᒥᒃ ᐃᑎᕆᐊᕐᕕᐅᑉ ᓱᑲᖓᑕ ᓴᓂᐊᓂ, ᐅᓇᑕᕐᑐᒃᓮᓪᓗ ᐊᖓᔪᖅᑳᖏᑦ ᑎᑦᑐᓚᐅᓯᔭᕐᑏᓪᓗ ᐊᖓᔪᖅᑳᕐᔪᐊᑉ ᓴᓂᐊᓃᑉᐳᑦ, ᐃᓄᓕᒫᓪᓗ ᓄᓇᓖᑦ ᖁᕕᐊᓱᒃᐳᑦ ᑎᑦᑐᓚᐅᑎᓄᓪᓗ ᓂᓪᓕᐊᑎᑦᓯᓪᓗᑎᒃ, ᐃᓐᖏᕐᑏᓪᓗ ᓂᑦᔭᐅᓯᔭᕐᑐᑦ ᓯᕗᓕᕐᓗᑎᒃ ᖁᕕᐊᓲᑎᖃᕐᐳᑦ. ᐊᑕᓔᐊᐅᓪᓗ ᐊᓐᓄᕌᓂ ᐊᓕᒃᓗᒋᑦ ᐅᖃᕐᐳᖅ, “ᐊᑭᕋᕐᑐᓕᕐᐳᓯ! ᐊᑭᕋᕐᑐᓕᕐᐳᓯ!”

ᑯᕉᓂᑲ ᐂᑉᐸᖏᑦ 29:29

ᑐᓂᕐᕈᓯᕐᓂᕐᒥᒡᓗ ᐱᔭᕇᕐᒪᑕ, ᐊᖓᔪᖅᑳᕐᔪᐊᖅ ᐃᓚᒋᔭᖏᓪᓗ ᑍᑲᓃᑦᑐᓕᒫᑦ ᐹᒻᒪᒃᑎᕐᐳᑦ ᑐᒃᓯᐊᕐᓗᑎᒡᓗ.

ᑯᕉᓂᑲ ᐂᑉᐸᖏᑦ 34:31

ᐊᖓᔪᖅᑳᕐᔪᐊᕐᓗ ᓇᖏᕐᐳᖅ ᐃᓂᒥᓂ ᐊᖏᖃᑎᒌᒍᑎᓕᐅᕐᓗᓂ ᐊᑕᓂᐅᑉ ᓵᖓᓂ, ᐊᑕᓂᕐᒥᒃ ᒪᓕᒍᒪᓪᓗᓂ ᐱᖁᔭᖏᓐᓂᒃ ᒪᓕᒃᑕᐅᖁᔭᖏᓐᓂᒡᓗ ᐆᒻᒪᑎᒥᓄᑦ ᑕᕐᓂᕐᒥᓄᓪᓗ ᑕᒤᓐᓄᑦ, ᐊᖏᖃᑎᒌᒍᑕᐅᓯᒪᔪᑦ ᐅᖃᐅᓯᖏᑦ ᐊᒡᓚᖕᓂ ᐊᒡᓚᒃᓯᒪᔪᑦ ᒪᓕᒡᓗᒋᑦ.

ᑯᕉᓂᑲ ᐂᑉᐸᖏᑦ 6:13

ᓲᓗᒨᓂ ᓴᓇᓯᒪᓚᐅᕐᐳᖅ ᓇᑎᕐᒥᑦ ᖁᕝᕙᓯᖕᓂᕐᓴᒥᒃ ᐃᓄᐃᑦ ᓯᕗᕌᓃᕝᕕᖕᒥᒃ ᑲᓐᓄᔧᓐᓇᐅᓪᓗᒍ ᓴᓂᒧᖃᕐᑐᒥᒃ ᓯᑕᒪᐅᔪᕐᑐᓂᒃ ᐃᑎᒐᖕᓂᒃ ᑐᑭᒧᖃᕆᓪᓗᓂ ᓯᑕᒪᐅᔪᕐᑐᓂᒃ, ᐳᕐᑐᓂᖃᕐᓗᓂᓗ ᑕᓪᓕᒪᓂᒃ ᐃᑎᒐᖕᓂᒃ, ᐃᓕᓯᒪᓚᐅᕐᐹᓗ ᐃᒡᓘᑉ ᐱᕕᑐᓂᐊᑕ ᕿᑎᖓᓄᑦ, ᑕᕝᕗᖓᓗ ᒪᔪᕐᐳᖅ. ᓰᖅᑯᕐᓗᓂᓗ ᐃᓴᕆᐊᓕᒥᐅᑦ ᑲᑎᒪᔪᑦ ᓵᖓᓂ, ᑕᓖᖕᓂᓗ ᐃᓵᒃᐰᒃ ᕿᓚᖕᒧᑦ;

ᐃᓯᑭᐊᓕᐅᑉ ᐊᒡᓚᖏᑦ 40:19

ᐊᖑᑎᐅᑉ ᐆᒃᑐᕋᕐᒪᒍ ᐃᑎᕐᑕᕐᕕᐅᑉ ᐃᓗᖔᖓᓃᑦᑑᑉ ᐃᓗᐊᓂᑦ ᐃᑎᕐᑕᕐᕕᐅᑉ ᓯᓚᑖᓃᑦᑑᑉ ᓯᓚᑖᓄᑦ ᓯᕕᑐᓂᖃᕐᐳᑦ ᐊᑯᓐᓂᖏᒃ 168ᓂᒃ ᐃᑎᒐᖕᓂᒃ. ᑕᕝᕙ ᓯᕗᓂᓐᓄᑦ ᐅᓐᓄᐊᓪᓗᐊᑉ ᓇᓛᓄᐊᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 40:39

ᑕᕝᕙᓂᓗ ᐃᒡᓗᕈᓯᕐᒥ ᓵᑕᖃᕐᐳᖅ ᓯᑕᒪᓂᒃ ᐊᑐᓂᑦ ᒪᕐᕉᓪᓗᑎᒃ ᐊᑭᓕᕇᒃᑐᓂᒃ, ᑖᒃᑯᓇᓂ ᓵᓂ ᑐᖁᑕᐅᖃᑦᑕᕆᐊᖃᕐᐳᑦ ᐃᑯᐊᓪᓚᒡᓗᒋᑦ ᑐᓂᕐᕈᑎᒃᓮᑦ ᐊᔪᕐᓃᓪᓗ ᐃᓱᒪᒋᔪᓐᓁᕐᑕᐅᓂᒃᓴᖏᓐᓄᑦ ᑐᓂᕐᕈᑎᒃᓮᑦ ᐸᓯᔭᒃᓴᐅᓂᕐᒧᓪᓗ ᐊᑭᓕᐅᑎᒃᓴᒧᑦ ᑐᓂᕐᕈᑎᒃᓮᑦ.

ᐃᓯᑭᐊᓕᐅᑉ ᐊᒡᓚᖏᑦ 44:3

ᐊᖓᔪᖅᑳᕐᔪᐊᖅ ᑕᕝᕙᓂ ᓂᕆᔪᓐᓇᕐᑐᑑᕗᖅ ᐊᑕᓂᐅᑉ ᓵᖓᓂ; ᐃᑎᕐᑐᒃᓴᐅᕗᖅ ᐃᑎᕐᑕᕐᕕᐅᑉ ᑐᕐᓲᖑᔭᖓᑕ ᐃᒡᓗᕈᓯᖓᒍᑦ ᐃᓱᐊᓃᑦᑐᒃᑯᑦ, ᑕᕝᕘᓇᓗ ᐊᓂᖕᒥᓗᓂ.”

ᐃᓯᑭᐊᓕᐅᑉ ᐊᒡᓚᖏᑦ 45:19

ᑐᓂᕐᕈᓯᕐᑎᑦᓯᔨ ᐊᔪᕐᓃᑦ ᐱᓪᓗᒋᑦ ᑐᓂᕐᕈᑎᐅᔫᑉ ᐊᐅᖓᓂᒃ ᐱᓗᓂ ᑐᒃᓯᐊᕐᕕᒡᔪᐊᑉ ᐅᒃᑯᐊᖓᑕ ᐊᕙᓗᖏᓐᓂᒃ ᐊᐅᒥᑎᕆᔪᒃᓴᐅᕗᖅ, ᑐᓂᕐᕈᓯᕐᕕᐅᓪᓗ ᑎᕆᖅᑯᖏᑦ ᓯᑕᒪᑦ, ᐃᓗᕙᓯᖕᓂᕐᓴᐅᓪᓗ ᑐᕐᓲᖑᔭᐅᑉ ᐃᑎᕐᑕᕐᕕᖓᑕ ᓇᐸᔪᖏᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 46:12

“ᐊᖓᔪᖅᑳᖅ ᐃᓱᒪᕐᓱᕐᓗᓂ ᑐᓂᕐᕈᑎᒋᔪᒪᔭᒥᓂᒃ ᑐᓂᓯᔪᒪᒃᐸᑦ ᐊᑕᓂᕐᒧᑦ, ᐃᑯᐊᓚᑎᑕᒃᓴᒥᒃ ᐃᓅᖃᑎᖃᑦᓯᐊᕐᓂᕐᒧᖔᔪᒥᒡᓘᓐᓃᑦ ᐃᑎᕐᑕᕐᕕᒃᑯᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒃᑯᑦ ᐃᑎᕐᑐᒃᓴᐅᕗᖅ; ᑐᓂᕐᕈᓯᕐᑐᒃᓴᐅᕗᕐᓗ ᓴᐸᑎᒥ ᑐᓂᕐᕈᓯᕐᓗᓂ ᐱᐅᓯᕆᕙᒃᑕᒥᑐᑦ. ᐱᔭᕇᕈᓂ ᑕᕝᕙᓐᖓᑦ ᐊᓂᔪᒃᓴᐅᕗᖅ, ᐊᓂᔭᕇᕐᐸᓪᓗ ᐃᑎᕐᑕᕐᕕᒃ ᐅᒃᑯᐊᕐᑕᐅᔪᒃᓴᐅᕗᖅ.”

ᐃᓯᑭᐊᓕᐅᑉ ᐊᒡᓚᖏᑦ 46:8

ᐊᖓᔪᖅᑳᖅ ᐃᑎᕐᑕᕐᕕᐅᑉ ᑐᕐᓲᖑᔭᖓᒍᑦ ᐃᑎᕈᓂ, ᐊᓂᔪᒃᓴᐅᕗᖅ ᑕᕝᕘᓇᑦᓮᓐᓇᖅ ᐃᑎᕐᕕᒋᓚᐅᕐᑕᒥᒍᑦ.

ᒫᑎᐅᓯᐅᑉ ᐊᒡᓚᖏᑦ 26:39

ᑕᐅᕗᓐᖓᒃᑲᓐᓂᑐᐃᓐᓇᕐᖢᓂ ᒪᓂᖅᑲᒧᑦ ᐹᒻᒪᒃᓗᓂ ᑐᒃᓯᐊᕐᐳᖅ, “ᐊᑖᑖᒃ, ᐊᔪᕐᓇᖏᑉᐸᑦ, ᐅᓇ ᐃᒥᐅᑦ ᐅᕙᓐᓂᑦ ᐲᓚᐅᕈᒃ! ᐱᔪᒪᔭᕋᐅᖏᑦᑐᕐᓕ, ᐱᔪᒪᔧᓪᓕ ᐊᑐᕐᓕ.”

ᑯᓘᓯᐊᒥᐅᓄᑦ 1:28

ᑍᒤᒻᒪᑦ ᙭ᔅᑑᓯ ᐊᔪᕆᕐᑐᐃᑦᔪᑎᒋᕙᕗᑦ ᐃᓄᓕᒫᓄᑦ, ᓯᕘᕋᒋᔭᒃᓴᖏᓐᓂᒃ ᐅᖃᐅᑦᔪᐃᑦᔪᑎᒋᓪᓗᒍ ᐊᔪᕆᕐᑐᐃᑦᔪᑎᒋᕙᕗᓪᓗ ᑕᒤᓐᓄᑦ ᓯᓚᑐᓂᖃᕐᓗᑕ, ᑕᒪᕐᒥᒃ ᐱᕈᕇᕐᓯᒪᓗᑎ ᐅᒃᐱᕐᓂᒃᑯᑦ ᓴᖅᑭᑎᑦᓱᒪᓪᓗᑎᒍ ᙭ᔅᑑᓯᒥ.