ᐃᓯᑭᐊᓕᐅᑉ ᐊᒡᓚᖏᑦ 45:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᓄᓇᒥ ᐃᑦᔪᕐᓁᓐᓂᕐᐹᖑᓗᓂ; ᑐᓂᕐᕈᓯᕐᑎᑦᓯᔨᓄᑦ ᐃᓂᒋᔭᐅᓗᓂ, ᐊᑕᓂᕐᒥᒃ ᐱᔨᑦᓯᕐᑎᓄᑦ ᐃᑦᔪᕐᓁᑦᑐᕕᖕᒥ; ᑕᕝᕙᓂ ᐃᒡᓗᖃᕐᑐᒃᓴᐅᕗᑦ ᐃᓚᖓᓗ ᐃᑦᔪᕐᓁᑎᑕᐅᓯᒪᓗᓂ ᐃᑦᔪᕐᓁᑦᑐᕕᖕᒧᑦ ᐃᓂᒃᓴᐅᖁᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 45:4 ပူးပေါင်းရင်းမြစ်များ

ᐃᓯᑭᐊᓕᐅᑉ ᐊᒡᓚᖏᑦ 40:45

ᐅᖃᐅᑎᕚᖓᓗ, “ᑖᓐᓇ ᐃᒡᓗᕈᓯᖅ ᐅᓪᓗᓪᓗᐊᑉ ᓇᓛᓄᑦ ᓵᓐᖓᔪᖅ ᐃᒡᓗᕈᓯᕆᔭᐅᕗᖅ ᑐᓂᕐᕈᓯᕐᑎᑦᓯᔨᓄᑦ ᑐᒃᓯᐊᕐᕕᒡᔪᐊᕐᒥ ᑲᒪᔨᐅᔪᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 40:46

ᐃᒡᓗᕈᓯᕐᓗ ᐅᓐᓄᐊᓪᓗᐊᑉ ᓇᓛᓄᑦ ᓵᓐᖓᔪᖅ ᐃᒡᓗᕈᓯᕆᔭᐅᕗᖅ ᑐᓂᕐᕈᓯᕐᑎᑦᓯᔨᓄᑦ ᑐᓂᕐᕈᓯᕐᕕᖕᒥ ᐱᓕᕆᖃᑦᑕᕐᑐᓄᑦ ᑲᒪᔨᐅᔪᓄᑦ; ᔭᑑᑭᐅᑉ ᑭᖑᕚᖏᓐᓄᑦ, ᑖᒃᑯᐊ ᓕᕔᑎᑦ ᑭᖑᕚᖏᓐᓂᑦ ᐱᓯᒪᔪᓂᑦ ᐊᑕᓂᐅᑉ ᓇᔪᕐᑕᖓᓄᑦ ᐃᑎᕈᓐᓇᕐᑐᑑᖕᒪᑕ ᐊᑕᓂᕐᒥᒃ ᐱᔨᑦᓯᕆᐊᕐᑐᕐᓗᑎᒃ.”

ᐃᓯᑭᐊᓕᐅᑉ ᐊᒡᓚᖏᑦ 43:19

ᑐᓂᕐᕈᓯᕐᑎᑦᓯᔩᑦ ᓕᕔᑦ ᐃᓚᒌᖕᓂᖓᓐᓂᑦ ᐱᓯᒪᔪᑦ ᔭᑑᑭᐅᑉ ᑭᖑᕚᖏᑦ ᑖᒃᑯᐊᑐᐊᖅ ᓇᔪᕐᑕᓐᓂ ᐱᔨᑦᓯᕐᑐᒃᓴᐅᕗᑦ ᐅᕙᓐᓂᒃ, ᐊᑕᓂᖅ ᒎᑎ ᐅᖃᕐᐳᖅ, ᐊᖑᓴᓪᓗᕐᒥᒃ ᐊᔪᕐᓂᕐᒧᑦ ᑐᓂᕐᕈᓯᐅᑕᐅᓂᐊᕐᑐᒥᒃ ᐱᑎᑕᒃᓴᕆᕙᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 44:28

“ᑭᖑᕐᖑᑎᔭᒃᓴᖃᕐᑐᒃᓴᐅᓐᖏᓚᑦ; ᐅᕙᖓ ᑖᒃᑯᓄᖓ ᑭᖑᕐᖑᑎᔭᒃᓴᕆᔭᐅᒐᒪ; ᓄᓇᖁᑎᑖᕐᑎᑕᒃᓴᕆᓐᖏᓚᑎᑦ ᐃᓴᕆᐊᓕᒥᐅᑦ ᓄᓇᖓᓂ; ᐅᕙᖓ ᑖᒃᑯᓇᓐᖓᑦ ᐱᖁᑎᒋᔭᐅᒐᒪ.

ᐃᓯᑭᐊᓕᐅᑉ ᐊᒡᓚᖏᑦ 45:1

“ᐃᓚᒌᓈᕐᑎᕐᑐᑦ ᓄᓇᖁᑎᑖᕐᑐᓕᕐᐸᑕ ᓴᓂᕐᕔᔪᖃᕆᐊᖃᕐᐳᖅ ᐊᑕᓂᐅᑉ ᓄᓇᖁᑎᒃᓴᖓᓂᒃ ᐃᑦᔪᕐᓁᑦᑐᒧᑦ ᑐᕌᖓᓂᐊᕐᑐᒥᒃ, ᐊᖏᓂᖃᕐᓗᓂ ᑐᑭᒧᑦ 10ᒤᓕᒥᒃ; ᓴᓂᒧᑐᓂᖃᕐᓗᓂᓗ 8ᒤᓕᒥᒃ; ᑖᓐᓇᓕᒫᖅ ᓄᓇᖓᑕ ᑭᒡᓕᖓᓄᑦ ᑎᑭᓪᓗᒍ ᐃᑦᔪᕐᓁᑦᑑᔪᒃᓴᐅᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 45:3

ᑖᑦᓱᒪᓗ ᓄᓇᐅᑉ ᐃᑦᔪᕐᓁᑦᑐᒧᑦ ᑐᕌᖓᔫᑉ ᐃᓗᐊᓂ 10ᒤᓕᒥᒃ ᑕᑭᓂᓕᖕᒥ 4ᒤᓕᒥᒃ ᐊᖏᓂᓕᖕᒥᒃ ᐆᒃᑐᕋᕐᑕᐅᓯᒪᔪᖃᕐᑐᒃᓴᐅᕗᖅ ᐃᑦᔪᕐᓁᑦᑐᕕᖕᒧᑦ ᐃᓂᒃᓴᒥᒃ, ᑖᓐᓇᓗ ᐃᑦᔪᕐᓁᓐᓂᕐᐹᖑᓂᐊᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 48:8

ᔫᑕᐅᑉ ᓄᓇᖓᑕ ᑭᒡᓕᖓᓂᑦ ᐱᒋᐊᕐᓗᓂ, ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᐊᖓᓪᓗᓂ, ᑕᒪᓐᓇ ᓄᓇ ᓴᓂᕐᕙᒃᓯᒪᔭᖃᕆᐊᖃᕐᐳᖅ, ᐊᖏᓂᖃᕐᓗᓂ ᓴᓂᒧᑦ 10ᒤᓕᒥᒃ ᐅᓐᓄᐊᓪᓗᐊᒥᑦ ᐅᓪᓗᓪᓗᐊᒧᑦ, ᐊᒻᒪ ᑍᒫᓪᓗᐊᖅ ᓯᕕᑐᑎᒋᖕᒥᓗᓂ ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ, ᑭᖑᕚᕇᓄᑦ ᐊᕕᒃᑐᕐᑕᐅᔪᑎᑐᑦ ᐊᖏᑎᒋᓗᓂ, ᑕᕝᕙᓂ ᕿᑎᖓᓂ ᑐᒃᓯᐊᕐᕕᒡᔪᐊᖅ ᐃᓂᖃᕐᑐᒃᓴᐅᕗᖅ.

ᒨᓯᓯ ᓯᑕᒪᖏᑦ 16:5

ᐅᖃᕐᓗᓂᓗ ᑰᕋᒧᑦ ᐃᓚᒋᔭᖏᓐᓄᓪᓗ, “ᖃᐅᒃᐸᑦ ᐅᓪᓛᒃᑯᑦ ᐊᑕᓂᖅ ᖃᐅᔨᑎᑦᓯᓂᐊᕐᐳᖅ ᑭᓇᒥᒃ ᐱᖃᕐᒪᖔᕐᒥ, ᑭᓇᓗ ᐃᑦᔪᕐᓁᒻᒪᖔᑦ, ᖃᓂᒋᔭᒥᓅᕐᑎᑦᓯᓂᐊᕐᐳᕐᓗ; ᑖᑦᓱᒥᖓ ᓂᕈᐊᕐᑕᒥᓂᒃ.