ᐃᓯᑭᐊᓕᐅᑉ ᐊᒡᓚᖏᑦ 45:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᐃᓚᒌᓈᕐᑎᕐᑐᑦ ᓄᓇᖁᑎᑖᕐᑐᓕᕐᐸᑕ ᓴᓂᕐᕔᔪᖃᕆᐊᖃᕐᐳᖅ ᐊᑕᓂᐅᑉ ᓄᓇᖁᑎᒃᓴᖓᓂᒃ ᐃᑦᔪᕐᓁᑦᑐᒧᑦ ᑐᕌᖓᓂᐊᕐᑐᒥᒃ, ᐊᖏᓂᖃᕐᓗᓂ ᑐᑭᒧᑦ 10ᒤᓕᒥᒃ; ᓴᓂᒧᑐᓂᖃᕐᓗᓂᓗ 8ᒤᓕᒥᒃ; ᑖᓐᓇᓕᒫᖅ ᓄᓇᖓᑕ ᑭᒡᓕᖓᓄᑦ ᑎᑭᓪᓗᒍ ᐃᑦᔪᕐᓁᑦᑑᔪᒃᓴᐅᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 45:1 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:9

ᐊᑕᓂᖅ ᐅᐱᒋᒍᒃ ᑐᓂᕐᕈᓯᕐᓂᒃᑯᑦ ᐃᓕᖕᓂᑦ ᐱᔪᓄᑦ ᓱᓇᓕᒫᑎᒍᑦ ᐱᕈᕐᑎᑕᕕᑦ ᓯᕗᓪᓕᕐᐹᖏᓐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 42:16

ᐆᒃᑐᕋᐅᑎᓂ ᓱᓪᓗᓕᒃ ᐱᓪᓗᓂᐅᒃ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᖅ ᐆᒃᑐᕋᕐᒪᒍ, ᑕᑭᓂᖃᕐᐳᖅ 840ᓂᒃ ᐃᑎᒐᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 48:29

ᑕᒪᓐᓇ ᓄᓇ ᑍᒫᒃ ᐊᕕᒃᑐᕐᑕᒃᓴᕆᕙᓯ ᓇᓚᐅᑦᓵᕈᑎᒧᑦ ᑭᖑᕚᕇᑦ ᓄᓇᒥᒃ ᑭᖑᕐᖑᑎᔭᒃᓴᖏᓐᓂᒃ ᓄᓇᑖᖁᓪᓗᒋᑦ ᐃᓴᕆᐊᓕᐅᑉ ᑭᖑᕚᖏᑦ, “ᑍᒫᒃ ᑕᕝᕙ ᓄᓇ ᐊᕕᒃᑐᕐᑕᐅᓯᒪᔪᒃᓴᐅᕗᖅ, ᐊᑕᓂᖅ ᒎᑎ ᐅᖃᕐᐳᖅ.”

ᒨᓯᓯ ᐱᖓᔪᖏᑦ 25:23

“ᓄᓇ ᐱᑖᕆᔭᐅᓪᓚᕆᒡᓗᓂ ᓂᐅᕐᕈᑎᒋᔭᐅᔭᕆᐊᖃᓐᖏᓚᖅ, ᓄᓇᒥᒃ ᓇᖕᒥᓂᖃᖏᓐᓇᑦᓯ, ᒎᑎᐅᑉ ᐱᒋᖕᒪᒍ, ᐃᓕᑦᓯᓗ ᑕᒫᓂ ᓂᐅᕐᕈᐊᑎᑐᑦ ᐃᓱᒪᓇᕋᑦᓯ ᒎᑎᐅᑉ ᐱᖓᓂᒃ ᐊᑐᕐᑐᐊᕐᓗᓯ.

ᒨᓯᓯ ᓯᑕᒪᖏᑦ 34:13

ᒨᓯᓯᐅᓪᓗ ᐃᓴᕆᐊᓕᒥᐅᑦ ᐅᖃᐅᑎᕔᖅ ᐃᒫᒃ, “ᑕᒪᓐᓇ ᑕᕝᕙ ᓄᓇᖁᑎᑖᕆᓂᐊᕐᑕᓯ ᓇᓚᐅᑦᑖᕈᑎᒃᑯᑦ ᑭᒡᓕᖏᑦ ᒪᓕᒡᓗᒋᑦ, ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ, ᑐᓂᓯᔪᒪᓂᖓ 9ᓄᑦ ᑭᖑᕚᖑᖃᑎᒌᓄᑦ ᑭᖑᕚᖑᖃᑎᒌᓪᓗ ᓇᑉᐸᖓᓐᓄᑦ.

ᔮᓱᐊᑉ ᐊᒡᓚᖏᑦ 13:6

ᓮᑐᓂᒥᐅᑦ ᓄᓇᖁᑎᓕᒫᖓ ᓄᓇᖃᕐᑐᓪᓗ ᖃᖅᑲᓕᖕᓂ ᓕᐸᓇᓂᐅᑉ ᖃᖅᑲᖏᑕ ᒥᔅᕆᐸᑦ-ᒤᒻᓗ ᐊᑯᓐᓂᖓᓂ, ᐃᓄᖏᑦ ᓇᖕᒥᓂᖅ ᓯᖏᑦᓱᒫᕐᐸᒃᑲ ᐃᓴᕆᐊᓕᒥᐅᑦ ᐱᕙᓪᓕᐊᖁᓪᓗᒋᑦ; ᓄᓇᖓ ᐃᓴᕆᐊᓕᒥᐅᑦ ᐊᕕᒃᑐᕆᐊᖃᕈᒫᕐᐹᑦ ᓇᓚᐅᑦᓵᕈᑎᑎᒍᑦ, ᑍᒫᒃ ᑎᓕᓚᐅᕋᒃᑭᑦ.

ᔮᓱᐊᑉ ᐊᒡᓚᖏᑦ 13:7

ᑍᒤᒻᒪᑦ ᒫᓐᓇ, ᓄᓇ ᐊᕕᒃᑐᕐᑕᐅᑎᓕᕈᒃ ᑭᖑᕚᕇᓄᑦ 9ᓄᑦ ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᓐᓄᑦ, ᓇᖕᒥᓂᕐᑖᕆᔭᐅᖁᓪᓗᒍ.”

ᔮᓱᐊᑉ ᐊᒡᓚᖏᑦ 14:1

ᓄᓇᐅᑉ ᐊᕕᒃᑐᕐᑕᐅᓂᖏᑦ ᑭᖑᕐᖑᑎᔭᐅᖁᓪᓗᒋᑦ ᐃᓴᕆᐊᓕᒥᐅᑦ ᐃᓄᖏᓐᓄᑦ ᑬᓇᓂᐅᑉ ᓄᓇᖓᓂ, ᐅᑯᓄᖓ ᐱᓇᓱᐊᕐᑕᐅᓚᐅᕐᐳᑦ ᐃᓕᓯᕆ ᑐᓂᕐᕈᓯᕐᑎᑦᓯᔨᒧᑦ, ᔮᓱᐊᒧᓪᓗ ᓈᓂᐅᑉ ᐃᕐᓂᖓᓄᑦ, ᐃᓚᒌᓪᓗ ᐃᓴᕆᐊᓕᒥᐅᑦ ᓯᕗᓕᕐᑎᖏᓐᓄᑦ ᑖᒃᑯᐊ ᐊᒡᒍᐃᓚᐅᕐᐳᑦ ᐃᓄᐃᑦ ᑭᖑᕚᕇᖑᓂᖏᑦ ᒪᓕᒡᓗᒋᑦ.

ᔮᓱᐊᑉ ᐊᒡᓚᖏᑦ 14:2

ᐊᑕᓂᖅ ᒨᓯᓯᒃᑯᑦ ᑍᒫᒃ ᑎᓕᓯᓚᐅᕐᒪᑦ, ᑖᒃᑯᐊ ᓄᓇᐅᑉ ᐊᕕᒃᑐᕐᓯᒪᓂᖏᑦ 9ᓄᑦ ᑭᖑᕚᕇᓄᑦ ᑭᖑᕚᕇᓪᓗ ᐊᕝᕙᖏᓐᓄᑦ ᔪᐊᕐᑕᓂᐅᑉ ᓯᕿᓂᖓᑕ ᓂᐱᕕᐊᓃᑦᑐᓄᑦ ᐊᕕᒃᑐᕐᑕᐅᓚᐅᕐᐳᑦ ᓇᓚᐅᑦᑖᕈᑎᒃᑯᑦ.

ᔮᓱᐊᑉ ᐊᒡᓚᖏᑦ 14:3

ᒨᓯᓯ ᑐᓂᓯᔭᕇᓚᐅᕐᒪᑦ ᔪᐊᕐᑕᓂᐅᑉ ᓯᕿᓂᖓᑕ ᓄᐃᕕᐊᓃᑦᑐᓄᑦ ᒪᕐᕉᐃᓄᑦ ᑭᖑᕚᕇᓄᑦ ᑭᖑᕚᕇᓪᓗ ᐊᕝᕙᖏᓐᓄᑦ; ᓕᕔᓪᓕ ᑭᖑᕚᖏᑦ ᑭᖑᕐᖑᑎᔭᒃᓴᖏᓐᓂᒃ ᑐᓂᓯᕕᒋᓚᐅᓐᖏᓔᑦ.