ᐃᓯᑭᐊᓕᐅᑉ ᐊᒡᓚᖏᑦ 44:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ “ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓄᓇᖃᕐᑐᑐᖃᐅᖏᑦᑐᖅ ᑭᐱᔭᐅᓯᒪᖏᒃᑯᓂ ᐆᒻᒪᑎᒃᑯᑦ ᑎᒥᒃᑯᓪᓗ, ᐃᓅᖃᑎᒋᔭᐅᔪᓕᒫᑦ ᐃᓴᕆᐊᓕᒥᐅᓄᑦ, ᐃᑦᔪᕐᓁᑦᑐᕕᖁᑎᓐᓄᑦ ᐃᑎᕐᑐᒃᓴᐅᓐᖏᓚᖅ.”

ᐃᓯᑭᐊᓕᐅᑉ ᐊᒡᓚᖏᑦ 44:9 ပူးပေါင်းရင်းမြစ်များ

ᐃᓐᖏᕈᑎᑦ 24:3

ᑭᓇ ᐊᑕᓂᐅᑉ ᖃᖅᑲᖓᓄᑦ ᒪᔪᐊᕐᓂᐊᕐᐹ? ᑭᓇᓗ ᐃᑦᔪᕐᓁᑦᑐᒥ ᐃᓂᖓᓂ ᓇᖏᕈᒫᕐᐹ?

ᐃᓐᖏᕈᑎᑦ 50:16

ᐱᐅᖏᑦᑐᓕᔪᓄᓪᓕ ᒎᑎ ᐅᖃᕐᐳᖅ: “ᖃᓄᒃ ᐱᔪᓐᓇᐅᑎᖃᕐᐱᓰ ᐱᖁᔭᒃᑲ ᐅᖃᐅᓯᕆᓗᒋᑦ? ᐊᖏᕈᑎᒋᓯᒪᔭᒃᑲᓗ ᓂᓪᓕᐊᑦᔪᑎᒋᓗᒋᑦ?

ᐃᓐᖏᕈᑎᑦ 93:5

ᓇᓗᓁᕐᓯᓂᑎᑦ ᑎᑎᕋᕐᓯᒪᔪᑦ ᓱᓕᑦᓯᐊᕐᐳᑦ; ᐃᑦᔪᕐᓁᓐᓂᕕᑦ ᐃᒡᓗᖁᑏᑦ ᐱᓐᓇᕐᓇᕈᑎᒋᕚ, ᐊᑕᓃᖅ, ᐃᓱᖃᖏᑦᑐᒧᑦ.

ᒨᓯᓯ ᐂᑉᐸᖏᑦ 12:48

ᐃᓚᒋᓐᖏᑕᓯᓐᓂᒡᓕ ᐃᒡᓗᒥᐅᑕᖃᕈᑦᓯ ᖄᖏᕐᑕᐅᕕᒃᓯᐅᑎᒥᒡᓗ ᐊᑕᓂᕐᒧᑦ ᓂᕆᖃᑕᐅᔪᒪᒃᐸᑦ, ᑖᒃᑯᐊ ᐊᖑᑎᑦ ᑭᐱᔭᐅᖅᑳᕐᑐᒃᓴᐅᕗᑦ, ᑕᕝᕙ ᑭᖑᓂᖓᒍᑦ ᐱᖃᑕᐅᔪᓐᓇᕐᓯᒐᔭᕐᐳᖅ; ᐃᓚᒋᔭᐅᓪᓚᕆᒃᑐᑎᑐᓪᓗ ᑍᒤᓕᕋᔭᕐᐳᖅ. ᑭᓯᐊᓂᓕ ᑭᐱᔭᐅᓯᒪᖏᑦᑐᒥᒃ ᑕᕝᕙᓐᖓᑦ ᓂᕆᖃᑕᐅᔪᖃᕐᑐᒃᓴᐅᓐᖏᓚᖅ.

ᐃᓯᑭᐊᓕᐅᑉ ᐊᒡᓚᖏᑦ 44:7

ᓄᓇᓕᑐᖃᐅᖏᑦᑐᓂᒃ ᐃᑎᕐᑎᑦᓯᓯᒪᒐᑦᓯ ᐆᒻᒪᑎᒃᑯᑦ ᑎᒥᒃᑯᓪᓗ ᑭᐱᒪᖏᑦᑐᓂᒃ, ᐃᑦᔪᕐᓁᑦᑐᕕᖁᑎᓐᓂᒃ ᓇᕐᕈᓇᕐᓯᑎᑦᓯᓚᐅᕐᐳᓯ, ᐆᒪᔪᓂᒃ ᐅᕙᓐᓄᑦ ᓂᕿᒃᓴᐅᖁᓪᓗᒋᑦ ᑐᓂᕐᕈᓯᕐᓯᒪᒐᑦᓯ, ᑐᓐᓄᖏᓐᓂᒃ ᐊᐅᖏᓐᓂᒡᓗ. ᐊᖏᖃᑎᒌᒍᑎᒋᓯᒪᔭᒃᑲ ᓯᖁᒥᓚᐅᕐᐸᓯ, ᓇᕐᕈᓇᕐᑐᓂᒃ ᐱᓇᓱᐊᕐᓯᒪᓂᑦᓯᓐᓄᑦ ᐃᓚᓕᐅᑎᓪᓗᒋᑦ.

ᔪᐃᓕᐅᑉ ᐊᒡᓚᖏᑦ 3:17

“ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᓯ. ᐃᓂᖃᕐᐳᖓ ᓮᐅᓂᒥ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ. ᔨᕉᓴᓕᒻ ᐃᑦᔪᕐᓁᑦᑑᔪᒫᕐᐳᖅ ᓄᓇᖃᕐᑐᑐᖃᐅᖏᑦᑐᑦ ᑎᑭᓪᓗᑎᒃ ᓵᓚᖃᓚᐅᕐᓯᒪᓂᐊᕈᓐᓁᕐᐳᑦ.

ᒨᓯᓯ ᐱᖓᔪᖏᑦ 26:41

ᑖᒃᑯᓂᖓ ᐊᑭᕋᕐᑐᓕᕈᑎᒋᓚᐅᕐᑕᓐᓂᒃ, ᐊᐅᓪᓚᕐᑎᑦᓯᑦᔪᑎᒋᓚᐅᕐᑕᓐᓂᒡᓗ ᐊᑭᕋᖏᑕ ᓄᓇᖏᓐᓄᑦ, ᑍᒫᒃ ᑭᖑᕚᓯ ᐃᒻᒥᖕᓂᒃ ᒥᑭᒡᓕᑎᕐᐸᑕ ᑕᕝᕙ ᐊᑭᓖᒐᔭᕐᐳᑦ ᐊᔪᕐᓂᕐᒥᖕᓄᑦ ᓱᒋᐊᕐᑕᐅᑦᔪᑎᒥᖕᓂᒃ ᐊᑭᕋᕐᑐᕐᓂᕐᒥᖕᓂᒡᓗ.

ᓴᑲᕅᐊᐅᑉ ᐊᒡᓚᖏᑦ 14:21

ᖃᑦᑍᑦ ᓂᕿᓕᐅᕈᑎᓕᒫᑦ ᔨᕉᓴᓕᒥ ᔫᑕᒥᓗ ᐃᑦᔪᕐᓁᑦᑑᔪᒫᕐᐳᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓄᑦ, ᑐᓂᕐᕈᓯᕆᐊᕐᑐᕐᑐᓕᒫᑦ ᖃᑦᑕᕐᓂᑦ ᑖᒃᑯᓇᓂ ᓂᕿᓕᐅᕈᒫᕐᐳᑦ, ᐅᓪᓗᓂ ᑍᒃᑯᓇᓂ ᓂᐅᕕᕋᓱᐊᕐᑐᖃᕈᓐᓁᕈᒫᕐᐳᖅ ᐊᑕᓂᐅᑉ ᐃᒡᓗᖓᓂ.

ᒫᑯᓯᐅᑉ ᐊᒡᓚᖏᑦ 16:16

ᓇᓪᓕᐊᑦ ᐅᒃᐱᕐᑐᖅ ᐹᑉᑎᑕᐅᓗᓂ ᑖᓐᓇ ᐱᐅᓕᔭᐅᔪᒫᕐᐳᖅ; ᓇᓪᓕᐊᓪᓕ ᐅᒃᐱᖏᑉᐸᑦ ᑖᓐᓇ ᐃᖅᑲᕐᑐᕐᑕᐅᔪᒫᕐᐳᖅ.

ᒨᓯᓯ ᑕᓪᓕᒪᖏᑦ 23:4

ᑖᒃᑯᐊ ᓂᕿᒃᓴᓂᒃ ᐃᒥᒃᓴᒥᒡᓗ ᐃᑲᔪᕈᒪᓚᐅᕐᓯᒪᖏᒻᒪᑕ, ᐄᑦᔨᑉᑎᒥᑦ ᐊᐅᓪᓚᓕᕐᑎᓪᓗᓯ ᐊᒡᓛᑦ ᑎᓕᓯᓚᐅᕐᓯᒪᕗᑦ ᐸᓛᒻᒥᒃ ᐱᐅᕆᐅᑉ ᐃᕐᓂᖓᓂᒃ, ᐃᒡᓗᒐᓴᖕᓂᑦ ᐱᑑᕆᒦᑦᑐᒥᑦ ᒥᓱᐳᑍᒥᐊᒦᑦᑐᒥᑦ, ᐃᓕᑦᓯᓐᓂᒃ ᓯᕗᓂᕐᓗᒃᑎᑦᓯᖁᓪᓗᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:27

ᓴᓗᒪᖏᑦᑐᒥᒡᓕ ᑕᕝᕗᖓ ᐃᑎᕐᑐᖃᕈᒫᓐᖏᓚᖅ, ᓇᕐᕈᓇᕐᑐᓂᒡᓘᓐᓃᑦ ᐱᓇᓱᐊᕐᑐᓂᒃ ᐅᕝᕙᓗ ᓴᒡᓗᓯᒪᔪᓂᒃ, ᓄᕐᕋᐅᔭᐅᓪᓕ ᑎᑎᕋᕐᕕᒃᓴᖁᑎᖏᓐᓂ ᐃᓅᓯᕾᓐᓇᕐᓇᕐᑐᓂ ᐊᑎᖏᑦ ᑎᑎᕋᕐᑕᐅᓯᒪᔪᑦ ᑭᓯᒥ ᐃᑎᕈᒫᕐᐳᑦ.