ᐃᓯᑭᐊᓕᐅᑉ ᐊᒡᓚᖏᑦ 44:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓄᓇᓕᑐᖃᐅᖏᑦᑐᓂᒃ ᐃᑎᕐᑎᑦᓯᓯᒪᒐᑦᓯ ᐆᒻᒪᑎᒃᑯᑦ ᑎᒥᒃᑯᓪᓗ ᑭᐱᒪᖏᑦᑐᓂᒃ, ᐃᑦᔪᕐᓁᑦᑐᕕᖁᑎᓐᓂᒃ ᓇᕐᕈᓇᕐᓯᑎᑦᓯᓚᐅᕐᐳᓯ, ᐆᒪᔪᓂᒃ ᐅᕙᓐᓄᑦ ᓂᕿᒃᓴᐅᖁᓪᓗᒋᑦ ᑐᓂᕐᕈᓯᕐᓯᒪᒐᑦᓯ, ᑐᓐᓄᖏᓐᓂᒃ ᐊᐅᖏᓐᓂᒡᓗ. ᐊᖏᖃᑎᒌᒍᑎᒋᓯᒪᔭᒃᑲ ᓯᖁᒥᓚᐅᕐᐸᓯ, ᓇᕐᕈᓇᕐᑐᓂᒃ ᐱᓇᓱᐊᕐᓯᒪᓂᑦᓯᓐᓄᑦ ᐃᓚᓕᐅᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 44:7 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 17:14

ᓇᓪᓕᐊᓪᓗ ᐊᖑᑦ ᐅᕕᓂᒃᑯᑦ ᐅᓕᕝᕙᖓ ᑭᐱᔭᐅᓯᒪᖏᑉᐸᑦ ᑖᓐᓇ ᐃᓅᖃᑎᒥᓂᑦ ᐃᓚᒋᔭᐅᑎᑕᐅᔭᕆᐊᖃᓐᖏᓚᖅ; ᐊᖏᖃᑎᒌᒍᑎᓐᓂᒃ ᒪᓕᖏᒻᒪᑦ.”

ᒨᓯᓯ ᐂᑉᐸᖏᑦ 12:43

ᐊᑕᓂᖅ ᐅᖃᕐᐳᖅ ᒨᓯᓯᒧᑦ ᐂᕉᓂᒧᓪᓗ, “ᐅᑯᐊ ᑕᕝᕙ ᖄᖏᕐᑕᐅᕕᖕᒧᑦ ᒪᓕᒐᐅᔭᕆᐊᖃᕐᑐᑦ ᐃᒤᑦᑑᕗᑦ; ᐃᓅᖃᑎᑐᖃᕆᓐᖏᑕᓯ ᖄᖏᕐᑕᐅᕕᖕᒥᒃ ᓇᓪᓕᐅᓂᕐᓯᐅᕐᓂᕐᒧᑦ ᓂᕆᖃᑎᒌᖕᓂᕐᒥ ᓂᕆᖃᑕᐅᔪᒃᓴᐅᓐᖏᓚᖅ.

ᒨᓯᓯ ᐂᑉᐸᖏᑦ 12:48

ᐃᓚᒋᓐᖏᑕᓯᓐᓂᒡᓕ ᐃᒡᓗᒥᐅᑕᖃᕈᑦᓯ ᖄᖏᕐᑕᐅᕕᒃᓯᐅᑎᒥᒡᓗ ᐊᑕᓂᕐᒧᑦ ᓂᕆᖃᑕᐅᔪᒪᒃᐸᑦ, ᑖᒃᑯᐊ ᐊᖑᑎᑦ ᑭᐱᔭᐅᖅᑳᕐᑐᒃᓴᐅᕗᑦ, ᑕᕝᕙ ᑭᖑᓂᖓᒍᑦ ᐱᖃᑕᐅᔪᓐᓇᕐᓯᒐᔭᕐᐳᖅ; ᐃᓚᒋᔭᐅᓪᓚᕆᒃᑐᑎᑐᓪᓗ ᑍᒤᓕᕋᔭᕐᐳᖅ. ᑭᓯᐊᓂᓕ ᑭᐱᔭᐅᓯᒪᖏᑦᑐᒥᒃ ᑕᕝᕙᓐᖓᑦ ᓂᕆᖃᑕᐅᔪᖃᕐᑐᒃᓴᐅᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 24:5

ᐃᓄᐃᑦ ᓄᓇᕐᔪᐊᕐᒥᒃ ᐱᐅᔪᓐᓃᕐᑎᑦᓯᓯᒪᖕᒪᑕ ᒎᑎᐅᑉ ᐱᖁᔭᖏᓐᓂᒃ ᓯᖁᒥᑦᓯᖃᑦᑕᕐᓂᕐᒧᑦ, ᐊᖏᖃᑎᒌᖕᓂᐅᓪᓗ ᒪᓕᒐᖏᓐᓂᒃ ᓯᖁᒥᑦᓯᖃᑦᑕᕐᓂᕐᒥᖕᓄᑦ ᐃᓱᖃᖏᑦᑐᒧᑦ ᑐᕌᖓᓚᐅᕐᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 11:10

ᓯᕗᓕᕆᓚᐅᕐᑕᒥ ᐊᔪᕐᑐᓕᑦᔪᑎᒋᕙᓚᐅᕐᑕᖏᓐᓄᑦ ᐅᑎᕐᒪᑕ, ᓈᓚᒍᒪᕙᓚᐅᖏᑦᑐᓄᑦ ᐅᖃᐅᓯᕐᓂᒃ, ᐊᓯᓐᓂᒡᓗ ᒎᑎᖃᕋᓱᐊᕐᐳᑦ ᐱᔨᑦᓯᕈᒪᔭᒥᖕᓂᒃ; ᐃᓴᕆᐊᓕᒥᐅᑦ ᔫᑕᒥᐅᓪᓗ ᑕᒪᕐᒥᒃ ᓯᖁᒥᑦᑎᓯᒪᖕᒪᑕ ᓯᕗᓕᖏᓐᓄᑦ ᐊᖏᖃᑎᒌᒍᑎᒋᓯᒪᔭᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 31:32

ᑖᓐᓇ ᐊᖏᖃᑎᒌᒍᑎᒋᔭᕋ ᐊᑦᔨᖃᕈᒫᓐᖏᓚᖅ ᓯᕗᓕᖏᓐᓄᑦ ᐊᖏᖃᑎᒌᒍᑎᒋᓚᐅᕐᑕᓐᓄᑦ, ᑎᒍᓪᓗᒋᑦ ᑕᓯᐅᓚᐅᕋᒃᑭᑦ ᐄᑦᔨᑉᑎᒥᑦ, ᐊᖏᖃᑎᒌᒃᓯᒪᓂᑦᑎᓐᓂᒃ ᓯᖁᒥᑦᓯᓚᐅᕐᒪᑕ, ᐅᐃᒋᔭᐅᔪᑎᑐᑦ ᑖᒃᑯᓄᖓ ᑍᒤᒃᑲᓗᐊᕐᑎᓪᓗᖓ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 4:4

ᐊᑕᓂᕐᒧᑦ ᑐᓂᓕᕆᑦᓯ, ᐆᒻᒪᑎᓯᓗ ᑐᓂᓗᒋᑦ ᐃᓕᑦᓯ ᐃᓄᖁᑎᒋᔭᐅᔪᓯ ᔫᑕᒥ ᔨᕉᓴᓕᒥᓗ, ᑐᓂᓂᐊᖏᒃᑯᑦᓯ ᓂᓐᖓᖕᓂᕋ ᐃᑯᐊᓚᔪᑎᑐᑦ ᑍᒤᓐᓂᐊᕐᐳᖅ ᐱᐅᖏᑦᑐᓂᒃ ᐱᓂᐊᕐᓯᒪᓂᓯ ᐱᓪᓗᒋᑦ, ᑭᓇᒧᓐᓘᓐᓃᑦ ᖃᒥᑕᐅᔪᓐᓇᕐᓂᐊᓐᖏᓚᖅ.”

ᔨᕆᒤᐊᐅᑉ ᐊᒡᓚᖏᑦ 9:25

“ᑕᑯᒋᑦ, ᐅᓪᓗᐃᑦ ᑎᑭᓕᕐᐳᑦ,” ᐊᑕᓂᖅ ᐅᖃᕐᐳᖅ, “ᓱᒋᐊᕈᒫᕋᒃᑭᑦ ᑭᐱᔭᐅᓯᒪᔪᑦ ᑭᓯᐊᓂ ᑭᐱᔭᐅᓯᒪᓇᑎᒃ.

ᔨᕆᒤᐊᐅᑉ ᐊᒡᓚᖏᑦ 9:26

ᐄᑦᔨᑉᑎᒥᐅᑦ, ᔫᑕᒥᐅᑦ, ᐄᑐᒥᒥᐅᑦ, ᐋᒪᓐᒥᐅᑦ, ᒧᐊᐱᒥᐅᓪᓗ, ᐅᖓᓯᒃᑐᒥᐅᓪᓗ ᓯᐅᕅᓐᓇᕐᒥ ᓄᓇᖃᕐᑐᑦ ᐃᓅᖃᑎᒌᒡᔪᐊᑦ ᑭᐱᔭᐅᓯᒪᖏᑦᑐᐃᓐᓇᐅᖕᒪᑕ, ᐊᒡᓛᑦ ᐃᓴᕆᐊᓕᒥᐅᓕᒫᑦ ᑭᐱᔭᐅᓯᒪᓐᖏᓚᑦ ᐆᒻᒪᑎᒥᒃᑎᒍᑦ.”

ᐃᓯᑭᐊᓕᐅᑉ ᐊᒡᓚᖏᑦ 22:26

ᑐᓂᕐᕈᓯᕐᑎᑦᓯᔩᑦ ᐱᖁᔭᓐᓂᒃ ᓯᖁᒥᑦᓯᓪᓗᑎᒃ ᐃᑦᔪᕐᓁᑎᑕᓐᓂᒡᓗ ᓇᕐᕈᓇᕐᓯᑎᑦᓯᖃᑦᑕᕐᐳᑦ; ᐃᑦᔪᕐᓁᑦᑐᓂᒃ ᖃᐅᑕᒫᕐᓯᐅᑎᓂᒡᓗ ᐊᑦᔨᒌᖏᑦᑑᑎᑦᓯᔪᓐᓃᕐᐳᑦ, ᐊᔪᕆᕐᑐᐃᖃᑦᑕᕋᑎᒡᓗ ᓇᕐᕈᓇᕐᑐᑦ ᓇᕐᕈᓇᖏᑦᑐᓪᓗ ᐊᑦᔨᒌᖏᓐᓂᖏᓐᓂᒃ, ᓴᐸᑎᖁᑎᒃᑲᓗ ᑲᒪᒋᔪᓐᓁᕐᓗᒋᑦ, ᑍᒤᒻᒪᑦ ᓇᕐᕈᓇᕐᑎᑕᐅᓕᕐᐳᖓ ᑖᒃᑯᓇᓂ.

ᐃᓯᑭᐊᓕᐅᑉ ᐊᒡᓚᖏᑦ 44:15

“ᑐᓂᕐᕈᓯᕐᑎᑦᓯᔩᓪᓕ ᓕᕔᒃᑯᑦ ᐃᓚᒌᖕᓂᖏᓐᓂᑦ ᐱᓯᒪᔪᑦ ᔭᑑᑭᐅᑉ ᑭᖑᕚᖏᓐᓂᓐᖔᕐᑐᑦ, ᓱᕐᕋᔪᐃᑦᑑᓪᓗᑎᒃ ᑐᒃᓯᐊᕐᕕᒡᔪᐊᕐᒥ ᐱᔨᑦᓯᓚᐅᕐᒪᖓ ᐊᓯᓕᒫᖏᑦ ᐃᓴᕆᐊᓕᒥᐅᑦ ᐅᕙᓐᓂᒃ ᕿᒤᒐᓗᐊᕐᑎᓪᓗᒋᑦ, ᑖᒃᑯᐊᑐᐊᑦ ᐅᕙᓐᓂᒃ ᐱᔨᑦᓯᕐᑐᒃᓴᐅᕗᑦ ᓇᔪᕐᑕᓐᓄᓪᓗ ᑐᓂᕐᕈᓯᕆᐊᕐᑐᕈᓐᓇᕐᓗᑎᒃ ᑐᓂᕐᕈᑎᑦ ᑐᓐᓄᖏᓐᓂᒃ ᐊᐅᖏᓐᓂᒡᓗ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 44:9

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓄᓇᖃᕐᑐᑐᖃᐅᖏᑦᑐᖅ ᑭᐱᔭᐅᓯᒪᖏᒃᑯᓂ ᐆᒻᒪᑎᒃᑯᑦ ᑎᒥᒃᑯᓪᓗ, ᐃᓅᖃᑎᒋᔭᐅᔪᓕᒫᑦ ᐃᓴᕆᐊᓕᒥᐅᓄᑦ, ᐃᑦᔪᕐᓁᑦᑐᕕᖁᑎᓐᓄᑦ ᐃᑎᕐᑐᒃᓴᐅᓐᖏᓚᖅ.”

ᐃᓯᑭᐊᓕᐅᑉ ᐊᒡᓚᖏᑦ 7:20

ᐱᐅᓴᐅᑎᒥᖕᓂᒃ ᐱᔪᕆᐅᑎᖃᕐᐸᓚᐅᕐᐳᑦ, ᓇᕐᕈᓇᕐᑐᒥᒡᓕ ᒎᑎᓐᖑᐊᓕᐊᕆᓚᐅᕐᐰᑦ ᐃᑦᔪᕐᓇᕐᑐᓂᒡᓗ ᐱᓇᓱᐊᕈᑎᒋᓪᓗᒋᑦ; ᑍᒤᒻᒪᑦ ᓇᕐᕈᓇᕐᓯᑎᓐᓂᐊᓕᕐᐸᒃᑲ ᑖᒃᑯᓄᖓ.

ᒨᓯᓯ ᐱᖓᔪᖏᑦ 17:11

ᐆᒪᔪᑦ ᓂᕐᔪᑎᐅᑉ ᐊᐅᓂ ᐆᒪᑦᔪᑎᒋᖕᒪᒍ, ᐃᓕᑦᓯᓐᓄᑦ ᑐᓂᒐᒃᑯ ᐃᓱᒪᒋᔪᓐᓁᕐᕕᒋᔪᒪᓪᓗᓯ ᑐᓂᕐᕈᓯᕐᕕᖕᒥ, ᐊᐅᒃ ᐃᓱᒪᒋᔪᓐᓁᕐᕕᖃᕐᑎᑦᓯᖕᒪᑦ ᐃᓅᓯᕐᒥᒃ.

ᒨᓯᓯ ᐱᖓᔪᖏᑦ 21:17

“ᐂᕉᓂ ᐅᖃᐅᑎᒍᒃ: ‘ᑍᒪᓐᖓᓕᒫᖅ ᑭᖑᕚᑎᑦ ᑎᒥᒥᒃᑎᒍᑦ ᐱᐅᓯᕐᓘᑎᓖᑦ ᒎᑎᒧᑦ ᓂᕿᒃᓴᒥ ᑐᓂᕐᕈᓯᕐᑐᒃᓴᐅᓐᖏᓚᑦ.

ᒨᓯᓯ ᐱᖓᔪᖏᑦ 21:21

ᐂᕉᓂᐅᑉ ᑐᓂᕐᕈᓯᕐᑎᑦᓯᔨᐅᑉ ᑭᖑᕚᖏᑦ ᐱᐅᓯᑐᖃᕐᒥᑐᑦ ᐃᓕᖅᑯᓯᖃᖏᑦᑐᖅ ᐃᑭᑕᒃᓴᓂᒃ ᑐᓂᕐᕈᓯᕐᑎᑦᓯᔭᕆᐊᖃᓐᖏᓚᑦ ᐊᑕᓂᕐᒧᑦ. ᑎᒥᒥᒍᑦ ᐱᐅᓯᕐᓱᖏᒻᒪᑦ, ᒎᑎᒥ ᓂᕿᒃᓴᖓᓂᒃ ᑐᓂᕐᕈᓯᕆᐊᖃᓐᖏᓚᖅ ᓇᔪᒐᖓᓅᕆᐊᖃᓐᖏᓚᕐᓗ.

ᒨᓯᓯ ᐱᖓᔪᖏᑦ 21:6

ᑖᒃᑯᐊ ᐃᑦᔪᕐᓁᑦᑕᕆᐊᖃᕐᐳᑦ ᒎᑎᒥᖕᓄᑦ, ᓇᕐᕈᓇᕐᑎᑦᓯᓂᐊᕋᑎᒡᓗ ᒎᑎᒥ ᐊᑎᖓᓂᒃ, ᑖᒃᑯᐊ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ ᐃᑯᐊᓚᑎᑦᓯᕙᖕᒪᑕ ᐊᑕᓂᕐᒧᑦ, ᒎᑎᖓᑦᑕ ᓂᕿᒃᓴᖓᓂᒃ, ᑍᒤᒻᒪᑦ ᐃᑦᔪᕐᓁᑦᓴᕆᐊᖃᕐᐳᑦ.

ᒨᓯᓯ ᐱᖓᔪᖏᑦ 21:8

ᐃᑦᔪᕐᓁᑎᓯᒋᒃ, ᒎᑎᑦᓯ ᓂᕿᒃᓴᖏᓐᓂᒃ ᐃᑯᐊᓚᑦᓯᓂᒃᑯᑦ ᑐᓂᕐᕈᓯᖃᑕᕐᒪᑕ. ᐃᑦᔪᕐᓁᓐᓂᖏᑦ ᐃᓱᒪᒋᑦᓯᐊᕐᓯᐅᒃ, ᐅᕙᖓ ᐊᑕᓂᖅ ᐃᑦᔪᕐᓁᓐᓇᒪ, ᐃᓄᖁᑎᒃᑲᑦᑕᐅᖅ ᐃᑦᔪᕐᓁᑎᓐᓂᐊᕆᕙᒃᑲ.

ᒨᓯᓯ ᐱᖓᔪᖏᑦ 22:25

“ᑍᒤᑦᑐᓂᒃ ᓂᕐᔪᑎᓂᒃ ᐃᓚᓕᐅᕆᔭᕆᐊᖃᓐᖏᓚᓯ ᐃᓴᕆᐊᓕᒥᐅᖑᖏᑦᑐᓂᑦ ᓂᕿᒃᓴᐅᓗᑎᒃ ᒎᑎᒧᑦ ᑐᓂᕐᕈᑎᒋᔭᐅᓇᓱᐊᕐᑐᓂᒃ. ᑍᒤᑦᑐᑦ ᐃᓚᓕᐅᕐᑕᐅᓂᐊᓐᖏᓚᑦ ᐃᓕᑦᓯ ᐱᑦᔪᑎᒋᓗᓯ, ᑎᒥᖏᑦ ᐱᐅᓯᕐᓗᖕᒪᑕ ᐃᓗᓯᕐᓗᒡᓗᑎᒡᓗ.”

ᒨᓯᓯ ᐱᖓᔪᖏᑦ 26:15

ᐱᖁᔭᓐᓂᒡᓗ ᒪᓕᒍᒪᖏᒃᑯᑦᓯ, ᐃᓕᑦᓯᓐᓄᓪᓗ ᐊᖏᕈᑎᒋᓯᒪᔭᓐᓂᒃ ᓯᖁᒥᑦᓯᒍᑦᓯ,

ᒨᓯᓯ ᐱᖓᔪᖏᑦ 26:41

ᑖᒃᑯᓂᖓ ᐊᑭᕋᕐᑐᓕᕈᑎᒋᓚᐅᕐᑕᓐᓂᒃ, ᐊᐅᓪᓚᕐᑎᑦᓯᑦᔪᑎᒋᓚᐅᕐᑕᓐᓂᒡᓗ ᐊᑭᕋᖏᑕ ᓄᓇᖏᓐᓄᑦ, ᑍᒫᒃ ᑭᖑᕚᓯ ᐃᒻᒥᖕᓂᒃ ᒥᑭᒡᓕᑎᕐᐸᑕ ᑕᕝᕙ ᐊᑭᓖᒐᔭᕐᐳᑦ ᐊᔪᕐᓂᕐᒥᖕᓄᑦ ᓱᒋᐊᕐᑕᐅᑦᔪᑎᒥᖕᓂᒃ ᐊᑭᕋᕐᑐᕐᓂᕐᒥᖕᓂᒡᓗ.

ᒪᓚᑬᑉ ᐊᒡᓚᖏᑦ 1:7

ᓇᕐᕈᓇᕐᑐᓂᒃ ᓂᕿᓂᒃ ᑐᓂᕐᕈᓯᕐᐳᓯ ᑐᓂᕐᕈᓯᕐᕕᓐᓂ, ᐅᖃᕐᐳᓯᓗ, ‘ᖃᓄᖅ ᓇᕐᕈᓇᕐᓯᑎᑦᓯᓚᐅᕐᐱᑖ?’ ᐃᓱᒪᓚᐅᕋᑦᓯ ᐊᑕᓂᐅᑉ ᑐᓂᕐᕈᓯᕐᕕᖁᑎᖓ ᐱᓪᓚᕆᐅᓗᐊᓐᖏᓚᖅ.

ᒪᓚᑬᑉ ᐊᒡᓚᖏᑦ 2:4

ᑕᕝᕙ ᖃᐅᔨᔪᒫᕐᐳᓯ ᐱᖁᔭᕋ ᑕᒪᓐᓇ ᐃᓕᑦᓯᓐᓄᑦ ᑐᓂᓯᒪᒐᒃᑯ, ᐊᖏᕈᑎᒋᓚᐅᕐᑕᕋ ᓕᕔᒧᑦ ᑲᔪᓯᖁᓪᓗᒍ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒪᓚᑬᑉ ᐊᒡᓚᖏᑦ 2:8

“ᐃᓕᑦᓯᓕ ᕿᒤᓯᒪᕗᓯ ᐊᖅᑯᒻᒥᒃ; ᐅᓄᕐᑐᓂᒡᓗ ᐹᓪᓚᒃᑎᑦᓯᓚᐅᕐᐳᓯ ᐊᔪᕆᕐᑐᐃᓂᑦᓯᒍᑦ; ᓕᕔᓪᓗ ᐊᖏᖃᑎᒌᒍᑎᖏᓐᓂᒃ ᓯᖁᒥᑦᓯᓯᒪᓪᓗᓯ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 21:28

ᕾᒐᓛᓕᕐᐳᑦ, “ᐃᓴᕆᐊᓕᒥᐅᑕᐅᔪᓯ ᐃᑲᔪᕐᑎᒍᑦ! ᐅᒫ ᐃᓄᐃᑦ ᓇᓂᑐᐃᓐᓇᖅ ᓄᓇᖃᕐᑐᑦ ᐊᔪᕆᕐᑐᖃᑦᑕᕐᒪᒋᑦ ᐃᓅᖃᑎᕗᓪᓗ ᐱᖁᔭᓂᒃ ᑐᒃᓯᐊᕐᕕᒡᔪᐊᒥᒡᓗ ᒪᓕᖁᓇᒋᑦ, ᒫᓐᓇ ᒍᕇᑭᓂᒃ ᐊᒡᓛᑦ ᑐᒃᓯᐊᕐᕕᒡᔪᐊᕐᒧᑦ ᐃᑎᕐᑎᑦᓯᓯᒪᓕᕐᐳᖅ ᐃᑦᔪᕐᓁᑦᑐᒥᒃ ᓇᕐᕈᓇᕐᓯᑎᑦᓯᓪᓗᓂ.”

ᐋᐴᓯᑕᓖᑦ ᐱᓂᐊᕐᓂᖏᑦ 7:51

ᓯᑎᐹᓇᓯ ᓱᓕ ᐅᖃᕐᐳᖅ, “ᓯᑎᔪᐊᓘᔪᓯ, ᑐᓴᕈᓐᓇᖏᑦᑐᐊᓘᓪᓗᓯ ᓈᓚᒍᓐᓇᖏᑦᑐᐊᓘᕗᓯ ᒎᑎᖃᖏᑦᑐᑎᑐᑦ, ᑍᒪᓐᖓᑦ ᐊᑭᕋᕐᑐᕐᑐᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᓯᕗᓕᕕᓂᑦᓯᑐᑦ.

ᒨᓯᓯ ᑕᓪᓕᒪᖏᑦ 10:16

ᑍᒤᒻᒪᑦ, ᒫᓐᓇᒥᑦ ᐱᒋᐊᕐᓗᓯ ᐊᑕᓂᕐᒥᒃ ᓈᓚᑦᓯᐊᕐᑐᒃᓴᐅᕗᓯ ᑐᓵᓐᖏᓴᕐᑐᒃᓴᐅᓇᓯᓗ.

ᒨᓯᓯ ᑕᓪᓕᒪᖏᑦ 30:6

ᐊᑕᓂᐅᓪᓗ ᒎᑎᑦᓯ ᑐᓂᓯᕕᒋᔪᒫᕐᐹᓯ ᑭᖑᕚᓯᓗ ᐃᓚᒋᓗᒋᑦ ᐆᒻᒪᑎᒥᒃ ᓈᓚᒍᓐᓇᕐᑐᒥᒃ, ᑖᑦᓱᒥᖓ ᐅᖓᒻᒪᕆᓕᖁᓪᓗᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ ᑕᕐᓂᑦᓯᓐᓄᓪᓗ ᐊᑕᖏᕐᑐᒧᑦ, ᑕᒫᓂᓗ ᓄᓇᒋᔭᑦᓯᓐᓂ ᓄᓇᑖᒃᑲᓐᓂᓕᖁᓪᓗᓯ.

ᒨᓯᓯ ᑕᓪᓕᒪᖏᑦ 31:16

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ: “ᑕᑯᒋᑦ, ᐊᑯᓂᐅᖏᑦᑐᖅ ᑐᖁᓂᐊᓕᕋᕕᑦ ᓯᕗᓕᕕᓂᕐᑎᑦ ᐃᓚᒋᓕᕐᓗᒋᑦ; ᑭᖑᓂᕐᓂ ᐃᓄᐃᑦ ᐅᕙᓐᓂᒃ ᐊᓯᓐᓂᐊᓕᕈᒫᕐᐳᑦ ᐊᖏᖃᑎᒌᒍᑎᒋᓚᐅᕐᑕᕗᓪᓗ ᓯᖁᒥᑕᐅᔪᒫᕐᐳᑦ, ᐅᕙᓐᓂᒃ ᕿᒤᓗᑎᒃ ᐅᒃᐱᖏᑦᑐᑦ ᒎᑎᓐᖑᐊᖏᓐᓄᑦ ᑕᒫᓂ ᓄᓇᑖᕆᓂᐊᓕᕐᑕᖏᑕ ᐃᓄᖏᓐᓂᒃ ᒪᓕᒃᓴᕐᓗᑎᒃ ᑐᒃᓯᐊᖃᑦᑕᓕᕈᒫᕐᐳᑦ.

ᒨᓯᓯ ᑕᓪᓕᒪᖏᑦ 31:20

ᓄᓇᒧᑦ ᑕᓯᐅᕐᓂᐊᕐᐸᒃᑲ ᓄᓇᑖᖁᓪᓗᒋᑦ ᐊᔪᕐᓴᕐᓇᖏᑦᑐᒧᑦ ᓂᕿᒃᓴᖃᑦᓯᐊᕐᑐᒧᓪᓗ, ᑕᒪᓐᓇ ᐅᖃᕕᒃᓗᖓ ᐊᖏᕈᑎᒋᓯᒪᒐᒃᑯ ᓯᕗᓕᕆᓚᐅᕐᑕᖏᓐᓄᑦ, ᑕᕝᕙᓂ ᓂᕆᓯᒪᓕᕐᐸᑕ ᐊᕿᐊᑦᑐᕐᓗᑎᒃ ᖁᐃᒃᓯᓪᓗᑎᒡᓗ, ᐊᓯᓐᓄᑦ ᒎᑎᓐᖑᐊᓄᑦ ᓵᖔᓕᕈᒫᕐᐳᑦ ᐱᔨᑦᓯᓕᕐᓗᒋᑦ, ᐅᕙᓐᓂᒃ ᖁᔭᓈᕐᓯᔪᒫᕐᐳᑦ ᐊᖏᖃᑎᒌᒍᑎᒋᓯᒪᔭᒃᑲᓗ ᓯᖁᒥᓪᓗᒋᑦ,

ᐄᑉᕈᐃᓄᑦ 8:9

ᓯᕗᓕᕆᓚᐅᕐᑕᖏᓐᓄᑦ ᐊᖏᖃᑎᒌᒍᑎᒋᓚᐅᕐᑕᒪ ᐊᑦᔨᒋᔪᒫᓐᖏᓛ, ᑍᑦᓱᒪᓂ ᑕᓯᐅᕐᓗᒋᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕋᒃᑭᑦ, ᑲᒪᑦᓯᐊᓚᐅᖏᒻᒪᑕ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᑖᒃᑯᓄᖓ, ᑍᒤᒻᒪᑦ ᕿᒪᓚᐅᕐᐸᒃᑲ, ᐊᑕᓂᖅ ᐅᖃᕐᐳᖅ.