ᐃᓯᑭᐊᓕᐅᑉ ᐊᒡᓚᖏᑦ 44:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐃᑦᔪᕐᓁᑦᑐᕕᖁᑎᓐᓂ ᐱᔨᑦᓯᕈᓐᓇᕐᓂᐊᕋᓗᐊᕐᐹᖓ, ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖓᓂ ᑲᒪᔨᐅᓗᑎᒃ, ᑐᒃᓯᐊᕐᕕᒡᔪᐊᒥᓗ ᐱᓇᓱᐊᕐᑎᐅᓗᑎᒃ; ᑐᖅᑯᕅᔨᐅᓗᑎᒡᓗ ᑐᓂᕐᕈᑎᒃᓴᓂᒃ ᐃᑯᐊᓚᑎᑕᐅᔪᒃᓴᓂᒃ ᑐᓂᕐᕈᑕᐅᓂᐊᕐᑐᓂᒡᓗ ᐃᓄᐃᑦ ᐱᑦᔪᑎᒋᓗᒋᑦ, ᐃᓄᖕᓄᑦ ᐃᓚᐅᔪᒃᓴᐅᕗᑦ, ᑖᒃᑯᓂᖓ ᐱᔨᑦᓯᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 44:11 ပူးပေါင်းရင်းမြစ်များ

ᒨᓯᓯ ᓯᑕᒪᖏᑦ 16:9

ᒥᑭᓗᐊᕐᐹ ᐃᓕᑦᓯᓐᓄᑦ ᐃᓴᕆᐊᓕᒥᐅᑦ ᒎᑎᖓᑦᑕ ᓴᓂᕐᕙᒃᑎᓯᒪᖕᒪᓯ ᐃᓴᕆᐊᓕᒥᐅᑦ ᑲᑎᒪᔪᕐᔪᐊᖏᓐᓂᑦ, ᐃᒻᒥᓄᑦ ᖃᓂᑦᑑᑎᒻᒪᓯ, ᐊᑕᓂᐅᑉ ᑐᐱᕐᔪᐊᖓᓂᒃ ᑲᒪᔨᐅᑎᒻᒪᓯ, ᐃᓄᒋᐊᒃᑐᕐᔪᐊᖁᑎᖏᓐᓂᒡᓗ ᐱᔨᑦᓯᕐᑎᐅᑎᒻᒪᓯ;

ᑯᕉᓂᑲ ᐂᑉᐸᖏᑦ 29:34

ᑐᓂᕐᕈᓯᕐᑎᑦᓯᔩᓪᓕ ᐅᓄᓐᖏᓗᐊᕐᒪᑕ ᑐᖁᕅᔪᓐᓇᓚᐅᓐᖏᓚᑦ ᑐᓂᕐᕈᑎᒃᓴᓕᒫᓂᒃ ᐃᑯᐊᓪᓚᒋᐊᓕᖕᓂᒃ; ᑍᒤᒻᒪᑦ ᐃᓅᖃᑎᖏᑕ ᐃᓚᖏᑦ ᓕᕔᑏᑦ ᐃᑲᔪᓕᓚᐅᕐᐳᑦ ᐱᔭᕇᓚᐅᕐᑎᓐᓇᒋᑦ ᑐᓂᕐᕈᓯᕐᑎᑦᓯᔩᑦ ᐊᓯᖏᑦ ᐃᒻᒥᖕᓂᒃ ᐃᑦᔪᕐᓁᓕᑎᓚᐅᖏᓐᓂᖏᓐᓂ, ᓕᕔᑏᑦ ᐊᔪᐃᓐᓇᕐᓂᕐᓴᐅᓚᐅᕐᒪᑕ ᐃᑦᔪᕐᓁᑎᑕᐅᓯᒪᓂᕐᓴᐅᓚᐅᕐᐳᑦ ᐆᒻᒪᑎᒥᒃᑎᒍᑦ ᑐᓂᕐᕈᓯᕐᑎᑦᓯᔨᓂᑦ ᐃᒻᒥᖕᓂᒃ ᐃᑦᔪᕐᓁᓕᑎᑦᓴᕆᐊᓕᖕᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 44:14

ᓱᓕᓕ ᑎᓕᓂᐊᕐᐸᒃᑲ ᑐᒃᓯᐊᕐᕕᒡᔪᐊᑉ ᐃᓗᐊᓂ ᐱᔭᕆᐊᓕᖕᓂᒃ ᑲᒪᔨᐅᖁᓪᓗᒋᑦ, ᐱᔨᑦᓯᕆᐊᓕᖕᓂᒡᓗ ᐱᔨᑦᓯᕐᑎᐅᖁᓪᓗᒋᑦ ᐱᓇᓱᐊᕐᑕᐅᔭᕆᐊᓕᓕᒫᓂᒃ.”

ᐃᓯᑭᐊᓕᐅᑉ ᐊᒡᓚᖏᑦ 40:45

ᐅᖃᐅᑎᕚᖓᓗ, “ᑖᓐᓇ ᐃᒡᓗᕈᓯᖅ ᐅᓪᓗᓪᓗᐊᑉ ᓇᓛᓄᑦ ᓵᓐᖓᔪᖅ ᐃᒡᓗᕈᓯᕆᔭᐅᕗᖅ ᑐᓂᕐᕈᓯᕐᑎᑦᓯᔨᓄᑦ ᑐᒃᓯᐊᕐᕕᒡᔪᐊᕐᒥ ᑲᒪᔨᐅᔪᓄᑦ.

ᑯᕉᓂᑲ ᐂᑉᐸᖏᑦ 30:17

ᑲᑎᒪᔪᓂ ᐅᓄᕐᑐᑦ ᐃᒻᒥᖕᓂᒃ ᐃᑦᔪᕐᓁᓕᑎᓯᒪᓚᐅᖏᒻᒪᑕ; ᑍᒤᒻᒪᑦ ᓕᕔᑏᑦ ᑐᖁᑦᓯᓚᐅᕐᐳᑦ ᓰᐱᐅᑉ ᓄᕐᕋᖏᓐᓂᒃ ᖄᖏᕐᑕᐅᕕᒃᓯᐅᕈᑎᒃᓴᓂᒃ ᐊᓯᓕᒫᖏᑦ ᓴᓗᒻᒪᕐᓯᒪᓚᐅᖏᒻᒪᑕ, ᐃᑦᔪᕐᓁᑎᑕᐅᖁᓪᓗᒋᑦ ᐊᑕᓂᕐᒧᑦ.

ᒨᓯᓯ ᓯᑕᒪᖏᑦ 18:6

ᑕᑯᒋᑦ, ᐅᕙᖓ ᓇᖕᒥᓂᖅ ᖃᑕᓐᖑᑎᓯ ᓕᕔᑎᒃᑯᑦ ᓂᕈᐊᓚᐅᕐᐸᒃᑲ ᐃᓴᕆᐊᓕᒥᐅᑦ ᐊᑯᕐᖓᓐᓂᑦ; ᐃᓕᑦᓯᓐᓄᑦ ᑐᓂᕐᕈᑕᐅᕗᑦ ᐊᑕᓂᐅᑉ ᑐᓂᔭᖏᑦ, ᑐᐱᕐᔪᐊᒥ ᑲᑎᒪᕕᖕᒥ ᐱᓇᓱᐊᕐᑎᐅᖁᓪᓗᒋᑦ.

ᒨᓯᓯ ᓯᑕᒪᖏᑦ 4:1

ᐊᑕᓂᖅ ᒨᓯᓯᒧᑦ ᐂᕉᓂᒧᓪᓗ ᐅᖃᕐᐳᖅ,

ᒨᓯᓯ ᓯᑕᒪᖏᑦ 18:2

ᕾᖃᑎᒋᓗᒋᑦ ᖃᑕᓐᖑᑎᓯ ᓕᕔᑉ ᑭᖑᕚᖏᑦ, ᓯᕗᓕᕕᓂᕐᐱᑦ ᑭᖑᕚᖏᑦ, ᐃᓕᑦᓯᓐᓂᒃ ᐱᔨᑦᓯᕐᓂᐊᕐᒪᑕ ᐃᒃᓯᕐᕕᐅᑉ ᐊᖏᕈᑎᑕᓕᐅᑉ ᓵᖓᓂ ᐱᓕᕆᑎᓪᓗᓯ.

ᒨᓯᓯ ᓯᑕᒪᖏᑦ 8:26

ᖃᑕᓐᖑᑎᒥᖕᓂᒃ ᐱᔨᑦᓯᕈᓐᓇᕋᓗᐊᕐᐳᑦ ᑐᐱᕐᔪᐊᒥ ᑲᑎᒪᕕᖕᒥ ᐱᓇᓱᐊᕐᑐᓂᒃ, ᐱᔭᕆᐊᖃᕐᑕᖏᓐᓂᒃ ᐃᑲᔪᕐᓗᒋᑦ, ᓇᖕᒥᓂᕐᓕ ᐱᓇᓱᐊᕐᑎᐅᔪᓐᓃᕐᓗᑎᒃ. ᑍᒤᓕᐅᕆᐊᖃᕐᐳᓯ ᓕᕔᑎᑦ ᐱᔭᒃᓴᖏᑕ ᓇᓛᓄᑦ.”

ᐃᓯᑭᐊᓕᐅᑉ ᐊᒡᓚᖏᑦ 46:24

ᑕᕝᕙ ᐅᖃᐅᑎᕚᖓ, “ᑖᒃᑯᐊ ᑕᕝᕙ ᑐᒃᓯᐊᕐᕕᒡᔪᐊᕐᒥ ᐱᓇᓱᐊᕐᑎᓄᑦ ᐃᒐᕕᐅᖃᑦᑕᕐᓂᐊᕐᑐᑦ ᐃᓄᖕᓄᑦ ᑐᓂᕐᕈᑕᐅᓯᒪᔪᓕᒫᓂᒃ.”