ᐃᓯᑭᐊᓕᐅᑉ ᐊᒡᓚᖏᑦ 44:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ “ᓕᕔᑎᓪᓕ ᐅᕙᓐᓂᑦ ᐅᖓᓯᒃᓯᓚᐅᕐᐳᑦ, ᐅᕙᓐᓂᒃ ᕿᒤᓪᓗᑎᒃ ᒎᑎᓐᖑᐊᓄᑦ ᓵᖔᓕᕐᓗᑎᒃ ᐃᓴᕆᐊᓕᒥᐅᑦ ᐃᓚᒋᓪᓗᒋᑦ, ᑖᒃᑯᐊ ᓱᒋᐊᕐᑕᐅᓂᒃᓴᒥᖕᓂᒃ ᓇᔪᕐᑎᖃᓕᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 44:10 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 4:13

ᑬᓂᓗ ᐊᑕᓂᕐᒧᑦ ᐅᖃᕐᐳᖅ, “ᓱᒋᐊᕐᑕᐅᓂᕋ ᑕᒪᓐᓇ ᐊᑐᕈᓐᓇᕐᑕᒪ ᐅᖓᑖᓃᑉᐳᖅ.

ᓂᕼᐃᒤᐊᐅᑉ ᐊᒡᓚᖏᑦ 9:34

ᐊᒡᓛᑦ ᐊᖓᔪᖅᑳᕐᔪᐊᕗᑦ, ᓯᕗᓕᕐᑎᕗᓪᓗ, ᑐᓂᕐᕈᓯᕐᑎᑦᓯᔨᕗᑦ ᓯᕗᓕᕗᓪᓗ, ᐱᖁᔭᕐᓂᒃ ᒪᓖᓐᓇᕐᓯᒪᖏᒻᒪᑕ, ᓈᓚᓚᐅᖏᒻᒪᑕ ᐱᖁᔭᕐᓂᒃ ᐃᓂᕐᑎᕆᐅᑎᒋᔭᕐᓂᒡᓗ, ᓇᓗᓁᕐᓯᓕᓚᐅᕐᐳᑎᑦ ᓈᒻᒪᒃᓴᖏᓐᓂᕐᓂᒃ ᑖᒃᑯᓂᖓ.

ᐃᓐᖏᕈᑎᑦ 38:4

ᐸᓯᔭᒃᓴᐅᓂᕐᒪ ᓵᓚᒋᓯᒪᖕᒪᖓ ᐊᒡᔭᒐᒃᓴᑐᑦ ᐅᖁᒤᓗᐊᕐᑐᑎᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:31

ᐃᓱᐊᕐᑐᑦ ᐱᓂᐊᕐᓂᖏᑦ ᐊᑭᓕᕐᑕᐅᔪᓐᓇᕐᐸᑕ ᓄᓇᒥ, ᑕᕝᕙᓕᑭᐊᖅ ᒎᑎᖃᖏᑦᑐᑦ ᐊᔪᕐᑐᓕᔪᓪᓗ ᐱᓂᐊᕐᕕᐅᓂᕐᓴᐅᓂᐊᕐᐳᑦ ᐱᓂᐊᕐᓂᖏᑦ ᒪᓕᒡᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 53:11

ᑕᕐᓂᕐᒥᒍᑦ ᐊᒃᓱᕈᕐᓇᕐᑐᒦᑎᑕᐅᓂᖓᑕ ᐸᐅᕐᖓᖏᓐᓂᒃ ᑕᑯᔪᒫᕐᐳᖅ ᓈᒻᒪᒋᓗᒋᓪᓗ; ᖃᐅᔨᒪᓂᕐᒥᒍᑦ ᓇᓛᒎᕐᑐᖅ ᐱᔨᒐ ᐅᓄᕐᑐᓂᒃ ᐃᓱᐊᕐᓯᑎᑦᓯᔪᒫᕐᐳᖅ, ᐊᔪᕐᑐᓕᓂᖏᓐᓂᒃ ᐊᒡᔭᕐᓯᔪᒫᕐᒪᑦ.

ᔨᕆᒤᐊᐅᑉ ᐊᒡᓚᖏᑦ 23:11

“ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ, ᑐᓂᕐᕈᓯᕐᑎᑦᓯᔩᓪᓗ ᒎᑎᖃᕈᓐᓃᕐᐳᑦ; ᐃᒡᓗᓐᓂᓘᓐᓃᑦ ᐱᐅᖏᑦᑐᓕᓂᖏᑦ ᑕᑯᒃᓴᐅᓕᕐᐳᑦ, ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 14:11

ᑍᒤᓕᐅᕆᖃᑦᑕᕐᓂᐊᕐᐳᖓ ᐃᓴᕆᐊᓕᐅᑉ ᑭᖑᕚᖏᓐᓄᑦ ᐅᕙᓐᓂᒃ ᕿᒤᖁᓇᒋᑦ, ᐊᔪᕐᑐᓕᓂᕐᒥᖕᓄᓪᓗ ᓇᕐᕈᓇᕐᓯᑎᑕᐅᖃᑦᑕᖁᓇᒋᑦ, ᐅᕙᓐᓄᑦ ᐃᓄᖁᑎᒋᔭᐅᖁᓪᓗᒋᑦ ᒎᑎᒋᔭᐅᓗᖓᓗ ᑖᒃᑯᓄᖓ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 22:26

ᑐᓂᕐᕈᓯᕐᑎᑦᓯᔩᑦ ᐱᖁᔭᓐᓂᒃ ᓯᖁᒥᑦᓯᓪᓗᑎᒃ ᐃᑦᔪᕐᓁᑎᑕᓐᓂᒡᓗ ᓇᕐᕈᓇᕐᓯᑎᑦᓯᖃᑦᑕᕐᐳᑦ; ᐃᑦᔪᕐᓁᑦᑐᓂᒃ ᖃᐅᑕᒫᕐᓯᐅᑎᓂᒡᓗ ᐊᑦᔨᒌᖏᑦᑑᑎᑦᓯᔪᓐᓃᕐᐳᑦ, ᐊᔪᕆᕐᑐᐃᖃᑦᑕᕋᑎᒡᓗ ᓇᕐᕈᓇᕐᑐᑦ ᓇᕐᕈᓇᖏᑦᑐᓪᓗ ᐊᑦᔨᒌᖏᓐᓂᖏᓐᓂᒃ, ᓴᐸᑎᖁᑎᒃᑲᓗ ᑲᒪᒋᔪᓐᓁᕐᓗᒋᑦ, ᑍᒤᒻᒪᑦ ᓇᕐᕈᓇᕐᑎᑕᐅᓕᕐᐳᖓ ᑖᒃᑯᓇᓂ.

ᐃᓯᑭᐊᓕᐅᑉ ᐊᒡᓚᖏᑦ 44:12

ᐱᔨᑦᓯᖃᑦᑕᓚᐅᕐᒪᑕ ᒎᑎᓐᖑᐊᓄᑦ ᐊᒡᕕᐊᕈᑎᒃᓴᐅᓕᕐᓗᑎᒡᓗ ᐊᔪᕐᑐᓕᑎᑦᓯᓯᒪᓂᕐᒥᖕᓄᑦ ᐃᓴᕆᐊᓕᐅᑉ ᑭᖑᕚᖏᓐᓂᒃ, ᑍᒤᒻᒪᑦ ᐅᖃᕕᓚᐅᕐᐳᖓ ᑖᒃᑯᐊ ᐱᓪᓗᒋᑦ, ᐊᑕᓂᖅ ᒎᑎ ᐅᖃᕐᐳᖅ, ᓱᒋᐊᕐᑕᐅᓂᒃᓴᒥᖕᓂᒃ ᓇᔪᕐᑎᖃᓕᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 44:15

“ᑐᓂᕐᕈᓯᕐᑎᑦᓯᔩᓪᓕ ᓕᕔᒃᑯᑦ ᐃᓚᒌᖕᓂᖏᓐᓂᑦ ᐱᓯᒪᔪᑦ ᔭᑑᑭᐅᑉ ᑭᖑᕚᖏᓐᓂᓐᖔᕐᑐᑦ, ᓱᕐᕋᔪᐃᑦᑑᓪᓗᑎᒃ ᑐᒃᓯᐊᕐᕕᒡᔪᐊᕐᒥ ᐱᔨᑦᓯᓚᐅᕐᒪᖓ ᐊᓯᓕᒫᖏᑦ ᐃᓴᕆᐊᓕᒥᐅᑦ ᐅᕙᓐᓂᒃ ᕿᒤᒐᓗᐊᕐᑎᓪᓗᒋᑦ, ᑖᒃᑯᐊᑐᐊᑦ ᐅᕙᓐᓂᒃ ᐱᔨᑦᓯᕐᑐᒃᓴᐅᕗᑦ ᓇᔪᕐᑕᓐᓄᓪᓗ ᑐᓂᕐᕈᓯᕆᐊᕐᑐᕈᓐᓇᕐᓗᑎᒃ ᑐᓂᕐᕈᑎᑦ ᑐᓐᓄᖏᓐᓂᒃ ᐊᐅᖏᓐᓂᒡᓗ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 48:11

ᑖᓐᓇ ᓄᓇ ᐃᑦᔪᕐᓁᑎᑕᐅᓯᒪᔪᖅ ᑐᓂᕐᕈᓯᕐᑎᑦᓯᔨᓄᑦ ᑐᕌᖓᔪᒃᓴᐅᕗᖅ ᔭᑑᑭᐅᑉ ᑭᖑᕚᖏᓐᓄᑦ, ᑖᒃᑯᐊ ᓱᕐᕋᔪᐃᑦᑑᓪᓗᑎᒃ ᐅᕙᓐᓂᒃ ᐱᔨᑦᓯᓚᐅᕐᒪᑕ, ᐃᓴᕆᐊᓕᒥᐅᓄᑦ ᑕᒻᒪᕐᑐᓄᑦ ᐃᓚᐅᓇᑎᒃ, ᓕᕔᑎᑦ ᑭᖑᕚᖏᑕ ᐃᓚᖏᑎᑐᑦ.

ᕼᐆᓯᐊᑉ ᐊᒡᓚᖏᑦ 4:9

ᐃᓕᑦᓯᑦᑕᐅᖅ ᐊᒃᓱᕈᕐᓇᕐᑐᒃᑰᕐᓂᐊᕐᐳᓯ ᐃᓄᐃᑦ ᓱᒋᐊᕐᑕᐅᓂᖏᑎᑐᑦ ᓱᒋᐊᕐᑕᐅᓗᓯ, ᐊᑭᓕᕐᑕᐅᓂᐊᕐᐳᓯᓗ ᐊᔪᕐᑐᓕᓂᓯ ᐱᓪᓗᒋᑦ.

ᒨᓯᓯ ᐱᖓᔪᖏᑦ 19:8

ᓇᓪᓕᐊᑦ ᑍᒤᑦᑐᒥᒃ ᓂᕆᔪᖅ, ᑖᓐᓇ ᐸᓯᔭᒃᓴᐅᕗᖅ ᐃᑦᔪᕐᓇᕐᑎᑦᓯᖕᒪᑦ ᐊᑕᓂᕐᒧᑦ ᐃᑦᔪᕐᓁᑐᒥᒃ; ᑖᓐᓇᓗ ᐊᕕᑕᐅᔭᕆᐊᖃᕐᐳᖅ.

ᔨᐸᓁᐊᐅᑉ ᐊᒡᓚᖏᑦ 3:4

ᓇᓚᐅᑦᑍᔨᖁᑎᖏᑦ ᐅᖃᐅᓯᕐᓘᑎᓖᑦ, ᑕᑎᒋᔭᒃᓴᐅᖏᑦᑐᑦ. ᑐᓂᕐᕈᓯᕐᑎᑦᓯᔨᖏᑦ ᓇᕐᕈᓇᕐᓯᑎᑦᓯᕗᑦ ᐃᑦᔪᕐᓁᑦᑐᒃᑯᕕᖕᒥᒃ. ᒎᑎᐅᑉ ᐱᖁᔭᖏᓐᓂᒃ ᐊᑐᕐᓂᕐᓗᒃᐳᑦ.

ᒪᓚᑬᑉ ᐊᒡᓚᖏᑦ 2:8

“ᐃᓕᑦᓯᓕ ᕿᒤᓯᒪᕗᓯ ᐊᖅᑯᒻᒥᒃ; ᐅᓄᕐᑐᓂᒡᓗ ᐹᓪᓚᒃᑎᑦᓯᓚᐅᕐᐳᓯ ᐊᔪᕆᕐᑐᐃᓂᑦᓯᒍᑦ; ᓕᕔᓪᓗ ᐊᖏᖃᑎᒌᒍᑎᖏᓐᓂᒃ ᓯᖁᒥᑦᓯᓯᒪᓪᓗᓯ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒨᓯᓯ ᓯᑕᒪᖏᑦ 18:23

ᓕᕔᑎᓪᓕ ᐱᓇᓱᐊᕈᓐᓇᕐᐳᑦ ᑐᐱᕐᔪᐊᒥ ᑲᑎᒪᕕᖕᒥ, ᐸᓯᔭᒃᓴᐅᓂᐊᕐᓗᑎᒃ ᐊᔪᕐᑐᓕᓂᕐᒥᖕᓄᑦ; ᑕᒪᓐᓇ ᒪᓕᒐᐅᓂᐊᕐᐳᖅ ᐃᓱᖃᖏᑦᑐᒧᑦ, ᑭᖑᕚᕇᓄᑦ ᑍᒪᓐᖓᑦ, ᐃᓴᕆᐊᓕᒥᐅᓪᓗ ᓇᖕᒥᓂᖃᑦᔮᓐᖏᓚᑦ ᓱᓇᒥᒃ.

ᒨᓯᓯ ᓯᑕᒪᖏᑦ 5:31

ᐊᖑᑦ ᐊᔪᕐᓂᕐᒥᑦ ᐸᓯᔭᒃᓴᐅᓂᐊᖏᓚᖅ, ᐊᕐᓇᐅᓪᓕ ᐸᓯᔭᒃᓴᐅᓂᓂ ᐊᑐᕐᓂᐊᕐᐹ.”

ᑎᒧᑎᒧᑦ ᓯᕗᓪᓖᑦ 5:22

ᐊᑕᓂᕐᒧᑦ ᐱᔨᑦᓯᕐᑐᒃᓴᓂᒃ ᑐᐊᕕᕐᓗᑎᑦ ᐸᑎᒻᒥᓯᓂᐊᕐᓇᒃ, ᐊᓯᕕᑦ ᐊᔪᕐᑐᓕᓂᖏᓐᓄᑦ ᐃᓚᐅᑦᑍᓕᒋᑦ; ᓇᖕᒥᓂᖅ ᐃᑦᔪᕐᓁᑎᑦᓯᐊᕆᑦ.