ᐃᓯᑭᐊᓕᐅᑉ ᐊᒡᓚᖏᑦ 43:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐅᖃᐅᑎᓪᓗᖓᓗ, “ᐃᓅᑉ ᐃᕐᓂᖓ, ᑖᓐᓇ ᑕᕝᕙ ᐃᒃᓯᕙᐅᑕᕐᔪᐊᒪ ᐃᓂᖓ ᐃᑎᒐᖕᒪᓗ ᐃᑯᕋᖏᑕ ᐃᓂᖓ, ᑕᕝᕙᓂ ᐃᓂᖃᕐᓂᐊᕐᐳᖓ ᐃᓱᖃᖏᑦᑐᒧᑦ ᐃᓴᕆᐊᓕᒥᐅᑦ ᐃᓄᖏᑕ ᐊᑯᕐᖓᓐᓂ. ᐃᓴᕆᐊᓕᒥᐅᓪᓗ ᑭᖑᕚᖏᑕ ᐊᑎᕋ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᓐᓂᐊᕈᓐᓁᕐᐹᑦ, ᑖᒃᑯᐊᓘᓐᓃᑦ, ᐊᖓᔪᖅᑳᕐᔪᐊᖏᑕᓘᓐᓃᑦ, ᒎᑎᒥᒡᓗ ᐊᓯᓐᓂᐊᕐᓯᒪᓂᖏᓐᓄᑦ, ᐊᖓᔪᖅᑳᕐᔪᐊᕕᓂᖏᑕᓘᓐᓃᑦ ᑎᒥᕕᓂᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 43:7 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 8:13

ᐱᐅᔪᒻᒪᕆᐊᓗᖕᒥᒃ ᐊᖏᒡᓕᑎᕐᑕᐅᕕᒃᓴᕐᓂᒃ ᓴᓇᓯᒪᕗᖓ ᐃᒡᓗᒃᓴᕐᓂᒃ, ᐃᓂᒋᓂᐊᕐᑕᕐᓂᒃ ᐃᓱᖃᖏᑦᑐᒧᑦ.”

ᐊᑕᓃᑦ ᐂᑉᐸᖏᑦ 16:4

ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᑦ ᐳᕐᑐᔪᓃᑦᑐᑦ ᓇᐹᕐᑐᐃᓪᓗ ᑐᖑᔪᕐᑐᓕᒫᑦ ᐊᑖᓂ ᐂᕼᐊᓯ ᑐᒃᓯᐊᖃᑕᐅᓚᐅᕐᐳᖅ ᑐᓂᕐᕈᓯᖃᑕᐅᖃᑦᑕᕐᓗᓂᓗ.

ᑯᕉᓂᑲ ᓯᕗᓪᓖᑦ 28:2

ᑕᕝᕙ ᐊᖓᔪᖅᑳᕐᔪᐊᖅ ᑍᕕᑎ ᓂᑯᕕᑉᐳᖅ ᐅᖃᕐᓗᓂᓗ: “ᑐᓴᕐᓯᓐᖓ, ᖃᑕᓐᖑᑎᒃᑳ ᐃᓄᖁᑎᒃᑲᓗ; ᐆᒻᒪᒥᐅᑕᕆᓚᐅᕐᐸᕋ ᐃᒡᓗᓕᐅᕈᒪᓪᓗᖓ ᐊᑕᓂᕐᒧᑦ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᐃᓂᖃᑦᓯᐊᖁᓪᓗᒍ, ᒎᑎᑦᑕᓗ ᐃᑎᒐᖏᑦ ᐃᑯᕐᕋᒃᓴᖃᖁᓪᓗᒋᑦ; ᐅᐸᓗᖎᔭᓚᐅᕐᐳᖓᓗ ᐃᒡᓗᓕᐅᕈᒪᓪᓗᖓ.

ᐃᓐᖏᕈᑎᑦ 132:14

“ᑕᕝᕙᓂ ᑕᕾᕐᓯᕐᕕᖃᕈᒪᕗᖓ ᐃᓱᖃᖏᑦᑐᒧᑦ; ᑕᕝᕙᓂ ᐃᓂᖃᕐᓂᐊᕐᐳᖓ, ᐱᔪᒪᓯᒪᒐᒃᑯ.

ᐃᓐᖏᕈᑎᑦ 46:5

ᐃᒡᓗᒐᓴᒡᔪᐊᑦ ᒎᑎ ᕿᑎᖓᓃᑉᐳᖅ, ᑖᒃᑯᐊᓗ ᐊᐅᓚᑎᑕᐅᓂᐊᓐᖏᓚᑦ; ᒎᑎᐅᑉ ᐃᑲᔪᕐᓂᐊᕐᐹ, ᐅᓪᓛᑉ ᖃᐅᓕᕐᓂᖓᓂᑦ.

ᐃᓐᖏᕈᑎᑦ 47:8

ᒎᑎ ᐊᐅᓚᑦᓯᕗᖅ ᐃᓅᖃᑎᒌᒡᔪᐊᓂᒃ; ᒎᑎ ᐃᒃᓯᕙᕗᖅ ᐃᒃᓯᕙᐅᑕᕐᔪᐊᒥ ᐃᑦᔪᕐᓁᑦᑐᒥ.

ᐃᓐᖏᕈᑎᑦ 68:17

ᐊᒃᓴᓗᐊᓖᑦ ᐱᐅᔪᕐᔪᐊᑦ ᒎᑎᐅᑉ ᐱᖏᑦ ᐊᕙᑎᑦ ᑕᐅᓮᕐᑐᕐᓗᒋᑦ ᐊᒡᓛᑦ, ᑕᐅᓮᑦ ᑕᐅᓮᕐᑐᕐᓗᒋᑦ, ᐊᑕᓂᐅᑉ ᓮᓁᒥᑦ ᐃᓚᒋᓪᓗᒋᑦ ᐃᑦᔪᕐᓁᑦᑐᕕᖕᒧᐊᓚᐅᕐᐳᖅ.

ᐃᓐᖏᕈᑎᑦ 68:18

ᖁᒻᒧᐊᒃᐳᑎᑦ ᖁᑦᓯᒃᑐᒧᑦ, ᑎᒍᔭᐅᓯᒪᔪᑦ ᓇᒃᓴᕐᓗᒋᑦ, ᑐᓂᕐᕈᑎᓂᒡᓗ ᐃᓄᖕᓂᑦ ᐱᑎᑕᐅᕗᑎᑦ, ᐊᑭᕋᕐᑐᕐᑐᓂᑦ ᐊᒡᓛᑦ, ᐊᑕᓂᖅ ᒎᑎ ᐃᓂᖃᖁᓪᓗᒍ ᑍᑲᓂ.

ᐃᓐᖏᕈᑎᑦ 99:1

ᐊᑕᓂᖅ ᐊᖓᔪᖅᑳᕐᔪᐊᖑᕗᖅ; ᑍᒤᒻᒪᑦ ᐃᓄᐃᑦ ᓴᔪᒡᓕᑦ! ᐃᒃᓯᕙᐅᑕᕐᔪᐊᕐᒥ ᐃᒃᓯᕙᕗᖅ ᓯᕈᐲᒻ ᐊᕙᑖᓃᑎᓪᓗᒋᑦ; ᑍᒤᒻᒪᑦ ᓄᓇᕐᔪᐊᖅ ᓴᔪᒃᐱᓗᒃᐳᖅ!

ᐃᓐᖏᕈᑎᑦ 99:5

ᐊᑕᓂᖅ ᒎᑎᕗᑦ ᐊᖏᔪᕈᕐᑎᓯᐅᒃ; ᑐᒃᓯᐊᕆᑦᓯ ᐃᑎᒐᖏᑕ ᐃᑯᕐᕋᖓᓂ! ᑖᓐᓇ ᐃᑦᔪᕐᓁᑦᑑᖕᒪᑦ.

ᒨᓯᓯ ᐂᑉᐸᖏᑦ 25:8

ᑖᒃᑯᓇᓂ ᐃᑦᔪᕐᓁᓐᓂᕐᐹᒥᒃ ᐃᓂᒃᓴᒥᒃ ᓴᓐᓇᔪᖃᕐᑐᒃᓴᐅᕗᖅ, ᐃᓂᒃᓴᖃᖁᓪᓗᖓ ᐊᑯᕐᖓᓐᓂ.

ᒨᓯᓯ ᐂᑉᐸᖏᑦ 29:45

ᐃᓴᕆᐊᓕᒥᐅᓪᓗ ᐃᓄᖏᓐᓂ ᐃᓂᖃᕈᒪᕗᖓ ᑖᒃᑯᓄᖓᓗ ᒎᑎᒋᔭᐅᔪᒪᓪᓗᖓ.

ᐂᓮᐊᓯᐅᑉ ᐊᒡᓚᖏᑦ 6:1

ᐊᕐᕌᒍᒥ ᐊᖓᔪᖅᑳᕐᔪᐊᑉ ᐅᓮᐊᐅᑉ ᑐᖁᕝᕕᐊᓂ, ᐊᑕᓂᖅ ᑕᑯᓚᐅᕐᐸᕋ ᐃᒃᓯᕙᐅᑕᕐᔪᐊᖕᒥᓂ ᐃᒃᓯᕙᔪᖅ, ᖁᑦᓯᒃᑐᒥ ᐳᕐᑐᔪᒥᓗ, ᐊᓐᓄᕌᖓᑕᓗ ᐅᓕᒡᔪᐊᖓᑕ ᑐᒃᓯᐊᕐᕕᒡᔪᐊᑉ ᐃᓗᐊ ᓈᓯᒪᕚ.

ᐂᓮᐊᓯᐅᑉ ᐊᒡᓚᖏᑦ 66:1

ᐊᑕᓂᖅ ᐃᒫᒃ ᐅᖃᕐᐳᖅ: “ᕿᓚᒃ ᐃᒃᓯᕙᐅᑕᕐᔪᐊᕆᒐᒃᑯ, ᓄᓇᓗ ᐃᑎᒐᓐᓄᑦ ᐃᑯᕐᕋᕆᓪᓗᒍ, ᓇᐅᒡᓕ ᑍᒪ ᐃᒡᓗᒃᓴᕋ? ᓇᓂᓗ ᐃᓂᖃᕈᓐᓇᕐᐳᖓ?

ᔨᕆᒤᐊᐅᑉ ᐊᒡᓚᖏᑦ 14:21

ᐊᑏᑦ ᐱᑦᔪᑎᒋᓗᒍ ᓇᕐᕈᒋᓕᕐᑍᓕᑎᒍᑦ, ᐃᒃᓯᕙᐅᑕᕐᔪᐊᑦ ᐅᐱᒋᔭᐅᔪᓐᓃᕐᑎᑦᑍᓕᒍᒃ; ᐊᖏᖃᑎᖃᕐᓯᒪᓂᑎᑦ ᐅᕙᑦᑎᓐᓄᑦ ᐳᐃᒍᕐᑍᓕᒃᑭᑦ, ᓯᖁᑦᑎᕐᑍᓕᓗᒋᓪᓗ.

ᔨᕆᒤᐊᐅᑉ ᐊᒡᓚᖏᑦ 16:18

ᒪᕐᕈᐃᕐᑐᓪᓗᐊᕐᑐᒥᒃ ᐊᑭᓂᐊᕐᕕᒋᔪᒫᕐᐸᒃᑲ ᐱᐅᖏᑦᑐᓕᓂᖏᓐᓄᑦ ᐊᔪᕐᑐᓕᓂᖏᓐᓄᓪᓗ, ᓄᓇᖁᑎᒐ ᓇᕐᕈᓇᕐᓯᑎᑕᐅᓯᒪᖕᒪᑦ ᐆᒪᖏᑦᑐᓂᒃ ᒎᑎᓐᖑᐊᓕᐅᕐᕕᐅᓪᓗᑎᒃ, ᑭᖑᕐᖑᑎᔭᒃᓴᕋᓗ ᓇᕐᕈᓇᕐᑐᓂᒃ ᒎᑎᓐᖑᐊᓂᒃ ᑕᑕᑎᕐᓯᒪᕚᑦ.”

ᔨᕆᒤᐊᐅᑉ ᐊᒡᓚᖏᑦ 17:12

ᐃᒃᓯᕙᐅᑕᕐᔪᐊᖅ ᐱᓐᓇᕐᓇᕐᑐᕐᔪᐊᖅ ᐳᕐᑐᔪᓃᑉᐳᖅ, ᐱᒋᐊᕐᓂᖓᓂᑦ ᐃᑦᔪᕐᓁᑦᑐᕕᖁᑎᑦᑕ ᐃᓂᒋᔭᖓ.

ᔨᕆᒤᐊᐅᑉ ᐊᒡᓚᖏᑦ 3:17

ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒻ ᐊᑕᓂᕐᒧᑦ ᐃᒃᓯᕙᐅᑕᕐᔪᐊᖃᕐᕕᐅᓂᕋᕐᑕᐅᓕᕈᒫᕐᐳᖅ, ᐃᓅᖃᑎᒌᒡᔪᐊᓪᓗ ᔨᕉᓴᓕᒧᑦ ᑲᑎᖃᑦᑕᕈᒫᕐᐳᑦ ᐊᑕᓂᐅᑉ ᐊᑎᖓᓂᒃ ᐅᐱᒍᓱᖕᓂᕐᒥᖕᓂᒃ ᓇᓗᓁᕐᓯᔭᕐᑐᕐᓗᑎᒃ. ᐆᒻᒪᑎᒥᒃᑕ ᓯᑎᔫᓂᖏᓐᓂᒃ ᐱᐅᖏᑦᑐᓕᔪᒪᓂᖏᓐᓂᒡᓗ ᒪᓕᒍᓐᓃᕈᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 1:26

ᐃᒡᓗᕕᒐᐅᔮᕐᑑᓪᓗ ᓂᐊᖁᖏᑕ ᖁᓛᓃᑦᑑᑉ ᖁᓛᓂ ᐃᒃᓯᕙᐅᑕᕐᔪᐊᖑᔮᕐᑐᖃᕐᐳᖅ, ᐅᔭᕋᒃᑎᑐᑦ ᓴᐰᕋᐅᔮᕐᑐᒥᒃ; ᐃᒃᓯᕚᕐᑐᕐᓗ ᐃᒃᓯᕙᐊᑕᕐᔪᐊᖑᔮᕐᑐᒥ ᐃᓄᒃᑎᑐᑦ ᑕᐅᑦᑐᖃᕐᑑᔮᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 10:1

ᑕᑯᓴᕋᒪ ᑕᑯᕗᖓ, ᓯᕈᐱᒻ ᐃᓴᕈᖃᕐᑐᑦ ᖁᓛᓃᑦᑐᒥᒃ ᐃᒡᓗᕕᒐᕐᑎᑐᑦ ᐊᓂᖓᔪᒥᒃ, ᖁᓛᓂᓗ ᐃᒃᓯᕙᐅᑕᕐᔪᐊᖑᔮᕐᑐᖅ ᑕᐅᑦᑐᖃᕐᐳᖅ ᓴᐰᕆᑎᑐᑦ ᐱᐅᓂᕐᐹᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 20:39

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᒧᑦ ᑭᖑᕚᖑᔪᓯ, ᐅᕙᓐᓂᒃ ᓈᓚᖕᓂᐊᖏᒃᑯᑦᓯ; ᒎᑎᓐᖑᐊᓯ ᐊᑐᓂᑦ ᑭᒡᒐᕐᑐᓕᕐᓯᐅᒃ ᒫᓐᓇᒥᑦ ᐱᒋᐊᕐᓗᒍ ᑭᖑᓂᖓᒍᓪᓗ, ᐊᑎᕋᓕ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᖃᑦᑕᕐᓂᐊᕈᓐᓃᕐᐸᓯ ᑐᓂᕐᕈᑎᑦᓯᓐᓄᑦ ᒎᑎᓐᖑᐊᑦᓯᓐᓄᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 39:7

ᐊᑎᕋ ᐃᑦᔪᕐᓁᑦᑐᖅ ᖃᐅᔨᔭᐅᑎᑦᓱᒪᒐᒃᑯ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ; ᐊᑎᕋᓗ ᓇᕐᕈᓇᕐᓯᑎᑕᐅᖁᔪᓐᓁᕋᒃᑯ; ᐃᓅᖃᑎᒌᒡᔪᐊᓪᓗ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᐃᓯᑭᐊᓕᐅᑉ ᐊᒡᓚᖏᑦ 43:9

ᒫᓐᓇ ᐊᓯᓐᓂᒃ ᒎᑎᖃᕐᓂᕐᒥᒃ ᓄᖅᑲᐅᑦᔨᓕᕐᓕᑦ ᐊᖓᔪᖅᑳᕐᔪᐊᕕᓂᖏᑕᓗ ᑎᒥᕕᓂᖏᑦ ᐅᕙᓐᓂᑦ ᐅᖓᓯᒃᓯᑎᑕᐅᓗᑎᒃ, ᑕᕝᕙ ᐊᑯᕐᖓᓐᓂ ᐃᓂᖃᓕᕐᓂᐊᕐᐳᖓ ᐃᓱᖃᖏᑦᑐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 48:35

ᐊᕙᓗᕐᔪᐊᑉ ᐊᖏᓂᖓ ᑐᑭᒧᑦ ᓴᓂᒧᓪᓗ 10,080ᓂᒃ ᐆᒃᑑᑎᓂᒃ ᐊᖏᓂᖃᕐᑐᒃᓴᐅᕗᖅ; ᒫᓐᓇᒥᑦ ᐱᒋᐊᕐᓗᒍ ᐃᒡᓗᒐᓴᒡᔪᐊᑦ ᑖᒃᑯᐊ ᐊᑎᖃᕐᑐᒃᓴᐅᕗᑦ, ᐊᑕᓂᖅ ᑕᕝᕙᓃᑉᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 6:13

ᖃᐅᔨᔪᒫᕐᐳᓯᓗ ᐅᕙᖓ ᐊᑕᓂᐅᒐᒪ, ᑐᖁᖓᔪᑦ ᒎᑎᓐᖑᐊᖃᕐᕕᖕᓂ ᑐᓂᕐᕈᓯᕐᕕᖕᓂᓗ ᓯᐊᒻᒪᕐᓯᒪᓕᕐᐸᑕ, ᐱᖑᕐᓂᓗ ᐳᕐᑐᔪᓕᒫᓂ, ᖃᖅᑬᓪᓗ ᖄᖏᓐᓂ, ᓇᐹᕐᑐᐃᓪᓗ ᑐᖑᔪᕐᑐᑦ ᐊᑖᓂ, ᓇᐹᕐᑐᕐᔪᐊᓪᓗ ᐅᖃᐅᔭᖅᑯᕐᑐᔪᑦ ᐊᑖᓂ, ᓇᓂᑐᐃᓐᓇᕐᓗ ᒎᑎᓐᖑᐊᓕᒫᓄᑦ ᒪᒪᕐᑐᓂᒃ ᑐᓂᕐᕈᓯᕐᕕᖏᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 6:5

ᐃᓴᕆᐊᓕᒥᐅᑦ ᑎᒥᕕᓂᖏᑦ ᒎᑎᓐᖑᐊᖏᑕ ᓵᖓᓄᐊᕐᑎᑦᓱᒫᕐᐸᒃᑲ; ᓴᐅᓂᕕᓂᖏᓪᓗ ᑐᓂᕐᕈᓯᕐᕕᖏᑕ ᐊᕙᑖᓄᑦ ᓯᐊᒻᒪᒃᑎᓪᓗᒋᑦ.

ᕼᐆᓯᐊᑉ ᐊᒡᓚᖏᑦ 14:8

ᐃᕗᕅᒥ, ᒎᑎᓐᖑᐊᑦ ᖃᓄᐃᓕᐅᕆᐊᖃᕐᐸᒃᑳ? ᐅᕙᖓ ᑭᐅᓯᒪᕗᖓ ᐃᓕᑦᓯᓐᓂᒡᓗ ᑲᒪᓕᕐᓗᖓ. ᑐᖑᔪᐃᓐᓇᕐᑐᑎᑐᑦ ᓇᐹᕐᑐᑐᑦ ᑍᒤᑉᐳᖓ, ᐱᕈᕐᑎᑕᑎᑦ ᐅᕙᓐᓂᑦ ᐱᕗᑦ.”

ᔪᐃᓕᐅᑉ ᐊᒡᓚᖏᑦ 3:17

“ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᓯ. ᐃᓂᖃᕐᐳᖓ ᓮᐅᓂᒥ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ. ᔨᕉᓴᓕᒻ ᐃᑦᔪᕐᓁᑦᑑᔪᒫᕐᐳᖅ ᓄᓇᖃᕐᑐᑐᖃᐅᖏᑦᑐᑦ ᑎᑭᓪᓗᑎᒃ ᓵᓚᖃᓚᐅᕐᓯᒪᓂᐊᕈᓐᓁᕐᐳᑦ.

ᒨᓯᓯ ᐱᖓᔪᖏᑦ 26:30

ᑐᒃᓯᐊᕐᕕᒃᓯ ᖃᖅᑲᓃᑦᑐᑦ ᓯᖁᒥᒐᔭᕐᐸᒃᑲ, ᐃᓯᕐᓗᐊᕐᓂᑎᑦᓯᕕᖁᑎᓯᓗ ᑐᓂᕐᕈᓯᕐᕖᑦ ᐅᕐᕈᑎᓪᓗᒋᑦ, ᑎᒥᓯᓗ ᑐᖁᖓᔪᑦ ᐃᒋᒃᑲᔭᕐᐸᒃᑲ ᒎᑎᓐᖑᐊᑦᓯᓐᓄᑦ ᓯᖁᒥᓯᒪᓕᕐᑐᓄᑦ, ᓂᓐᖓᐅᒪᓗᖓ.

ᒤᑲᐅᑉ ᐊᒡᓚᖏᑦ 4:7

ᑐᓯᐊᑦᑐᑦ ᐊᒥᐊᑰᑎᑦᓱᒫᕐᐸᒃᑲ, ᐊᐅᓪᓚᕈᑦᔭᐅᓯᒪᔪᓪᓗ ᓲᖑᓯᑎᑦᓱᒫᕐᐸᒃᑲ ᐃᓅᖃᑎᒌᒡᔪᐊᕐᖑᕐᑎᓪᓗᒋᑦ; ᐊᑕᓂᖅ ᐊᐅᓚᑦᓯᔪᒫᕐᒪᑦ ᑖᒃᑯᓂᖓ ᓮᐅᓂᐅᑉ ᖃᖅᑲᖓᓂᑦ ᒫᓐᓇᒥᑦ ᐃᓱᖃᖏᑦᑐᒧᓪᓗ.

ᓴᑲᕅᐊᐅᑉ ᐊᒡᓚᖏᑦ 13:2

ᐅᓪᓗᖅ ᓇᓪᓕᐅᑎᒃᐸᑦ ᐱᔪᖃᕈᒫᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, ᒎᑎᓐᖑᐊᑦ ᐊᑎᖏᑦ ᓄᖑᑎᑦᓱᒫᕐᐸᒃᑲ ᑕᒫᖓᑦ ᓄᓇᒥᑦ, ᐃᖅᑲᕐᑕᐅᖃᑦᑕᕈᓐᓁᕈᒫᕐᐳᓪᓗ, ᓇᓚᐅᑦᑍᔪᑦ ᓄᓇᒥᑦ ᓄᖅᑲᕐᑎᑦᓱᒫᕐᐸᒃᑲ ᐊᓂᕐᓃᓪᓗ ᐱᐅᖏᑦᑐᑦ ᓄᓇᒥᑦ ᐊᐅᓪᓚᕐᑎᑦᓱᒫᕐᐸᒃᑲ.

ᓴᑲᕅᐊᐅᑉ ᐊᒡᓚᖏᑦ 13:3

ᐃᒫ ᐱᔪᖃᕈᒫᕐᐳᖅ, ᓇᓚᐅᑦᑍᔪᖃᒃᑲᓐᓂᕋᓱᐊᕐᐸᑦ, ᓇᖕᒥᓂᖅ ᐊᑖᑕᖓᑕ ᐊᓈᓇᖓᑕᓗ ᐊᓂᕕᒋᓚᐅᕐᑕᖏᑕ ᐅᖃᐅᑎᔪᒫᕐᐹ, ‘ᐆᒪᔭᕆᐊᖃᓐᖏᓚᑎᑦ, ᐊᑕᓂᐅᑉ ᐊᑎᖓᓂ ᓱᓕᖏᑦᑐᓂᒃ ᐅᖃᐅᓯᖃᕋᕕᑦ’; ᐊᖓᔪᖅᑳᖏᒃᑕᓗ ᑲᐱᔪᒫᕐᐹ ᓇᓚᐅᑦᑍᑎᓪᓗᒍ.

ᒫᑎᐅᓯᐅᑉ ᐊᒡᓚᖏᑦ 28:20

ᐊᔪᕆᕐᑐᕐᓗᒋᓪᓗ ᒪᓕᖁᓪᓗᒋᑦ ᐃᓕᑦᓯᓐᓄᑦ ᐱᖁᔨᓂᕆᓚᐅᕐᑕᓐᓂᒃ ᑕᒤᓐᓂᒃ; ᑕᑯᒋᑦ ᑍᒪᓐᖓᓕᒫᖅ ᐃᓚᒋᓂᐊᕐᐸᑦᓯ, ᓯᓚᕐᔪᐊᑉ ᓇᒡᒐᑖ ᑎᑭᓪᓗᒍ.”

ᔪᐊᓇᓯᐅᑉ ᐊᒡᓚᖏᑦ 1:14

ᐅᖃᐅᓯᖅ ᑎᒥᑖᓚᐅᕐᐳᖅ ᐃᓅᖃᑎᒋᓕᓚᐅᕐᐸᕗᓪᓗ, ᓂᕐᑐᕐᓇᕐᓂᕐᔪᐊᖓ ᑕᑯᓚᐅᕐᐸᕗᑦ, ᓂᕐᑐᕐᓇᕐᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᓂᑐᐊᖑᓂᕐᒥᓄᑦ; ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓱᓕᑦᓯᐊᕐᓂᕐᒥᒡᓗ ᑕᑕᑦᑐᖅ.

ᔪᐊᓇᓯᐅᑉ ᐊᒡᓚᖏᑦ 14:23

ᔩᓱᓯᐅᑉ ᑭᐅᕚ, “ᐅᕙᓐᓂᒃ ᓇᒡᓕᒍᓱᒃᑑᑉ, ᐅᖃᐅᓯᒃᑲ ᒪᓕᖕᓂᐊᕐᐰᑦ, ᐊᑖᑕᒪᓗ ᓇᒡᓕᒋᓂᐊᕐᐹ, ᐊᑖᑕᒐᓗ ᐅᕙᒍᒃ ᑎᑭᓛᕐᐸᕗᒃ ᑕᕝᕙᓂᓗ ᐊᖏᕐᕋᖃᓕᕐᓗᓄᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:16

ᓱᓇᒥᒡᓗ ᐊᖏᖃᑎᒌᒍᓐᓇᕐᐹᒃ? ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᒎᑎᓐᖑᐊᕐᓗ? ᐅᕙᒍᓪᓕ ᒎᑎᐅᑉ ᐃᓅᖏᓐᓇᕐᑑᑉ ᑐᒃᓯᐊᕐᕕᒡᔪᐊᖁᑎᒋᕚᑎᒍᑦ. ᒎᑎ ᐅᖃᕐᓯᒪᖕᒪᑦ: “ᐃᓂᒋᓂᐊᕐᐸᒃᑲ ᐃᓅᖃᑎᒋᓗᒋᓪᓗ, ᑖᒃᑯᓄᖓ ᒎᑎᒋᔭᐅᓂᐊᕐᐳᖓ, ᑖᒃᑯᐊᓗ ᐃᓄᖁᑎᒋᓂᐊᕐᐸᒃᑲ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:3

ᑕᕝᕙᓂ ᐃᒡᓗᒐᓴᖕᓂ ᐆᒥᓇᕐᑎᑕᐅᓯᒪᔪᖃᕐᓂᐊᕈᓐᓃᕐᐳᖅ ᓱᓇᒥᒡᓘᓐᓃᑦ. ᒎᑎᐅᓪᓕ ᓄᕐᕋᐅᔭᐅᓪᓗ ᐃᒃᓯᕙᐅᑕᕐᔪᐊᖓ ᑕᕝᕙᑑᔪᒫᕐᐳᖅ ᑕᕝᕙᓂ, ᐱᔨᖏᑕᓗ ᐅᐱᒌᓐᓇᕈᒫᕐᐹᑦ;